كــلـمــات أغانى مــحـمـد قــنـديــل

**MOHAMED ALY** · #1 15/11/2009, 19h20

حل السواقي

حــــــــل الســـــواقي القبلية

دلوقتــــي ســــــاعة عشوية

الغيــط صلاة الزين يضوي

و القلـــــــب بيشوفه بيفرح

آدي التقـــــاوي و ح نروي

و بكــــرة يخضر و يطرح

و الشــدة بكرة يا عم تهون

و الـرزق عند الله مضمون

جـــه المسا يلا شوية

دلوقتي ساعة عشوية

حل السواقي
**

آدي واجب الأرض اتقضى

ناقصنــا إيه غيـــر الطاعة

م التـــرعـــة يــــلا نتوضى

و تعــالوا ح نصلي جماعة

فتـَّح قليبك ، بـص و شوف

يا بخت من يرزع معروف

جـه المســا يلا شوية

دلوقتي ساعة عشوية

حل السواقي
**

غنــي على المزمــار غني

و قــــول يــا ليلي برواقــة

دي ســـاعــة الحـــظ اتهني

م الدنيـا مش واخدين حاجة

القـَشيـة معدن و الحال عال

مش طمعانين م الدنيـا بمال

جــه المســا يلا شوية

دلوقتي ساعـة عشوية

حل السواقي

**MOHAMED ALY** · #2 15/11/2009, 19h35

غنى قنديل اكثر من 2000 اغنية .. و لشترك فى حواى 50 فيلما ... و 50 صورة غنائية ... و هذا القسم لحصر اعمال قنديل و بيان ما تم رفعه منها فى سماعى .

**M O H A M E D** · #3 15/11/2009, 22h19

حدوتة

كلمات : صلاح جاهين
ألحان : سيد مكاوي

لو كنتي سـت الحسن و الجمال

يكون أميـــر أحلام غرامك أنا

ليكي أول الحـــدوتة في الدلال

و انا آخــر الحـــدوتة ليا الهنا

دقيــت عليــــكي البـــاب كتير

رد الصــدى و قــــال يا أمير

ما بينكم البحـــر الكبيــــــــر

دقيت علــى البــاب بالإيدين

رد الصدى و قال لي يا زين

بينـــك و بينــــــها بلــــــدين

أنا قلت لو بيني و بينها السما

مغرم بها و هي كمان مغرمة

و انا آخـــر الحدوتة ليا الهنا

آه من طــــــريقك الطــــويل

و لا ليـــا غير قلبـــي دليـــل

عطشـــان يا ميـــة سلسبيــل

حــالي يا ســت الحسن حال

إرخــي شعــــورك الطــوال

خدينــي من حـــــر الجبـــال

و ان ما لقيت عندك لقلبي دواه

لاعشق عيون الشمس و اهوى الهوا

صبــــــرت لما الــود بــــان

عملـــت انــا تختــــــــروان

و حملـــت قلبــــــي شمعدان

دوِّبـت لك بحـــــر الهــــوى

في كلمـــة هانقولهــــــا سوا

و نقول دا عنقــود و استوى

و الناس تشوفنا تقول يا ست البنات

حدوتة آخرتها التبات و النبات

و انا آخر الحدوتة ليا الهنــا

**MOHAMED ALY** · #4 25/06/2012, 08h56

كلمات : بخيت بيومى
الحان : رؤوف ذهنى

الناس معادن

الناس حبايب حبايب

و أهل و جيران

خلان للى ملهوش ناس

و الناس لبعض فى الشدة

تنده تلاقى

من اغلى الحبايب ناس

دا الحب هو الأخوة

و هو الرضا و الود

بين الناس

و هو اساس السعادة يا صاحبى

و ناس قسمين سوا اللقمة

فاتحين ببان المحبة

تنور طريق المخلصين
م الناس

اساس الحب حب الناس

لا غيرة و لا وسواس

بقلبى الطيب الحساس

بالاقى الدنيا قدامى

جمال واضح فى كل الناس

دا عشق الناس فى وجدانى

مليش غيرهم ونيس تانى

باشوف الفرحة فى عينيهم

مودة و حب ربانى

جمال واضح فى كل الناس

و ايه تانى ايه تانى يا ناس

ايه تانى

قالوا لى الناس معادن
من اغلى المعادن ناس
انا قلت الناس كنوز
دهب ياقوت و ماس

و الحب اغلى معدن
موجود فى قلب الناس
و الناس اهل و حبايب
للى ملهوش ناس

و ايه تانى ايه تانى ياناس

ايه تانى

**MOHAMED ALY** · #5 25/06/2012, 09h01

كلمات : عبد الفتاح مصطفى
الحان : عبد الحليم نويرة

السماء

يا رافــع عيونك
تشوف ملك ربك
و طاير بروحك
و ع الارض قلبك

و شايف سما حـــاضنة
كل الوجود
و رحمة كـــــبيرة
ما تعرف حدود

تعالى نسبح
لخــــــــــــــــالق بناها
و نوع جمالها
فى ليلها و ضحاها
****

مراية بيجــرى عليها البصر
و ليلها و نهارها شهور الـقدر

فى كــــــــل لمحة
سحـــابة و سارحة
و دى نجمة تـــبرق
و دى شمس تصحى
و فى الشرق صفحة
و فى الغرب صفحة
عليها معانى
من القدرة واضحة

و فين اللى يقرا
و مين اللى يدرى
منين يبتديها
و من بعد ادم
و من عهد ادم
بنتهجا فيها

تعالى نسبح
لخــــــــــــــــالق بناها
و نوع جمالها
فى ليلها و ضحاها

****
يا عالية ما طالك
جنـــــاح الخيال
و حتى فى جمالك
ما طاله الجمال

يا صافية و طاهرة
و للكل ظـــــــاهرة

و ساعة ما ندعى بننظر اليكى

و ربك معانا
و سامع دعانا
و قادر علينا
و قادر عليكى

تعالى نسبح
لخــــــــــــــــالق بناها
و نوع جمالها فى
ليلها و ضحاها

****
تدور الكواكب
تـــعد السنين
مواكب مواكب
بتحسب لمين
و ربك سقانا
عصيرك سحاب
و منه ابتدانا
بميه و تـــــراب

يا زارقة و سارقة
تمللى العيون
كفاية يا آية
نشــــــوف الفنون
و مهما وصفنا
بنوصف ظنون
و نحيا و نفنى
و سرك مصون

تعالى نسبح
لخــــــــــــــــالق بناها
و نوع جمالها
فى ليلها و ضحاها

****

**MOHAMED ALY** · #6 25/06/2012, 09h04

كلمات : عبد الرحيم منصور
الحان : عبد العظيم عبد الحق

يــــَــــــا معــَـــــدَّاويــــَّــــة

يا معدوايــة ، قدفــوا و قــربـوا شطـــي لها
دا البحــــر خد من لـون عيونهــا و قال لها
ع البـــــــــر مستنــــــــــــــي جـــــــــــدع
شــــــوق و كـــــلام ، مـا اتقالـــش أبداً أبداً
في الغيـــاب و لا في الـوداع و لا في الودع
ردوا عليــــــا .. مدوا شويــة يا معداويــــة

***

يا معداويـــــة ، رمشهــا وتـــر الربـابـــة
ياما أنا و النجم قسمنا النغم حرقة و صبابة
و قلبهــــــا بستـــــــــان منــــــور بالحنـان
بتغنــــي فـــــــوق أغصــــــــانه لبــــلابــة
تهــــــوى طيــــوره و العشــق و الملاغيـة
ردوا عليــــــا .. مدوا شويــــة يا معداويــة

***

يا معداوية
قــربوا و جـــربوا بعيونكـو ايه معنى اللقـا
لو بين قلوبكـم طير ليملا بحركم بالزقزقـة
و النسمـــــــــــــــة ويــــــــــــا الشـــــــال
بيـــــــــرقـــَّـــصوا المـــــــــــــــــــــــوال
و الفرحة في قلبي بتغني .. بتغني في عنيا
ردوا عليـــــــا .. مدوا شويــة يا معداويــة

***

يـــا معدوايــــــة ، يــــا وعـــدي ع الغيـة
أيـــــوة أهي جــايــــــة قمـــــراية ع المية
طب لو انا معدواي غاوي و بحري غناوي
لاعدي بيهـــــــــا فـ بحــــر بلا ميــــــــــة
آهيــــــــن عليهـــــــــا يا ســـــــــلام عليا
هاخد إديهـا عصفـورة خضرة ما بين إيديا
ردوا عليـــــا .. مدوا شوية يا معداويــــــة

**MOHAMED ALY** · #7 25/06/2012, 09h36

كلمات : على سليمان
الحان : عبد العظيم عبد الحق

حل السواقي

حــــــــل الســـــواقي القبلية

دلوقتــــي ســــــاعة عشوية

الغيــط صلاة الزين يضوي

و القلـــــــب بيشوفه بيفرح

آدي التقـــــاوي و ح نروي

و بكــــرة يخضر و يطرح

و الشــدة بكرة يا عم تهون

و الـرزق عند الله مضمون

جـــه المسا يلا شوية

دلوقتي ساعة عشوية

حل السواقي
**

آدي واجب الأرض اتقضى

ناقصنــا إيه غيـــر الطاعة

م التـــرعـــة يــــلا نتوضى

و تعــالوا ح نصلي جماعة

فتـَّح قليبك ، بـص و شوف

يا بخت من يرزع معروف

جـه المســا يلا شوية

دلوقتي ساعة عشوية

حل السواقي
**

غنــي على المزمــار غني

و قــــول يــا ليلي برواقــة

دي ســـاعــة الحـــظ اتهني

م الدنيـا مش واخدين حاجة

القـَشيـة معدن و الحال عال

مش طمعانين م الدنيـا بمال

جــه المســا يلا شوية

دلوقتي ساعـة عشوية

حل السواقي

**MOHAMED ALY** · #8 25/06/2012, 09h40

كلمات : عبد الفتاح مصطفى
الحان : عبد العظيم محمد

هات يا تاريخ

هات ياتاريخ
و اوصف يا زمان
و الجاى اكتر
من اللى كان
بشاير النصر اهى لاحت
و النصر مواعدنا فى رمضان
هات يا تاريخ
****
نصر الحقيقة بالقرآن
كان ليلة القدر
نصر الهداية على الطغيان
كان غزوة بدر
و فتح مكة للأيمان
كان اعظم نصر
و كل ده فى رمضان يا زمان
و لسه ياما كمان و كمان
بشاير النصر اهى لاحت
و النصر مواعدنا فى رمضان
هات يا تاريخ
***
نصر العرب كان نصرمبين
على التتار المغتصبين
و المعركة برضه فى رمضان
و ارضها جوه فلسطين
اجيال تموت
وسنين تفوت
و الدهر يحكى
عن عين جالوت
و كل ده فى رمضان يازمان
و لسه ياما كمان و كمان
بشاير النصر اهى لاحت
و النصر مواعدنا فى رمضان
هات ياتاريخ
***
رمضان يا ابو الخير و اللمة
ياما لك عوايد ع الامة
و ادى هلالك يا رمضان
وحد قلوبنا على كلمة
ياما لك عوايد
يا ابو شمع قايد
تجمع قلوبنا وقت الشدايد
عزم العرب بيزيد أيمان
تظهر صفوف زى البنيان
و كل ده فى رمضان يا زمان
و لسه ياما كمان و كمان
بشاير النصر اهى لاحت
و النصر مواعدنا فى رمضان
هات يا تاريخ
****
هات ياتاريخ
و اوصف يا زمان
و الجاى اكتر
من اللى كان
بشاير النصر اهى لاحت
و النصر مواعدنا فى رمضان
هات يا تاريخ
***

**MOHAMED ALY** · #9 25/06/2012, 09h44

كلمات : مجدى نجيب
الحان : عبد العظيم محمد

مركب حبيبى

فى بحور الهوى
عاشق أنا حيران
شايف الفرحة قدامي
و ابات عطشان
يا هل ترى أخرة العشق نار
و لا جناين حب مليانة حنان
حبيبي عمل ضحكته مركب و عدّانى
لكن فى وسط البحر ميّل و رمانى
ماليش أنا فى العوم
و موج البحر تاعبني
و فين أروح من اللوم
و شوقي غالبني
و اللى رماني فى بحور هواه
ما افتكرش فى يوم و ناداني
لكن عمل ضحكته مركب و عدانى

حبيبى عمل ضحكته مركب بلا مقداف
رمانى وسط الموج لا دري بي و لا سوم شاف
يا مركب الصياد يا فايتة
ح توصلى للبر و لا فى الطريق فايتة
إن وصلتي بالسلامة الليلة
إبقى فوتي قرب بيت العيلة
و بلغيهم كلمتين مني
يقولوا لاهل الهوى إني
ميـّلت ويا الشراع .. و لكل واحد فى الهوى ميلة
حبيبي عمل ضحكته مركب و عداني

أمانة
يا مركب الهوى يا اللى .. فى البحور عايمة
قولى لحبايبنا .. محبتكم فى القلوب دايمة
نتألم .. نتعب .. نسهر يا عيوننا
ما فى غيرهم أبداً لا يقدر يهاودنا
و فكروه يا ناس إنه سرح و نساني
لكن عمل ضحكته مركب و عدانى

**MOHAMED ALY** · #10 25/06/2012, 09h47

كلمات : عبد الفتاح مصطفى
الحان : أمين عبد الحميد

الزعبوط ( الشتا القاسى )

انا فى الزعبوط و الدفية
و البرد شديد و الله عليا
امال اش حال
جارى عبد العال
اللى ما جاب هدمة الشتوية
يللا يا عطعوط
خد له الزعبوط
و كفاية عليا الدفية
***
فى دك الليلة
انا و العيلة
قاعدين لمة
ماليين الدار
حوالين النار
و الدفا نعمة
جه فى بالى
قال لى يا خالى
اش حال ناسى
قاعد دافيان
ناسى العريان
و الشتا قاسى
ده انا فى الزعبوط و الدفية
و البرد شديد والله عليا
***
ربنا اعطاك
و النبى وصاك
على سابع جار
الشتا جه له
ما كسى عياله
و عياله صغار
و بدل ما تجيب
اربع جلاليب
اتنين يكفوا
و ادى الباقيين
لولاد تانيين
و قول ادفوا
ده انا فى الزعبوط و الدفية
و البرد شديد والله عليا
***
ده زمن خوان
و ملهوش امان
و معاك و عليك
قدم لغريب
فى الضيق و قريب
خيرك بايديك
شئ فاض و ناسيه
ولا مخبيه
خليه هدية
دى الهدمة الصوف
احسن معروف
فى الشتوية
ده انا فى الزعبوط و الدفية
و البرد شديد والله عليا
***
انا فى الزعبوط و الدفية
و البرد شديد و الله عليا
امال اش حال
جارى عبد العال
اللى ما جاب هدمة الشتوية
يللا يا عطعوط
خد له الزعبوط
و كفاية عليا الدفية
*****