اغنية عن التكافل الاجتماعى و حق الجار على جاره.... الكلمات للشاعر العملاق عبد الفتاح مصطفى ... و اللحن للراحل الذى لم اجد له لحنا لم يعجبنى ...اشبهه دائما بصانع الارابيسك .....كثيرون جدا من يتعاملون مع الخشب ...و ما اندر من يتقن صناعة الارابيسك .
و فى هذا المقام اذكر حديثا لرسول الله صلى الله عليه و سلم جاء فيه ما معناه ( من كان عنده فضل ظهر فليعد به على من لا ظهر له . و من كان عنده فضل زاد فليعد به على من لا زاد له ) ....او كما قال صلى الله عليه و سلم .
كلمات الاغنية :
انا فى الزعبوط و الدفية
و البرد شديد و الله عليا
امال اش حال
جارى عبد العال
اللى ما جاب هدمة الشتوية
يللا يا عطعوط
خد له الزعبوط
و كفاية عليا الدفية
***
فى دك الليلة
انا و العيلة
قاعدين لمة
ماليين الدار
حوالين النار
و الدفا نعمة
جه فى بالى
قال لى يا خالى
اش حال ناسى
قاعد دافيان
ناسى العريان
و الشتا قاسى
ده انا فى الزعبوط و الدفية
و البرد شديد والله عليا
***
ربنا اعطاك
و النبى وصاك
على سابع جار
الشتا جه له
ما كسى عياله
و عياله صغار
و بدل ما تجيب
اربع جلاليب
اتنين يكفوا
و ادى الباقيين
لولاد تانيين
و قول ادفوا
ده انا فى الزعبوط و الدفية
و البرد شديد والله عليا
***
ده زمن خوان
و ملهوش امان
و معاك و عليك
قدم لغريب
فى الضيق و قريب
خيرك بايديك
شئ فاض و ناسيه
ولا مخبيه
خليه هدية
دى الهدمة الصوف
احسن معروف
فى الشتوية
ده انا فى الزعبوط و الدفية
و البرد شديد والله عليا
***
انا فى الزعبوط و الدفية
و البرد شديد و الله عليا
امال اش حال
جارى عبد العال
اللى ما جاب هدمة الشتوية
يللا يا عطعوط
خد له الزعبوط
و كفاية عليا الدفية
*****
و مرفق ملف الاغنية .... فى تسجيل اشعر انه اسرع من التسجيل الذى تكرم برفعه اخى محمد سماعى فى صفحة قنديل....و مش عارف ايه السبب .
و الى لقاء نستكمل فيه الحديث حول هذه الاغنية و مبدعيها .