كل الصحاب راحوا
والقلب وجراحه
واقفين على الأعتاب
يائسين يدقوا الباب
من غير أمل يفتح
طاقة حنان تسرح
تشفي حنين محروم
آه يا زمن مهموم
بالظلم والمظلوم
ولا فيك دقيقة حب
ولا لمسة ترعش قلب
ولا حتى همسة لوم
نبض الحياة محموم
مكسور وانا لوحدي
والناس بقت أرقام
أجساد بلا معنى
أطنان من الأوهام
أنا نفسي كنت الحلم
وفـ لحظة فاق الحلم
بيقوللي تدفع كام
آه يا زمن ملعون
بالألف والمليون
بعترت خطوتنا
وبرغم فرقتنا
علشان رغيف العيش
طلع الرغيف مسموم
عجنوه بدم شهيد
كان ضيّ لمتنا
مبسوط كده وراضي؟
يا كرسي يا فاضي
كان قاعد امبارح
عليك حصاد عمري
راجع تقول (إحنا)؟
يا حرف يا مدبوح
بين السكوت والبوح
قولك... خلاصة القول
الفاتحة على روحنا
شعرك جميل وكله إحساس وكذلك أعجبنى الإيقاع الجميل الذى يضيف إلى جمال المعانى الطرب بها
مما يدفعنى أن أقول أن هذه القصيدة أعجبتنى أكثر من قصيدتك السابقة
إبن مصر
انا ايضا معك يا ابن مصرو هذه القصيدة يمكن ان تكون غنائية ايضا بشرط ان يقومها الشاعر poetloveu و يجعلها مربعات او مخمسات و هى ملحنة نفسها.
كما عجبنى فيها بعدها عن الغموض و المجهولات التى لا يعلمها الا الشاعر و بعدها عن الاغراض التى مللناها جميعا.
و يا ريت احد الموسيقيين هنا يتناولها بلحن جيد.
نفسنا سماعى ينتج فن يسمعه الناس.
__________________
أنا اللى زرعت البيوت و العيدان
ما يمنعش عقلى.. شوية جنان!!
هايرجع لإسمِك رنين الحنان
قتيل المحبة يلبّى النداا