( مات الحسين ) ـ وأعمال أخري

[شاعر الغلابة]

مات الحسين
وبكرة تاني هيقتلوه
مات الحسين
قتله الجبان من بعد ابوه
مات الحسين في بطن أمه
كان نفسها لحظه تضمه
ويبقى شيخ
يحفظ كلام الحق ويدرس تاريخ
يبدأ بكان
كان فيه وطن وفيه بطل
كان فيه امل جواه سكن
كل المعاني المحبوسين
كل الحيارى المجروحين
ويا صوت الحق السجين
مات الحسين

مات الحسين
مش م البارود والطيارات
مش بالسفن والدبابات
لا .... م السكات
قتله الشتات
قتله الخطب تحت الرايات
والتهديدات
والتوقيعات
قتله سلام الترابيزات
قتل الحسين مجده اللي مات
لما التاريخ أصبح فتات
بين الكراسي المقلوبين
بين التيجان المحتارين
ويا كل ناسنا الطيبين
مات الحسين

مات الحسين واندفن
من غير قبر ولا كفن
شاف الهوان ساب الزمن
لناس ف عقولها عفن
رغم الخطر نعسانين
ويا كل ناسنا الطيبين

مات الحسين

[شاعر الغلابة]

سيف خشب

أنا القاتل
ان الجاني
أنا الأول أنا التاني
وبغزل حكمه ومعاني
محارب
وضارب بسيف الحلم
عجزي وضعفي وهواني
أقول تاني
ولا تكونش م الكلام مليت
م أنا برضه م الكلام مليت
مليت كلامي للنسيم
لما الكلام مل البشر وصبح عليل
مه أنا القليل
لابويا باشا ولا هبقى بيه
زهقت ليه !!!!؟؟؟؟
طب اقولك ايه
بلاش كلام بالفلسفة
بلاش معاني الم وقهر
أقولك شعر !!
"الخيل والليل والبيداء تعرفني
والسيف والرمح والقرطاس والقلم "
..........
وقلمه اتقصف
وممعاهش قلم بسنان
سنانه البارزه خلعوها
عشان النابت ميزمش لاكله انياب
ولا يلزم لبلعه سنان
وكان يا ما كان
كان في زمان بشر غيره
متعرفش معاني هوان
مشربتش كاسات المر
اقولك شعر !!!
"يا اما مويل الهوا يا اما مويليا
طعن الخناجر ولا حكم الخسيس فيا "
أنا
فيا أنا كل العبر
كل المزايا والصور
كل الكلام
كل الحكايات القديمه والسير
أنا الهلالي والزناتي كل ماضي وكل اتي
وكل حرف علشاني اتكتب
أنا الفارس الشجاع
لكن بإيدي سيف خشب
أنا اللي ياما ف المعارك دار وثار وانضرب
وبدم عينه اللي نزف
رص الحروف
نقش كتب
كل اللي ماضي
وكل أمر
بقولك ايه
متسمع شعر !!!

"وما نيل المطالب بالتمني
ولكن تؤخذ الدنيا غلابا "
اقصد غلابه
إحنا الغلابه
نعرف قرايه ونعرف كتابه
ونعرف نهلل
نعرف نطبل
ونكون فريسه للديابه
وحلمنا زي النجوم
موجود صحيح لكن بعيد
مهما نصول
مهما نقول
مهما نعيد
لعرفنا نبقى م الملوك
ولا نمتلك حق والعبيد
ولا نمتلك حتى النهاية
ولا نمتلك أعمار تزيد
ولا يوم هنصرخ للأمل هل من مزيد
وبزيد عليك بالكلام قيود حديد
حديد وساحبك للغرق
أوعى القلق لفيوم تفوق
تلقاك غريق والذل بحر
طب اقولك ايه ؟
أقولك شعر

مع حبي
شاعر الغلابة
علاء نصر

[سامح سلمان]

شاعر الغلابة

اشكرك عل القصيدة الجميلة دى
اختيار موفق و الاسم مؤثر اكتر