ذا فصل ساعة خطر
قلت له يا رقيق الطبع كلمة ولو جبر خاطر
راقب الله شفنا في خطر
قال صبرك على حمل المشقه والاخطار
من بلي بالهوى يصبر على الحلو والجار ..
يوم عدى ومر صرت له مملوك واصبح على القلب حاكم وأمر
بانطيعه إذا يبغى أمر
لكن الخل يظهر مايحب التأمار
من بلي بالهوى يصبر على الحلو والجار ..
قلت له شي بصر
للمحب يادقيق الخصر ياللي بوجهك مباصر
قال لي كل حاجه بالبصر
قلت خايف يطول الصبر يانور الابصار
من بلي بالهوى يصبر على الحلو والجار ..
قال شف من صبر عاصروف المحبه والهوى خليك صابر قلت الناس مثلي من صبر جملة الناس قالوا مثل مافيك صبار من بلي بالهوى يصبر على الحلو والقار ..
قلت ايش الخبر
قال خل الهوى مكتوم واحذر بسري تخابر
خايف الناس تسمع ذا الخبر
يصبح الحب ياخلي اشاعات واخبار
من بلي بالهوى يصبر على الحلو والجار ..
قلت قصدي سمر
في وسط عيدي انا وياك يا نجم ضاوي وسامر
يوم لقياك بايحلى السمر
شوف لاجيت بانبعد من الجوف مسمار
من بلي بالهوى يصبر على الحلو والجار ..
زارنا بالسحر
قلت آنست في لقياك شرفت ياخير ساحر
ياسلى القلب حسنك قد سحر
عقل انسان عمره ما يأمن بالاسحار
من بلي بالهوى يصبر على الحلو والجار ..
يوم وجهه سفر
قلت هذا قمر في نصف شعبان ولا صبح سافر
كنت ناوي وعازم عالسفر
يوم شفته خلفت العزم وبطلت الاسفار
من بلي بالهوى يصبر على الحلو والجار