احبائى انا قدمت امس اغنية وحكيت حكايتها والاخ العزيز هيثم قال لى اسمها وانا استرجعت التسجيل هى اغنية الفنانة العراقية انوار عبد الوهاب
ياهلا عمد ارد اتيه الروح
وانا لما التسجيل اتوجد كتبتها او صلحتها تانى منه يعنى انا كنت كاتبها من الذاكرة عجم من ادلو لكن اصلخا عجم من ال مى بيمول وكان طبعا فيه فرق طفيفة انا صلحتها لأنكم عارفين انىملتزم بالتسجيلات حرفيا ما اقدرش اكتب حروف غلط او الدقة المتناهية المعروفة عنى لأنى دىكانت من اهم اساسيات العمالقة الل اشتغلت معاهم عشرين ينة وتطبعت بيطريقتهم وطبعا لولا الدقة المتناهية ف كل شىء مكانش موسيقاهم بقت بهذه الدرجة من الروعة .. لفت نظرى هنا موضوع خطير .. وبرضه ده من الى اتعلمته من العمالقة .. ليه انا استوعبت اغنية انوار عبد الوهاب ومش بستوعب معظم الاغانى العراقية الل بتطلبوها عشان كده مش بدونها .. وقبل كده لما دخلت على اليوتيوب وبحثت عن اغانى تانية لأنوار عبد الوهاب مع ان حظها وحش فى التسجيلات يعنى ليها تسجيل تليفزيونى مسجلة 3 اغانى بس متكلفت يعنى منهم الاغنية دى بس متقطع منها اجزاء وده يديك مؤشر بالخبرة ان باقى ال 3 اغانى متقطع منهم اجزاء بنفس الطريقة .. ايه السر .. الاول عايزك تنظر لأى نوتة من تدوينى وركز جيدا فى البار او الخط اللى بين المازوتين .. يعنى ما قبل الخط وما بعد الخط .. لو فيه حرف فى آخر المازورة الاولى مربوط فى اول حرف من المازورة التانية دى مش انا اللى مخترعه ولكن الملحن عامله كده.. وانظر الى كل حرف فى السطر تلاقى كل نوار او بلانش او سكتة كل حرف فى مكانه بالمللى يعنى نغمة سى مثلا هل هى اول ولا تانى ولا تالت حرف فى المازورة يتكون زى ما الملحن عامل بالمللى .. وانتم بتشهدوا بدقتى فى الكتابة المشكلةاو الكارثة فى التصدير يعنى ايه التصدير يعنى لما المطرب يتفزلك ويمط حرف ( ركزوا معايا اوى ) يعنى المازورة فيها 4 نوار او ما يساويهم .. راح المطرب مااطط نوار خلاها نوار ونصف هذا النصف بيروح فين انت مش بتشترى خيار والبياع يحط لك خيارة فوق الميزان هدية معندناش فى الموسيقى كده دى اما احترافية بس المطرب بيعرف يلمها منين او خيبة بتكسر الميزان .. لأن بالطبع الجزء اللى المطرب طوله بالتبعية بيترجل للمازورة التالية ف يطبعا بيزق اول حرف فيها للداخل .. واول حرف ده ايه ؟؟؟؟؟؟؟ اللى هو الجايد بتاعى او المرشد بتاعى الحرف الى على الدوم اللى انا بكتب منه فاهمين قصدى ؟ يعنى ام كلثوم او عبد الحليم لما كان نادر يعملها كان بيختصر نفس القيمة فى المازورة الل بعدها لكن اصالة مثلا مش بتعمل كده .. بيفضل الكسر ف الميزان ماشى معاها فترة طويلة وبالطبع ولا اى حد حايعرف يدون اللى بتقوله .. ودى نواتج ما حد ضرب الموسيقى فى مصر بعد رحيل العمالقة ولخبطها الظاهر فى العراق حصل نفس الشىء .. يعنى بقا المطرب وهو بيغنى عمال يمط فى الحروف .. كلها .. يعنىمش يمط حرف وبعدين يتعدل بحيث انى احاول اخترع لها حاجة فى التدوين ولكن بيخرج من حفرة يقع فى ضحضيرة زى ما بيقولوا عندنا ف مصر او بحاول بدل مايكحلها بيعميها .. يعنى وهو ماشى عمل يمط فى الحرف هى ممكن تتسمع حلوة لكن فين الدوم ؟ يعنى خطورة الدوم دى ان الرق مع الكونترباص لازم يعملوا الدوم مع بعض انظر تانى للنوتة .. او اى نوتة .. الكونترباص بيقول اول حرف او اول نغمة من المازورة ومعاه الرق بيدى خبطة الايقاع لذلك بتكون الدوم منغمة .. منغمة بإيه ؟؟؟؟ باول حرف من المازورة .. لما ييجى المطرب يمط الحرف بدون داعى ممكن يكون الدوم بتاعة الكونترباص مى مثلا وهو بيمط فا هنا بيعمل نشاز والكونترباص ما يقدرش يسكت عازف الرق حايخاف يقول وكتير بيحصل كده .. تلاقى عازف الرق لما بيلاقى لخبطة ببقول تكوك كذا مازورة ورا بعض فاهمين قصدى ؟ لأن الدوم ضاع من المطرب .. عازف الرق ده اسمه ضابط الايقاع يعنى سائق الاتوبيس المطرب بيتسبب انه يفقد الرؤية ..كان زمان ام كلثوم وهى صغيرة لما تمط كده وتتوه كان فيه عازف اسمه ابراهيم عفيفيى ده كان ابو كل عازفين الرق الكبار فى مصر .. كان متفق معاها بيديها 2 دوم ورا بعض الدوم الاول تحذيرى والتانى ده الدوم الجديد الصحيح يعنى ده الدوم بتاعنا وطبعا كان كله حاجة بتتعدل لأن دى ام كلثوم مع اطيب تحياتى