قصة الامس لام كلثوم

**حسن كشك** · #1 28/07/2007, 21h00

يالا ياعمنا الالاتى
خد الحتة التقيلة اوى دى
قصة الامس لام كلثوم
والله ياشيخ انا لما باسمع الاغنية دى
باصاب بالعيا
يعنى من كتر ما بتاثر فيا بامرض وبحس بالياس والوحدة
ليه
عشان المؤلف اللى كتبها عاشها كمأساه
وطبعا كلنا عشقنا وغدرنا واتغدرنا فحسين الاغنية اوى اوى
الاغنية مليانه بلاوى متلتله سواء لفظيه او لحنيه
ورينا همتك يا بطل
والا انت مالكش فى النقل الثقيل
مالناش دعوه انت اللى شربت المقلب من الكومندار راضى وعملت فيها فتوه
شيل يا اخويا اهو دبسك وخلع وكمان مش عاجبه وبيحدفك كمان بالدبش
يالا ياعمنا صلى على النبى وخش فى الموضوع
انا لن اعود الي اليك مهما استرحمت دقات قلبى
انت الذى بدء الملالة والظنون وخان حبى
فإذا دعوت اليوم قلبى للتصافى
لا لا لن يلبى

**حسن كشك** · #2 28/07/2007, 22h49

قصة الامس
كلمات الشاعر أحمد فتحى

الحان الموسيقار رياض السنباطى
بداية الشاعر احمد فتحى
شاعر عاش المعاناه وكتب هذه الاغنية من مأساه حقيقة عاشها ودمرت حياته
حيث كما يقال انه كان ميسور الحال ومتزوج من سيدة انجليزية وانجب منها
اولاد ولكنها تركته وعادت الى بريطانيا واخذت اولادها معها رغم حبه الشديد لها
مما اصابه بالياس والانهيار وادمن شرب الخمر والسهر ودمر حياته
حتى انه فى نهاية الامر سافر الى السعودية بدعوة من الشاعر الامير عبدالله الفيصل
وعاش فى قصره وكان الامير ينفق عليه ويوفر له الخمور التى ادمنها وكان المقابل
انه كان يستولى على مايكتبه وينسبه لنفسه
كمثال قصيدة سمراء المنسوبة الى الامير عبدالله الفيصل يقول اغلب المحنكين فى الشعر
انها من تأليف الشاعر الراحل احمد فتحى
لم يتحمل الشاعر احمد فتحى مأساته طويلا بعد اختفائه فى قصر الامير بالسعودية
وتوفى وقلبه ووجدانه قد احرقتهم مأساته
وغنت له ام كلثوم تلك القصيدة بعدما سمعت عن مأساته بعد وفاته
كلمات الاغنية

أنا لن أعود إليك مهما استرحمت دقات قلبى

أنت الذى بدأ الملالة والصدود وخان حبى

فإذا دعوت اليوم قلبى للتصافى لا لن يلبى

****

كنت لى أيام كان الحب لى

أمل الدنيا ودنيا أملى

حين غنيتك لحن الغزل

بين أفراح الغرام الأول

****

وكنت عينى وعلى نورها

لاحت أزاهير الصبا والفتون

وكنت روحى هام فى سرها

قلبى ولم تدرك مداه والظنون

****

أنا لن أعود إليك مهما استرحمت دقات قلبى

أنت الذى بدأ الملالة والصدود وخان حبى

فإذا دعوت اليوم قلبى للتصافى لا لن يلبى

****

واعدتنى الا يكون الهوى

ما بيننا إلا الرضا والصفاء

وقلت لى إن عذاب النوى

بشرى توافينا بقرب اللقاء

****

ثم أخلفت وعودا

طاب فيها خاطرى

هل توسمت جديدا

فى غرام ناضر

****

فغرامى راح ياطول غرامى اليه

وانشغالى فى ليالى السهد والوجد عليه

****

كان عندى وليس بعدك عندى

نعمة من تصوراتى ووجدى

ياترى ما تقول روحك بعدى

فى ابتعادى وكبريائى وزهدى

****

عش كما تهوى قريبا أوبعيدا

حسب أيامى جراحا

ونواحا ووعودا

ولياليا ضياعا

وجحودا

ولقاء ورجاء( ووداعا )

يترك القلب وحيدا

****

يسهر المصباح والاقداح والذكرى معى

وعيون الليل يخبو نورها فى أدمعى

يالذكراك التى عاشت بها روحى على الوهم سنين

ذهبت من خاطرى إلا صدى يعتادنى حينا فحينا

****

قصة الأمس أناجيها وأحلام غدى

وأمانى حسان رقصت فى معبدى

وجراح مشعلات نارها فى مرقدى

وسحابات خيال دائم كالأبد

****

أنا لن أعود إليك مهما استرحمت دقات قلبى

أنت الذى بدأ الملالة والصدود وخان حبى

فإذا دعوت اليوم قلبى للتصافى لا لن يلبى

**الألآتى** · #3 29/07/2007, 04h15

بداية .. أحب أن أحييك أخى حسن ( أبو على ) على مقدمتك الجميلة للأغنية .. وتعريفنا بالشاعر ( أحمد فتحى ) ..

وبصراحة .. هذا خير مثال لمن يريد النقاش حول أغنية .. وهذا ماأراده أخونا غازى عندما فتح الموضوع ..

كما أن كتابتك لكلمات الأغنية أراحنى من كتابتها مرة أخرى .. وجعلنى أعيش فى جو الأغنية قبل تحليلها موسيقياً ..

أحسنت ياأبو على .. وإنتظر منى تحليلاً موسيقياً بعد الإنتهاء منه بمشيئة الله ..

**حسن كشك** · #4 29/07/2007, 07h07

ع

عمنا الالاتى الجميل
فيه حته فى الاغنية دى السنباطى لعب فيها لعبه جامده اوى
فى المقطع
يسهر المصباح والاقداح والذكرى معى
وعيون الليل يخبو نورها فى ادمعى
لاحظ يا استاذنا فيها ان ام كلثوم بتقولها كأنها بتجود القران الكريم
يعنى كأنها بتقرا قران
ولا انا سمعت غلط
فى انتظار تحليلك الجميل

**محمود** · #5 29/07/2007, 10h04

أول كلامي سلام ..

أن أجد وصفا لهذا الإبداع : أمر من أصعب ما يكون. أخيرا هداني تفكيري إلى حل. تسمع هذه الأغنية فيتفجر إحساسك وتفيض مشاعرك .. إنها قنبلة. نعم هي قنبلة مشاعر زنة مليون قلب. مرة كنت على شاطئ المتوسط في نحو شهر إبريل أو مايو .. هو وقت تكاد تخلو فيه الشواطئ من الرواد بينما يبدأ أصحاب المحلات والكافيتريات في الاستعداد لزحمة الموسم الجديد. لا أذكر لماذا ذهبت إلى هناك في ذلك الوقت ولكن أذكر جيدا أنني كنت وحدي على الشاطئ قبل الغروب تماما .. على قلة الرواد في هذا الوقت من العام يبدأ الموجودون منهم في مغادرة الشاطئ مع اقتراب الغروب. أذكر تلك الصخرة التي كنت جالسا عليها أنظر إلى البحر بينما تتوارد على ذهني خواطر متباينة من بينها بعض قصائد العظيم إيليا أبو ماضي. وسط السكون الساحر إذا بألحان السنباطي تشق الصمت على استحياء يتلوها صوت أم كلثوم قادما من كافيتيريا على البعد ، وكانت قصة الأمس. لم أغادر مكاني حتى انتهى ذلك السحر وعدت إلى العمار وقد حل الظلام. لم أسمعها قط كما سمعتها في ذلك اليوم..

يا لذكراك التي عاشت بها روحي على الوهم سنينا

لي فقط ملحوظة واحدة أرجو أن يفندها أبو حسام عند تحليله للأغنية:

أشعر أن لحن هذا الكوبليه فرايحي أكثر مما يجب

ثم أخلفت وعودا

طاب فيها خاطرى

هل توسمت جديدا

فى غرام ناضر

خاصة أنه يأتي بعد: -

واعدتنى الا يكون الهوى

ما بيننا إلا الرضا والصفاء

وقلت لى إن عذاب النوى

بشرى توافينا بقرب اللقاء

تأمل الأمل والرجاء في هذه الأبيات :

واعدتنى الا يكون الهوى ** ما بيننا إلا الرضا والصفاء

وقلت لى إن عذاب النوى ** بشرى توافينا بقرب اللقاء

ثم تأمل اللوعة والضياع في:

ثم أخلفت وعودا ** طاب فيها خاطرى

هل توسمت جديدا ** فى غرام ناضر

بعيدا عن المقامات (فهذه شغلة أبو حسام والمقامات طبعا محفوظة) أتصور أن اللحن كان يجب أن يتشبع بروح قريبة من تلك الموجودة في

حسب أيامي جراحا ونواحا ووعودا
وليالي ضياعا وجحودا

مع تحياتي

محمود

**حسن كشك** · #6 29/07/2007, 10h34

ا

حلل الاغنية وربنا يستر
واترك للاستاذ الكبير الالاتى مهمة التحليل الموسيقى فهو عمنا فى هذا المجال
مساعدة مننا له وربنا يجعلها بفايده
فى بداية الاغنية لابد ان نسترجع الحاله المأساويه التى كان فيها الشاعر ونعيشها منه
انا لن اعود اليك مهما استرحمت دقات قلبى
انت الذى بدأ الملالة والصدود وخان حبى
فإذا دعوت اليوم قلبى للتصافى لا لن يلبى
هذه حال عاشق مطرود مصدود تمت خيانته من حبيبه وطبعا هذا العاشق يعيش فى حاله رجاء وامل ان يقول له حبيبه عود الى ونتصافى وكيف يأتى ذلك من محبوب ملول اى انه مل من حبيبه ويصده بل ارتكب الجريمة الكبرى فى الحب وخانه ومايدفعه الى ذلك قلبه الذى لايتحمل الفراق وفى نفس الوقت هو نفس القلب الذى يرفض التصافى منتهى التضارب والمعاناه
كنت لى ايام كان الحب لى امل الدنيا ودنيا امل
حين غنيتك لحن الغزل بين افراح الغرام الاول
طبعا كلنا عشقنا ولم نكن موفقين فى حبنا مرات عديدة وكلنا نعرف كيف يكون الحب فى بداياته عندما يبدأ قلبك يدق لانسان اوانسانه ويجاوبك هو مشاعرك
منتهى السعادة تعيش لتحب وتحب لتعيش واملك ان تمتلك حبيبك ان يكون لك وهو ايضا يزيد فيك هذا الشعور بانه لك ولك وحدك ولا حياه له الا بك
وحال الشاعر حالنا جميعا يقول ولكن بحسره بعدما ضاع منه الحبيب انك كنت لى لكن ايام ذلك ولت وذهبت ويذكره بايام الحب الاولى وكلنا طبعا بداناها بالغزل ومين مقالش للحته بتاعته انت القمر والشمس والورد والسما والارض فى بدايه حبه لها.
وكنت عينى وعلى نورها لاحت ازاهير الصبا والفتون
وكنت روحى هام فى سرها قلبى ولم تدرك مداه الظنون
يالهوى اجيب كلام منين يشرح البيتين دول مهما قلت فهناك مليون شرح وتفسير للبيتين دول كل واحد حسب حاله حبه لحبيبته
ياسلام كنت عينى وبدات ارى بك انت ياحبيبى اشياء لم اكن اراها بدونك وخدوا بالكم من كلمة لاحت اى ظهرت من بعيد وربما كل هذه الاشياء راها شاعرنا العاشق من بعيد وربما لم يتمتع بها قال رايت زهور الصبا والشباب ومفاتن لم ارها قبل وطبعا كلنا عارفين ايه هى زهور الصبا والشباب والفتون ومن غير كسوف عيون الحبيب وشعره و...و .. الى اخره حاجات كتير لم يعرفها الشاعر ويمكن تكون دى او حب له وكنت روحى وهام اى طار وتجول داخلها قلبى وعاش عاشق لتلك الروح اى انت ياحبيبى وذهب قلبى فى حبه الى حدود لن تتصورها اى ظنون
واعدتنى الا يكون الهوى ما بيننا إلا الرضا والصفاء
وقلت لى إن عذاب النوى بشرى توافينا بقرب اللقاء
ثم أخلفت وعودا طاب فيها خاطرى
هل توسمت جديدافى غرام ناضر
فغرامى راح ياطول غرامى اليه
وانشغالى فى ليالى السهد والوجد عليه
معلش المجموعة دى لازم تتقال كلها مره واحده ومع بعض
كحالنا فى العشق نتعاهد سواء قلناها ام لم نقلها ان كل منا رضى بحبه للاخر دون الدنيا باجمعها ومن منا لم يقل لمحبوبته ولم تقل له محبوبته انه مش هايخليها تزعل منه ابدا وانه هايخلى حياتها وتخلى حياته كلها سعاده وان يمكن بنتفارق شويه يمكن لظروف خارجه عن ارادتنا لكن عذاب النوى اللى هو الفراق هيكون بعده اكيد لقاء وقريب
كان هذا اتفاق الشاعر مع حبيبته صفاء رضا لقاء بعد فراق وتعهد الحبيب بذلك
ولكن خالف الحبيب ماوعد به حبيبه بعدما اطمئن ان ذلك لن يحدث ابدا
وخدوا بالكم اوى من الحته دى طاب فيها خاطرى
ان ان الوعود السابقه كانت مريحه بال الحبيب اللى هو الشاعر اوى
وطبعا لما العاشق حبيبه ينقلب على وعوده اول حاجه يفكر فيها ان فى حد تانى دخل فى السكه امال ايه يعنى اللى هيغيره ويتسال شاعرنا المجروح
هل توسمت جديدا يعنى انت عجبك حد تانى غيرى وفيه حب جديد
اما انا فغرامى راح زى مالشاعر حاسس ان حبيبه لم يعد يحبه ودليله انه خالف ما اتفقوا عليه
ويشتاق الى ايام غرامه وراحه باله ( ياطول غرامى اليه ) فاكر يا عم محمد الالاتى ( قالت غرامى فى فلوكه )
هنا ايضا شاعرنا يشتاق الى غرامه وكيف عاش ايام سهد وارق وعذاب يخاف على حبه ان يضيع من قلب حببيبته ولكن هذا لا يفيد اذا تنكر له الحبيب
اكمل ولا ايه ولا انا بهيس

**حسن كشك** · #7 29/07/2007, 13h23

نعود لاستكمال معانى كلمات الاغنية حسب احساسى بها طالما انتم فقستونى
كان عندى وليس بعدك عندى نعمة من تصوراتى ووجدى
ياترى ما تقول روحك بعدى فى ابتعادى وكبريائى وزهدى
هنا يكتب الشاعر قصة كاملة فى خمس كلمات فقط كان عندى وليس بعدك عندى اظن ان الخمس كلمات تلك تكفى لتكون قصيدة تحكى قصة تحتاج الى الاف السطور كان عندى طيب كان عندك ايه يا شاعرنا كانه يقول استنوا شويا انا باتكلم مع حبيبتى ولازم تعرف ان مفيش حاجه فى الدنيا اهم منها ياحبيبتى ليس بعدك عندى اى شئ لامال ولاجاه ولاصحة ولاشباب ولا احلام ولا امانى ولا دنيا ولا حياه فانت كل هذه الاشياء اذا لم تكونى انت معى فليس معى شئ طيب وماذا كان عندك ياشاعرنا قبل حبيبك كنت اعيش فى دنيا تخيلات وشجون وتصورات اظن انها كانت امالى واحلامى فى الحياة وكانت هذه الاوهام والتصورات وكنت سعيدا بها نعمه اعيشها بعدك لم يبق لى شئ
ومازال شاعرنا يهمه صورته فى عين محبوبته التى هجرته بل وخانته يهمه صورته كرجل وشهم ويسال حبيبته ياترى بتقولى ايه عليا لما بعدت عنك بكبرياء وزهد فى حبك ياعينى عليه متقطع حتت وعاوز حبيبته تشوقه جدع جنتلمان اوى احمد فتحى ده وراجل راجل والله موجوع بشهامه ووجعنا معاه وخلانا نتوجع زيه بشهامه
عش كما تهوى قريبا أوبعيدا حسب أيامى جراحا
ونواحا ووعودا ولياليا ضياعا وجحودا
ولقاء ورجاء( ووداعا ) يترك القلب وحيدا
هنا حاله ثورة على المحب والحب وكل عذابات عاشقنا المسكين
كفرا بالحبيب فى لحظة عذاب ثورة محب ذو كرامه افعل ما تشاء ياحبيبى تعالى الى او فارقنى لافرق يكفينى جروحى ونواحى والنواح اشد من البكاء النواح حاله الم مستمره لاتنقطع فالقلب فى النواح هو الذى يبكى وليست العين ويكفينى وعودا غير صادقه ولما قلت غير صادقه لانها لو كانت صادقه لانصلح الحال ولكن قلبى معك يا شاعرنا انك عشفت حبيبته كاذبه ترضيك بوعود كاذبه تضيع فيها لياليك سهرا وتلاقى كل ماوهبت من قلبك ومشاعرك وعمرك لحبيبك يلاقيه باستهتار ويتنكر له منتهى الجحود وايضا يلتقى بحبيبه ليودعه كل لقاء هو وداع ضاعت منه فرحة التلاقى ويجد شاعرنا نفسه وقلبه وحيدا بعد ذلك
اه ياقلبى وقلبى عليك يا شاعرنا المسكين
استكمل بعد شويه استراحه يا جماعه احسن ها اموت

**حسن كشك** · #8 29/07/2007, 21h32

نستكمل
يسهر المصباح والاقداح والذكرى معى
وعيون الليل يخبو نورها فى أدمعى
يالذكراك التى عاشت بها روحى على الوهم سنين
ذهبت من خاطرى إلا صدى يعتادنى حينا فحينا
هنا حال العاشق فى ليله وحده ما بعدها وحده اهل وصلكم هذا الشعور عاشق متألم ساهر ومن الذى يشاركه السهر جمادات لاحس فيها ولا حياه مصباح واقداح وعيون الليل اى نجومه هؤلاء هم من خلق فيهم الروح وجعلهم احياء ليشاركوه سهره حال الوحيد يبحث عن اى شئ يشاركه وحدته يبجث عن من يربت على كتفه ويشعره انه ليس وحيدا حتى وان كان هذا الشئ كوب فارغ او مصباح طريق او مكتب اما الذكرى فهى النار التى يلتهب قلبه وعقله وكيانه بها فالذكرى هى عملية مقارنه بين حاله جميله وحاله حاليه بشعه يتذكر العاشق كيف كان حاله وكيف صار حاله
الم ما بعده الم بل جنون
وعيون الليل اى نجومه وهى ايضا يتخيل شاعرنا انها تسهر لتشاركه ارايتم اين يبحث عن من يواسيه النجوم التى تبعد عنه الاف الكيلومترات ورغم ذلك هى اقرب اليه من اى انسان فى سهرته يكاد يرى النجوم طشاش لان عيونه مليئه بالدموع التى تكاد تحجب عنه الرؤيه
قلبى معك ياشاعرنا المعذب رحمك الله
وهنا يفيق شاعرنا لفترة او قل رحمة الله لابد ان تأتى ولو لبعض الوقت لتخفف عنه عذاباته ويتحكم عقله بعض الشئ فى مشاعره وهنا انا احتار فى كلمة ( ذكراك ) هل هى من( الذكرى ) ام من( الذكر )
وانا احسها من الذكر اى الحاله اليوميه لحبيبى او لأى انسان ومثال ذلك ( اذكروا ربكم ) وفى اغنية لام كلثوم ( اذكرينى كلما البدر بدا ) ولم تقل (تذكرينى ) اى صورة حبيبى التى اعيشها يوميا وعاش عليها الشاعر وكانت صورة وهمية مخدوع بها سنين طويله ( ومن حقكم تصحيح هذا ولكن هذا احساسى )
كل تلك الصورة الوهمية اليومية للحبيب ما عاد الشاعر يعيشها فقد ذهبت من خياله الا بقايا تأتى على باله عندما يتحكم قلبه به ويقول له فى لحظات لا حبيبك كان كويس وده وهم برضه
ونستكمل بعدين

**سامية** · #9 29/07/2007, 21h37

السلام عليكم ورحمه الله وبركاته
استاذ حسن بكل صراحة لا أنكر انك بهرتني بوصفك للكلمات وشرحك لمعانيها
واضح جدا من تحليلك للكلمات انك عشت كل حرف فيها
حزنت .. تألمت .. بكيت ووصلت لدرجة الاغماء من تأثير هذه الكلمات على نفسك وانت خارج من تجربة حب فاشلة
حضرتك فتحت عيني على هذه الاغنية بشكل مختلف عما كنت اسمعها من قبل
ساعيد سماعها مرة تانية واسترجع تفسيرك لكل كلماتها ومواقفها
فشكرا لك على هذا الشرح والتفسير الرائع
بس وحياة والدك ليا عندك سؤال مش قادرة اسكت عليه اكتر من كده عليه
هي كل تجارب سيادتك كده فاشلة وبتوصلك في الاخر لنفس النهاية ولا ايه الحكاية بالظبط
انت شرحت مقلبين انما تمام في الاغنية دي .. يا ترى هما كام مقلب خدته في حياتك
كفاية كده لانك صعبت عليا بجد .. بس لازم تجاوب
مع خالص تحياتي

**حسن كشك** · #10 29/07/2007, 21h56

ها اقولك يا عزيزتى ساميه
اما العدد فكتييير
وليست مقالب ذى ما انتى فاكره
لكن الحب بيكون اكبر من الحبيب
مثال : بتعملى برواز كبير جدا لصورة الحبيب وتحطي صورة الحبيب فيه يمكن صورته ما بتملاش البرواز
لكن انت بتكمليه من خيالك وحبك ليه وتشوفيه مالى البرواز قدام عينك
لكن بتيجى لحظات امتحان حقيفى للحب ده بيظهر فيها حجم صورة الحبيب بالنسبه للبرواز اللى حطيتيه فيها لو مرت لحظات الامتحان لهذا الحب على خير بتتاكدى ان حبيبك مالى البرواز اللى عملتيه له لكن لو فشل بتشوفيه على حقيفته وحجمه الفعلى بالنسبه للبرواز ولما تتأكدى انه صغير اوى جوا البرواز بترمى الصوره وتسيبى البرواز فاضى وتزعلى انك خدعتى نفسك وعشتى وهم حبيب مش قد حبك
يعنى مش فشل لكن مش عارف اسميها ايه