الوافية مغنية و ممثلة جزائرية اشتغلت في سنوات الستينلت و السبعينات اخذت شهرة كبيرة بأغنية أنا الوحدانية من كلمات و الحان محبوب باتي التي أعادتها المطربة فلة عبابسة في سنة 1993 غنت في السبعينات تحت قيادة الصايم الحاج في الإذاعة و التلفزة الجزائرية لمدينة وهران مع آخرين أحمد صابر كريم و سلمى .
اليوم ارفع لكم أغنية لها من اللون الصحراوي من كلمات محمد لحبيب حشلاف بسم لسمر 290957816_10160017134074686_8561282443000468564_n.jpg img032.jpg
التعديل الأخير تم بواسطة : عطية لزهر بتاريخ 17/09/2023 الساعة 17h49
وهذه أغنية بغيته للمطربة وافية المطربة المنسية
بغيته بغيته إذا بغيتوني بغوه كيما أنا بغيته
هويته هويته علاش تغروه يا كانا رضيته
على الزايدين هبالي ديما تحرشوه علي حسدتوني في ضي هلالي و قلتولو يسلم فيا
قهرتوني تغير حالي وبيا ما دريتو
الحاسد راه يبقى غاير لاهي بغصته و هوالو وحرشتوه زهو الخاطر ما نفع فيه حتو والو
قلتو كلام فيا ياسر قلتو الي بغيته
وهذه أغنية درتو اللوم فيا للمطربة وافية
درتو اللوم فيا وقهرتوني بالكلام
ضحكتو علي وعلاش خليتو دنيتي ظلام
ماكان من بغى يعذرني وعلاه قاسيين حبابي
وعلاه قاسيين يا ناسي
يا ناس رادلي مكتوبي وساعفت الأقدار ياخوتي
ما فرحت ما وفى مكتوبي و الهم زاد جار
زادني ملامكم حيرني خلاني حزين يا رايي
وعييت صابرة لضراري و رويت من المحان
و قدات في الكنين جماري و السر راه بان
كثروا غصايصي و تهموني الحساد ياسرين
وللمطربة وافية هذه الأغنية الجميلة بعنوان نحكي بأسراري
نحكي بأسراري من الغربة و خروج أوكاري من وهران آه بنت الهواري
يا الغادي انا نواصيك روح لماليها قوللهم مازال نجيها يدور الفلك وتزول كداري
راني نستنى دايما في بلادي نتمنى نرجع ليها ونتهنى ونولي في وسط اجواري
غنت المطربة وافية أغنية رائعة بعنوان هذا زمان
هذا زمان انا غزالي راح عليا وخلاني هذا زمان يا الغالي راح عليا وخلاني
تركني وماسألشي عليا خلى نارو تلهب فيا شحال كواني من كية ضجروا فرحوا عدياني
هذا زمان من الي نساها راح عليها وخلاها
هجرني وخلاني وحدي حيرانة وايدي على خدي فراقو زاد على نكدي وتركني وفي الحين انساني
راح وخلاني غريبة مالقيتش حبيب ولا حبيبة نحكيلو بنار الي لهيبة ويفيدني بكلمة ترضاني
يرجع ويولي ليا تصحى دموعي من عينيا جميع من قال كلمة فيا يبقى حاير يا اخواني
أيضا غنت المطربة وافية أغنية بعنوان يا أختي
يا أختي يا بنت الجزاير ما تبعيش ميل هواك
لا يغرك وهاج ناير كوني شريفة في دنياك
يا اختي والله قدرك عالي اياك تخوني العهد الغالي
نرضى حالك يشبه حالي العين الي تشوفك ترضاك
يا اختي بنت العز والهمة مشهورة بالدين و الحشمة
والجود والكرم والحرمة شهدلك العالم وحياك
يا اختي تبعي نهج اجدادك وارعي حرمة اهلك و اولادك
يا اختي تفخر بيك بلادك بنت الصيل ما تجيب هلاك