* : سمير صبرى (الكاتـب : د.حسن - آخر مشاركة : حازم فودة - - الوقت: 21h09 - التاريخ: 28/03/2024)           »          ليلى مراد- 17 فبراير 1918 - 21 نوفمبر 1995 (الكاتـب : سماعي - آخر مشاركة : نور عسكر - - الوقت: 19h08 - التاريخ: 28/03/2024)           »          تترات المسلسلات التلفزيونية (الكاتـب : راضى - آخر مشاركة : حازم فودة - - الوقت: 16h16 - التاريخ: 28/03/2024)           »          غادة سالم (الكاتـب : ماهر العطار - آخر مشاركة : الكرملي - - الوقت: 15h31 - التاريخ: 28/03/2024)           »          عبد الحليم حافظ- 21 يونيه 1929 - 30 مارس 1977 (الكاتـب : سماعي - آخر مشاركة : fahedassouad - - الوقت: 12h28 - التاريخ: 28/03/2024)           »          محمد شريف (الكاتـب : loaie al-sayem - آخر مشاركة : اسامة عبد الحميد - - الوقت: 23h50 - التاريخ: 27/03/2024)           »          سعاد محاسن (الكاتـب : سماعي - آخر مشاركة : نور عسكر - - الوقت: 19h25 - التاريخ: 27/03/2024)           »          الشيخ محمد صلاح الدين كباره (الكاتـب : احمد البنهاوي - آخر مشاركة : kabh01 - - الوقت: 09h52 - التاريخ: 27/03/2024)           »          سلمى (الكاتـب : حماد مزيد - آخر مشاركة : عطية لزهر - - الوقت: 09h18 - التاريخ: 27/03/2024)           »          سمير غانم- 15 يناير 1937 - 20 مايو 2021 (الكاتـب : محمد البتيتى - آخر مشاركة : نور عسكر - - الوقت: 01h14 - التاريخ: 27/03/2024)


العودة   منتدى سماعي للطرب العربي الأصيل > صالون سماعي > دعوة موسيقية على أغنية

رد
 
أدوات الموضوع طرق مشاهدة الموضوع
  #1  
قديم 08/09/2014, 10h07
الصورة الرمزية حسن كشك
حسن كشك حسن كشك غير متصل  
أسد الإسماعيلية
رقم العضوية:27222
 
تاريخ التسجيل: mai 2007
الجنسية: مصرية
الإقامة: مصر
المشاركات: 2,046
افتراضي يا بخت حبيبى قدر ينسى

هذه الرائعة
استمعت لها على كبر
لانى فى صغرى كنت اسمعها ايضاً ... لكن على الطاير ... فقد كنت وقتها من سكان القاهرة ... وكانت اجهزة الراديو تذيعها بأستمرار مع اغانى اخرى لمطربى تلك الحقبه الرائعة من مطربى العصر الذهبى للغناء ....فكان استماعى مجرد الحان اسمعها مصاحب لذكرياتى عن مقاهى وشوارع القاهرة وباصاتها فى ذلك الزمن .... ليس اكثر ... لحن مكمل للصوره الذهنيه ..... كان هذا كل تأثرى بها .... اسمعها وانا اسير فى الشارع .... او وانا راكب الترام ... او الباص فى شوارع القاهرة .... وارتبطت معى بالصيف ولا ادرى لماذا
اما لما كبرنا ... ومررنا بالتجارب العاطفية بحلوها ومرها ....وخاصة فى فترة النضج .... عادت الاغنيه تلح على الذاكرة وتمعنت فى كلماتها ولحنها .... صدقونى كان اكتشاف جديد قديم رائع
الكلمات غير مسبوقة وواقعية جدا وبليغة ايضاً ولو انها بالعامية المصرية
هى ليست اغنية ولكن مقارنه بين حالين تم ايجازهم فى كلمتين
قدر ينسى
وأنا لسه
ودلائل وبراهين للفرق بين الحالين
والشطره الروعه
ياريته ياقلبى كان قاسى
وهاجر بس مش ناسى

جميله ورائعه وبليغةجدا
تقبل بقساوته وهجره ولا تقبل بنسيانه ... طبعا عندها حق
ورغم كل ماجاء فى الاغنية من افاعيل صعبه وقاسيه
إلا انها لم تسميه الا ( حبيبى )
واكتشف ايضاً ان رافع تلك الاغنيه الرائعة
المرحوم رقيق الاختيار والذى لو كان على قيد الحياه لشاركنى فى هذه الاغنية الرائعة فقد كانت اهواءنا فيها مشاركه روحيه عاليه فى الاعجاب بالاغانى
انه عمى وأستاذى المرحوم بإذن الله
سى مختار حيدر
الذى افتقده بشده
فأحببت ان تشاركونى فيها نعيد الاستماع اليها والى كلماته ولحنها

الاغنية
كلمات : فتحى قوره
الحان : رؤوف زهنى .
وغناء صباح
رابط الاغنية على سماعى
هنا

كلمات الاغنية

يابخت حبيبى يابخته قدر يننسى
وريــــح قلبه من حيرته وانا لســه
قدر ينسى وانا لسه
يابخت حبيبى
....
قدر ينسى ليالى زمان وكل مكان
وحبى اللى صبح ذكرى
وانا لســـه مع الايام عنيــا تنــــام
وتصحى خايفه من بكره
تمر ليالى وليالى ... اقول ياقلبى عقبالى
قدر ينسى وانا لسه
يابخت حبيبى
.....
قدر ينسى ان كان له حبيب فى يوم مايغيب
يبدل جنته بناره
وانا لسه شاغلنى هواه وباستناه
وغابت عنى اخباره
واشوف دنيا غير الدنيا ...وليلى اعده بالثانيه
قدر ينسى وانا لسه
يابخت حبيبى

.....
قدر ينسى وعود وآمال حلف لى وقال
ها اعيش العمر فاكرها
وانا لسه البعاد بأقاسيه ياطول لياليه
دا آخر العمر آخرها
ياريته ياقلبى كان قاسى ... وهاجر بس مش ناسى
قدر ينسى وانا لسه
يابخت حبيبى

....
يابخت حبيبى يابخته قدر يننسى
وريــــح قلبه من حيرته وانا لســه
قدر ينسى وانا لسه
يابخت حبيبى



والان ليزيد الاغنية جمالا عمنا
المايسترو محمد الالاتى
الفنان الكبير والمحلل العظيم
ومبسط الصعب لنا ولمثلى بالذات الذى يحتار بين المقامات

لكنى اظنى متذوق محترف




رد مع اقتباس
  #2  
قديم 08/09/2014, 13h28
الصورة الرمزية الألآتى
الألآتى الألآتى غير متصل  
المايسترو
رقم العضوية:1323
 
تاريخ التسجيل: avril 2006
الجنسية: مصرية
الإقامة: مصر
العمر: 68
المشاركات: 2,483
افتراضي رد: يا بخت حبيبى قدر ينسى

عودة حميدة ياعم حسن .. تغيب تغيب وترجع لنا بدرر ولألئ ومجوهرات

تصور .. فعلاً .. أنا ماسمعتش الأغنية دى منذ سنوات طويلة .. وها أنا أسترجع معك الزمن الجميل

وبالرغم من أن موقفى معروف بخصوص المبدعون ودعوة على أغنية .. بعد مذبحة المماليك

لكن طلباتك على عينى وأمر واجب تنفيذه .. لعل وعسى تعود الأيام الحلوة ..
__________________
مع تحياتى .. محمد الألآتى .. أبو حسام .



التعديل الأخير تم بواسطة : الألآتى بتاريخ 10/09/2014 الساعة 05h19
رد مع اقتباس
  #3  
قديم 08/09/2014, 19h39
الصورة الرمزية غواص النغم
غواص النغم غواص النغم غير متصل  
مواطن من سماعي
رقم العضوية:88159
 
تاريخ التسجيل: octobre 2007
الجنسية: عوام"ليبي"
الإقامة: أويــــــ عروس البحر tripoli ـــــــا
المشاركات: 2,138
Lightbulb رد: يا بخت حبيبى قدر ينسى

اختيار جميل يا أسد وذكريات صيفية قاهيرية حارة
أما انا لما اسمعها بتفكرني بعمي مختار حيدر الله يرحمه كانت من أغانيه المفضلة..
من حوالي أسبوعين اذاعت إذاعة الاغاني حفلة غنت فيها صباح هذه الاغنية فكانت أيضا مفاجأة أنها غنتها في حفلاتها.
وهي فعلا من أجمل الحان رؤوف ذهني الذي قال عنه الموسيقار حلمي بكر انه كان موهبة كبيرة ضيعها للأسف الشديد رحمه الله وقال أيضا معلومة انه كان حساس جدا فكان المفروض أن يلحن لعبد الحليم حافظ اغنية ايه ذنبي ايه كلمات مأمون الشناوي وبعد أن قام بتلحين الأغنية قام عبد الحليم وأعطاه بعض الملاحظات على اللحن فغضب وسحب اللحن فقام عبدالحليم بإعطاء اللحن لعبدالوهاب.. وهنا تدخل مأمون الشناوي وقام بترضية رؤوف ذهني بأن كتب كلمات اغنية على لحنه وقامت بالغناء نجاة
وهذه الأغنية هي : وسلم لي عليه
رد مع اقتباس
  #4  
قديم 10/09/2014, 10h50
الصورة الرمزية حسن كشك
حسن كشك حسن كشك غير متصل  
أسد الإسماعيلية
رقم العضوية:27222
 
تاريخ التسجيل: mai 2007
الجنسية: مصرية
الإقامة: مصر
المشاركات: 2,046
افتراضي رد: يا بخت حبيبى قدر ينسى

استاذنا المايسترو
محمد باشا الالاتى
بداية شكرا على تصنيفى جواهرجى اغانى فهذا فخر لى والله

والحمد لله الاختيار عجبك ... وده شرف تانى ليا
أما بالنسبه لموقفك .... شكراً للأستثناء وده شرف تالث

والامر المهم اننا اصحاب واخوه واصدقاء .... يعنى ملناش دعوه بأى تصرفات خارجيه .... من اى حد ان كان
احنا بنمارس هوايتنا السمعية اللى بنحبها .... واللى عاجبه اهلا وسهلا بيه .... والمعترض ايضاً اهلا وسهلا بيه وياريت يقول سبب اعتراضه
توكل على الله يامايسترو .... ورجع لسماعى ايامه الجميله ... انا لسه عندى اغانى كتير اوى .... بس شد حيلك انت
توكل على الله



رد مع اقتباس
  #5  
قديم 10/09/2014, 10h58
الصورة الرمزية حسن كشك
حسن كشك حسن كشك غير متصل  
أسد الإسماعيلية
رقم العضوية:27222
 
تاريخ التسجيل: mai 2007
الجنسية: مصرية
الإقامة: مصر
المشاركات: 2,046
افتراضي رد: يا بخت حبيبى قدر ينسى

اخى الاستاذ عبد المنعم (الغواص )
شكرا على ذوقك وكلامك الرقيق
الاغنيه فعلا.... جميله .... ومتكامله اوى .... من ناحيه جمال الكلمات .... للرائع فتحى قوره ... كلام فعلا طبيعى جدا .... وبليغ اوى .... بيقول الكلام اللى الواحد عاوز يقول لكنه مش عارف
وايضاً بساطة وجمال اللحن اللى قدمه رؤوف ذهنى .... حاجه كده زى مايكون واخد المطربه على راحتها خالص ...ولو ان الغنا كله كان تقريبا من الجواب ... يعنى سقف غناء المطرب .... ولكن ما تحسش بإجهاد فى صوت صباح وقتها لغنائها فى تلك الطبقة العالية .... لكن رؤوف كان ينزل بالسقف ليريح صوت صباح .... فى اواخر الكوبليهات .... حاجه روعه
ورائعه المعلومه عن اللحن وحكايه انها كانت لحن آيه زنبى ايه لعبد الحليم ..... انا باتخيل لو كانت اتغنت على اللحن ده كان هايبقى سمعها ازاى ....
وحضرتك قلت انك سمعتها حفلة فهل هى موجودة بالمنتدى ام لا .... لو موجوده حط لنا الرابط .... لانى مسمعتهاش حفل ابدا قبل كده .... ويبقالك الثواب
رد مع اقتباس
  #6  
قديم 10/09/2014, 16h56
الصورة الرمزية الألآتى
الألآتى الألآتى غير متصل  
المايسترو
رقم العضوية:1323
 
تاريخ التسجيل: avril 2006
الجنسية: مصرية
الإقامة: مصر
العمر: 68
المشاركات: 2,483
افتراضي رد: يا بخت حبيبى قدر ينسى


بسم الله نبدأ فى تحليل أغنية ( يابخت حبيبى يابخته )

كلمات : فتحى قورة

ألحان : رؤوف ذهنى

غناء : صباح

جلست لأستمع إلى هذه الأغنية .. ومن أول مازورة لحنية .. أحسست أنى سمعت هذا اللحن من قبل

التيمة المستخدمة فى المقدمة الموسيقية .. والتى تتكرر بين الكوبليهات .. سمعتها من قبل ياناس ..

فين .. فين .. مش فاكر .. وفجأتن .. تذكرت

أيوه .. سمعتها فى أغنية لنجاة الصغيرة .. إسمها ( بكانى لما خلصت دموعى ) من ألحان محمد الموجى

هى مش نفس اللحن بالظبط يعنى .. لكن التيمة قريبة الشبه جداً

المقام واحد فى الأغنيتان ( الكرد ) .. لكن عمنا الموجى لجأ لصبا الزمزمة .. وهو من مشتقات الكرد .. بينما لم يخرج أستاذنا رؤوف ذهنى عن الكرد

المهم .. خلينا فى أغنيتنا اليوم .. ( يابخت حبيبى يابخته ) لصباح

الأغنية من قالب ( الفورم ) وهى الكوبليهات المتكررة لحنياً .. يعنى كل الكوبليهات زى بعضها لحنياً .. مع إختلاف الكلمات

تبدأ الأغنية بأدليب قصير من الوتريات بالإشتراك مع آلة القانون

ثم يدخل الإيقاع المقسوم .. لنسمع اللازمة الموسيقية الرئيسية .. والتى سنسمعها داخل العمل ( قبل كل كوبليه )

عمنا رؤوف ذهنى لم يخرج عن الكرد طيلة اللحن .. ( المقدمة الموسيقية ، اللازمات الموسيقية ، الكوبليهات ، الكورال ) كله كرد فى كرد

أين الجمال إذن ؟

الجمال فى تنوع الجملة اللحنية .. وإستخدام كافة العُرب والحليات داخل المقام ..

لدرجة أنك تشعر بتنوع المقامات .. مع أنه كرد فقط .. ولا شئ غيره

وهذا هو الفارق بين أغانى زمان .. وأغانى اليوم التى تستعمل نفس الكرد .. ولكن هيهات .. الفارق رهيب

زمان .. الخيال واسع ورحيب .. اليوم .. الخيال محدود .. جداً .. ولا يعرفون عن الكرد .. إلا طلوع السلم ونزول السلم .. يافرحتى

الإيقاع تنوع بين المقسوم ( الراقص ) وبين إيقاع الواحدة الكبيرة ( عندما تبدأ صباح فى غناء الكوبليهات )

الأغنية تنتمى بالتأكيد للزمن الجميل .. الجملة العاطفية الشجية .. والتى تشد الأذن شداً للسماع والإستمتاع

أرجو أن أكون وُفقت فى هذا التحليل المتواضع
__________________
مع تحياتى .. محمد الألآتى .. أبو حسام .


رد مع اقتباس
  #7  
قديم 13/09/2014, 19h21
الصورة الرمزية حسن كشك
حسن كشك حسن كشك غير متصل  
أسد الإسماعيلية
رقم العضوية:27222
 
تاريخ التسجيل: mai 2007
الجنسية: مصرية
الإقامة: مصر
المشاركات: 2,046
افتراضي رد: يا بخت حبيبى قدر ينسى

السلام عليكم ورحمة الله وبركاته
بداية عذرا على التاخر فى الرد لظروف مشاكل فى الاتصالات عندى
طبعاً... وانا استمع للاغنية حيرتنى المقدمة الصغيرة للوتريات والقانون .... كأنها مقدمة تشبه المقدمات السينمائية فى الافلام القديمة .... عندما تعمل الكاميرا كلوز على وجه بطل الفيلم .... وكأنه يكتشف اشياء كان لا يعرفها .... هذا كان شعورى .....
لكن بعد دخول الايقاع .... الذى كنت اظنه واحده ونصف .... كما نسميه شعبياً .... لكن المايسترو .... سماه المقسوم .... فهل المقسوم هو الواحده ونصف الذى يسهل عزفه لكل المصريين وخاصة فى الافراح عندما ترقص عليه الفتيات اصدقاء العروسه ؟؟؟؟ لست ادرى

نعم كنت اشعر بأن كل اللازمات شبه بعضها .... وأكد شعورى هذا استاذنا المايسترو
لن ادخل فى تحليل اللحن .... ومادخلت فيه هو ما شعرت به فقط .... لأنى لن اصل الى علم استاذنا الالاتى
وجاء ليسألنا هل وفقت فى التحليل ؟؟؟؟
وهل انا او غيرى نملك الحكم عليك وعلى توفيقك فى التحليل ..... حاشا لله يا استاذنا .... نحن نتعلم منك ما نجهله تماما ... ( انا اتكلم عن نفسى )
شكرا يا استاذنا .... على الاهتمام باغنيتنا وتحليلها ..... واحنا طمعانين فيك اوى .... لسه فيه اغانى كتير ها تحللها لنا يا استاذ ..... فكن صبور معنا
الله ينور عليك يا مايسترو
رد مع اقتباس
  #8  
قديم 13/09/2014, 20h41
الصورة الرمزية الألآتى
الألآتى الألآتى غير متصل  
المايسترو
رقم العضوية:1323
 
تاريخ التسجيل: avril 2006
الجنسية: مصرية
الإقامة: مصر
العمر: 68
المشاركات: 2,483
افتراضي رد: يا بخت حبيبى قدر ينسى


بداية .. لك كل الحق فى أن تطمع وتأمر ياأبو ميدو ..

ثانياً : المقسوم بالفعل هو الواحدة ونصف .. وهناك إيقاع أخر يسمى الواحدة ونصف .. وهو المصمودى الصغير

وكلها إيقاعات راقصة ..

المقسوم تسمعه ياعم حسن فى أغنية ( على رمش عيونها )

أما المصمودى الصغير فتسمعه فى بداية أغنية ( حسادك علموك ) أو أغنية ( ياحلاوتك ياجمالك )

هذه مجرد أمثلة

فاكر ياعم حسن .. لما كنا بنضع تحليل أو أغنية جديدة فى قسم المبدعون .. فاكر كان بيحصل إيه ؟

كان السميعة يتسابقون للمشاركة والرد .. وكان الموضوع يتحمل عدة صفحات

إنى أتحسر على حال هذه الأقسام المظلومة .. بعد أن تحول سماعى لمجرد موقع أو مخزن للأغانى

ليس فيه مجال للإبداع .. الحمد لله على كل حال
__________________
مع تحياتى .. محمد الألآتى .. أبو حسام .


رد مع اقتباس
  #9  
قديم 18/09/2014, 23h49
الصورة الرمزية خليـل زيـدان
خليـل زيـدان خليـل زيـدان غير متصل  
طاقـم الإشـراف
رقم العضوية:307960
 
تاريخ التسجيل: octobre 2008
الجنسية: مصرية
الإقامة: مصر
المشاركات: 2,767
افتراضي رد: يا بخت حبيبى قدر ينسى

ياعم محمد يا أبو حسام
بما انك كبير المشرفين .. ماتنساش ترد على كل المشاركات
وتنشط قسمك .. المبدعون ودعوة موسيقية تحت رعايتك




__________________

رد مع اقتباس
  #10  
قديم 19/09/2014, 18h13
الصورة الرمزية حسن كشك
حسن كشك حسن كشك غير متصل  
أسد الإسماعيلية
رقم العضوية:27222
 
تاريخ التسجيل: mai 2007
الجنسية: مصرية
الإقامة: مصر
المشاركات: 2,046
افتراضي رد: يا بخت حبيبى قدر ينسى

الواضح انه غير مسموح بالنقد فى سماعى ...ولذلك تم حذف ردى على كلام ابو حسام ...ىاترى مين اللى حذف وليه...يبدو ان المشرف الذى قام بالحذف فاهم ان كل دوره رقابى وبس ... انتم فى منتدى راق ... ولستم مباحث امن الدولة


رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 23h20.


 
Powered by vBulletin - Copyright © 2000 - 2010, Jelsoft Enterprises Ltd