طلبات نوتة أ / عادل صموئيل الجزء الثانى - الصفحة 819

**عادل صموئيل** · #**8181** 01/06/2021, 19h10

اخى العزيز عاصم

اللى كاتب النوت دى مش عارف مين هو شاطر بس فوق مستوى الشعب
يعنى انت من حسن حظك ان انا ربنا وفر لى كذا ظرف لما تخلطهم على بعض يطلع الشوية الحلوين الل انت قلتهم .. يعنى اول حاجة الل كتب اللحن ده من المؤكده ان سمع اللحن فى الراديو ومن المؤكد انه مش بيعزف كمنجة او عود يعنى انا عشان عزفت مع العمالقة دول فترة طويلة وشربت طريقتهم ده اولا ثانيا عوامل تانية خطيرة يعنى كنت يقعد على كرسى فى الفرقة وييجى قدامنا نوتة واسمع تعيقات الى قاعدين جنبى لما يكون نوتة مهببة ونوت سهلة او حد زى عبد الحليم نويرة مايسترو اد الدنيا كتير اوى لما قال لى انت كاتب كويس او لما المايسترو سلين سحاب قال عليا انى نقلة فى التدوين الموسيقى وكمان ماتنساتش انى كنت بالليل بشتغل مع العالقة والصبح مدرس موسيقى مع مبتدئين وعشان ربنا يصبرتى عل ما بلانى كنت بحب يعزفوا موسيقى جميلة يعنى حاجة للست او عبد الحليم مثلا او عد الوهاب مش الموسيقى الهباب اللى الوزارة بتبعتها يعزفوها وكان يوم عيد غى الوازرة كلها فى مصر كلها لما قلبت النظاموبدل ما كانوا بيعزفوا موسيقى ماسخة بقيت اخليهم يعزفوا موسيقى جميلة وكان بالطبع لازم ابسط النوتة عشان تبقى سهلة لأن للعلم القراءة والعزف ده ممارسة وفيه مدرسين موسيقى كتير بيقعدوا يفعصوا فى النوت يعنى لما تكون النوت سهلة انا خليتهم يشتغلوا بدل ما يقرفوا من الشغل ولما ظهرت المتيجة وطلعت طريقتى صح الحمد لله ابتدين انسق فيها .. فيه حاجة مهمة جدا .. مع ام كلثوم بالذات كانت الفرقة بتظبط طبقة صغيرة يعن اللحن بيبقى اصلا بيتعزف فى الفرقة من دو لكن انت فى الراديو سامع من سى بيمول وحديث الروح الفرقة بتعزفها زى ما انا كاتبها من سى نص بيمول بس انت بتسمعها من لا نص بيمول .. فيه حاجة تانية وانا بدون اى نوت .. ساعات بعد ما بكتب خمس اسطر بحس انها صعبة اروح افكر اسهلها ازاى واكتبها تانى .. لأن الموضوع مش اداء واجبا لموضوع قيمة النوت نفسها يعنى انت عندك 16نوت ليا مثلا يبقى بتعزف 16 مقطوعة مش زمان كان كتاب فى 30 نوت صاحب الكتاب يخاف يقرب من نصهم .. وبعدين برضه حاجة انا كمدون لما ادون نوت واروح بيها لفرقة .. المفروض ان المدون هو اللى بيقود الفرقة فى الاستديو عشان حافظ شغله .. ورئيس الفرقة بيقودها فى الحفلة لكن الاساس المدون طبعا .. بيبقى شكلى حلو لما ادخل على فرقة واحط قدامهم نوت سهلة بحس انهم مبسوطين منى .. ولما ادخل عليهم تانى بحس انهم بيفرحوا لما يشوفونى وانا طبعا بصيت فى النوت الل انت حاططها عاملها من مقام مقرف ماحدش يعرف يعزفها يعنى فيه مناطق الكمنجات تفعص فيها يعنى لو اكتر من اتنيننص دييز فى الدليل ودى كمانالكمنجات مش بتحبها يعنى احلا حاجة زى ما انت كاتب لأن مع معاشرة العتمالقة برضه الموسيقى ذكاء وخلى بالك من كل كلمة قلتها .. يعنى كلمة فوق مستوى الشعب هو بيبقى شاطر بس بينى وبينك حمار يعنى انت لو قسمت الشعب حتلاقى 99 % مستمعين وواحد % بتوع كونسيرفاتوار .. والمفروض انا بعمل شغل يفهموه ويتمتعوا بيه ال 99% والواحد % يقولوا ايوه الراجل ده محترم او عمل مدرسة جديدة لكن لمافنان يحس انه بيعمل شغله للخاصة فقط ماحدش حايمسعه والشهرة بتيجى من عامة الشعب مش من الخاصة

**عادل صموئيل** · #**8182** 01/06/2021, 19h13

احبائى
اغنية مها صبرى

متزوقينى ياماما

مع اطيب تحياتى

**muhamadibra** · #**8183** 02/06/2021, 06h12

اقتباس:

المشاركة الأصلية كتبت بواسطة عادل صموئيل

احبائى
اغنية مها صبرى

متزوقينى ياماما

مع اطيب تحياتى

يا بختك يا عم بكر - عارف سعادتك قد ايه -ان شاء الله المايسترو يسمح وقته بتدوين سيدى أنا
https://www.youtube.com/watch?v=5Q87euPOBEk
د محمد ابراهيم

**بكر محمد دحدولي** · #**8184** 02/06/2021, 11h55

شكرا جزيلا استاذ عادل على لتلبية طلبي بتدوين اغنية متزوقينى ياماما لمها صبري اشكرك من كل قلبي .

ربنا يسعدك يارب ويخليك لنا يا استاذ عادل

مع ارق تحياتي بكر

**Madeleine** · #**8185** 02/06/2021, 12h32

مرحبا الاستاذ الفاضل عادل
ياريت لوسمحت تنوط اغنية ليلى نظمي
https://youtu.be/wCra13Z-2zA

**عاصم المنشاوى** · #**8186** 03/06/2021, 11h34

شكرا لأستاذنا الكريم عادل صمويل على عطائه....وأسعد الله أيامك كما تسعدنا

**عاصم المنشاوى** · #**8187** 03/06/2021, 14h17

أستاذنا/

لو لحضرتك مزاج تنوت اغنية "الثلاثي المرح"...صباح الخير...صباح نادى ..ياشمس ياطالعة بتهادى"

من اغنيات الصباح اللى الراديو كان بيذيعها زمان عشان يديك جرعة تفاؤل ونشاط...زى ياصباح الخير ياللى معانا لأم كلثوم.. ياحلو صبح لقنديل واجمل صباح لمحرم فؤاد وابيض ياوردى والشمس بانت من بعيد لشادية وغيرهم...
الاغنية دى فعلا كلها طاقة ايجابية وخفيفة ووطنية كمان.....والغريب انها من كلمات الشاعرة :سلوى سلام...واحنا عندنا نادر جدا وجود اغانى لشاعرات زى "مكسوفة"لشادية وبليغ ودى من كلمات فريال سلام...ومعرفش هل فيه درجة قرابة..ولا لأ...
الاستاذ /عادل..
أنا ماسمعتش كتير عن ا.عبده داغر...هل كان معاكو فى الماسية...لان له يوتيوب بيقول ان الكمنجة اللى معاه من القرن الخمستاشر!!!!!.صحيح الكلام ده؟

**عادل صموئيل** · #**8188** 03/06/2021, 23h46

احبائى

ليلى نظمى
ماشربش الشاى

مع اطيب تحيات

**basharbsh** · #**8189** 04/06/2021, 08h09

ارجو من الاستاذ عادل صموئيل تدوين اغنية حبيبة امها بشكل صحيح وسليم لان النوتة الموجودة في المنتدى غير صحيحة اطلاقا

النوتة دى مش عاجباك ؟
هذا هو رابط الاغنية
https://youtu.be/0NTG6TxUs9g

**Madeleine** · #**8190** 04/06/2021, 16h56

اقتباس:

المشاركة الأصلية كتبت بواسطة عادل صموئيل

احبائى

ليلى نظمى
ماشربش الشاى

مع اطيب تحيات

مرحبا الاستاذالكبير عادل
شكرا كلك زوق الله يفرح قلبك
فرحت قلبي على تنوط ماشربش الشاى