دعوه للمشاركه فى (((اغنيات متشابهه)))

[د.حسن]

مشاركة خاصة بأغانى عبدالوهاب للملك فاروق

من كتر غيرتى عليك فى القلب خبيتك
وقلت لك يافاروق القلب ده بيتك

الفن مين يوصفه إلا إللى عاش فى حِماه
والفن مين يعرفه إلا إللى كان فى سماه
والفن مين أنصفه غير كلمة من مولاه
والفن مين شرّفه غير الفاروق ورعاه

شرفاً عرش مصر بك وتنقل بين فاروق تارة ً وأمونك
حسدتك الأنهار حين أتاهـــا أن فاروق من هواك وطينك

مبن ح يكمل أغانى فاروق ؟
مع تحياتى

[د.حسن]

المشاركة الأصلية كتبت بواسطة الباشاقمرزمان

فيه أغنية بس مش جاية على دماغي فيها الشاطر حسن .......يمكن أغنية أو صورة غنائية

النكتة حبكت والله يا أ. مصطفى
الشاطر حسن دى لا غنوة .. ولا صورة
.
.
.
دى حقيقة

( نكتة وليست أى حاجة تانية وليعاذ بالله )
مع تحياتى

والله كنت عايز أقولها

بس استحيت

واكفش
( نكتة وليست أى حاجة تانية (وليعاذ) ولعياذ بالله )

بس والله انا شايف وليعاذ أصح لغوياً والله أعلم
تسلم لي يارب يا د.حسن

[عفاف سليمان]

المشاركة الأصلية كتبت بواسطة الباشاقمرزمان

إختيار حسن يا د.حسن ما دام فيها اسم مصطفى إذا هو اختيار رائع وأكثر من رائع ......
بس ممكن نجيب الأغاني اللى فيها اسم دلع :

فطومة ................ محمد فوزي

أيضا فيه أغاني عامة أي بدون تحديد اسم لكل ابنة
تغني صباح ...........حبيبة أمها
وهناك أغنية ست الحبايب
كتب حسين السيد .... ست الحبايب يا حبيبة
معروف انه كتبها لوالدته ... هل كانت والدته اسمها حبيبة..... والا هنا بيقول صفة .....سؤال مهم؟
ست عفاف جايبة حسن واحد بس قلت اجيب لها 2 حسن
حسنين ومحمدين.................. فاطمة عيد
هناء وشرين..........إعلان من الإعلانات في الزمن الجميل

عمر .............. عمر ده أصله
كمال والطاروطي .......... كمال بيه الطاروطي
علي ........ علي يا علي يا بتاع الزيت.....مش عارف لمين
سيد ................. هز الهلال يا سيد .. سيد درويش
عطية .............. صباح الخير يا اسطى عطية..... سيد درويش
شهر زاد ................. من اوبريت شهر زاد....سيد درويش
حزنبل ................... سعاد حسني
بدوي ...............
صلاح ........ما تشد حيلك يا بو صلاح إضربها صرمة تعيش مرتاح .... سيد درويش
بشندي ......دى المركب اللى بتجيــــــب احســن من اللى بتــــودى يا اسطى بشندى سيد درويش
محمود......................... وحيـــــــاة ربنـــــــــا المعبـــــــود وى آر فرى جود ياسطى محمود ...سيد درويش وسالمة يا سلامة
شادي.......................انا وشادي غنينا سوى ... فيروز
الحسين ...... انتعنا بأة يا جد الحسين ....سيد درويش والقلل القناوي
قفاعة ......... اقرأ يا شيخ قفاعة ..........سيد درويش
كيلو باترا وانطونيو .....................محمد عبد الوهاب
نرجس وياسمين ...... وحياة أبوك لم تكسفني خد لك عودين دانا اسمي نرجس ...سيد درويش ..يا ورد على فل وياسمين
منيرة المهدية .............. بصارة براجة وسيد درويش
ناعسة ..... بش مش فاكر فين
جولييت والسفيرة عزيزة وزقزوق 000000000 سيد درويش والزفة
خريستو .............سيد درويش

اسماعيل ..............يا حلاوة ام اسماعيل وسط عيالها ............سيد درويش

هناك أغنية ...............عزيزة
وكمان بهية ويس.............
وأدهم الشرقاوي ............عبد الحليم حافظ
نورا........... لفريد الأطرش
نورا........... لنيللي في فيلم......
حتشبسوت............... محمد العزبي
قيس وليلى..........ليلى.. من الهاتف الداعي...عبدالوهاب واحمد شوقي
نواعم ................
القس وسلامة .........أحب القس سلامة من فيلم سلامة لأم كلثوم
نوال ............موسيقى لعبد الوهاب
نعيمة ...............ليلى نظمى ...أمة نعيمة
زينة .........فريد وشادية ...زينة زينة يا زينة
سنية.......فؤاد المهندس ... فين ايامك الهنية يا سنية.. مسرحية
هناك اسم ورد في أغنية لكن لم يكن من كلمات الأغنية
محسن .... محسن .........في فيلم لعبد الوهاب حينما غنى المية تروي العطشان
محمد............ ياسمين الخيام في مقدمة مسلسل ديني قالت محمد يارسول الله(صلى الله عليه وسلم)
ولها أكثر من أغنية في مدح الرسول صلى الله عليه وسلم صلوا على محمد وأمتك يا محمد

تحياتي

اخى الكريم صاحب النشاط

الرائع فى هذه الدعوه
***أ مصطفى***
بسم الله ماشاء الله
هى الموسوعه اللى عند حضرتك دى
فين بالضبط
جميله وفيها كم هائل من المعلومات
عن الاسماء والتشابه فى الاغنيات
ماشاء الله
بجد لولا حضرتك ايضا فى هذه المشاركات
ماكانت هتبقى بهذا الجمال
لك ارق تحياتى وتقديرى
اختك عفاف

[عفاف سليمان]

المشاركة الأصلية كتبت بواسطة سامي عبد العزيز

أم كلثوم
قالوا أحب القس سلامة

هدى سلطان
أحب حسن
يا صابر
أحمد يا شاغلني

نجاة الصغيرة
عيد ميلادك يا منى

صباح
عزيز يا عزيز
بصالح عبد الله، يزعل شكر الله

شادية
لأ يا سي أحمد
سونه يا سنسن
نو يا جوني
توحه يا طعمه

مها صبري
يا حبيبي يا حسن (مطرح ما تروح معاك)
ناعسة

محمد رشدي
عدوية
أدهم

محمد قنديل
بهية و ياسين

فهد بلان
يا سالمه

اخى الكريم صاحب الطله الرائعه
***الاستاذ سامى عبد العزيز***
اولا
انا سعيده جدا
ان حضرتك نورت المنتدى
من جديد
ثانيا
زادت سعادتى بمشاركات حضرتك الطيبه والجميله
وللاغانى النادره فى هذه الدعوه
وياريت حضرتك تظل
تشارك معنا فى هذه الدعوه
حتى تزينها بهجه وسعاده وضياءا
لك ارق تحياتى
اختك عفاف

[عفاف سليمان]

المشاركة الأصلية كتبت بواسطة فاضل الخالد

اسماء لاشخاص في الاغنيات :-
في البدء اتقدم بالشكر الجزيل الى استاذنا الكبير( د.حسن )لمقترحه الجميل بذكر اغانٍٍ وردت فيها اسماء لاشخاص وبنفس الوقت نحن نحني له اجلالا لموسوعيته في جميع فنون الموسيقى والغناءوندعو له بأن تستمر ذاكرته بالتوهج واللمعان وهو يمتعنا بهذا الكم الكبير من المعلومات الفنية
والشكر موصول كذلك لابتنا الغالية( عفاف سليمان) التي ساهمت وتساهم بهذا الفيض من الفن وكنوزه .أليست هي من اطلقت هذا النداء( دعوة للمشاركة في اغنيات متشابهة)
فاننا نحييها من الاعماق لدعوتها الكريمة هذه التي آلفت بين منتسبي هذا المنتدى العريق فاليها وكذلك لمن استجاب لدعوتها نسجل شكرنا الجزيل

واسمحوا لي ان اساهم بهذه الاغاني التي وردت فيها اسماء لاشخاص
1- هنالك اغنية مشهورة في الغناء الفولكلوري المصري قد رددها اكثر من مغن ٍومغنية تقول
يا(بهية) وخبريني ع اللي گتل( ياسين)
2- في اوبريت مجنون ليلى تكرر الاسمان (قيس) و(ليلى )كثيراً
فعبد الوهاب ردد اسم( ليلى )واسمهان رددت اسم( قيس )
وحتي اسم( عفراء) جاء على لسان اسمهان حينما نادتها لتقول لها
(خذي وعاءً واملئيه لابن عمي حطبا)
3-للفنان( محمد رشدي) بعض الاغنيات التي ردد فيها بعضا من الاسماء
أ-تحت الشجر يا وهيبة ياما اكلنا برتقان
ب- وكذلك له اغنية ردد فيها اسم الحبيبة عدوية
4-للمطربة الهام بديع اغنية تقول فيها
ياحضرة العمدة ابنك( حميدة)حدفني بالسفندية
5-للسيدة ملك اغنية صباحية تقول مطلعها
صباح الخير يا( لولا)

6- غنت اسمهان في قصيدة للشاعرة( ليلى العفيفة )قصيدة تقول فيها
ليت( للبراق )عينا
7- المطربة العراقية (غادة سالم) غنت لاسماء اولادها الخمسة في آن واحد حيث قالت
(احمد) و(محمد) و(حسين) و(بشرى) و(عدويه)
اولادي واغلى من العين غاليين عليَه
8- ومن وطنيات موسيقار الاجيال اغنية
(ناصر) كلنا بنحبك

مع خالص الود والتقدير لكم جميعا

والدى العزيز
الذى شرفت وسعدت بصحبة

على مدار الدعوه الجميله
***الاستاذ فاضل الخالد***
قد ايه بكون سعيده جدا
عندما اجد مشاركه طيبه من حضرتك
خصوصا انها بتبقى فيها
كم هائل من المعلومات
وموثقه بالتواريخ
وهذه المشاركات لا تخلو من الاغانى
العربيه المختلفه
لبعض مطربينا العرب
وهذا ما كنت اتمناه
ان يشاركوننا اخواننا العرب
فى جميع الوطن العربى
لكى نتعرف على اغنياتهم المفضله
او التشابه فى الغناء
الطربى لديهم
لكى تعم الفائده
ولا يكون الطرب مقصورا على اهل
ومطربى مصر فقط
لك والدى العزيز
ارق تحيه وتقدير
جزيت كل خير
ابنتك عفاف

[عفاف سليمان]

المشاركة الأصلية كتبت بواسطة د.حسن

الإبنة الغالية أ. عفاف
زى ماتكونى مصممة قفشات
أول مرة الاقى حد مايعرفش مين غنى ياجمال ياحبيب الملايين

وبمناسبة إسم جمال تفضلوا الشوية دول :
ياجمال يامثال الوطنية .. أم كلثوم
إنت حبيبنا ياجمال .. بطل الثورة لعبدالوهاب
أنا شفت جمال والنبى يامه .. صباح
ياسلام لما قام جمال وقالها .. بالسلام لأم كلثوم
حد مايعرفش (...) .. فوازير عبد الحليم
جمال ياعز العرب .. موال لعبدالمطلب
ياجمال جمالك جمل جملة جمال ياجمال .. موال لأبودراع
ياجمال يابطل العروبة .. حفنى أحمد حسن
حققنا الآمال برياستك ياجمال .. بعد الصبر ماطال لأم كلثوم
وعندى الجمال وعندى جمال .. على باب مصر لأم كلثوم
جمال حبيبنا كلنا .. حبيب حياتنا كلنا لفريد الأطرش
ولد العم ياجمال يامنور أسوان الليلة .. نجاة
حقق المعجزات عزم جمال .. قصة السد لأم كلثوم
بهمة رئيسنا وزعيمنا وبطلنا جمال عبدالناصر .. وردة
لما نادى الشعب لبطله بطل الثورة جمال .. دقت ساعة العمل لعبدالوهاب
هى دى ثورة بلادى إللى حققها جمال .. طوف وشوف لأم كلثوم
(مافيش بعد كده .. جمال)
مع تحياتى








[/CENTER]

والدى الغالى
والعزيز على قلبى
***د حسن***
بصراحه لولا التفكير الجميل من حضرتك
والذاكره الذهبيه لحضرتك
ماشاء الله لا قوة الا بالله
متهيالى مكنش الموضوع هيبقى فيه
روح حلوه زى كده
خصوصا القفشات والنكات
واكيد طبعا غلطاتنا

خصوصا انا
بس الكيبورد هو السبب
وتلاه الان
الزهايمر والحمد لله
هههههههههههههه
مشاركات عن جد جمله جدا
اغنيات مكنتش احلم بيها
ولا كنت اذكرها الا لما حضرتك
والجميع شاركونى فيها او بمعنى اصح
هما وحضرتك اللى تعبتوا فيها
انا زهايمرى الخاص بى
يادوب جاب لى 4 او 5
اغنيات
على قدى
حضرتك والجميع
قمتم بعمل ومجهود رائع جميل
اما عن اغنية يا جمال يا حبيب الملايين
يا حبيب الملايين
هو مين اللى بيغنيها
(متهيالى ام كلثوم)
وحلوه الاغنيات عن الملك فاروق
اول مره اشوفها
سلمت لنا والدى العزيز
***د حسن***
ولا حرمنا الله منك ولا من
مشاركاتك وقفشاتك
و+
جرعات لتنشيط الذاكره لى
((للزهايمر))
ارق تحياتى
ابنتك عفاف

[محمود العيادى]

المشاركة الأصلية كتبت بواسطة د.حسن

ممكن طبعاً يامصطفى يامصطفى
مع الإحتفاظ بالألقاب ..
أنا كان قصدى أدخل على الأغانى الفرانكوآراب
زى ماقلت فطومة و يامصطفى
لوليتا و لورا لعبدالعزيز محمود
مع تحياتى[/CENTER]

معلهش يادكتور حسن فيه اغنيه من الفرانكو اراب و قعت من حضرتك اسمحلي اناولهلك اهه ( كنت فين ياعلي و امك بتدور عليك ) ودي كانت لمطرب الفرانكو اراب بوب عزام و ايضا بالنسبه لمحمد رشدي في الاسماء غني عرباوي وفيه اغنيه للاستاذ علي برضه و هي الاقي زيك فين ياعلي و كمان اغنيه في تراثنا الشعبي و احنا صغيرين علي يا علي يابتاع الزيت و كمان حد فينا ينسي رائعه سيد درويش يا بلح زغلول يا حليوه يا بلح .

[عفاف سليمان]

المشاركة الأصلية كتبت بواسطة فؤاد

أهلاً طارق

فايزه أحمد

ابو قلب دهب
اهلا اخى فؤاد
مين طارق ده
هههههههههههههههههه
بجد والله مشاركاتك
بتبعث فى البهجه والسرور
لانك فعلا صاحب القلب الابيض
الجميل
نورت اخى فؤاد
وابقى سلم لى على
طارق
والحمد لله لقيت اغنيات فيها اسماء
بس انتم مش افتكرتوها
يا ربى ازغرد
اخيرا لقيت حاجه اكتبها
شوفوا
اما نعيمه
(مش فاكره حد كتبها ولا لا)
ليلى نظمى
حسونه ما تغبش عليه
صباح
فى الغاوى ينقط بطاقيته
ايضا
فى اوبريت فى فيلم
اسمه
الدره المشوى او الدره النيلى
وكان بيقول لها بتاع الدره
من عينيه الجوز يا بت
يا سنيه
هديك حلاوه لوز

لحوريه حسن تقريبا
بسبوسه
شاديه

بت يا دوسه
يا دوسه شايله البسبوسه
اوبريت ايضا
الدندورمه
شوف شوف الدندورمه
مصنوعه بايدين توفيق
الدندرمه
طبعا كان فيه اسم
توفيق
سنيه
العتره
لكن مش فاكره باقى الاسامى
حلو قوى كده انا هنهب
لكم كل التحيه والود والتقدير

ارق تحياتى
اختكم عفاف

[عفاف سليمان]

المشاركة الأصلية كتبت بواسطة محمود العيادى

معلهش يادكتور حسن فيه اغنيه من الفرانكو اراب و قعت من حضرتك اسمحلي اناولهلك اهه ( كنت فين ياعلي و امك بتدور عليك ) ودي كانت لمطرب الفرانكو اراب بوب عزام و ايضا بالنسبه لمحمد رشدي في الاسماء غني عرباوي وفيه اغنيه للاستاذ علي برضه و هي الاقي زيك فين ياعلي و كمان اغنيه في تراثنا الشعبي و احنا صغيرين علي يا علي يابتاع الزيت و كمان حد فينا ينسي رائعه سيد درويش يا بلح زغلول يا حليوه يا بلح .

اهلا اهلا
اخى استاذ
(((محمود)))

طبعا محدش نسى الاسامى دى
ولو كنت حضرتك راجعت الاسماء
فى المشاركات
كنت هتلاقى اللى كتبوا
عن على
مين بس قاصد على
الله يرحمك يا والدى
ههههههههههههه
اصل اسمى عفاف على
المهم
وهتلاقى حضرتك انى ذكرت اغنيه
يا بلح زغلول يا حليوه يابلح
لو حد عنده بلح يحدف لى بلحتين
هههههههههه
لكم ارق تحياتى
ونورت يلا بقه
هات لنا اسماء تانيه
اختك عفاف