طلبات نوتة أ / عادل صموئيل الجزء الثانى - الصفحة 720

**سامريونس** · #**7191** 18/12/2019, 23h19

مساء الخير الاستاذالفاضل عادل اذاممكن من فضلك
تنوط اغنية عبد الحليم حافظ /خليك معايا /
رابط https://youtu.be/toAY3LoLPgU

**omarhalim** · #**7192** 19/12/2019, 03h34

استاذ عادل اسعد الله أوقاتك

سلمت أناملك الماسية على كل ما تقدمه لنا من قيمه كبيرة تحفظ أعمال لعمالقة فن الزمن الجميل

لو تكرمت ممكن تدوين أغنية رائعة للسيدة فيروز " قد اتاك يعتذر " كلمات الأخطل الصغير و تلحين الأخوين رحباني

مع الأمنيات بالصحة والتوفيق والعمر الطويل ..

https://youtu.be/2E3u7toNJpQ

**عادل صموئيل** · #**7193** 19/12/2019, 06h17

احبائى
اقدم لكم اغنية فيروز

يبكى ويضحك لا حزنا ولا فرحا

الاغنية دى صعبة شوية يعنى لأنه كان بيكرر احرف الواحد كتير وده بيللخبط الى بيدون بس الحمد لله طلعت حلوة

مع اطيب تحياتى

**عادل صموئيل** · #**7194** 19/12/2019, 15h33

احبائى

مع رائعة عبد الحليم

يامواعدنى بكره

مع اطيب تحياتى

**كمال العرباوي** · #**7195** 19/12/2019, 17h53

مساء الخير ستاذ عادل
مرة على مرة بتقولنا اني اسمع تدويناتي على برنامج التدوين واحكم على التدوينة
وتسالت هل البرنامج يقرا الربع تون ولا لا
ام انك تستعين بأذنك وتحكم على التدوينة
الف شكر

اخى العزيز
انا سعدت جدا بسؤالك وكنت حرد عليه الصبح لكن اجلت الرد عشان احضر الكلام اللى حقوله .. انا عادل صموئيل .. احسب قدرى كما شئت لكن انا لم آتى من فراغ ان امتداد اعمالقة سبقونى تعلمت منهم قبل تن اتنضم اليهم بوقت طويل منذ كنت طفل صغير من سماع اعمالهم العبثرية وهى من انشأت ما بداخلى من موسيقى ثم تعاملت معهم وشربت من علمهم وعبقريتهم وتعملت منهم .. واوال شى تعلمته ان :ما ينفعش تعمل ابداع ومافيشجمهور يتقبل .. او جمهور سطحى لا يغهم ماتقدمه .. يعنى انت لما تسمع جملة عبقرية .. دى ما اتعملتش اعتباطا ولا طلعت كده وخلاص .. ولكن اللى عملها قعد يعمل فيها وسحينها ويجودها وقت طويل لحد ما استقر عى احلا حاجة ....... البرنامج اللى بدون منه بالطبع مافيهوش ربع تون وانا لما بكتب فيا المهارات او المتطلبات اللى لازم تتوفر فى المدون الشاطر جدا .. يعنى اول حاجة لازم يقرا املكتوب بعينه ثم لما يسمع البنامج بيعزف المى نص بيمول وهو بيقراها بعينه مع السمع يحسها نصف بيمول وده موضوع خطير جدا .. اولا حكاية يقرأ بعينه عندك بيتهوفن فى منتصف حياته اصيب بالصمم وفى اواخرها اصيب بالصصم الكامل فمان وهو بيدون التوزيع الهارمونى المعقد بيعتمد على عينه وشوف الابداع فى السميغونية التاسعة ... كمان لازم تتوفر شروك مهمة فى المدون المتميز .. لازم احسن انى حاجتين عكس بعض .. لازم احس انى ما يسترو كبير اوى اوى ماحصلتش وكمان احس انى صفر وانى مبتدىء .. فى نفس الوقت ... مبتدىء عشان اراجع ما كتبت ... وموسيقار كبير عشان ادقق اوى فى كل حرف عشان عيب انى الموسيقار الكبير اعمل اى حاجة فيها اخطاء يعنى كل حرف انت بتشوف انا كاتبه يعنى انا مريت عليه كذا مرة .. واكتر حاجة بتتعبنى فى الكتابة فيه بعض الجمل الصعبة .. وتختلف الصعوبة .. يعنى اى جملة بتتكون من تفعيلات .. احلى تفعيلة اللى بتبقى الفكرة كلها فى داخل المازورة .. يعنى انا بفكر واعيدحساباتى داخل مازورة .. واحيانا بتكون جملة غلسة يعنى تفعيلتها بتكون فى 7 او تمن موازير مافيهاش نفس .. يعنى كل ما احس ان لسه مازال فيها حاجة لازم اسمع ال 8 موازير .. يعنى احيانا 3 موازير بتقف معايا او العقل بيتوقف واقفل الجهاز واعو اليها تانى .. الموضوع مش سهل زى ما اى حد يتخيل .. كمان براعة حاة ان النوتة تكون سهلة يعنى فيه مدون بيكتب نوتة يقراها خمسين انا بحاول انى اكتب نفس اللحن يقراها 5000 .. انا سعدت بسؤالك لأن فكرت فيما اكتب ... الناهردة مشكلة الفن ان الجمهور مش بيفكر فيما بسمع يعنىبتقدم له اى حاجة وبيصقف وخلاص مافيش حد بيعترض يقول اللحن ده دون المستوى لذلك هبط الفن ... يعنى تخيل زمان كان ما ينفعش ح ديعمل لحن شبه اى لحن تانى .. دلوقتى عندك مثلا شعبان عبد الرحيم قعد عشرين سنة يغنى فى جملة واحدة .. و .. للعلم انا عندى برنامج بيقرا ويغنى النغمة الشرقية ... اعطاه لى اخى الحبيب الدكتور وسام اكرم اسمه ميوز 2 بس البرنامج فيه بالنسبة لى مشاكل خطيرة .. يعنى ما ينفعش يتروض .. تفقد السيطرة عليه .. يعنى انا بحب انكور لأن انا بروضه وبتعامل بيه بنسبة 100% اما ميوز مثلا هو عايز يعمل عدد الموازير فى السط على مزاجه ودى ماتمشيش معايا .. يعنى انا لازم احدد عدد الموازير ... كمان اخطر حاجة وانا بدون فيه حاجات خطيرة جدا بضعها فوق العلامات الموسيقية زى مثلا خط اللزمات الصغيرة التى ترد على الغناء او اى اضافات .. احينا بضطر اضيف او اختصر مازورة من السطر مع برنامج انكور العلامات دى بتلزق فى مكانها يعنى حاطط علامة فوق حرف معين لو اتحرك بتلزق فيه لكن مع البونامج الأخر العلامات دى بتمشى وتتلخبط فى كل المقطوعة طبعا حاجة مقرفة .. واهم شىء للمدون انه يبقى قاعد بيشتغل مفيش حاجة عاملة له ازعاج يعنى حتى تخيل كوب شاى بجوارى .. كوب زجاجى بدون يد لو وضعت مج او فنجان كبير يضايقنى .. او ارتفاع الكرسى اللى انا قاعد عليه .. او صوت موسيقى تتسلل الى من تليفزيون الشياطين عندنا فى البيت عاملين صوته عالى .. مع اطيب تحياتى

**Madeleine** · #**7196** 19/12/2019, 20h16

يسعد مساك الاستاذ الفاضل عادل كيفك ياريت لوسمحت
تنوط اغنية :صباح عالعصفورية :
https://youtu.be/h3rrUKNb1TQ

**عادل صموئيل** · #**7197** 20/12/2019, 13h35

احبائى

اقدم لكم اغنية من العيار التقيل لفيروز

قد اتاك يعتذر

الاغنية دى صعوبتها انها مافيهاش الدوم واضحة ودى صعبة جدا فى التدوين لأن كمان فيروز اتسلطنت وبتصدر شوية لكن الحمد لله قدرت ادونها يعنى فيه اغانى بيقع اعبء الاكبر على المدون
مع اطيب تحياتى

**كمال العرباوي** · #**7198** 20/12/2019, 18h33

الف شكر للاسناذ عادل على رده المستفيض
وطبعا نحن نعرف خبرتك ومهارتك وعبقرية تدويناتك
ودمت لنا ذخرا ومرجعا في منتدانا الجميل
ويا ريت تفيدني بطريقة تجعلني اميز النوتات سماعي
الف شكر

**qusay.qq** · #**7199** 20/12/2019, 21h53

أستاذنا الفاضل /عادل صموئيل/
ألف شكر على كل التدوين الذي تقدمه لنا
وشكرا على تدوين / قد اتاك يعتذر / للسيدة فيروز
أستاذنا أرجو من حضرتك تدوين أغنية / ع الرملة / للراحل محمد رشدي
وهي غير موجودة بالمنتدى
وهذا الرابط

https://www.youtube.com/watch?v=MZMKZ0pWbFM

**qusay.qq** · #**7200** 20/12/2019, 22h28

[/COLOR][/SIZE][/QUOTE]
شكراً على هذا الشرح وعلى إهتمامك.
أستاذ عادل
ماهي الخطوات و المبادئ الأولى التي يجب أن يقوم بها المبتدئ الراغب بتعلم التدوين الموسيقي
/ دليل المقام ودرجته والميزان والإيقاع /
و مارأيك بالتدوين عن طريق مرافقة الآلة الموسيقية / عود - كمان.../
وهل هناك كراس يشرح كيفية التعامل مع الأغنية أو الموسيقا المطلوب تدوينها .
تحياتي .

[/COLOR][/SIZE]

اخى العزيز
اول حاجة اللى يدون لازم انه يكون بيعزف سمعاى بدقة متناهية عشان يحس بالموسيقى من جميع نواحيها ..
فى الاول قبل التدوين لازم تختار مقطوعات سهلة مفيش مانع تستعمل آلة مساعة لكن لفترة لأن املدون لازم يحس بالمغة بأذنه .. يعنى انا من زمان بسمع واكتب بدون آلة .. واول حاجة لازم تحسها المقام عشان تكتب الدليل ثم الميزان .. وده لازم تحسه انك تمشى مع اللحن بإشارات الميزان تشوفه ميزان كام .. مع الاسف مفيش دروس فى التدوين ولكن بيبقى اجتمهاد وموهبة شخصية .. يعنى فى اكليات والمعاهد الموسيقة بيدوك قشور الكتابة ... يعنى يادوب تكتب جملة موسيقة تتملاها فى امتحان وخلاص مع اطيب تحياتى