طلبات نوتة أ / عادل صموئيل الجزء الثانى

[omarhalim]

[QUOTE=عادل صموئيل;784698][CENTER]احبائى ..
افتخر بأنى قد دونت اغنية عبد الوهاب ..
[SIZE=5][COLOR=Blue][COLOR=Red] الكرنك[/

استاذ عادل المحترم

سلمت يداك الماسية على هذه الاغنية الرائعة الراقية

في طلب يا ريت تدونه وهو اسكتش قاضي البلاج للاسطورة عبدالحليم حافظ

اسكتش جميل من الحان الرايع منير مراد لو يضاف الى تاريخك الجميل

مع الامنيات لك بالعمر الطويل والصحة والسلامة

عمر / لندن

[salhi_haithem]

إلى الأستاذ عادل عملاق النوتات
ألف شكر وشكر على ما تقدمه للفن وأهل الفن من محترفين وهواة.
لو حاول أي شخص أن ينقل نوتة مكتوبة على برنامج موسيقي بالكمبيوتر لعلم حق اليقين أي جهد تبذل لتدوين النوتات الموسيقية وبهذا الكم استجابة لطلبات لا تنتهي.

لا يسعني إلا تقديم الشكر الجزيل والامتنان الوفير لشخصك العزيز

[خليل سليم]

استاذنا الراءع الفاضل والي نحمد الله تعالى على تواجدك معنا عادل المحترم، لحضرتك كل الشكر والامتنان والعرفان على تدوينك الراءع لاعمال العمالقة الكبار وآخرها الكرنك وهي تحفة براقة وعمل كبير مش اَي واحد بيقدر يعملو بهذه الجودة والتدوين المتقن، مليون شكر لحضرتك واطال الله من عمرك وأنعم عليك بالصحة والسلامة والامان

[المنير]

المشاركة الأصلية كتبت بواسطة عادل صموئيل

احبائى ..
افتخر بأنى قد دونت اغنية عبد الوهاب ..
الكرنك ..
طبعا الاغنية دى مش اى حد يقدر يدونها ولا يعزفها او يغنيها او حتى يسمعها .. انا بدون فيها من اكتر من شهر يعنى بكتب شوية واركنها لأنها بتحتاج مود عالى جدا جدا مش زى اى اغنية .. يعنى صعوبتها الشديدة ان 80 % منها ادليب وده عشان يطلع بدقة لازم السطر الواحد بياد وقت طويل .. كان احساسى ان مش اى ح حايقدر يتعامل معاها بيعطلنى لأن دى متنفذة قبل استعمال التدوين .. يعنى اى اغنية اعزفت واتسجلت بالنوتة بتبقى اسهل من الى بدون نوتة لأن الى بنوت بتبقى مقننة يعنى فيه زمان حد قبلى ظبتها .. لكن الى بدون نوتة وده عبد الوهاب يعنى بيبقى صعب جدا جدا تقنينها للكتابة لأن مستواها بيبقى اعلى بكتير احيانا من حروف النوتة ... كمان ان من الصعب اى مطرب يقول انا مطرب انه يؤدى هذه القصيدة .. وبالذات الاعجاز اللى فى الجزء بتاع انا هيمان .. يعنى لازم الى يغنيها يكون حافظ اللى عمله عبد الوهاب صم .. واذا حب يجود مايقدرش يقول من عنده اكتر من 10% لأن اللىعمله عبد الوهاب اسمه عندنا اداء اعجازى .. ومش ارتجال ده مدروس بدقة متناهية يعنى كأنها عمارة مبنية ما ينفعش تعدل فيها او معادلة كيماوية ما ينفعش تكتب اى حرف فيها غير الصح لذلك انت لو عدلت اى تعديل حايشوه اللى عامله عبد الوهاب .. انا تعبت نفسى ودنتها وانا عارف ان يمكن 5% من الرواد فى اى مكان بيستعملوا النوت بتاعتى ممكن يقدر يشتغل فيها واناطبعا لو افدت واحد بيها او واحد فقط احتاجها ولقاها اكيد ده يكفينى .. وعلى الاقل انا مدونها للذكرى والتاريخ .. مع اطيب تحياتى

السلام عليكم
تدوين رائع كالعادة تسلم ايديك, لكن حذفتم ربع التون من مقطع "أين يا أطلال" و هو البيت القصيد في الأغنية, لماذا لا يقبل الأستاذ العظيم مقام سيكاه بلدي في تدويناته؟
اخى العزيز .. حرف الربع تون ده مش اساسى تقدر تقول لنه حلية يعنى المفروض ان اى حرف اساسى يعنى بيدخلنا فىمقام جديد تهيد للغنا لكن لما تشوف اين يا اطلال الكوبليه كله مافيهوش ربع تون لذلك مالهاش قيمة .. هى ممكن تكون حلية .. اما ليه عبد الوهاب مش بيستخدم السيكاه البلدى لأنها مش مقام اصلى ودايما عليها جدال يعنى لازم يكون فيه اراء مختلفة

[Mahmoud Saleh]

ياريت يا أستاذ عادل نوتة أغنية عبد الوهاب " الظلم دا كان ليه " لحن جميل ورشيق لا أدري كيف لم يلفت انتاهكم لتدوينه .. خالص الشكر وقدما

[طارق سرحان]

استاذ الوطن العربى كلة فى الموسيقى المايسترو عادل صمويل انا اصبحت من عشاق الاغانى ابيض واسود علشان بشوف سيادتك فى وسط اسود الموسيقى وشوفتك مع فايزة احمد بتعزف اغنية بصراحة انا كنت فاكرها اغنية خفيفة لكن طلعت صعبة جدا بحثت عنها فى الفهرس ولم اجدها اتمنى ان تدونها لانها تستحق

[عاصم المنشاوى]

استاذ طارق سرحان
الدكتور طارق..مدون اغنية بصراحة لفايزة وعبد الوهاب
فى فهرس للاستاذ هيثم الصالحى ح تلاقيها

[طارق سرحان]

الاستاذ المحترم الباشا عاصم شكرا على اهتمام سيادتكم بالفعل تم تحميل النوتة الدكتور طارق توهت فيها وعدد من الاغانى دونها الدكتور طارق والمايسترو عادل الباشا بتاعنا مدونها انا مش عارف لية نوتات المايسترو عادل مش متعبة فى عزفها مثل الدكتور نزية والدكتور طارق واكيد الاستاذ اللى حضر بروفات الاغنية وملحن الاغنية نفسة بيعزفها امامة اكيدهو ادرى من اى مدون اخربكل تفاصيل الاغنية وعموما اخى الفاضل هو اجتهاد شخصى من هاوى موسيقى اللى هو انا اناشد المايسترو عادل ربنا يديلة الصحة والعافية وطول العمر انة يدون كل الاغانى اللى عزفها مع الفرقة الماسية ويدون اللى كان بيجصل من مواقف مع كل صانعى الاغنية من ملحن ومؤلف وموزع ومهندس صوت ومنتج ومطرب لان دا تاريخ فنى يمكن التزوير فية لكن شهادة مايسترو عظيم مثل استاذنا الماسى استاذ عادل صمويل يحمى تراث مصر الفنى الحديث من التزوير الف شكر لسيادتك

[عادل صموئيل]

احبائى
اغنية فايزة احمد

بصراحة بكل صراحة

انا احب انوه ان انا من ضمن اهتماماتى وخبرتى واحيانا اختراعاتى ان لازم تكون النوتة سهلة على اد ما اقدر لسبب .. وسبب خطير .. وسمعته من الاستاذ عبد الوهاب شخصيا كذا مرة .. انت بتقدم فنك لمين ؟ يعنى هو كان بيقدم فنه للشعب .. الشعب ده 99% منهم مستمعين وواحد % موسيقيين .. ف هو بيخاطب المستمعين وبيقدم حاجة حلوة يتعلم منها الموسيقيين .. لذلك تلاقى اى موسيقى لعبد الواهب بتدخل قلبك بسرعة وبتتحفظ ليه لأنها سهلة .. لو كانت صعبة كان حايبقى اسمها فوق مستوى الشعب .. يعنى انت مثلا لما تسمعحاجات كتير لعمار الشريعى الافتتاحية بتاعة رأفت الهجان هو بيستعرض عضلاته لكن هات لى كام واحد من عامة الشعب يقدر يدندنها مش حتلاقى وهنا المصيبة .. يعنى انا لو كتبتها مش اى حد حايعرف يعزفها .. فه اجزاء فوق مستوى الشعب ف شغل عبد الوهاب زى انا هيمان والتقاسيم الرهيبة الىعملها فيها واللى ماحدش يقدر يقولها زيه وهنا هو بيقول انا العبقرى وانت ك مستمع بتسمعهم فقط لكن ماحدش مطالب يحفظم انت ممكن تعزف كل الاغنية ماعدا الجزء ده .. لما نيجى لجمهورى انا الى بقدم له النوتة .. انا طبعا عمرى ف حياتى ما تعاملت على انى موسيقار كبير طول اليوم .. يعنى جايز اتحسب موسيقار كبير بالليل لكن بالنهار كنت مدرس موسيقى .. يعنى بتعامل مع طلبة من الصفر .. كانت التمارين بتاعة تعلم اى آلة من وجهة نظرى سخيفة مملة يعنى انت لو اخو اللى بيتعلم وعمال تسمع التمارين اللى ف الكتاب اكيد حاتنزعج وتقول ايه القرف اللى هو بيهببه ده .. انا كان ليا مدرستى الخاصة ان الطالب الغلبان اوى ده كل ما يوصل لمرحلة فىالكتاب .. استغل موهبتى انى اكتب له جملة من لحن جميل لمطربه المفضل وطبعا لازم تكون سهلة بحيث يقولها بسرعة هنا انجاز خطير المفروض لو البلد دى بتقدر كانوا اعطونى جايزة نوبل للسلام .. ليه فيه حاجة نفسية فى منتهى الخطورة لما يكون المبتدى يعزف جملة او اتنين او شوية جمل من عدد من الاعانى الشهيرة واصحابه او اهله يسمعوها ويتبسطوا منه ويقولوا كلام حلو او يشتروا له كمنجة مثلا ده انجاز نفسى خطير .. بيخليه عايز يبقىاحسن .. وهنا لما نديه تمارين من السخيفة وبتكون اصعب طبعا بالتدريج بدل ما كان بيزهق لما يذاكر ربع ساع ممكن يقعد يذاكر 3 ساعات ومش بيزهق وده فىحد ذاته انجاز زى تلميذ بنخليه يحب يروح المدرسة وتلميذ ف المدرسة بيقرفوه يخلوه يتمنى المدرسة تولع عامل زى لو انت عندك مزرعة لو زرعتها فواكه حلنى على ماتطرح لكن جنب الفواكه تحت الشجر انا كنت بزرع جرجير وطماطم وفلفل وشوية حاجات بتطرح بسرعة وناكل منها دى بتديك احساس جميل انك انتجت شىء ومش بتستعجل الفواكه لما تطرح فى وقتها يعنى من ضمن ال 20 مادة اللى درسناهم فى الكلية علم النفس هو فى حد ذاته علم دمه تقيل مش اى حد بيحبه لأن مش اى حد بيفهمه ولكن لو انت فهمت علم النفس بمنطلق التطبيق حتلاقيه مادة لذيذة واكيد فيه اسباب خطيرة دفعتهم انهم يدرسوا لك العلم ده ودى النتيجة انا لما بعمل نوت سهلة بس فيه خط احمر خطير .. بدون ان تفقد اى حرف .. الانجاز بيبقى اسرع بكتير يعنى كانت زمان النوت صعبة جدا وشكلها مقرف ومعقد .. وانا طالب كان فى مقرر البيانو مثلا بيدول تختار مقطوعة من 6 او 7 كتب يعنىانت تاخد اسم الكتاب وانت تختار منه .. كنا بنقلب فى الصفحات نختار المقطوعة اللى شكلها حلو .. يعنى الى شكلها سهل لأن كان فيه مقطوعات مخيفة الخلاصة ان خبرتى تكونت من 500 مصدر مع اطيب تحياتى

[salamat]

رائع جدا تحليل رائع اعجبني كثيرا