يا تري - الصفحة 2

**محمودسعد** · #11 27/12/2009, 06h21

اسمحلي اقول كده بس يادكتور
استاذ ورئيس قسم
انا بس عاوز بتوع اليومين دول ييجوا يسمعوا ويفهموا ؟؟؟

**Hisham Khala** · #12 27/12/2009, 07h31

اقتباس:

المشاركة الأصلية كتبت بواسطة رائد عبد السلام

الكلام ده كان سنة 80 يادكتور ؟؟؟؟!!

فعلاً زي مااستغرب صديقي الجميل أ/ الآلاتي

الشغل ده -خاصة التوزيع- لسه فيه ناس
بتنفذه اليومين دول يادوب .... وكمان شبّعونا مصطلحات
وتنطيط ..وبيدّعوا الحداثة ...
أكيد أنت مكسب للطب يادكتور
بس أكيد برضه إن المزيكا الاحترافية خسرتك

برافــــــــو ياصديقي الرائع
د /هشام خلف
يا أستاذ (مابعد الحداثة )

آه يا حبيبي يا رائد
طلعت الاغنية من قبور النسيان
انا لحنتها سنة 1980 غالباً في شهر فبراير او مارس و تسجلت في سنة 1981 كنت ساعتها طالب في البكالوريوس و دي صورة في الكلية و انا باعزف علي الكمان مع د. شريف المنجي بيغني الاغنية (المغني الذي اداها في التسجيل هو نصر آبو عطايا)
حفلة2.jpg

و عزفي علي الكمان دليل اني في الاساس كمنجاتي و الوتريات دايماً في دماغي ، أما بالنسبة إلي البيانو فهذا لدراسة التأليف ، كما انه آلة جميلة.

**Hisham Khala** · #13 27/12/2009, 07h49

اقتباس:

المشاركة الأصلية كتبت بواسطة محمودسعد

اسمحلي اقول كده بس يادكتور
استاذ ورئيس قسم
انا بس عاوز بتوع اليومين دول ييجوا يسمعوا ويفهموا ؟؟؟

آه يا محمود ، انت و رائد
ليت الشباب يعود

هشام_أوركسترا.jpg

شوف الصورة دي ، انا كنت المايسترو و تصور ان وكيل معهد الكونسرفاتور حالياً هو عازف الكمان القصير ، طول عمره ماهر جداً في العزف. الصورة كانت في نادي هليوبوليس بمصر الجديدة بمناسبة احتفالات نصر اكتوبر و الفرقة كانت عبارة عن 3 كمانجات و اورج و كونترباص و درامز *و جيتار و المسرح كان كبير علينا ، لان كان فيه فرقة رقص فنون شعبية و محتاجة مسرح كبير

**اسلام عاكف** · #14 01/01/2010, 13h44

الله عليك يا استاذ هشام
والله انا فخور اني اعرف استاذ بقيمة حضرتك
ربنا يخلي حضرتك لينا وميحرمناش من اعمالك الجميلة والقيمة

**Hisham Khala** · #15 01/01/2010, 16h47

اقتباس:

المشاركة الأصلية كتبت بواسطة اسلام عاكف

الله عليك يا استاذ هشام
والله انا فخور اني اعرف استاذ بقيمة حضرتك
ربنا يخلي حضرتك لينا وميحرمناش من اعمالك الجميلة والقيمة

الله يكرمك يا اسلام
انت صوت واعد و فيه احساس
إذا كنت تحب تغني هذه الاغنية ، انا ممكن ابعت لك ملف التوزيع الموسيقي ، بس فيه مشكلة ها تقبلك و هي انك ها تغني الميلودي لوحدك و باقي الالات كل آلة بتعزف دورها المختلف عن الميلودي ، و قد تجد صعوبة في تحديد ازاي ها تبتدي الغناء في كل كوبليه.

**الألآتى** · #16 01/01/2010, 17h07

اقتباس:

المشاركة الأصلية كتبت بواسطة Hisham Khala

و قد تجد صعوبة في تحديد ازاي ها تبتدي الغناء في كل كوبليه.

إبعت له الأغنية بصوتك ياحلو ..

وعلّى صوتك شوية .. بلاش تغنى فى سرك .

**محمودسعد** · #17 03/01/2010, 00h37

ماتنساش يادكتور ان اسلام ؟؟
ابن محمود سعد
وواخد الفكاكه بالوراثه
؟؟
ويقدر ماتقلقش
ولاايه يابو حسام

**الألآتى** · #18 03/01/2010, 03h10

اقتباس:

المشاركة الأصلية كتبت بواسطة محمودسعد

ولاايه يابو حسام

بالتأكيد .. يابو دينا

**عفاف سليمان** · #19 03/01/2010, 03h56

في وقتها مؤلف الكلمات كان شايف أن الأيام مش هاتبطل صدود و في وقتها أنا كملحن كنت شايف أن الدنيا هاتضحك لهم و لكني وضعت التساؤلات و الشك في الموسيقي من بداية الأغنية و تيقنت بعد سنين أن رأي مؤلف الكلمات هو الصحيح و أن الأيام مش هاتبطل صدود.
الكانون فورم Canon Form واضح في المقدمة الموسيقية و بأعبر به عن طلوع الشمس في الصبح بدري و عن التساؤلات ، و هو عبارة أن أنصاف العبارات الموسيقية بتتكرر بس متأخرة عن الأولي بنصف مازورة (بمعني آخر: أن اللحن بيعزفه آلتين و لكن آلة تسبق الآلة الأخري بمقدار نصف مازورة)زي طلقات المدفع الرشاش الطلقة الثانية تم إطلاقها قبل وصول الطلقة الأولي للهدف.
نهاية الأغنية فيها الإمتداد Expansion و هو تكرار اللحن بصورة تصاعدية أو هبوطاً ليعطي الأحساس بالقفلة و يعبر عن التساؤل هل الأيام ها تبطل صدود؟

د هشام
بعد هذا اللحن الجميل
والكلمات الرائعه
والصوت الحلو ده
اكيد اكيد
الايام راح تتغير
وميبقاش فيه صدود
اكيد راح يبقى فيه امل
واشراقة شمس يوم جديد
وربيع هياتى تانى من بعيد
وتبقى الدنيا كلها عيد
وفرح وامل وحب ومواعيد
هههههههههههههههههههههه
انا مش بقول شعر
انا بقول اللى حسيته من هذه النغمات
والكلمات والعمل الجميل ده
جميل يا ترى
اشراقة امل
هى الحياه
تحياتى لك وللجميع
بارق واطيب واجمل الاوقات
اختكم عفاف

**Hisham Khala** · #20 03/01/2010, 16h15

اقتباس:

المشاركة الأصلية كتبت بواسطة الألآتى

إبعت له الأغنية بصوتك ياحلو ..

وعلّى صوتك شوية .. بلاش تغنى فى سرك .

و ابعت له الاغنية بصوتي ليه و عنده المغني الأصلي بيغنيها بصوت عالي و توناته مضبوطة 100٪
انا ابعت له المزيكا بس