طلبات نوتة أ / عادل صموئيل الجزء الثانى

[عادل صموئيل]

احبائى
اقدم لكم الاغنية اللى عذبتنى عشرين ساعة رائعة فايزة احمد

ايوه تعبنى هواك

من الملحوظات فى الاغنية دى عشان ماحدش يسأل .. اولا فيه المقدمة فيه تقسيم كمان دى طبعا ما بتتكتبش وكنا فى الفرقة الماسية بنكتب الشغل ده كده يعنى لأن التقاسيم بتبقى ارتجال مش حاجة تتحفظ حتى العازف فى كل حفلة بيقول حاجة شكل .. الملحوظ بعد كده ان فايزة كانت بتترك الفرقة الماسية شوية وترجع والاغنية دى اتعملت لما تركت الفرقة الماسية وعملتها مع فرقة هنى مهنى .. كانت فيه مشكلة الصولوهات .. فى الفرقة الماسية كان فيه رقابة صارمة على الصولوهات ان العازف يعزف اللى مكتوب قدامه فى النوتة لن الملحن عايزه زى ماهو عامله مش محتاجة فزلكة . وكان الصولو بيتعزف مثلا اورج وبتعاد فرقة .. ف انا لما كنت بدون كنت مش بسمع الصولو وادونه من الفرقة لأنهم ملتزمين .. لكن بتبقى مشكلة لما العازف بيقول الصولو ومش بيتعاد من الفرقة .. ودى اما بتبقى صعب جدا يعنى العازف ممكن يعمل ارتجالات تتعمل سماعى ماتتكتبش او انى اضطر آسفا انى ما اقدرش ادون الحن اساسا زى اغينة لعمار الشريعة ترك الصولوهات يتنافسوا مع بعض ف افساد اللحن لأن زى ماقلت معنديش مرجع احتكم االيه والمرجع هو لما الفرقة تعزف الجملة تانى بيلتزموا بالنوتة . بعد كده فى علامة حمرا .. دى من اختراعات الفرقة الماسية .. يعنى احنا كنا بنشتغل مع التجوم والنجم من حقة يتدلع او يغنى زى ماهو عايز ويعيد كتير عشان الجمهور يتسلطن .. طبعا احنا بنشتغل بالصطلحات الموسيقية الاكاديمية .. يعنى لما يكون فيه مرجع .. وبعدين مرجع وعايز تعيد من عند المرجع الاول .. اكاديميا بيتعمل سينيو ثم كودا .. بس لما يكون الحركة دى بتتكرر خمسين مرة فى اللحن ( يعنى لحن زى ده 10 صفحات ) اقصى حد ممكن تعمل تريبل سينيو يعنى 3 سينيو .. واجيب بعد كده سينيوهات منين .. ف الاستاذ نصر عبد المنصف اخترع موضوع المرجع الاحمر ده ... وهو انك تعيد الل بين المرجعين زى ما يطلع .. ودى طبعا سهلت اننا نعيد زى ما احنا عايزين وكان طبعا الاوراق او النوت بتتصور لونها اسود كنت انا ك المسؤول على النوت بمسك انوت كلها واعمل فيها المرحعات دى باللون الاحمر .. وانا هنا اضطريت اعمله بعد ما استهلكت الدوبل سينيو عشان اوفر التريبل سينيو لبعدين لأنها بتعيد كتير اوى طبعا .. فيه كمان فى نفس المكان صولوا الكمان الصعب .. ده برضه ارتجال مايتكتبش .. من نوع موسيقى اسمه فى اوروبا زيجان وهو يشبه نوعية صولوا رسالة من تحت الماء .. بس طبعا لا ده بيحتاج مهارة من العازف يعنى يكون متعود على النوعية دى من الموسيقى .. يعنى ما اعرفش هل انور منسى كان وصله النوع ده م الموسيقى ولا مكانش على ايامه لكن طبعا الحفناوى مالوش ف الكلام ده ..لذلك ما بيتكتبش واللى يحب يجرب ده بيتعزف سماعى طبعا فى النهاية .. اللحن لما تسمعه على بعضه لأول مرة مش حايعحبك .. بس هو عشان حجمه كبير اوى اوى لازم يتسمع كتير .. يعنى انا عشان ماعزفتوش معاها مش حافظه اصلا .. وكنت بسمعه اول مرة وانا بدونه .. فى الاول ماكنتش مستسيغه بصراحة بس طبعا عشان تدون حلو لازم تسمع الجملة كتير ولما ابتديت اتعمق فيه لقيته رائع يعنى اتمنى ان تسعدوا به مع اطيب تحياتى