الأدباتى

[hany57]

فى كل منتدى أدباتى
بينور السهرة ليلاتى
ولما بيوفى ويواتى
بتبقا سهرة معتبرة
الله الله يا بدوى جاب اليسرا

[حمدى شبانة]

أنا الأديب .... الأدباتى
طول عُمرى فنَّان ياخواتى
ف سماعى ناس زى حالاتى
غاويين طرب قوى على فكرة
الله الله يابدوى جاب اليسرا

[حمدى شبانة]

أنا الأديب دايماً غاوى
أسمع أغانى .. الشنَّاوى
مأمون .. بأشعاره يداوى
قلوبنا بمشاعره الحارَّة
الله الله يابدوى جاب اليسرا
ـــــــــــــــــــــــــــــــــــــــ
دا ( لسة فاكر ) ياجمالها
الروح بتسرح ف كمالها
( ليلى ونهارى ) أنا شايلها
ف قلبى جوَّة من فترة
الله الله يابدوى جاب اليسرا
ـــــــــــــــــــــــــــــــــ

[حمدى شبانة]

أدباتى ولكنِّى فنَّان
عبدالوهاب ملك الألحان
ومقطوعات موسيقية كمان
وفى الطرب أجمل نبرة
الله الله يابدوى جاب اليسرا
ـــــــــــــــــــــــــــــــــــــــــ

[hany57]

أقولها وانا صادق وياك
من قد أيه وانا بستناك
وعينى ع الباب والشباك
سمعتها لقنديل مرة
الله الله يا بدوى جاب اليسرا

تشكر يا حمدى انك جيت
عارفنى للأدباتى غويت
يرجع بقا لدقيقنا الزيت
ونتقابل سوا فى السهرة
الله الله يا بدوى جاب اليسرا

بس احنا راح نبدأ من فين ؟
ياترى هنبدأ بمؤلفين ؟
وللا هنبدأ بمطربين ؟
أشر وشوف أيه راح يجرى
الله الله يا بدوى جاب اليسرا

[حمدى شبانة]

الأدباتى والمزيكا
ــــــــــــــــــــــــــ
عن الطـرَب راح نتكلِّم
و عالموسيقا ح نسلِّم
خلِّيك معايا يا ( معلِّم )
مع بعض تحلَو السهرة
الله الله يابدوى جاب اليسرا
ــــــــــــــــــــــــــــــ

[علاء طه ياسين]

الله الله .. أيها الأديب ..
ذكرتني بزمن جميل ..
كان لن فيه ..
صباً وشباب ..
وصولات وجولات ..
أوجعتني ..
ولكنك أيضا ..
أسعدتني ..
فشكرا لك ..
على الحالين ..
.....................
أديب ومستني الأضحي ..
لأني مشتاق للفرحة ..
وف بنت حلوة تكون ناصحة ..
تحط الفته علي السفرة ..
....................
كل سنة وانت طيب يا حمدي
وكل اعضاء سماعي وزواره
وكل أمة الاسلام بخير

[حمدى شبانة]

الله الله .. أيها الأديب ..
ذكرتني بزمن جميل ..
كان لن فيه ..
صباً وشباب ..
وصولات وجولات ..
أوجعتني ..
ولكنك أيضا ..
أسعدتني ..
فشكرا لك ..
على الحالين ..
.....................
أديب ومستني الأضحي ..
لأني مشتاق للفرحة ..
وف بنت حلوة تكون ناصحة ..
تحط الفته علي السفرة ..
....................
كل سنة وانت طيب يا حمدي
وكل اعضاء سماعي وزواره
وكل أمة الاسلام بخير
( علاء طه ياسين )
___________________________

فينك ياعم ( علاء طه )
جدِّدت من تانى الآهة
أيام جميلة يامحلاها
وأدينا عايشين عالذكرى
الله الله يابدوى جاب اليسرا
ــــــــــــــــــــــــــــــــــــــ
العيد بقا جميل بوجودك
ومنتحِرِمشى من ( جودك )
متَّعنا حبَّة بورودك
إنت الجميل بين الشُعرا
الله الله يابدوى جاب اليسرا
ــــــــــــــــــــــــــــــــــــــــــــــــــ ـــــــــــــــــــــــــ
الصديق الجميل علاء طه ياسين
الأدباتى نوَّر بوجودك .. ياريت تعدِّى هنا
وعلى رأى بحر أبوجريشة ( كفاية بعاد )
كل سنة وإنت طيب ياحبيبى

[hany57]

جارة القمر
فيروز
,,,,,,,,,,
الليلة فيها طعم الجوز
ومكسرات وحلاوة باللوز
علشان ضيفتنا الليلة فيروز
تقضى معانا باقى السهرة
الله الله يا بدوى جاب اليسرا

وقف يا أسمر فيه إلك
عندى كلام وندهت لك
يسعد صباحك قلت لك
سألونى الناس عنك مرة
الله الله يا بدوى جاب اليسرا

يامن حوى ورد الرياض
خايف أقول مافى الفؤاد
سكن الليل ناموا العباد
وفيه شيئ عم بيصير بكره
الله الله يا بدوى جاب اليسرا

يا جارة الوادى تعالى
إنتى وشادى وشوفوا حالى
رجعوا أيامى اللى ف بالى
وزرونى كل سنة مرة
الله الله يا بدوى جاب اليسرا

[حمدى شبانة]

ياميت مسا ياللى مَعنا

العيد سعيد وليه معنى

عالحب دايماً يجمعنا

يامنورين يومنا وبُكرة

الله الله يابدوى جاب اليسرا
ـــــــــــــــــــــــــــــــــــــــــــــــــ

أصدقائى .. أحبابى ... كل سنة وأنتم طيبين
بمناسبة عيد الأضحى المبارك
وأعتذر للأدباتى الدكتورهانى الجمل
على هذه المشاركة الإستثنائية عن العيد
وسأواصل معك عن المطربين بطريقة الأدباتى
على فكرة دكتور هانى الجمل هو العضو
hany57