لمسة وفاء للفنانة وردة فى ذكراها الأولى - الصفحة 5

**د.حسن** · #41 21/05/2013, 08h21

اقتباس:

المشاركة الأصلية كتبت بواسطة محمد دياب

الله عليك يادكتور حسن
شيئ مذهل بالفعل ربنا يخليك يادكتور الصورة دي مدام وردة داخت عليها اكتر من عشر سنين وكلفتني أني أدور عليها وللأسف لم أجدها في أرشيف دار الهلال ولا في أرشيف الأهرام

كيف تبحث أخى الغالى فى أرشيف دار الهلال وأرشيف الأهرام
ولا تبحث فى أرشيف د. حسن ؟

اقتباس:

المشاركة الأصلية كتبت بواسطة محمد دياب

المطربة الكبيرة الراحلة قالت لي أن الصورة هذة سرقت أوفقدت وهي تنقل أثاث منزلها من شقتها في شارع المرعشلي في الزمالك إلى شقتها الجديدة في شارع عبد العزيز آل سعود في المنيل

برئ يا بيه .. عمرى مارحت شارع المرعشلى ولا شارع عبدالعزيز

اقتباس:

المشاركة الأصلية كتبت بواسطة محمد دياب

في هذه الصورة الفريدة التي تضم مع الزعيم عبد الناصر أنور السادات والمشير عبد الحكيم عامر يعني بجد صورة بمليون جنية

طبعاً علشان إحنا حبايب فى سماعى
كفاية نص مليون جنية
فى إنتظار التحويل

مع تحياتى

**محمد دياب** · #42 21/05/2013, 09h40

يادكتور حسن ياعسل
بما إنك عمرك مارحت شارع المرعشلي ولا شارع عبد العزيز آل سعود ياريت تدورلنا بالمرة على الميدالية اللي إتلطشت يمكن تكون وقعت في جيبك كده والا كده وإنت مش واخد بالك وليك الحلاوة بتاعتها
ربنا مايحرمنا منك ولا من كنوزك حبيب قلبي انا كنت هتجنن وألاقي الصورة دي الاسبوع اللي فات كتبت موضوع في الطواكب تحت عنوان "وردة الجزائرية لعبة السياسة لا لعبة الأيام" وكانت الصورة مهمة جدا للموضوع لكن معليشي

أرفع هنا آخر تراكين من ألبوم "يامروح البلاد"

يامحلا جمالك ياعروسة
ياظالمني

**محمد دياب** · #43 21/05/2013, 11h16

ياناس ياناس لأ مش كده
الحب ده ده أصله رضا
مرحلة سيد مكاوي منتصف الثمانينات
للشاعر محمود النواب مؤلف "ياما ليالي"
وردة الجزائرية النسخة التجارية تسجيل ستديو
أغنية لم تلاقي حظها من الشهرة مثل باقي أعمال الشيخ سيد لوردة

**د.حسن** · #44 21/05/2013, 13h13

اقتباس:

المشاركة الأصلية كتبت بواسطة محمد دياب

أما عن ألأغنية النادرة "قالولي ظالم" التي رفعتها بجد أنت عندك مغارة على بابا دي من بين خمسة عشر أغنية قدمها الملحن السوري الكبير الراحل محمد محسن لوردة

ومن نفس المغارة
أهديكم أخى الغالى والجميع

- دق الحبيب دقة
- وفر مراسيلك

مع تحياتى

**عاصم المغربي** · #45 21/05/2013, 23h31

تسلم ايدك أ. حسن بجد الكلمات تعجز في وصف مدى كرمك
وروعة مفاجأتك
ربنا يديك الصحة ويبعد عنك كل شر
بجد انت فعلا نهر الكرم

وتحية أ. محمد دياب وبجد اول مرة اعرف ان الست وردة رحمها الله فقدت الوسام اللي تسلمته من
الرئيس عبد الناصر
وبجد زعلت جدا عشان انا مرة سمعت ليها حوار قالت انها كانت بتفتخر بالتكريم ده جدا واكيد ضياعه منها احزنها كتير
الله يرحمها وياريت لو نلاقي الوسام ده

**محمد دياب** · #46 25/05/2013, 14h15

حلقة خاصة من برنامج " الغنوة فكرة" للشاعر والإذاعي ناصر رشوان الثلاثاء الماضي تضم أغنيات نادرة للمطربة وردة
1- الحرب والسلام عبد الرحيم منصور أحمد فؤاد حسن
2- الصاعدون إلى الجبال صالح الخرفي رياض السنباطي
3- مليون شهيد على مهدى عبد العظيم محمد
4- سلام يامصر نبيلة قنديل علي إسماعيل
ونأسف لقطع الأغنية الأخيرة قبل إكتمالها والله على عيني قد إيه الأغنية دي جميلة
سماعا طيبا

**د.حسن** · #47 25/05/2013, 15h00

اقتباس:

المشاركة الأصلية كتبت بواسطة محمد دياب

سلام يامصر نبيلة قنديل علي إسماعيل
ونأسف لقطع الأغنية الأخيرة قبل إكتمالها والله على عيني قد إيه الأغنية دي جميلة

لا تأسف أخى الغالى أ. محمد
ها هى كاملة بمدة 6 ق و 24 ث
مع الشكر على كم المعلومات التى إحتوتها الحلقة
وأيضاً تلك الأغانى التى لم نسمعها من قبل
مع تحياتى

**محمد دياب** · #48 25/05/2013, 16h29

ياحبيب قلبي
وعلشان عيونك طلبت مليون شهيد إمبارح في طلبك عندنا لأن الأستاذ ناصر رشوان كان قطع الأغنية ليصحح إسك الملحن من عبد العظيم عبد الحق إلى عبد العظيم محمد وللأسف كان إسم الأول هو المسجل في سجلات الإذاعة كملحن للأغنية والفضل في عمليه التصحيح يعود إلى الأستاذ إبراهيم حفني قله جزيل الشكر

**د.حسن** · #49 26/05/2013, 08h48

اقتباس:

المشاركة الأصلية كتبت بواسطة محمد دياب

ياحبيب قلبي
وعلشان عيونك طلبت مليون شهيد إمبارح في طلبك عندنا

بارك الله فيك أخى الغالى أ. محمد
وبدورى أهديك أغنية ومالو
وأعتذر عن التأخير فى رفعها
مع تحياتى

**محمد دياب** · #50 29/05/2013, 16h21

أغنية "ولاد الحلال" لسيد مرسي وبليغ حمدي والتي تتهكم فيها وردة على عبد الحليم حافظ ، حفلة نادرة من معرض دمشق الدولي
أعتقد أنها تعود إلي العام 1975 ، أهداني إيها المخرج كريم كبارة فله جزيل الشكر
أخي الكريم دكتور حسن أنتظر وعدك لي بأغنية "لوسألوك" في حفلها المطول وكذلك حفلة "إيه وإلا إيه "