(أولانى.تانى.تالت)
كلمات/سعدالشرقاوى
لحن وغناء ا/محمد الالاتى
اخراج د/هشام خلف
أوّلانى تانى تالت مرشليه
واللىّ مُش بانى البلد بيهدْ ليه ؟
,,,,
أوّلانى فى القلوب كانت مرارة
جات ايدينا ع الفتيس وأخدنا حارة
والمُحرّك لمّا دار ولــّد شرارة
والمراوح فى السّما تهوّى عليه
أولانى تانى تالت مرشليه
,,,,,
تانى عوْده للضمير بعد الغياب
يزرع الارض اللىّ بارت م العذاب
ليه ياديل الحكم بتـْحب الخراب
كلّ صرح بيعـْلى بالأرض تساويه
أولانى تانى تالت مرشليه
,,,,,,
تالت السّرْعه اللىّ زايده فى الصّعوُد
دينمو بيْحرّك أمانى م الوعود
ليه نصمّمْ بعد مشوارنا نعود
وابقى ماشى ف نور واحبْ الضلمه ليه
أولانى تانى تالت مرشليه
,,,,,,
أوّلانى تانى تالت ياسفينه
مهما يعلى الموج ومهما يلفْ بينا
بكره ترسى بالمحبّه ف أحلى مينا
واللىّ قدّم شئ بايده حايلاقيه
أوّلانى تانى تالت مرشليه
.,,,,,
أوّلانى بالأمل تالت ورابع
م الكتابه ف حلمنا دابت مطابع
والزلازل بعدها بتيجى التوابع
واللىّ تابع للمريض بيحسْ بيه
أوّلانى تانى تالت مرشليه
.,,,,,
مارشليه
رد: مارشليه
العرض العادي
