كــلـمــات أغانى مــحـمـد قــنـديــل

[MOHAMED ALY]

كلمات : عبد الفتاح مصطفى
الحان : عبد العظيم عبد الحق

يــا عــــــلى

يا على
يا علـــــى القدر
بالله يا عــــــــلى
يا أبن ابـو طالب
و يا سيف منجلى
وجهك الله كرمه
يا ابـــــــا الحسن
ما خفضته للصنم
او للوثن
ما سجدت
الا لمولاك العلى
يا على

فى طفولتك
لما تابعت النبى
قال تشور والدك
فى دينك يا صبى
قلت أشور ازاى انا
فى الله أبى
هو اوجدنى بشورته فى أولى
وجهك الله كرمه
يا ابا الحسن
ما خفضته للصنم
او للوثن
ما سجدت
الا لمولاك العلى
يا على

نمت فى فرش النـــــــبى ليلة الرصد
و السيوف ع الباب و ما تهاب يا أسد
تفدى دين الله بـــــــــروحك و الجسد
يا مبشر فى الكتاب المنزل
وجهك الله كرمه
يا ابا الحسن
ما خفضته للصنم
او للوثن
ما سجدت
الا لمولاك العلى
يا على

يا فتى الاسلام و سيفك ذو الفقار
فى الفتوح ما انشق لك فيها غبار
و القلوب لك فيها نظرة و اعتبار
وين ما تحكم قولك الحق الجلى
وجهك الله كرمه
يا ابا الحسن
ما خفضته للصنم
او للوثن
ما سجدت
الا لمولاك العلى
يا على

[MOHAMED ALY]

كلمات : سيد حجاب
الحان : ياسر عبد الرحمن

الأصدقاء (1)

آدي إيدي مِد إيدك
جرحي جرحك عيدي عيدك

ود دافي .. نبع صافي
شيء كأنه نيل موافي
من وريدي و من وريدك
يا صديقي مِد إيدك

يا صديق عمري يا صاحب ذكرياتي
إنتَ كنز أيامي تحويشة حياتي
و مراياتي اللي باشوف جوّاها ذاتي
. و تواجهني بعيبي تكشف سيئاتي
تِقسى بحنان و استزيدك
يا صديقي مِد إيدك

أصدقاء و الود موصول فوق زمانّا
بيه آمنّا و له آمنّا و فيه أمانّا
بيه على الدنيا و ع الدهر استعانّا
و إن زمنّا خانّا و في لحظة طعنّا
تستعيدني و استعيدك
يا صديقي مِد إيدك

[MOHAMED ALY]

كلمات : سيد حجاب
الحان : ياسر عبد الرحمن

الأصدقاء (2)

آدي يدّي مد يدك
قد ودك قلبي ودّك
د انتَ بعد الأهل أهلي
و اذا يوم قلبك ندهلي
حتلاقيني بقلبي عندك
يا صديقي مد يدك

يا صديق عمري و أحلامي و عذابي
في ليالي فرحتك عامل حسابي
في ليالي وحدتي بتدق بابي
و عمر باب قلبي ما صدّك
يا صديقي مد يدك

أصدقاء و الود موصول فوق ظروفنا
مهما نبعد مهما طوفنا مهما شفنا
في ساعات شدتنا و قلقنا و خوفنا
تستعيدني و استردّك
يا صديقي مد يدك

[MOHAMED ALY]

كلمات : سيد حجاب
الحان : ياسر عبد الرحمن

اهـ يانى

اهـ يانى اهـ يانى
يا دنيا ايه تانى
فقد الخليل خله
و ايه اللى فاضل له
يأخد بتار صاحبه
من موج لموج ساحبه
و خدوه و خلانى
اهـ يانى اهـ يانى

الموت علينا حق
بس الفـــراق
وجيعته مرة
يا اجمل الأصدقاء
صاحبى لا راح ولا ضاع
ولا هأقول له وداع
مع السلامة يا صاحبى
و الى اللقاء
و ساعتها اهـ
هأخدك فى احضانى
اهـ يانى اهـ يانى

[MOHAMED ALY]

كلمات : محمد حلاوة
الحان : أحمد صدقى

سمــــاح

سمــــاح
يا اهل السمـــــاح
لوم الهوي جارح

اصــل السمــــــاح
طبــع المــــــــلاح
يا بخت من سامح

كتر الملامة عليــــــــــــــــه
والله ما خلت فيـــــــــــــــه
والعين شكت لي دموعها

صبحت وحــــــــدى وياما
سمعت منكــــــــــوا ملامة
ما حد غيــــــــري سمعها

انسوا اللى فات وانقضى
مادام زمـــــــــان ومضي
نظرة بعيــــــن الرضـــــا

داووا الجــــــــــــراح
وانســــــوا اللى راح
يا بخت من سامـــــح

شوق الهوى في عنية
ما يستاهلش آسيـــــــة
ومادام صارحته وسلم
دمع الندم قدمتـــــــــــه
والماضي راح وعرفته
والقلب منه اتعلـــــــــــم

انسوا اللى فات وانقضى
مادام زمـــــــــان ومضي
نظرة بعيــــــن الرضـــــا

داوو الجــــــــــــراح
وانســــــوا اللى راح
يا بخت من سامـــــح

سمــــاح سمـــــاح
يا اهل السمـــــاح
لوم الهوي جارح

اصــل السمــــــاح
طبــع المــــــــلاح
يا بخت من سامح

[MOHAMED ALY]

كلمات : عبد الحميد عبد الفتاح
الحان : محمد صادق

يا ناسي

جمـال الدنيــــا في وجودك
يا ناســـي الود و عهـــودك
فيـن الأيـــــام و فيـن انــت
و شوف البعـــد من إمتـــى

جمــــال الدنيـــــا في بعدك
مالوش معنــى و انا وحدي
و ليه تحرمنـــي مــن ودك
و انـا دايمـاً علــى عهـــدي

في ضي البدر و نسيم الليل
تطــوف ذكــراك أنــــاديلك
و الاقي القلــب إليـك بيميل
و فكري معــاك بيحكـي لك

[MOHAMED ALY]

كلمات : نبيل الفكهاني
الحان: فتحي حجازي

المدد الإلهي

لمــا يـــدور بيــــا الزمــــن
و القلب يغرق فــي الشجـن
ارفع إيديا للسمــا و اقـــول
يا رب مــــــــدد مــــــــدد

أشعـــر براحـــــة و بأمــان
و بنوره يسري في الكيـــان
و القلــب يعمر بالإيمــــــان

و القـــــاه معايا في وحدتي
ياخـــد بإيدي في شدتـــــي
و تعـــود لي تاني بسمتــي
و اقــول يــا رب المـــــــدد

القــــاه سميع القاه مجيــب
و برحمتـــــه منـــي قريـب
و الجـــرح مهما كان يطيب

و القــــى في كلامه سلوتي
و القـاه ونيسي في غـربتي
و بنـــوره يملـــى مهجتــي

و اقــــول يـــا رب المــــدد
الله الله .. مـــــــدد مــــــدد

[MOHAMED ALY]

كلمات :زين العابدين عبد الله
ألحان : حلمي أمين

هــاغني غــنوة

هاغني غنوة
من وحي حبي
أنغـامها حلـوة
و تهنّـي قلبي
عشان حبيبي
قلبـــه عليــــا
بشوف نصيبي
أيـــام هنيــّة
و مــا دام فــؤادي
مرتـاح و راضـي
هابلـــغ مــــرادي
و اغنــي غنــوة
**
الدنيـــــا تحلى
أيام صفانا
و تبقــى أحلى
ساعة لقانا
و فـى بعــده عني
و قــُـربــه مني
بيفتكـــــــــرني
و ما دام فؤادي
مرتاح و راضي
هابلــغ مـــرادي
و اغني غنـــوة
**
حبيبــي طيفـه
دايماً في بالي
و تملي اشوفــه
طول الليالي
باوصــف في حبه
و عطـــف قلبــــه
و الاقينــــي جنبه
**
هاغني غنوة
من وحي حبي
أنغـامها حلـوة
و تهنّـي قلبي
عشان حبيبي
قلبـــه عليــــا
بشوف نصيبي
أيـــام هنيــّة
و مــا دام فــؤادي
مرتـاح و راضـي
هابلـــغ مــــرادي
و اغنــي غنــوة

[MOHAMED ALY]

كلمات : صلاح جاهين
ألحان : سيد مكاوي

حـــــــدوتـــة

لو كنتي ست الحسن و الجمال
يكون أمير أحلام غرامك أنا
ليكي أول الحدوتة في الدلال
و انا آخر الحدوتة ليا الهنا

دقيت عليكي الباب كتير
رد الصدى و قال يا أمير
ما بينكم البحر الكبير
دقيت على الباب بالإيدين
رد الصدى و قال لي يا زين
بينك و بينها بلدين
أنا قلت لو بيني و بينها السما
مغرم بها و هي كمان مغرمة
و انا آخر الحدوتة ليا الهنا

آه من طريقك الطويل
و لا ليا غير قلبي دليل
عطشان يا مية سلسبيل
حالي يا ست الحسن حال
إرخي شعورك الطوال
خديني من حر الجبال
و ان ما لقيت عندك لقلبي دواه
لأعشق عيون الشمس و اهوى الهوا

صبرت لما الود بان
عملت انا تختروان
و حملت قلبي شمعدان
دوبت لك بحر الهوى
في كلمة هنقولها سوا
و نقول دا عنقود و استوى
و الناس تشوفنا تقول يا ست البنات
حدوتة آخرتها التبات و النبات
و انا آخر الحدوتة ليا الهنا

[MOHAMED ALY]

كلمات : فتحي قورة
ألحان : محمود الشريف

ما بين البر و التاني

مــا بيـــــن البـــــــــر و التـــــــاني
مع الخـــــــلان و وحــــــــــدانــــي
أودِّي و اجيـــب حـبيب لحبيـــــــب
و ميــــــــن لحبيبــــــــــي ودَّانـي
مـــــــا بيــــن البــــر و التــــــــاني

حكايتـــــــــي في الهــــــوى حكاية
لغيــــــــر البحــــــــر ما احكيـــها
و لمـــــا يعــــــــــدُّوا ويــــــايـــــا
عـــــــــــن الأحبــــــــــاب أخبِّـيها
و اشـــــــوفهم نـــــــالـوا أمــــانيهم
أقــــــــول يــــــــــــــا رب هنـِّـيهم
و لا تشمـِّـــــت عـــــزول فيــــــهم
و اروح و ارجـــــــــع لحرمــانـي
أودِّي و اجيـــب حـبيب لحبيـــــــب
و ميــــــــن لحبيبــــــــــي ودَّانـي
مـــــــا بيــــن البــــر و التــــــــاني

أمَـر م الصبر صبري و انشغالي عليه
و أحــر م الجمـــــر لما يحن قلبي إليه
و فرحة العمـر لما تشوف عينيا عينيه
تـــايه ما بين السمــا و المية في غيابه
و غـــــــــريق فــــي بحـــــر الهـــوى
ما تحـــــــوشنــــــــــي إلا إيـــديــــــه
أودِّي و اجيـــب حـبيب لحبيـــــــب
و ميــــــــن لحبيبــــــــــي ودَّانـي
مـــــــا بيــــن البــــر و التــــــــاني