* : محمد عبده (نوتة) (الكاتـب : عبداوي الهوا - آخر مشاركة : qusay.qq - - الوقت: 22h44 - التاريخ: 18/05/2021)           »          أصوات متفرقة (الكاتـب : د أنس البن - آخر مشاركة : نور عسكر - - الوقت: 22h09 - التاريخ: 18/05/2021)           »          إسماعيل شبانة (الكاتـب : سماعي - آخر مشاركة : نور عسكر - - الوقت: 21h58 - التاريخ: 18/05/2021)           »          أســامة رؤوف (الكاتـب : ابوالمنصوربالله - آخر مشاركة : نور عسكر - - الوقت: 21h52 - التاريخ: 18/05/2021)           »          أعمال الموسيقار أحمد على (الكاتـب : بديعه أحمد على - آخر مشاركة : نور عسكر - - الوقت: 21h46 - التاريخ: 18/05/2021)           »          عبد الوهاب الدكالي (الكاتـب : mokhtar haider - آخر مشاركة : عبدالله بوشقور - - الوقت: 21h37 - التاريخ: 18/05/2021)           »          الحاجه السيده السويسيه (الكاتـب : المنصور44 - آخر مشاركة : نور عسكر - - الوقت: 17h48 - التاريخ: 18/05/2021)           »          أحمد فريد (الكاتـب : auditt05 - آخر مشاركة : نور عسكر - - الوقت: 17h11 - التاريخ: 18/05/2021)           »          أحمد عبد القادر (الكاتـب : سماعي - آخر مشاركة : نور عسكر - - الوقت: 16h39 - التاريخ: 18/05/2021)           »          كتب المشروع القومي للترجمة - القاهرة (الكاتـب : nasser ahmed- - - الوقت: 15h08 - التاريخ: 18/05/2021)


العودة   منتدى سماعي للطرب العربي الأصيل > مجلس العلوم > الدروس والنوت الموسيقية > النوت الموسيقية

رد
 
أدوات الموضوع طرق مشاهدة الموضوع
  #8151  
قديم 17/05/2021, 18h50
الصورة الرمزية salhi_haithem
salhi_haithem salhi_haithem غير متصل  
مواطن من سماعي
رقم العضوية:497828
 
تاريخ التسجيل: février 2010
الجنسية: تونسية
الإقامة: تونس
العمر: 37
المشاركات: 82
افتراضي رد: طلبات نوتة أ / عادل صموئيل الجزء الثانى

السلام عليكم
ألف تحية أستاذ عادل على الزخم و الكوارث الثقيلة اللي ورا بعض بسم الله ما شاء الله عليك و ربنا يعطيك القوة و الصحة و العافية و ألف شكر على حبيبي يا متغرب.. نوتات الأستاذ عادل صموئيل وصلت الأفق في كل العالم و ياما أفتح اليوتيوب و أشاهد فيديوات لناس تعزف و وجدتهم يستعملوا نوتات الأستاذ عادل و الكم كبير و لولا الأستاذ عادل لضاع قصت كبير من تاريخنا الموسيقي .. و الأهم من هذا كل هو التطور أو بالأحرى تطور الأجيال القادمة... و التطور يأتي قطعا من تراكمات المعرفة وقتها تصير الطفرة و التغير نحو الأفضل و نوتات الأستاذ عادل تمثل الحلقة الأولى في سلسلة التطور و هي تمثل المعرفة و شئ فشئ تصير التراكمات و شئ فشئ يصير التطور.. فنوتات الأستاذ عادل مهمة لأقصى حد من جهة حفاظ و توثيق تاريخنا الموسيقى و من جهة تساهم في تراكمات المعرفة.. و أنا متأكد أشد التأكد أنه الأستاذ عادل فاهم اللي بحكي فيه و اللي يعمل فيه و لذالك عمرك ما تسمع الأستاذ عادل يحكي على ثمن نوتة أو ثمن تعب و الفلوس عنده موش مهمة و هو اللي روى لنا كيف كانوا في زمن الفن الجميل ينفيقونا الأموال على أغنية و الأغنية في حد ذاتها بعد نجاحها لا تغطي مصاريفها.. إلا التمثيل السنمائي كانت العاءدات متاعه كبيرة و تخلي الفنان يواصل الإنتاج و روى لنا العديد من القصص في هذا الشأن... و الفلوس لما تدخل أي مجال تقضي كليا على الإبداع , شوفوا الكورة لما أصبحت رابطة محترفة يعني صفقات فلوس ماتت الكورة, التعليم كذلك لم يعد تعليم بعد ما دخله الفلوس , مجال الطب كذلك, مجال الزراعة كذلك ... أي قطاع أو مجال تدخل فيه الفلوس يفسد...
عندي سؤال خطير بالنسبة للتوزيع الموسيقي هل عمّار الشريعي له يد في تفشي التوزيع الموسيقي اللي موش مفهوم و متداخل و في بعض الأحيان مبهم و بطبيعة الحال مع الإحترام و التقدير الكبيران للملحن عمّار الشريعي.. لأني لاحظت مثال علي إسماعيل له توزيعات خفيفة جدا و مفهومة و ليست كثيرة و معقولة خذ مثلا أغنية حبيبها لست وحدك حبيبها فيها توزيع موسيقي لجملتين و أستعمل آلات النفخ و هي للفت الإنتباه بصوتها الصاخب لكن تكاد لا تسمع في الجملة الموسيقة و تحس إنها بطانة دافئة لللحن و حقيقة شئ مذهل و العديد العديد من الأغاني بنفس الطريقة و لما تاخذ اللحن العظيم لأغنية رأفت الهجان تسمعها جميلة لكن ليست مفهومة و إنت كل فكرك أو اللا وعي ينتظر الجملة متاع الصولو (صول فا مي , ري مي ري دو ري, مي,ري مي ري) لكن المشكل في المقدمة و خاصة المقطع الشرقي اللذان لا تكاد تفهم لكثرة تداخل الجمل يعني البريمو كمان بيعزف جملة و السيكاندو كمان يعزف في جملة أخرى موش يرد على البريمو كمان لكن يعزف في جملة أخرى و التشلوهات بتقول في قرارت و جمل مختلفة... و هذه الطريقة ممكن هي السبب في فتح باب التوزيعات المبهمة.. في إنتظار رأي الأستاذ عادل
آسف على الإطالة
__________________
ღღღღღღღღღღღღ
أستاذ عادل صموئيل لك مني كل عبارات الشكر و العرفان

التعديل الأخير تم بواسطة : salhi_haithem بتاريخ 17/05/2021 الساعة 19h11
رد مع اقتباس
  #8152  
قديم 17/05/2021, 19h14
بكر محمد دحدولي بكر محمد دحدولي غير متصل  
عضو سماعي
رقم العضوية:753417
 
تاريخ التسجيل: août 2015
الجنسية: سورية
الإقامة: السعودية
المشاركات: 9
افتراضي رد: طلبات نوتة أ / عادل صموئيل الجزء الثانى

مرحبا استاذ عادل صموئيل

اطيب تحياتي لك استاذي الفضل و اشكرك من كل قلبي على الاستجابة بتتدوينك اغنية حبيبي يا متغرب تسلم ايدك

أنا سعيد أشد السعادة بهذه الأغنية و اتفق تماما كما قال لاستاذ صالحي لو لاك استاذ عادل لضاع قصت كبير من تاريخنا الموسيقي بالفعل .

الله يفرحك ويسعدك استاذنا كما تسعدنا دائما و في إنتضار جديدك بكل شوق

مع خالص تحياتي
رد مع اقتباس
  #8153  
قديم 17/05/2021, 21h19
الصورة الرمزية عادل صموئيل
عادل صموئيل عادل صموئيل غير متصل  
Moderator
رقم العضوية:249452
 
تاريخ التسجيل: juin 2008
الجنسية: مصرى
الإقامة: مصر
العمر: 70
المشاركات: 299
افتراضي رد: طلبات نوتة أ / عادل صموئيل الجزء الثانى

اخى العزيز هيثم
انت فتحت موضوع فى منتهى الخطورة وهى البوابة التى انطلقوا منها الى السقوط فى هاوية تدمير الفن المصرى اللى هو القائد بتاع الفن العربى .. والموضوع انا ححاول ( وبرضه للذكرى والتاريخ وللأمانة الموسسقية ) الموسيقى المصرية طول عمرها كانت بتتكون من حمل جميلة او بالمصرى لازم الحن يكون يتكون من جمل تجنن .. والجملة ال تجنن دى لازم تتسمع بمفردها ما ينفعش احط معاها حاجة تغلوش عليها .. لذلك كان طول عمرنا الاغانى بتاعتنا مش موزعة .. ولما اتوجد فى مصر موزعين زى اندريا رايدر ثم بيبى المانزا وده ال عامل معظم الحان فريد الاطرش .. الفطاحل امثال عبد الوهاب خافوا على الموسيقى المصرية لا نكهتها تضيع .. فكانوا بيحددوا لهم جملة محددة بيكون فيها اللحن بيتكون من علامت كبيرة زى البلانش والروند ويخلى الموزع يملاها بجملة .. ولازم يكون التوزيع برضه خفيف واضح مش ملخبط يعنى انت بتقدم موسيقى ل 98% من عامة الشعب اللى مايفهموش ف التوزيع و2 % من اللى دارسين موسيقى ويفهموا فى التوزيع وعدنكم فى تونس ايضا نفس النسبة وفى كل الدول الربية .. لذلك احنا بنشتغل لمين ؟؟؟؟ لعامة الشعب اما المتخصصين برضه بنقدم لهم حاجة حلوة تعجبهم يعنى جملة موزعة كل عشر اغانى وتكون جميلة ومفهومة .. لأن كان كل هم العمالقة انى احتفظ بالروح والهوية .. يعنى انت سمعت عن الخناق الى حصل بين ام كلثوم وعبد الوهاب لما كان عايز يجيب جيتار ف انت عمرى هى خافت على نكهة الفرقة وقال لها حايعزف الصولو ويسكت .. يعنى انت لما تسمع موسيقى سودانى تلاقى كل الالات بتعزف عندنا كان ممنوع يعنى الاكورديون يقول الصولو ويسكت ليه عشان ما يضيعش نكهة الفرقة ال هى الموسيقى المصرية .. وجه بعدهم على اسماعيل هو زودها شوية ف الالات النحاسية لكن برضه كان بيعمل توزيع خفيف يعنى انت ممكن لو سمعته خمس مرات تدندنه .. وكلمة تدندنه يعنى فهمته .. جت الكارثة فى جيل جديد من طلبة معهد الموسيقى العربية فى منتصف السبعينات .. معرفش ايه الى حصل لهم يعنى خلطوا بين الموسيقى الشرقية والموسيقى الغربية .. وانا كمدون موسيقى الفرق بينى وبين العازف فقط زى الفرق بين الطبيب فقط وبين الجراح اللى بيعمل عمليات .. يعنى هو بيتحط امامة ورقة بيقراها وخلاص انا بدخل جوا امعاء ودهاليز اللحن يعنى لازم كلمتى تكون مسموعة .. لأنى بشوف اشياء العازف بيقراها على الجاهز .. شوف صولو اكلمنجة الل فى مقطوعة صوت العرب الل فى اول صفحة 2 انا كمدون عشان اكتبه صح قعدت ساعات .. العازف الشاطر اوى بيقراه من اول وهلة .. المهم ان الجيل ده خلط بين الموسيقى الشرقية والغربية .. الكمنجة الشرقى تطريب .. تطريب ثم تطريب ثم تطريب خلى بالك بقول كلام خطير .. الكمنجة الغربى تكنيك ثم تكنيك ثم تكنيك .. الكمنجة الشرقى احساسا ثم احساس بمعنى .. ماينفعش تقرا انوتة اللى امامك لازم تضع فيها احساسك تغنيبها يعنى .. الكمنجة الغربى بتلغى احساسك الشخصى ممنوع ..لأنك لازم تلتزم بالاحساس المكتوب فوق وتحت الحروف .. يعنى ما ينفعش مكتوب تحتها بيانو انت تعملها فورتى .. فى الشرقى انا مش بكتب الاحساس لأن بترك ده للعازف .. المهم .. انهم قعدوا يتنافسوا بينهم وبين بعض انهو منهم الاكثر تكنيكا ... يعنى بيقوا يتنافسوا على تمارين بجانينى والتمارين السريعة جدا جدا واقتنعوا ان دى الموسيقى .. وحسوا انهم اشطر من العازفين الكبار الموجودين .. يعنى مرة واحد منهم اخده الغرور قدامى وقال على الصف ااول من الكمنجات فى الفرقة الماسية انهم قاعدين بالاقدمية مش بالكفاءة وانا اتخانقت معاه ..قلت له دول هم هم الصف الاول بتاع ام كلثوم .. وهم هم الى كانوا مع ليلى مراد واسمهان وعبد الوهاب القديم قبل ما انت تتولد بكتير ... وهم اللى صنعوا تاريخ مصر فى الموسيقى .. يعنى الموسيقى الشرقية تعتمد على الطرب ..مش معنى اننا بنقول جمل بطيئة زى حيرت قلبى مثلا اننا عازفين ضعاف .. ما لما بييجى جمل سريعة كنا بنقولها برضه ولا مين اللى كان بيقول يعنى ؟؟؟ وبعدين حاجة .. هل فى اكاديمة فى العالم تفهم فى الموسيقى الشرقية زى عبد الوهاب والسنباطى والقصبجى والعمالقة ؟ هات 100 اغنية وشوف جابوا انور منسى كام مرة وجابوا الحفناوى كام مرة ... ركز اوى ف الى بقوله ده سر خطير .. انور منسى لما يكون ينتمى الى فرقة ... كان بيقعد فى بيته ولما حد يحتاجه فى صولو بيدعيه .. وانت سمعت صولوهاته .. يعنى اغنية حياتى انت مثلا عبد الوهاب عايز فيها الشوية دول او النهر الخالد او اغنية ماليش امل فى الدنيا دى .. طيب ... ال 3 اغانى دول كانوا وسط 100 اغنية مافيهمش الصولو الغربى البحت ده .... ليه ؟؟؟؟ لأن ده لون مش بتاعنا ..يعنى لون جميل بنلون بيه بعض الاغانى كل فترة لكن اساسنا العازف اللى بيقول صولو كمنجة بياتى وراست ... وطبعا انور منسى ما يعرفش يقول صولو بياتى .. لذلك كان احمد الحفناوى مع ام كلثوم طول عمرها لكن فى الفرقة الماسية بيستدعوه لما يكون فيه صولو فقط .. وعمرك ماشفته قاعد وخلاص يعنىكل ماتشوفه يبقى له صولو .. نرجع لموضوعنا .. عمار الشريعى كان متخيل نفسه حايقدم موسيقى جديدة الل هى سريعة اوى وتوزيع متداخل ملخبط ماحدش يفهمه ... والعازفين اللى بقول عليهم اعجبوا بشغله حسوا انه فاصل بين القديم المتخلف البطىء وبين الحديث السريع النارى المتطور .. المهم قعد عمار يعمل اعمال مع العازفين دول كلها خارج التاريخ .. يعنى انا لما بينطلب منى تدوين واحدة برفضها .. لأنى لما بدونها ( اصل حدونها طبعا ) بس بتاخد منى وقت طويل وتعصبنى عشان استوعبها .. ولو دونتها 90% من الل بيتعاملوا مع نوت مش حايقدروا يعزفوها .. وابتدا الموضوع ده يبقى هو الموضة .. وبقا كل واحد بيلحن لازم يحط كام جملة من النوعية دى وبعدين ابتدا عصر جديد هو عمل الاغانى على اورج والاستغناء عن املكنجات ... واابتدت الموسيقى تيع هويتها حتى عمر خيرت حلو جدا لكن برضه مشكلة التوزيع يعنى يتسمع .. يعنىانت لو سمعت تلاقى المسموع بيتكون من خمس اصوات مع بعض لو انت عزفت صوت منهم لأنك مع آلأة واحدة حتعمل شىء مالوش علاقة باللحن اللى الجمهور عارفه .. يعنىواحد لابس بدلة وقميص وكرافتى انت حاتعزف منهم حاجة ينفع تخرج بالقميص فقط ؟وبعدين ابتدت ظاهرة جديدة وهى انالعازف يكون قدامه صولو يقول حاجة منعدنه مالهاش معنى يعنىاحنا اتعلمنا اابتزام لازم نعزف اللحن زى ما المحلن عامل يعنى شوف انا عامل كام معزوفة منهم معزوفات ساعة وهات لى حلاف الملحن مش عامله .. يعنىمكمن حد ياخد معزوفتى ويدونها او يحفظها لكن هات نفس المعوزفة او الاغنية من جهاد عقل وشوف التشويه الى بيعمله .. هل ممكن حد ياخدها يدون منها ؟ ولو دون منها حايحصل ايه ؟
__________________


صفحة معزوفات الاستاذ عادل صموئيل على الكمان

http://www.sama3y.net/forum/showthread.php?t=46963
رد مع اقتباس
  #8154  
قديم 17/05/2021, 21h51
الصورة الرمزية qusay.qq
qusay.qq qusay.qq متصل الآن  
مواطن من سماعي
رقم العضوية:750984
 
تاريخ التسجيل: juin 2015
الجنسية: سورية
الإقامة: سوريا
المشاركات: 299
افتراضي رد: طلبات نوتة أ / عادل صموئيل الجزء الثانى

ألف شكر أستاذنا الكريم / عادل صموئيل / على حبيبي يامتغرب
و على الكلام الجميل .
رد مع اقتباس
  #8155  
قديم يوم أمس, 01h05
خليل سليم خليل سليم غير متصل  
عضو سماعي
رقم العضوية:540085
 
تاريخ التسجيل: septembre 2010
الجنسية: أمريكية
الإقامة: الولايات المتحدة
المشاركات: 38
افتراضي رد: طلبات نوتة أ / عادل صموئيل الجزء الثانى

شكرًا استاذ عادل المحترم على رائعة يا حبيبي يا متغرب للفنانة الكبيرة فايزة احمد وايضاء شكرا على المحاضرة القيمة والمعلومات والتي أضاءت لنا خفايا على ما يدور بخصوص مستقبل الموسيقى العربية والموجة التي تحاول طمس الماضي وهو الزمن الجميل والذي يعتبر الركيزة الاساسية للموسيقى العربية الحديثة والفترة التي كانت قبله زي زمن سيد درويش، سلامة حجازي، زكريا احمد وغيرهم من العظماء بالاضافة طبعا لموسيقار الأجيال محمد عبد الوهاب ورياض السنباطي وغيرهم والذين تَرَكُوا لنا كنزا فنين زاخر بالاعمال الرائعه الخالدة والتي حسب اعتقاد من الصعب على الموجة الحاليّه والتي هي بعيدة كل البعد عن الجمال الفني الموسيقي الأساسي والتي تستند عله موسيقانا العربية ... مرة اخرى متشكر من حضرتك استاذنا القدير على ما قمت به وما تقوم به من عمل سوف التاريخ يخلدة وتخدم الأجيال القادمة وحفضكً الرب
رد مع اقتباس
  #8156  
قديم يوم أمس, 06h25
muhamadibra muhamadibra غير متصل  
مواطن من سماعي
رقم العضوية:660478
 
تاريخ التسجيل: octobre 2012
الجنسية: مصرية
الإقامة: السعودية
المشاركات: 17
افتراضي رد: طلبات نوتة أ / عادل صموئيل الجزء الثانى

كل عام وانت بخير يا مايسترو - وشكرا جزيلا على الروائع - ربنا يقدرك على تلبية طلبات المتابعين الذين يشعرون بالسعادة لتلبية طلباتهم وارجو ان يكون لى نصيب فى القريب ان شاء الله
د محمد إبراهيم
رد مع اقتباس
رد

Tags
عادل صموئيل


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 03h37.


 
Powered by vBulletin - Copyright © 2000 - 2010, Jelsoft Enterprises Ltd