دموع فى عيون وقحة - الصفحة 2

**ابو سيف المصري** · #11 12/03/2010, 14h20

[QUOTE=الألآتى;410027]

إخوانى الأعزاء

شوية قزقزة لحد ماتُفرج

مقدمة مسلسل ( دموع فى عيون وقحة )

من أعمال الموسيقار عمار الشريعى

وتنفيذ العبد لله

السلام عليكم

تسلم يااستاذ ياكبير على هذه الموسيقة انا بحبها جدا ودائما لما المسلسل يتعرض احب اسمعها واشوف المسلسل

**egmagdi** · #12 12/03/2010, 20h41

تحفة جميلة يا مايسترو
ادفع نص عمرى واسمعك لايف

**abuzahda** · #13 12/03/2010, 21h27

إبتسامات في عيون واضحة

علشان سمعتها و انا مُبتـَسِم

فكرتني بأيام حلوة ، يا مصنع الحلويات

يا أستاذ محمد يا مايسترو

مع إني شاربها من إيد آخر الظرفاء ، عمّنا عمّار الشريعي

كنت عاملها صوت إقلاع ويندوز ، و رنة ماسجات و خلافـُه

لكن الليلة دي الطعم مختلف ، حاسس إني بسمعها (كلها) على كـَوَلة دفيانة

،

و كل ما اسمع بديعة من بدائعك ، أسأل نفسي:

أمال لو معاك أوركستر عازفين ، هتعمل فينا إيه ؟!

صدق اللي قال: الشاطر يغزل برجل كناريا

.

**الألآتى** · #14 13/03/2010, 03h51

اقتباس:

المشاركة الأصلية كتبت بواسطة محمدرمضان ماضي

بسم الله الرحمن الرحيم

الله ينور عليك يا أستاذنا يا مايسترو
أخيار موفق جدا ً، مقطوعة ولا أروع .....
هي ورأفت الهجان من أجمل ألحان
عمار الشريعي علي الإطلاق
مش عارف حينا يبدأ اللعب علي الناي بحس فورا ً
بمصر وعظمتها ، طيبة شعبها وشهامتة ، جملة كلها أصالة
أداء جميل ومتميزيا أستاذنا ربنا يخليك ،
والي المزيد من الإبداع ، تقبل تحياتي
والسلام عليكم
ورحمة الله وبركاته.

أشكرك أخى العزيز محمد .. بالفعل كانت النقلة موفقة .. وخاصة أن الشريعى إعتمد طريقة الكروماتيك فى التحويل .. أشكرك ..

**الألآتى** · #15 13/03/2010, 03h52

[QUOTE=ابو سيف المصري;410312]

اقتباس:

المشاركة الأصلية كتبت بواسطة الألآتى

إخوانى الأعزاء

شوية قزقزة لحد ماتُفرج

مقدمة مسلسل ( دموع فى عيون وقحة )

من أعمال الموسيقار عمار الشريعى

وتنفيذ العبد لله

السلام عليكم

تسلم يااستاذ ياكبير على هذه الموسيقة انا بحبها جدا ودائما لما المسلسل يتعرض احب اسمعها واشوف المسلسل

كلنا بنحب المسلسل .. لأن له ذكريات فى نفس كل واحد منا

أشكرك ياعزيزى ..

**الألآتى** · #16 13/03/2010, 03h54

اقتباس:

المشاركة الأصلية كتبت بواسطة egmagdi

تحفة جميلة يا مايسترو
ادفع نص عمرى واسمعك لايف

ياعم مجدى .. من غير ماتدفع نص عمرك ولا حاجة .. أنا تحت أمرك ياحبيب قلبى ..

**الألآتى** · #17 13/03/2010, 03h55

اقتباس:

المشاركة الأصلية كتبت بواسطة abuzahda

أمال لو معاك أوركستر عازفين ، هتعمل فينا إيه ؟!

صدق اللي قال: الشاطر يغزل برجل كناريا

العين بصيرة والإيد قصيرة ياعم السيد

صباح الفل يارافع معنوياتى ..

**سعدالشرقاوى** · #18 14/03/2010, 11h24

دايما بتاخدنا لعالم تانى
والله كل ما اسمع لك حاجه
اكتب قصيدة جديده
والغزاله تروق
وكانى نضفت الهارد
وعملت عليه اسكان

**الألآتى** · #19 14/03/2010, 17h19

اقتباس:

المشاركة الأصلية كتبت بواسطة سعدالشرقاوى

دايما بتاخدنا لعالم تانى

والله كل ما اسمع لك حاجه
اكتب قصيدة جديده
والغزاله تروق
وكانى نضفت الهارد

وعملت عليه اسكان

ربنا يزيدك روقان كمان وكمان ياعم سعد

أنا لى الشرف إنى أكون السبب فى روقان البال والقريحة ..

**ثومة 72** · #20 15/03/2010, 06h56

ربنا يسعدك ويحقق أمانيك

انا برضو ما شفت الحاجاات الجميلة دى وسألت والدى عن المسلسل دا ، قالى فى حياتى ما سمعت احلى من المقدمة الموسيقية والمسلسل دا لى معاه ذكريات وقمت سمعتهاله على طول وسمعها وكانت مفأجأة ليه انبسط جدا و راح داعيلك دعوة قال فيها بالضبط ربنا يحقق احلامك ويسلم ايد اللى عملها بالروعة دى وسمعنا ليها تانى بعد الزمن دا كله .. قالى اسمه ايه ، اسمه الألأتى يا والدى ..
وعلى طول افتكر اغنية ذكريات للست وقال (ذكريات عبرت أفق خيالى )

ربنا ما يحرمنا منك يا صانع السعادة والبهجة انبسطت من الشغل دا جدا ، وبسطت والدى جدا ، وتصدق دى الوقت نفسي اشوف المسلسل دا ...

تحياتى العطرة لك