كلمات أغاني فايزة أحمد

[ليلى ابو مدين]

ليه يا قلبي ليه



*****
كلمات:مرسي جميل عزيز


الحان : محمد الموجي
*****


ليه ياقلبى ليه .. بتحلفنى ليه
أخبى الحكايه .. وأدارى عليه
موصفلوش عذابى .. وحيرة شبابى
وحبو اللى خدنى .. من أهلى وصحابى
وأزاى بس أدارى .. وأزاى يبقى جارى
وأتشوق أليه
ليه ياقلبى ليه .. بتحلفنى ليه .. ليه ياقلبى ليه

لأ مش قدره أخبى .. بحبه ياقلبى
وأحلف أنه أول وأخر حبايبى
وأدينى هقوله .. كلامك ده كله
وشوف هتعمل أيه
ليه ياقلبى ليه .. بتحلفنى ليه .. ليه ياقلبى ليه

راح أقول له كل اللى داريته
راح أقول له أد أيه حبيبته
راح أقول له وأقول له وأقول له
وياريته يسمعنى ياريته
يا قلبي بحبه .. ومغلبني حبه .. لاكن اعمل ايه
ليه ياقلبى ليه .. بتحلفنى ليه .. ليه ياقلبى ليه


*****

[ليلى ابو مدين]

قلبي سألته عليك

******
كلمات:مأمون الشناوي

الحان : بليغ حمدي


******


قلبي سألته عليك قال ايوه اهواه واعبده
تخلف ظنه فى حبك والا تقدر تسعده
تسلم ليَّ عينيك الحلوة من عين العدو
تسلم لي
باعت لك سلامه سمعّتك كلامه
ح ترجع غرامه والا تقبله
كلمني عن حبك لو مشغول مش ذنبك
واسأل انت قلبك والله اسأله
لو خبيت عليَّ ح تفهم عينيَّ
تسلم ليَّ عينيك الحلوة من عين العدو
تسلم لي
ياحبي وحبيبي يا دمعى ولهيبي
ولاانت دارى بي. ايه اللي اعمله؟
ايه اخرة هوايَ وحكايتك معايَ
ومين يرضي شقايَ ومين يتحمله
لو خبيت عليَّ ح تفهم عينيَّ
تسلم ليَّ عينيك الحلوة من عين العدو
تسلم لي

******

[ليلى ابو مدين]

يا طير الشوق

******


يا طير الشوق يا مروح .. مسيلي ع اللي غاب
قول للمحبوب يا مروح .. دي ليالي الغربه عذاب
دي ليالي الغربه عذاب ..
يا طير الشوق .. يا مروح ..

خدوني ليه ..خدوني
يا لياليٌه .. خدوني ..
خدوني ليه .. خدوني
يا اشواقي .. خدوني ..
خدوني ليه .. ودوني
دي الغيبه طالت .. يا عيوني
دي ليالي الغربه عذاب ..
يا طير الشوق .. يا مروح ..

خلي العودة قريبه قريبه
يابو الليالي حبيبه حبيبه
خلي العوده قريبه ..
دنا والليل وقلبي يا قلبي
مركب في بحور غريبه ..
يا طير الشوق يامروح
مسيلي ع اللي غاب
قول للمحبوب يامروح
دي ليالي الغربة عذاب
يا طير الشوق

******

[ليلى ابو مدين]

يا حلوتك يا جمالك

****


الحان : فريد الأطرش


*****


يا حلاوتك يا جمالك
خليت للحلوين ايه
كان مالي بس ومالك ..
تشغلني برمشك ليه ..

من يوم القلب ما حبك
ويوماتي بجرح جديد
والعين حلفتلي بحبك
ما تنام طول مانته بعيد
وبقألها سنين في حلاوتك
ويا الهايمين في جمالك
دا حرام تبعتلي خيالك
وتسوق على عيني دلالك
كان مالي بس ومالك ..
تشغلني برمشك ليه ..

طولت البعد عليه
ومليت بالوهم خيالي
في الحلم امد ايديه
الاقيك زيي السما عالي
وعنيه تتوه في حلاوتك
ولا حدش ابدا في جمالك
يا شقى القلب اللي ما طالك
ويا بخت اللي شغل بالك
كان مالي بس ومالك ..
تشغلني برمشك ليه ..

*****

[علي سيف]

الشكر الجزيل لصاحبة المواضيع والمشاراكات المتميزة جدا وننتظر باقي المجموعة

[ليلى ابو مدين]

المشاركة الأصلية كتبت بواسطة dartanian

الشكر الجزيل لصاحبة المواضيع والمشاراكات المتميزة جدا وننتظر باقي المجموعة

بوركت أخي الفاضل أ . دارتنيان
لمرورك الكريم
مع جزيل شكري وتحياتي
أختك ليلى ابو مدين

[ليلى ابو مدين]

حمّال الاسية

*****
كلمات: حسين السيد
الحان: محمد عبد الوهاب
*****


حمال الأسيه .. ظالمينك حبايبي
وبتنسى الأسيه .. طول عمرك يا قلبي

بينسوك الحبايب .. ولو طال الغياب
تروح تسأل عليهم .. ولا يردوش جواب

ولك في الحب دقه عارفها كل باب
تسامح اللي ينسى ويعذر اللي غاب

وغلبت اشتكيهم .. وتقول دول حبايبي
حمال الأسيه يا قلبي .. حمال الأسيه ..

------

اقولك دول فتونا .. فاتونا .. تقولي دا كلام
واقولك يالا نهجر .. تقولي لأ .. لأ .. لأ حرام

بقى موش حرام عليهم .. عذابك في الغرام
واحنا اللي حرام علينا .. لو نطلب يوم خصام

يخاصموك وتصالحهم .. وتقول دول حبايبي
حمال الأسيه يا قلبي .. حمال الأسيه ..

حمال الأسيه .. ظالمينك حبايبي
وبتنسى الأسيه .. طول عمرك يا قلبي

******

[ليلى ابو مدين]

حيران كده ليه

******
كلمات : مرسي جميل عزيز
الحان : محمد الموجي
1965

*******

حيران حيران كده ليه ياحبيبي
زعلان زعلان من ايه ياحبيبي
ولا تزعل ولا تحتار وحياتك
ليل ونهار حبك أقوى من النار
صدقني صدقني صدقني
مالك متحير مالك ايه غير حالك
إن كان ع الناس وكلام الناس
ماتاخدش ده كله في بالك
ولا تزعل ولا تحتار وحياتك
ليل ونهار حبك أقوى من النار
صدقني صدقني صدقني
ايه ايه اللى محير قلبك إسأل
وعينيّ تجاوبك أنا جنبك انا جنبك
اهو ياحبيبى وبقول لك الف الف
الف الف بحبك
ولا تزعل ولا تحتار وحياتك
ليل ونهار حبك أقوى من النار
صدقني صدقني صدقني


******

[ليلى ابو مدين]

دوبني دوب



******

دوبني دوب يا هوى .. دوبني دوب
ياما قلت اتوب يا هوى .. ماقدرت اتوب
لاصبر ينفع .. ولاشوق بيشفع
ولا حد يعرف ايه في القلوب
غابوا الحبايب يومين .. يومين يا دوب
وكل يوم عن يوم .. عن يوم بدوب
ودبت دوب .. انا دبت دوب .. انا دبت دوب

اه لو يجيني منهم سلام
يخلي جرح الشوق ينام ..
اه لو عيوني .. تلمح خيالهم
دنا كنت اقول احلى الكلام
وكنت افرح من جوا قلبي
وافرد جناحي على حبايبي
دول غبوا عني يومين .. يومين يا دوب
وكل يوم عن يوم .. عن يوم بدوب
ودبت دوب .. انا دبت دوب .. انا دبت دوب

سألت ناس بالحب دابو
مين اللي يقدر على نار عذابو
قالولي نار .. تطفي نار
شوفلك حبايب غير اللي غابو
انا قلت والله مافي اغلى منهم
لاقبل منهم ولا بعد منهم
دول غبوا عني يومين .. يومين يا دوب
وكل يوم عن يوم .. عن يوم بدوب
ودبت دوب .. انا دبت دوب .. انا دبت دوب

لو كنت اعرف .. على فين طريقهم
قلبي اللي دايب .. كان قام سبقهم
يشوف حبايبه .. اه من حبايبه
النار دي ارحم من فراقهم
فضلت اصبر روحي بروحي
وجروحي تفضل .. برضك جروحي
غبوا عني يومين .. يومين يا دوب
وكل يوم عن يوم .. عن يوم بدوب
ودبت دوب .. انا دبت دوب .. انا دبت دوب

******

[ليلى ابو مدين]

بحبك يا مصر

*****
كلمات : محسن الخياط
ألحان : محمد سلطان
*****


يا بلادى يا بلادى .. بحبك يا بلادى
يا مصر بحبك .. بحبك يا مصر

بحبك يا مصر
بحبك وقلبى .. مرفرف فى جنبى
فى لحظة ما اقولك .. بحبك يامصر
بحبك .. بحبك يا مصر .. يا مصر بحبك .. بحبك يا مصر
يا بلادى يا بلادى .. بحبك يا بلادى .. يا مصر بحبك .. بحبك يا مصر
بحبك يا بلادي

بحبك يا مصر
بحبك و حبك .. يخضر ربيعى
يفرح دموعى .. بحبك يامصر
بحبك .. بحبك يا مصر .. يا مصر بحبك .. بحبك يا مصر
يا بلادى يا بلادى .. بحبك يا بلادى .. يا مصر بحبك .. بحبك يا مصر
بحبك يا بلادي

بحبك يا مصر
و لو خيرونى .. أقول يحرمونى
و لو نور عيونى .. واحبك يامصر
بحبك .. بحبك يا مصر .. يا مصر بحبك .. بحبك يا مصر
يا بلادى يا بلادى .. بحبك يا بلادى .. يا مصر بحبك .. بحبك يا مصر
بحبك يا بلادي

بحبك يا مصر
و لو عشت أفدى .. بكل اللى عندى
ما اوفى بوعدى .. فى حبك يامصر
بحبك .. بحبك يا مصر .. يا مصر بحبك .. بحبك يا مصر
يا بلادى يا بلادى .. بحبك يا بلادى .. يا مصر بحبك .. بحبك يا مصر
بحبك يا بلادي

بحبك يا مصر
فى عمرى اللى باقى .. و اشوفك فى شدة
أكون الفدائى فى .. حبك يامصر
بحبك .. بحبك يا مصر .. يا مصر بحبك .. بحبك يا مصر
يا بلادى يا بلادى .. بحبك يا بلادى .. يا مصر بحبك .. بحبك يا مصر
بحبك يا بلادي


*********