طلبات نوتة أ / عادل صموئيل الجزء الثانى

[علي شنيمر]

كل سنة وانتو طيبين.. جهود عظيمة صراحة في توفير النوتات..

بما انوا العيد على الابواب، نحتاج نوتة "من العايدين" لمحمد عبده و "كل عام وانتم بخير" لطلال مداح

[عاصم المنشاوى]

ههذا الصّوان بهذه الإمكانات البسيطة: هو المصنع الذي أفرز لنا معظم ألحان المعجــزة عبـدالوهــــاب فترتي العشرينات والثلاثينات،.... ما كانش في استوديوهات كانوا بينتقلوا بجهاز التسجيل الذي كانت تملكه شركة بيضافون...
والشخص الأنيق دا هو صاحبها....... الى مكان بعيد عن الأصوات والضوضاء ليلًا بعد منتصف الليل عشان ما كانش في مايك "مونو" ياخد من الصوت اللي أمامه فقط مثل مايك هواء الإذاعة كدا،...... والتسجيل "تيك وان" يعني بيتاخد من المرة الأولى على حالته مافيش إعادات ولا مونتاچ ولا إصلاح ولا تغيير ولا ترميم ولا أوتوتيون ولا تنقيح وظل الوضع دا مستمر حتى مع الجندول والكرنك وكيليوباترا كمان لأنهم اتسجلوا على الهواء مباشرةً بمايك الإذاعة....

[عاصم المنشاوى]

أستاذنا الكبير...
يامن تسعدنا دائما بتدويناتك من مدرسة الحرفنة والشياكة والتبسيط...
كل سنة وحضرتك طيب بمناسبة عيد القيامة المجيد...
وبمناسبة عيد شم النسيم وأعياد الربيع ...وحفلات فايزة وعبد الحليم ونجاة وفريد...ألخ ألخ...
انا عارف ان حضرتك كتبت قبل كده عنها...بس أكيد لسه فيه فى جعبة الذكريات عن اعياد الربيع...
أحكى لنا يامولانا...مثلا بصراحة كده ...حضرتك أخدت كام جنيه عن حفلة قارئة الفنجان الاولى
اعتقد كانت فى نادى الترسانة..وهل حضراتكو مخصصين لعبد الحليم بس ولا عزفتوا لمطربين تانيين فى نفس الحقلة...
اشكرك اخى العزيز عاصم واطيب تحياتى وكل عام وانت بخير وكل الاعضاء بخير ...حفلة شم النسيم كانت فى السنوات الاخيرة مخصصة فقط لعبد الحليم .. ومش الحفلة فقط ولكن 50 يوم قبلها كان فيه اتفاق مع كل الفنانين الى بنعزف لهم زى وردة وفايزة ونجاة وغيرهم .. ان ماياخدوش حفلات ولا تسجيلات خلال هذه الفترة يعنى يعملوا بيات شتوى بحيث تتفرغ الفرقة لبروفات عبد الحليم الى بتدأ من 5 مساء الى 9 مساء كل يوم ماعدا الجمعة .. انت طبعا عارف حفلات اضواء المدينة الجميلة زمان كان كل الفنانين بيشتركوا فيها كل واحد فقرة من 10 الى 15 دقيقة .. لكن بعد كده لما انفصلوا كل واحد بيحى حفلته .. عبد الحيم بقا يعمل وصلتين بينهم فقرة مرة جاب عماد عبد الحليم فى اول ظهور له ومرات جاب الراقصة نجوى فؤاد ومرات جاب عفاف راضى تقدم وصلة بين الوصلتين فى حفلة قارئة الفنجان ماجابش فقرات تانية كانت استراحة يعنى .. اما عن الاجر كان زمان الاجور ملاليم مش زى دلقوتى يعنى اعلى اجر انا خدته كان 20 جنيه فى حفلة عبد الحليم بس كانت قيمة الجنية وقتها كبيرة .. ماحضرناش احنا الملايين اللىبياخدوها دلقوتى .. يعنى فريد الاطرش فى آخر فيلمين عملهم كان بياخد 17 الف جنيه الناهردة محمد رمضان واخد فى مسلسل جعفر العمدة 50 مليون جنيه ما اخدهمش كل من حليم والست وفريد وعبد الوهاب ( وحط لى كمان وردة ونجاة وفايزة ) كلهم على بعض طول عمرهم وكانت اغلى تذكرة اول صف فىالحفلة دى 10 جنيهات ولم تتعدى ام كلثوم حاجز 15 جنيه للعازف الكبير و10 جنيه تذكرة صف اول

[ام طارق]

شكرا جزيلا للأستاذ عادل صموئيل لتلبيته تدوين طلب أغنية
الليالي - عمر العبداللات.
وكل عام وانتم بألف خير

[سامريونس]

المشاركة الأصلية كتبت بواسطة سامريونس

السلام عليكم ورحمة الله وبركاته
الأستاذ الكريم عادل صموئيل
ياريت اذا يسمح وقتك حضرتك بتدوين
نوتات علي الحجار مبسوطين
https://youtu.be/dlIINtARgkY

السلام عليكم استاذ عادل كل عام وانت بخير
يا ريت لو سمحت تدوين اغنيه علي الحجار /مبسوطين /وهي الاغاني الجميله ربنا يحفظك ويخليك ويعطيك راحه البال
رابط الاغنيه https://youtu.be/dlIINtARgkY

[nzar123]

مساء الخير
ممكن نوته اغنيه العزاز والله عزاز لالياس خضر العراقي
مشكورين ان وجدت عند احد الاعضاء وهي اغنيه جميله ولم احد لها تدوين في المنتديات الموسيقيه
او يدونها لنا د عادل صموئيل اذا سمح له الوقت بذلك

[boulus2000]

استاذ عادل اتمنى ان تكون بخير
اريد تدوين موسيقى الحنة للموسيقار محمد عبد الوهاب في تدوينات صحيحة ورائعة كما عودتنا
الرابط ادناه
https://youtu.be/IqSZwlygGXc

[طارق سرحان]

استاذ عاصم الف شكر لحضرتك واستاذنا الماسى والذهبى والقيمة والقامة المايسترو عادل صمويل كل عام وحضراتكم بخير جميعا ارجوا من اسطورة التدون العربى الاستاذ عادل تدوين اغنية ويلك ويلك يا مشتاق لمحمد فوزى فهى تستحق ان تكتبها ربنا يرزقك الصحة وطولة العمر ولسيادتكم جزيل الشكر

[عادل صموئيل]

احبائى

.. اقدم لكم اليوم تحفة فنية لعبد الوهاب من الصعب انك تلاقى لها نوتة حلوة او سهلة ..



دور : احب اشوفك كل يوم ...



ليه قلت دور ما قلتش اغنية كالعادة .. الكلام يرجع لأوائل التلاتينات ... كان وقتها الغناء فى قوالب يعنى طبعا انتم عارفين السماعى والموشح والبشرف وخلافه .. والقوالب دى كانت اصولها تركية .. وكان الغنا المصرى الاصيل نوعبن الاغنية القصيرة وتسمى طقطوقة .. والاغنية الطويلة الدسمة اسمها دور ... وعشان الملحن والمطرب يبقى فى الدرجة الاولى الممتازة لازم يلحن ويغنى الدور .. لأن اللى بيتخصص فى الطقطوقة بيبقى ملحن بتاع شغل خفيف ( كان عمار الشريعى بيسمها سندويتش ) على اساس ان الاغنية الكبيرة وجبة دسمة .. وعبد الوهاب لما دخل الوسط الفنى كان قبله فيه فطاحل عظام زى سلامة حجازى وسيد درويش ومن قبلهم محمد عثمان وكامل الخلعى .. وعشان يثبت جدارته فى وسط هؤلاء ما ينفعش شغله يبقى مقبول كان لازم يبقى اعجاز بالبلدى يعنى يعقد الملحنين والجمهور .. لأن الوسط الفنى لو انت موهوب ادخل كبير اوى . بعدها تنطلق الى عنان السماء.. والدور ده انا دونته الحمد لله مع انه خد منى وقت طويل عشان اوصل لأحسن نتيجة لأن عبد الوهاب القديم كان لما بيبدع بيخرج خارج نطاق التدوين بس النوتة هنا ممكن اى مبتدىء يمشى فيها بسهولة الحمد لله .. بعد كده عبقرية عبد الوهاب والغزارة اللحنية المتدقفة عنده خلته ابتدا يتمرد على القوالب .. مع ان الى قبله مشيوا عليها سنين طويلة ولكنه حس انها بتقيده ... يعنى انت لما تذاكر عبد الوهاب كان له مميزات خطيرة يعنى لما يعيد الجملة لازم يعمل فيها حاجة مختلفة ... ما يقدرش يكرر جملة كتير لأن عنده عشرات الجمل عايزة تطلع .. وبعدين الدور انت لو شفت الكلمات بتاعته حتلاقيها 3 ابيات مثلا وبتتكرر .. واللعب فى اللحن .. لكن عبد الوهاب حب انه يلحن قصائد طويلة واغانى طويلة وهنا لما ابتدا يخرج عن القوالب اتهاجم الاول فترة .. لكن لما افحمهم بجمال وعبقرية الالحان .. بقا مدرسة الى بعده كلهم قلدوه حتى مبادىء التحرر والتمرد ابتدت فى الدور ده من المقدمة .. يعنى كانت طويلة مع ان الدور اصلا كان المقدمات بتاعته دولاب يعنى جملة واحدة عادة ومتشايهة فى معظم الادوار يعنى حاجة بتخليك توصل للمقام اللى حاتغنى منه لكن عبد الوهاب هنا عملها جملة مخصوصة للدور ده .. اتمنى التدوين يعجبكم واطيب تحياتى

[خالد على البشرى]

حمدا لله على سلامتك استاذ عادل
نرجوا ان نراك فى هذا الموقع الجميل سريعا ولا تغيب عننا طويلا
رزقك الله الصحة وطولة العمر لتمتعنا بهذه التحف الجميلة
واخرها دور عبد الوهاب
احب اشوف كل يوم