اقدم لكم برنامج انكور للتدوين احث نسخة كاملة مع الشرح - الصفحة 4

**adham azkoul** · #31 13/02/2009, 14h25

شكراً استاذ عادل على هذا البرنامج والله يريحك من العذاب مثل ما ريحتني صرلي مدة وانا عم فتش على برنامج تنويط شكراً جزيلاً

**عادل صموئيل** · #32 13/02/2009, 17h59

اقتباس:

المشاركة الأصلية كتبت بواسطة صابر ناجي

بسم الله الرحمن الرحيم

أرجوكم .من يفيدني:
_هل يعمل هذا البرنامج مع برنامج windows vista للمحمول؟
_و ان كان يعمل لماذا كل مرة لا أتمكن من حفظ ما أكتبه ؟ و شكرا

اخى العزيز
اولا انا اول مرة اسمع عن المشكلة دى للبرنامج , يعنى المشكلة من هذا النوع انه يعمل على الفيستا ام لا انه لايفتح اصلاً اما انه لا يحفظ لم ترد على والسؤال عندك مشكلة فى الحفظ فى البرامج الأخرى ؟
وانصحك بإستشارة خبير فى الكمبيوتر . وللعلم الفيستا مشاكلها اكتر من مزاياها
انا اعمل على وندوز sp2 وهى نسخة ممتازة اراحتنى من العناء بعد كذا نسخة ويندوز ومن مزاياها قوة تحملها للدخول على النت وتقاوم الفيروسات اكثر من أى نسخة اخرى , اولا انصحك بغزالة النسخة ثم تسطيبها مرة ثانية
واذا كنت من الممارسين للتدوين الموسيقى بإستمرار انصحك بالطريقة التى انا امارسها انا : انا اضع نسخة ويندوز على ال c ام يفعل الجميع ثم اضع نسخة ويندوز اخرى على d بحيث لاتقل مساحتها خالية عن 9 جيجا وأضع عليها الإنكور بحيث اعمل عليها ولاتتعارض مع برامج أخرى انا استعملها وأضعها على ال c يعنى مثلا انا عندى برنامج ocr وهو يحول الصورة إلى ملف وورد أوفيس ( فى حالة لو كان عندك نص مكتوب ولكن صورة ) وهذا البرنامج يعمل مشاكل مع الأنكور لأن كل منهما يعتمد على الtext وعندما عملت طريقتى تلك وضعت احدهما على ويندوز والآخر على الويندوز الثانى انتهت المشكلة , ولا اخفى عليك ان الكمبيوتر ملىء بالمفاجئات والاسرار التى تغيظ احيانا ولكن مع تشغيل المخ نحل المشاكل مع تحياتى وطمننى
وأنصحك قبل كل شىء ان تراجع كل ردودى على الاخوة فى هذا الموضوع قد تكون اخطأت اثناء التسطيب راجع التسطيب الصحيح فى الصفحة السابقة

**احمد سنايم** · #33 14/02/2009, 22h09

اخى العزيز الاكثر من رائع استاذنا عادل صموئيل كان عندى مشكلة فى الصوت وبالصدفة لقيت برنامج مشغل صوتيات واشتغل الصوت وكلة تمام التمام لكن عندى مشكلة ثقيلة جدا انى عازف عود قوى جدا فى العزف وضعيف جدا فى الهارمونى لو انكور يقدر يكتب الهارمونى للميلودى اللى انا اكتبة يبقى اتحلت اكبر مشاكلى يا ريت يا استاذ عادل يكون عندك الرد اللى يفرحنى ربنا يفرحك باحبابك والف الف شكر

**عادل صموئيل** · #34 14/02/2009, 22h26

اقتباس:

المشاركة الأصلية كتبت بواسطة احمد سنايم

اخى العزيز الاكثر من رائع استاذنا عادل صموئيل كان عندى مشكلة فى الصوت وبالصدفة لقيت برنامج مشغل صوتيات واشتغل الصوت وكلة تمام التمام لكن عندى مشكلة ثقيلة جدا انى عازف عود قوى جدا فى العزف وضعيف جدا فى الهارمونى لو انكور يقدر يكتب الهارمونى للميلودى اللى انا اكتبة يبقى اتحلت اكبر مشاكلى يا ريت يا استاذ عادل يكون عندك الرد اللى يفرحنى ربنا يفرحك باحبابك والف الف شكر

اخى العزيز
انا سعيد جدا انك حليت مشكلة الصوت واحب انك تقول لنا اسم برنامج مشغل الصوتيات ده ممكن يحتاجه حد من الأعضاء
لو راجهت موضوعى مهارات متقدمة فى استعمال برنامج انكور ممكن تعمل صوتين ب انت اللى تكتب الصوت الثانى مش البرنامج ولازم يكون عندك فكرة عن علم الهارمونى وماتفكرش تعتمد على برنامج هو يكتب لك لأنه بيبقى مبرمج على حاجات محددة وتلاقيه بعد كذا مرة بيعيد نفسه يعنى مايعملش جديد لكن العقل البشرى بيعمل حاجة جديدة كل مرة على طول صح؟

**احمد سنايم** · #35 15/02/2009, 19h54

شكرا استاذنا الجميل الاكثر من رائع استاذ عادل صموئيل اسم برنامج مشغل الصوتيات EVIL player معلش يا استاذ عادل يا رب يخليك ما تضايقش منى لو انا عملت وصلة ميدى للاورج وصلتة بالكمبيوتر ممكن انكور يكتب اللى اعزفة لو يقدر يا ريت شوية شرح بسيط وشكرا الف الف شكر

**احمد سنايم** · #36 15/02/2009, 19h59

اسف يا استاذنا كنت عايز اسألك عن حاجة مهمة ونسيت لو انا عايز اسمع النوتة بسرعة بطيئة عن اللى انا كتبتها هل دا ممكن يا ريتك تشرح لنا وربنا يخليك لنا يا استاذ عادل ولكل اللى بيحبوك

**احمد سنايم** · #37 18/02/2009, 01h29

اخى الحبيب استاذنا عادل صموئيل بقى لك يومين مارديتش عليا لعل المانع خير ويا رب تكون دائما فى خير وفى احسن صحة وفى احسن حال من فضلك انا عاوز اكتب تريولية النوار فى انكور ولانى فى بداية البداية مش عارف احاول لوحدى ربنا يخليك لنا ولكل احبابك والف الف شكر

**عادل صموئيل** · #38 05/03/2009, 00h52

اخى العزيز احمد سنايم
انا آسف جدا انى ما رديتش عليك بسرعتى المعهودة اولا لأن المنتدى عامل زى المحيط الأطلنطى زى ما انت عارف واول مابدخل اكيد كل مرة تستلفت نظرى حاجة مهمة تستغرق منى الوقت اللى ممكن اتواجد فيه على المنتدى .
انا لعلمك احب الأسئلة فى مواضيعى بتخلينى احس ام فيه استجابة وانا اتمنى اعلم كل واحد كل اللى اعرفه
انت سألت 3 اسئلة على جانب كبير من الأهمية وانا اعتبرهم إضافة لموضوعى وانا فعلا ما قلتهمش فى شرحى لكن ححاول اضيفهم فى الشرح بس حتاخد وقت عشان زى ما انت عارف التعديل بيحتاج وقت لكن لن ابخل عليك بالإجابات دلوقتى تقديرا لمجهودك
1 ـ انت لما تفتح برنامج الانكور بتبقى سرعته 100 ولزيادة السرعة او إبطاء العزف ادهب فى شريط القوائم إلى
widows تظهر لك قائمة اضغط على تالت كلمة فيها tempo تفتح لك نافذة بها السرعة وتستطيع سحب المؤشر الذى يقع فى وسطها الى اعلى للسرعة واسفل للبطء بالمقدار الذى تريده واذا رغبت العودة الى سرعة 100 توجد كلمة reset فى اسفل منتصف انافذة تعيدك إلى سرعة 100 الأصلية .
2 ـ بالنسبة للتريوليه فى النوار او فى اى علامة إيقاعية اخرى من باليتة notes والتى نأخذ نها العلامات الإيقاعية لندونها , إنظر فى اسفلها تجد 3:2 اولا إضغط على الكروش ثم اضغط على ( 3:2 ) واكتب الكروشات الثلاث
الذين تريدهم تجدها اصبحت تريوليه ( وطبعا ممكن على الدوبل كروش ) .
3 ـ ممكن توصيل اورج كما قلت ولكن توجد مشكلة خطيرة ( لذلك انا لا احبذ هذه الطريقة ) انك عندما تعزف بهذه الطريقة لابد ان تعزف عزف عسكرى يعنى النوار نوار مضبوطة واذا اطلت فيها شعرة الكمبيوتر يكتبها يعنى مثلا 4 نوار لو اطلت او قصرت فى زمن اى منها يكتب لك الكمبيوتر تقاسيم داخلية من الكوتريبل كروش ونقط مريبة وما ابه وتصبح النوار بدلا من ان تكون نوار واضحة تصبح كمية من الإيقاعات المستحيل قراءتها لأن الكمبيوتر مبرج يكتب ما يسمعه ويكتب الحليات وما اشبه , لذ انا انصح انك تتمرن على التدوين بنفسك افضل مائة مرة , ومرة فى مرة ستكون مدونا جيدا , وانا لم اولد مدونا ولمن تدربت كثيرا .
اتمنى ان تصل اليك معلوماتى وانا تحت امرك فى اى اسشارة , وللعلم انا اؤمن بمبدأ ( يوضع سره فى اضعف خلقه )
ومعناه ان التلميذ الصغير المجتهد ممكن بمحاولة والمثابرة قد يكتشف شيئاً خطيراً لايعرفه استاذه , وللعلم ايضاً مع انى اعطى محاضرات فى هذا ابرنامج مازلت استكشف فيه واكتشف اشياء جديدة وطبعا لا ابخل بها على كل من يحب التعلم
مع اطيب تحياتى وطمنى ان المعلومات وصلت واستفدت منها

**احمد سنايم** · #39 05/03/2009, 03h41

استاذى الحبيب الاكثر من رائع استاذ عادل صموئيل بالطبع انا سعيد جدا باجابتك الصحيحة جدا والمضمونة جدا لكن انا فرحان قوى قوى بعودتك وانشاء الله ما تغيبش ابدا ويا رب دائما تكون فى احسن صحة وفى احسن حال وشكرا الف الف شكر

**احمد سنايم** · #40 13/03/2009, 18h56

صديقى العزيز استاذ عادل صموئيل من خلال تعاملى مع انكور بحس وكأنك معايا فعلا بفتكرك كل ما افتح البرنامج استاذى العزيز لو انا عايز اكتب السدسية بدل ما اكتب
(3) فى التريولية اكتب (6) اعملها اذاى ربنا يخليك لنا ولكل حبايبك والف الف شكر