طلبات نوتة أ / عادل صموئيل الجزء الثانى

[وائل علوي]

[B][SIZE="5"][COLOR="Magenta"]السلام عليكم ورحمة الله وبركاته
اخي واستاذي عادل صموئيل
تحية طيبة
نوتة لا مش كده مكتوبة بشكل رائع ولي ملاحظة عليها وهي: في الحفلة المرفق الرابط بتاعها الكوبيله الاول الي مكتوب في صفحة 3 حسب الحفلة يجب ان يكون الكوبليه الثاني
يعني حصل معك لخبطة
الكوبليه الموجود في صفحة 6 يجب ان يكون في صفحة 3 وهو الكوبليه الاول
والكوبليه المكتوب في صفحة 3 يجب ان يكون في صفحة 6 وهو الكوبليه الثاني
يعني عملية عكس اتمنى من حضرتك تقوم بتعديلها مع مراعاة باقي التسلسل الذي سينتج عن هذا التعديل ولك مليون تحية وتسلم ايدك وعافيتك ايها الرجل الطيب
ملاحظة اخرى ليست في النوتة بل هي في احد التعليقات الموجودة اسفل الفيديو من شخص اسمه مدحت جرجس بيقول ( الاغنية دي فشلت مع الجمهور من الحفلة الاولى ووردة لم تكمل غناء الكوبليه الرابع ولم تغنيها مرة ثانية في اي حفلة) طبعا هو قصده لم تكمل الكوبليه الثالث وليس الرابع ده لو كانت فيها تكملة
والغريب في كلامه ان الاغنية دي حلوة جدا في رأيي وبحبها كتييييير ولكل واحد ذوقه
اما بالنسبة لوردة انها لم تغنيها في اي حفلة اخرى فما رأي حضرتك في الكلام ده بحكم انك حضرت هذه الحفلة وجميع حفلات وردة
مع خالص تحياتي
اخوك وائل علوي

https://www.youtube.com/watch?v=O00Tce_QQaE


بالفعل وجدت رابط اخر للاغنية وفيه كوبليه ثالث
https://www.youtube.com/watch?v=0Qh96T2UgEQ
بالنسبة لي الكوبليه الثالث ده معجبنيش اوي
من الواضح ان الرابط الاول ده تسجيل الحفلة وهي 2 كوبليه فقط وانتهت الحفلة وده الي اصبح معتمد
والرابط الثاني ده تسجيل استديو
وتحليلي الشخصي ان تسجيل الاستديو الفنان بيكون على راحته ممكن يعيد ويزيد ويرتاح ويغني براحته على الاخر
وفي الحفلة توقعي ان وردة تعبت وكانت مجهدة كتير وده واضح من كمية العرق الي كان باين ويمكن لهذا السبب مكملتش الاغنية
ويبقى الخبر الاكيد عندك لانك شاهد على زمن الفن الجميل
المهم عندي يتم تعديل الكوبليهات وسلامتك
اخى العزيز
مرفق الملف اللى انا دونتها منه وللعلم الاغنية دى من وجهة نظرى سيد مكاوى كلفتها يعنى عملية شغل فلوس من فن زى حاجات تانى كتير وانا بدونها حسيت ان كل جملة تمألفة وهو قاعد يعنى مش قعد يفكر فيها شهور زى اوقاتى بتحلو مثلا
مع اطيب تحياتى

[King_Tut]

برجاء نشر نوتة "سمرا يا سمرا" للمطرب والموسيقى الراحل "كارم محمود" .... وشكرا جزيلاً.


الاخ العزيز
النوتة موجودة مسبقا هنا
http://www.sama3y.net/forum/attachme...2&d=1325301713


ورجاء انك تشوف الفهرس اولا مع اطيب تحياتى عادل صموئيل

[وائل علوي]

اخي العزيز عادل صموئيل
بالفعل ملف الصوت بتاعك زي ما كتبته في النوتة
وملف الصوت بتاعي ترتيب الكوبليهات نقلا عن الحفلة وهو عكس ملف الصوت بتاعك
وسيد مكاوي غناها هو كمان زي ملف الصوت بتاعي يعني بعض التسجيلات فيها اختلاف في تسلسل الكوبليهين
الاغنية دي فيها حاجة غريبه
عموما لو مفهاش تعب عليك بعد اذنك تعكس تبديل الكوبليهين اكون ممنون جدا لك
مع فائق احترامي وتحياتي لشخصك الكريم

[عادل صموئيل]

احبائى

اقدم لكم من اروع ما غنت شادية ومن احلى ما لحن محمود الشربف تحفة فيلم لحن الوفاء

شبكت قلبى

مع اطيب تحياتى

[badis]

شكرا لك استاذ كنت طلبت من سيادتكم نوتة لعبدالوهاب لاغنية اعجبت بي ..ياترى اين وصل الطلب

[wahidfarid]

مبروك آستاد عادل على الوسام وفي ما يخص أغنية لامش كده أفضل النسخة التجريبية لأن الدوبل كروش يعطي إحساس أكتر با لسرعة
و أخيرا أود أن ادكرك بطلبي أغنية قدام عينيا بتاريخ 26/10/2016

[عصام عدلي]

اولا ::::::::::::: تحياتى للموقع وكل القائمين عليه..........فهو موقع يتصل مباشرة بروح الأنسان ....ويتغلغل داخل مشاعره ......ويحرك احساساته.......وينمى عواطفه.......ويجرى انهار الحب بداخله ....فيفيض على الكون صور جماليه رائعه .....ويعطره بعبير لا يوجد وصف له .....فسحره لا يوصف ....وجماله لا يقارن
ثانيا :::::::::::: اقر واعترف باننى قد استفدت من هذا الموقع من الجميع وخاصة ((( الدكتور الفنان ******* عادل صموئيل........والدكتور الفنان طارق )))......فلكل منهما التقدير والأحترام
ثالثا ::::::::::: هناك اغنية لأصاله تكاد تكون اعتراف وهى تقول ((( حتى انا اوقات ....بتاخدنى حالات ...واهمس بحاجات ولا ليها اساس .....وكلام وخلاص ..............اتمنى ان اجد النوته الموسيقيه لهذا اللحن الرائع والكلمات الصادقه ...........................
::::::::::::::::::::::::::: تحياتى للموقع وكل القائمين عليه :::::::::::::::::::

[minjor]

لو سسمحت اناا عاوز نوته رقص شرقي ومش لاقيي

[Yazan Al-Habash]

إليكم نوته مقدمه أغنيه - هذه ليلتي - من تدويني وشغلي اتمنى ان تنال من اعجابكم
اعرفكم بنفسي انا يزن الحبش من فلسطين عمري 17 عاماً وأعزف على آلة العود
اذا اعجبكم تدويني وعملي المتواضع ارجو ابلاغي بآرائكم

[عمرو الهنداوي]

ما شاء الله 17 سنة ونوتة بالاحترافية كده ..
يزن .. أولاً: أهلا بيك في المنتدى وشكراً على مقدمة هذه ليلتي .. تدوينك جيد جدا من النظرة الأولي لي للنوتة بالعين المجردة.. وهذا النوع من التدوين مطلوب في نواحي كثيرة وسط متابعي النوتات الموسيقية.. أن كان تدوينك من نوعية نوتة مقدمة هذه ليلتي فهو من مدرسة التدوين لفوق متوسطي العزف وبداية مدرسة المحترفين شوية، ولذلك لا تقلق أن وجدت البعض منا يقول لك النوتة صعبة شوية عليهم .. لكن عملك لا بأس به على الأطلاق.. محتاجين بس نشوف أعمال تانية حتى يتسنى للأخوة المتخصصين إعطاء رايهم وتقييمهم وإرشادك ومساعدتك بالنصائح العامة والخاصة..
أنا افضل أنك تفتح موضوع خاص بنوتاتك حتى يتفاعل معك الأخوة بالمنتدى بشكل أكبر ويمكنك مراسلة أستاذ عادل صموئيل وهو واحد من أهم كبار أساتذة التدوين الموسيقي وأستاذ الفرقة الماسية وهي الفرقة التي عاصرت خلاصة أغاني الزمن الجميل، وهو راجل كريم وأضافه غير مسبوقة لنا كلنا ولن يبخل عنك سواء بالنصح أو الإرشاد.. ويمكنك الاستعانة أيضا بعد رب العالمين طبعا بأستاذ محمد السويفي وأستاذ خالد صندوق وهو ينتمي إلي نفس مدرسة التدوين بتاعتك وأيضا استأذنا الكبير أحمد الجوادي فهو غني عن التعريف وأستاذ طارق وغيرهم من الكبار في التدوين في المنتدي .. وفي النهاية موهبتك مبشرة جدا وكل التوفيق لك وفي انتظار تدوين أخر..