موسيقى برامج التليفزيون العربى المصرى - الصفحة 64

**usif waleed** · #**631** 22/08/2016, 13h54

واتنسى المهندس عبدالله (يوسف وليد )اللى هوه منشىء الموضوع عالعموم انا سعيد ان الموضوع مستمر و يزداد بنفسكم و نفس باقى الاخوه الاعضاء تحياتى

**محمدعبدالرحيم** · #**632** 02/09/2016, 12h39

اكيد الموضوع منتهاش يا استاذ مصطفى ..... موسيقى مجلس الشورى مش متذكر لو امكن حد من الاصدقاء يقدر يرفع لينا تسجيل للمقدمة وطالما انها موسيقى كلاسيك يبقى هى فى الغالب عمل معروف انما موسيقى مجلس الشعب اتقالت فى الموضوع هنا لانها نفس موسيقى موجز اهم الانباء اما موسيقى برنماج كلمتين وبس فدى فعلا لغز كبير مقبلتش لية خلا بحثى اى تشابة او طرف خيط يوصل لية

**محمدعبدالرحيم** · #**633** 09/09/2016, 09h26

موسيقى تتر البرنامج التلفزيونى مجلة التحدى احد البرامج القديمة والذى كان يذاع فى التسعينات على شاشة القناة الثانية فى التلفزيون المصرى وكان البرنامج مختص بعمل لقاءات مع متحدى الاعاقة من المعاقين وذوي الاحتياجات الخاصة.

موسيقى البرنامج هى لحن اغنية متصدقيش للمطرب على الحجار احد اعمال المؤلف الموسيقى وقائد الاوركسترا عماد الشارونى

**ahmedhamdy5454** · #**634** 12/09/2016, 05h37

ارجو من السادة المحترمين العثور علي موسيقي كانت لبرنامج يذاع علي التليفزيون المصري سنة 2002 او 2003 وكان بيجي مرة في الاسبوع كان اسمه تقريبا حوار الشباب
وشكرا لتعاونكم

**إســـلام جـُـبـّـه** · #**635** 13/09/2016, 11h26

موسيقي برنامج
اين تذهب هذا المـســـــاء

**مصطفى الصواف** · #**636** 14/09/2016, 19h36

اقتباس:

المشاركة الأصلية كتبت بواسطة blossom

موسيقي برنامج
اين تذهب هذا المـســـــاء

ياة .. ياة ... على الذكريات بشكرك يا صديقى العزيز على هذة النادرة المتميزة الموسيقى دي سمعتها وانا عمري اقل من عشر سنين وكانت بتيجي خلفية لتترات الاعلانات الثابتة في التلفزيون فى السبعينات ... يعني مثلا يجيبوا صورة ثابتة مكتوب عليها محلات زلط للاحذية تقدم خصومات ثم صورة ثابتة لشركة العربي بالموسكى لبيع الادوات المدرسية وهكذا ولما دخلنا عصر النت والاخوة المحترمين اتحفونا بموسيقات الافلام واالبرامج القديمة حاولت عبثا العثور عليها معتمدا على ذاكرة الطفل اللى كان مر عليها كتر من 35 سنة

نظرا لكون الجزء اللى حضرتك قمت بطرحة صغير جدا اسمحلى اقدم العمل فى نسختة الكاملة

**صوت الموسيقى** · #**637** 21/09/2016, 01h29

اقتباس:

موسيقى تتر البرنامج التلفزيونى مجلة التحدى احد البرامج القديمة والذى كان يذاع فى التسعينات على شاشة القناة الثانية فى التلفزيون المصرى وكان البرنامج مختص بعمل لقاءات مع متحدى الاعاقة من المعاقين وذوي الاحتياجات الخاصة.

موسيقى البرنامج هى لحن اغنية متصدقيش للمطرب على الحجار احد اعمال المؤلف الموسيقى وقائد الاوركسترا عماد الشارونى

شكرا على الرائعة كنت ابحث عنها من زمن... اسم البرنامج فرسان الارادة على فكرة..مجلة التحدى كان على ق3

**إســـلام جـُـبـّـه** · #**638** 21/09/2016, 09h13

اقتباس:

المشاركة الأصلية كتبت بواسطة مصطفى الصواف

ياة .. ياة ... على الذكريات بشكرك يا صديقى العزيز على هذة النادرة المتميزة الموسيقى دي سمعتها وانا عمري اقل من عشر سنين وكانت بتيجي خلفية لتترات الاعلانات الثابتة في التلفزيون فى السبعينات ... يعني مثلا يجيبوا صورة ثابتة مكتوب عليها محلات زلط للاحذية تقدم خصومات ثم صورة ثابتة لشركة العربي بالموسكى لبيع الادوات المدرسية وهكذا ولما دخلنا عصر النت والاخوة المحترمين اتحفونا بموسيقات الافلام واالبرامج القديمة حاولت عبثا العثور عليها معتمدا على ذاكرة الطفل اللى كان مر عليها كتر من 35 سنة

نظرا لكون الجزء اللى حضرتك قمت بطرحة صغير جدا اسمحلى اقدم العمل فى نسختة الكاملة

اشكرك جزيلاً استاذ / مصطفي .. لرفع النسخة الكاملة من موسيقي The Champ
وايضاًهل يمكنك معرفة اصل او اسم موسيقي بدء النقل التلفزيوني لمباريات الدورى المصرى هناhttp://www.sama3y.net/forum/showpost...&postcount=499

**kangaroo** · #**639** 09/10/2016, 22h58

الاستاذ الفاضل/ احمد عامر
شكرا جدا لمجهوداتك الرائعة فى تقديم العديد من الموسيقى العالمية الرائعة من الزمن الجميل
بخصوص موسيقى البرنامج الاخبارى احداث 24 ساعة، كانت هناك موسيقى هادئة رائعة تذاع احيانا مع النشرة الجوية. بصراحة انا لا اعلم من مؤلفها و لكن اتمنى ان حضرتك تقدر تتوصلها و ترفعهلنا بالمرفقات عل المنتدى

**إسلام عثمان** · #**640** 26/10/2016, 15h45

خلفية موسيقية لأحد الإعلانات التجارية المميزة فى فترة الثمانينيات
أتمنى أن يتعرف عليها أحد الأعضاء الكرام وأن يمدنا بتسجيل صاف لها إن وُجد
الإعلان تشاهدونه هنا

اقتباس:

المشاركة الأصلية كتبت بواسطة صوت الموسيقى

للأسف مش عارف اشغل الإعلان اخى الكريم إسلام عثمان

أعتذر للخطأ غير المقصود يا أستاذنا الفاضل
رابط الفيديو كما يلى

https://www.youtube.com/watch?v=NQWodCjNLfY