دعوه للمشاركه فى (((اغنيات متشابهه)))

[د.حسن]

[QUOTE=الباشاقمرزمان;482628]

المشاركة الأصلية كتبت بواسطة د.حسن

قفاشتك جميلة

ودى أحلى قفشة !!

قفشاتك جميلة

مع تحياتى

[محمد العمر]

المشاركة الأصلية كتبت بواسطة عفاف سليمان

ماشاء الله عليكِ غاليتى ليلى

مشاكره جميله وطيبه مثلك
تسلمين يا قمر

د.حسن أنت فين؟
فاتت من جنبنا
مع تقديري لمدام عفاف

[عفاف سليمان]

ماشاء الله نجاملكم فى الافراح يارب
ايه الاغنيات الحلوه دى
الفرح والشبكه والمهر والدبله
يارب يجعل ايامكم كلها افراح
دى بعض الاغنيات يارب متكونش موجوده سابقا فى مشاركاتكم والا اكون كررتها

ما تزوقينى ياماما اوام يا ماما
دا عريسى هياخذنى بالسلامه ياماما
مها صبرى
العيله عمالى لى الليله ميت الف حساب
والزفه من العتبه الخضره لسيدنا الحسين
ليلى نظمى
شفتوا العروسه اه شفتوا القمر الله
شفتوا العريس امال راجل سيدى الرجال
عايده الشاعر
العروسه النهارده اخر شياكه والعريس والله بردوا اخر شياكه
ليلى نظمى
عروسه انا العروسه زوقينى بالطرحه التُلى يامه لبسينى
اجمل وارق تحياتى لكم جميعا
اختكم عفاف

[عفاف سليمان]

المشاركة الأصلية كتبت بواسطة محمد العمر

د.حسن أنت فين؟

فاتت من جنبنا

مع تقديري لمدام عفاف

اهلا اهلا اخى
(((محمد العمر)))
شكلى كده هغير النظاره خالص
هههههههههههههه
فينك يا (((د حسن)))
اه وقعت ولا حدش سمى عليه
والله مع انى بحاول اكتب بدون تسرع لكن
الامر ميسلمش
مردودالك (((اخى محمد))) فى مشاركه اخرى
هههههههههههههه
والينا بمشاركات باغنيات من عندكم كى نسعد ونزيد المعلومات عندنا جميعا
اجمل وارق تحياتى
اختك عفاف

[محمد العمر]

الأخت الفاضلة مدام عفاف
في بادئ الأمر أسمحي لي أن أحييكِ
على هذه الفكرة الجميلة للموضوع
والتي من خلالها تشد من أواصر أعضاء المنتدى الكرام
(لا أريد أن أطيل هنا خوفاَ أن يعلق الدكتور حسن ويقول خطبة من خطب المسؤولين في التلفاز )
فيما يخص الأخطاء أو القفشات كما يسميها الدكتور حسن
فأنا أحييه على ذلك وخصوصاَ أضفائه الأسلوب الفكاهي
أثناء تبيانه للخطاء (محاولة منه تجنب امتعاض الطرف الأخر والفهم عن غير قصد)
ورسالته هذه هي ارشادية وتوضيحية وليس من باب الأنتقاد أو الأنتقاص لا سمح الله
بصراحة نحن ليس معصومون من الخطاء وليس مجبورين على تطبيق قواعد اللغة العربية حرفياَ أثناء المشاركات أيضاَ
لكن هناك بعض الأخطاء تغير معنى الجملة أو معنى الكلمة
على سبيل المثال لا الحصر
أنشاء الله الصحيح هو إن شاء الله
أو وهذه الاحظها بكثرة استخدام الياء بدل الأف المقصورة مثلاَ
منتدي والصحيح منتدى وغير ذلك أيضاَ
بخصوص دعوتكم لي بالمشاركة هنا فهي من دواعي سروري
تحياتي

[عفاف سليمان]

المشاركة الأصلية كتبت بواسطة محمد العمر

الأخت الفاضلة مدام عفاف

في بادئ الأمر أسمحي لي أن أحييكِ
على هذه الفكرة الجميلة للموضوع
والتي من خلالها تشد من أواصر أعضاء المنتدى الكرام
(لا أريد أن أطيل هنا خوفاَ أن يعلق الدكتور حسن ويقول خطبة من خطب المسؤولين في التلفاز )
فيما يخص الأخطاء أو القفشات كما يسميها الدكتور حسن
فأنا أحييه على ذلك وخصوصاَ أضفائه الأسلوب الفكاهي
أثناء تبيانه للخطاء (محاولة منه تجنب امتعاض الطرف الأخر والفهم عن غير قصد)
ورسالته هذه هي ارشادية وتوضيحية وليس من باب الأنتقاد أو الأنتقاص لا سمح الله
بصراحة نحن ليس معصومون من الخطاء وليس مجبورين على تطبيق قواعد اللغة العربية حرفياَ أثناء المشاركات أيضاَ
لكن هناك بعض الأخطاء تغير معنى الجملة أو معنى الكلمة
على سبيل المثال لا الحصر
أنشاء الله الصحيح هو إن شاء الله
أو وهذه الاحظها بكثرة استخدام الياء بدل الأف المقصورة مثلاَ
منتدي والصحيح منتدى وغير ذلك أيضاَ
بخصوص دعوتكم لي بالمشاركة هنا فهي من دواعي سروري

تحياتي

والله صدقت اخى الاستاذ
((( محمد العمر)))
والدنا الغالى
(( د حسن ))
بيساعدنا على تعريف الاخطاء بصوره جميله ورقيقه وخفة دم منه
حتى لا نزعل ويمتص غضبنا ولكن لا نغضب ابدا من والدنا الغالى لتصحيحه الاخطاء
لنا فى صورة قفشات جميله
وعلى سبيل المثال
كنت فى بادىء الامر وانا جديده بالمنتدى اخطىء ببعض كلمات لفظ الجلاله او الايات القرآنيه وكان يصححها لى وكنت افكر
وحدث هذا معى مرارا وتكرارا
وبينى وبينكم قلت لازم اخلى بالى من الكتابه
واذا وجدت نفسى امام كلمه لا استطيع ان اكتبها او خوفى من تشكيلها اغيرها بكلمه قريبه منها
حتى اتجنب الخطاء ولو انى عارفه اكيد هيبقى فى كلامى الان اخطاء
هههههههههههههههه
لكن لما بشوف الاخطاء بتصحيح من والدنا الغالى بفطس على نفسى من الضحك واقول صحيح ايه اللى عملته انا ده
وفى كلمه كنت دائما اكتبها غلط وهى كلمه
صحيح كنت بكتبها صحصح
ههههههههههههه
وكان دائما ما يقفشها لى استاذنا
((( الشاعر رائد عبد السلام)))
وكنت اضحك ايضا واقول
صحصح ايه دى اللى انا كتبتبها
ههههههههههههههه
المهم اخى هننتظر مشاركاتك إن شاء الله
واكيد هتكون جميله
لك وللجميع خالص التحيه والتقدير
اختك عفاف

[محمود العيادى]

المشاركة الأصلية كتبت بواسطة د.حسن

حبيب قلبى أ. محمود

بمشاركتكم تلك قد أصبتم كبد الحقيقة ووصلتم لقلب الموضوع رأساً على عقب
وأرجو أن يتسع صدركم لتستطيعوا حل عظام المشاكل بدون جلد الذات
( حد فهم حاجة ؟ )
آهى دى عاملة زى تصريحات المسئولين فى التليفزيون

مع تحياتى

الحبيب الدكتور حسن اشكرك علي عنياتك المركزه في الرد علي مشاركاتي و اسف للتاخير لاني كنت في غيبوبه و الحمد لله حصلت الافاقه لاني كنت واكل اكله سمك بنج و كانت معده من ايدين الحاجه ام محمد لاني بعد المعاش ماشي في المصاريف بالقلم و القسطره و يدوب اروح البنك رياس اصرف فلوس علي القد و الاعياد جايه و لازم اصالح اخواتي و مفيش داعي للخصام لان المصارين في البطن بتتخانق وكلامهم علي راسي و الصلع خير لان ماحك جلدك مثل ظفرك و الوقايه خير من العلاج و العزوه مع الاخوات تامين صحي .....و تحياتي لاني رايح اخد حقنه و لك كبسوله قبلات و ارجوك تقبل ضغطي للرد .

[محمود العيادى]

المشاركة الأصلية كتبت بواسطة عفاف سليمان

ماشاء الله نجاملكم فى الافراح يارب

ايه الاغنيات الحلوه دى
الفرح والشبكه والمهر والدبله
يارب يجعل ايامكم كلها افراح
دى بعض الاغنيات يارب متكونش موجوده سابقا فى مشاركاتكم والا اكون كررتها

ما تزوقينى ياماما اوام يا ماما
دا عريسى هياخذنى بالسلامه ياماما
مها صبرى
العيله عمالى لى الليله ميت الف حساب
والزفه من العتبه الخضره لسيدنا الحسين
ليلى نظمى
شفتوا العروسه اه شفتوا القمر الله
شفتوا العريس امال راجل سيدى الرجال
عايده الشاعر
العروسه النهارده اخر شياكه والعريس والله بردوا اخر شياكه
ليلى نظمى
عروسه انا العروسه زوقينى بالطرحه التُلى يامه لبسينى
اجمل وارق تحياتى لكم جميعا
اختكم عفاف

الاخت الفاضله عفاف هانم جميل منك حصر لاغاني الافراح لكن فاتك اشهر اغاني الافراح علي الاطلاق و هي بطلوا ده و اسمعوا ده الغراب يا وقعه سوده جوزوه احلي يمامه . الله يرحمك ياعزيز عثمان اللي بالمناسبه كان احد ازواج ليلي مراد .

[محمود العيادى]

[QUOTE=رضا رشيد;482426]

المشاركة الأصلية كتبت بواسطة د.حسن

متهيأ لى كفاية كده
مع تحياتى

متهيأ لى أنا يادكتور حسن
أن ماعادش فيه أى أغنية تانية بتتكلم عن الجواز والخطوبة
غير 3 أغانى وهم

قولوا لمأذون البلد ( محمد رشدى )
و
خلى المهر فى جيبك خلى .. ( طلب )
و
يامين يوصلنى لأبوها والآ لأخوها
وأطلبها قوام ( محرم فؤاد )

حضرتك كتبت كل اللى ممكن ينقال فى الزواج والخطوبة والمهر
من بحرى حتى قبلى

استاذ رضا رشيدي تحياتي لك فيه تاني طبعا و لا انت نسيت السمسميه ولا ايه في اغاني زي الليله الحنه و بكره الدخله و بعده الصباحيه مبروك ياعريس مبروك ياعروسه اتهني انت و هيه . و كمان فيه ليله القدر يابدر الليله عريسنا و عروسته صبحم عيله بالافراح و ليالي ملاح .

[QUOTE=محمود العيادى;482915]

المشاركة الأصلية كتبت بواسطة رضا رشيد

استاذ رضا رشيدي تحياتي لك فيه تاني طبعا و لا انت نسيت السمسميه ولا ايه في اغاني زي الليله الحنه و بكره الدخله و بعده الصباحيه مبروك ياعريس مبروك ياعروسه اتهني انت و هيه . و كمان فيه ليله القدر يابدر الليله عريسنا و عروسته صبحم عيله بالافراح و ليالي ملاح .

والله يا أستاذ محمود أنا قلت لهم فيه كتير كتير ولو فتحنا في الأفراح مش حنخلص
بس يظهر د.حسن وعم رضا رشيد عايزين يشربوا شربات وأنا معاهم