الموسيقار ياسر عبد الرحمن - موسيقى الافلام

[أشرف عبد الغني]

أخي العزيز brucebodey

أنا اللي باشكرك على كلماتك الرقيقة وتقديرك للفن الراقي وأحب أقولك اني من عشاق الثلاثي العبقري سيد حجاب, ياسر عبد الرحمن وعلي الحجار
أما عن مسلسل الوقف فقد عرض بالتليفزيون المصري عام 1990 ووقتها هزتني مقدمة ونهاية المسلسل من كلمات ولحن وأداء
وسجلتها فيديو في حينها وللأسف كان التسجيل غير جيد حيث أني كنت أعيش في جدة {السعودية} وكان ارسال التليفزيون المصري يصلنا ولكن مش دايما جيد وللأسف أيضا لم يعد التليفزيون عرض هذا المسلسل من وقتها للآن وقد حاولت أن أعثر على تسجيل أفضل من هذا ولفيت على الكثير من المنتديات أبحث عنه فلم أجده حتى في موقع علي الحجار فقررت أعرضه في منتدانا بحالته هذه الى أن نجد ما هو بحالة أفضل وياريت يا أخي تناشد كل من تعرف ربما نجد التسجيل الأصلي والكلمات أيضا حيث أن بعض الكلمات غير واضحة
أعذرني على الاطالة لكني ما صدقت الاقي حد تاني يعجب بالعمل الرائع ده غيري ,اشكرك مرة تانية وأتمنى أن يدوم التواصل بيننا أما عن النوادر ما أقدرش أوعدك بأي حاجة أقوى من كدة لكن أوعدك أني حاغربل عشرات الشرائط الفيديو عندي ربما أعثر على حاجة قريبة من الوقف
أخوك أشرف

[brucebodey]

بجد مش عارف اشكرك ازاي علي التحفة الفنية (الوقف)
دي مش موجودة في اي منتدي في الدنيا غير سماعي وعن طريقك
بجد انفراد ليك يا اشرف انا علي فكرة اسمي عيد
بالنسبة للتتر
موسيقي روعة .. كلمات رائعة ..اداء متميز من علي الحجار
وفكرتني بالوسية
ده يمكن ياسر نفسه ميكونش عنده التتر ده ... باعترافه انه معندوش اصول بعض اعماله وبيلاقيها علي النت بالصدفة

دي كلمات المقدمة

دنينتا موجة موجب وسالب عرجة وعوجة مسلوب وسالب
وناس تعاند غاوية المقالب تيطالها تغلب تغالبها غالب

ياصاحبي حقك متسبش حقك .. شئ تستحقه ويستحقك
خد مستحقك ماحد حقك .. ومضاعش حق وراه مطالب

عقلك في راسك تعرف ميراثُُُُُك .. وافهم تراثك يصعب مراسك
وان درت راسك سهل افتراسك.. ده عنيك قصادك ده هم مخالب

ياصاحبي صبرك دي الكسرة جبرة .. صبرك لقهرك بيبقي أبرك
وان فاق وأدرك أطهر وأبرك .. أصبر وثابر وخد وطالب

دنينتا موجة موجب وسالب عرجة وعوجة مسلوب وسالب
وناس تعاند غاوية المقالب تيطالها تغلب تغالبها غالب

ودي كلمات النهاية

وده كله عادي ومن الساعة دي
أدي السبايب _ معرفهاش _ وأدي الحبايب و أدي الأعادي

ياللي ائتناسك _ قعدة الاونس يعني _ بحب ناسك
أثبت تماسك أنشر حماسك في الناس ونادي

ولما لما بنبقي لمة
اخر المتمة نصرتا تمة ونهارنا نادي

وفي الملمة أهو ناس ملمة
قاموا بهمة يقضوا المهمة واهو بان قباللي

وده كله عادي ومن الساعة دي
أدي السبايب وأدي الحبايب و أدي الأعادي

بجد كلام تحفة وجااامد جدا وتقيل ومحدش يقدر يألفه غير الشاعر سيد حجاب
وبرضه محدش يخليه بالشكل الجميل ده غير انامل العبقري ياسر عبد الرحمن

انا عن نفسي اذني استمعت للحن مرتين فقط فحفظته عن ظهر قلب من حلاوته

وبنصح الناس كلها متقراش المقدمة والنهاية غير وهي بتسمع الاغنية علشان تفهمها اكتر

مرة اخري شكرا يااشرف بالنيابة عن كل محبي الموسيقار ياسر عبد الرحمن

[brucebodey]

المشاركة الأصلية كتبت بواسطة husseinfawzy

أحييك على مجهودك وحسك المرهف.وأطمع من فى موسيقى مسلسل أين قلبى ليسرا ولك جزيل الشكر

اتفضل طلبك موسيقي اين قلبي للعبقري ياسر عبد الرحمن



علي فكرة صولوهات الكمانجة في التتر ده بجد شئ خرافي
ومحدش يعرف يعمل كده غير امبراطور واحد اسمه
ياسر عبد الرحمن

[mhamada32]

ياسر عبد الرحمن

فيلم ليلة البيبي دول

بداية

11سبتمبر

لحظة غضب

ابو غريب

نهاية

الحلم

كان نفسنا

[هاله]

المشاركة الأصلية كتبت بواسطة moda xp

موسيقى المقدمه لمسلسل اوان الورد

رغم سعادتى بعثورى على مقدمه مسلسل اوان الورد
الا انى وجدت انه وجب التنويه انها لخالد حماد وليس ياسر عبدالرحمن

[مصطفى القاضي]

المشاركة الأصلية كتبت بواسطة أشرف عبد الغني

الأخوة الأعزاء

عمل يجمع العمالقة سيد حجاب ياسر عبد الرحمن وعلي الحجار

مسلسل الوقف

أعتقد أنه أول ظهور لهذا العمل على في المنتديات

معذرة على ضعف جودة الصورة لكن الصوت لابأس به

في انتظار تعليقاتكم

بعد ما فرحت بجنون لما لقيت مقدمة الوقف اصيبت بصدمة شديدة لان الصورة فقط موجودة دون صوت ..ارجوك تفعل الرابط تاني عشان انا دايخ عليها من 10 سنوات..ارجوك لو سمحت..أيميلي هو..elkadymostafa@yahoo.com..متنساش ارجوك

[غسان 51]

المشاركة الأصلية كتبت بواسطة moda xp

موسيقى المقدمه لمسلسل اوان الورد

عفوا موسيقى اوان الورد للموسيقي خالد حماد

[محمد حمدان]

السلام عليكم و رحمة الله و بركاته

و الله ما نختلف على كون الموسيقار ياسر عبد الرحمن فهمى فعلا عبقرى و لا ابالغ ان كنت اعتبره انا شخصيا من
القلائل الذين اثروا الموسيقى العربيه فى فتره وجيزه وهذه احدى علامات العبقريه. و قلما نجدها فهى من النوادر .

و اعترف اننى لم اتابع بداياته ولكنى كنت اتابع مسلسل الضوء الشارد ان لم تخنى الذاكره فأعجبت جدا بموسيقى المقدمه
و النهايه فأصررت فى اليوم التالى على معرفة هذا العبقرى الذى قام بهذا العمل الموسيقى الفذ فعرفت الموسيقارالعبقرى
الموهوب الدارس ياسر عبد الرحمن فندمت اننى لم اتابع الحانه من قبل وان كنت فى هذه الفتره لا اتابع ما يحدث على الساحه الفنيه كثيرا لاسباب خاصه.

فالى الامام دائما يا موسيقارنا المحبوب و ان شاء الله تثرى الموسيقى العربيه بما تحمله موهبتك و عبقريتك بكنوز ودرر
من الحانك العذبه الجميله.

تعلم بكايا و نوح يا حمام

و افهم لوغايا و معنى الكلام

جرح الحبيب شوك و لهيب

و نعلم بكايا و نوح يا حمام

[محمد القاهرى]

ياريت ياجماعة موسيقى مسلسل الابطال الجزء الاول وهو مسلسل مصرى عن الحملة الفرنسية وكان من بطولة حسين فهمى ومحى اسماعيل وهو عمل من الاعمال التاريخية الجميلة للمخرج حسام الدين مصطفى وكان ثانى مسلسل تاريخى له بعد المسلسل الشهير الفرسان .. والموسيقى طبعا للموسيقار ياسر عبد الرحمن ...

[مصطفى القاضي]

المشاركة الأصلية كتبت بواسطة robertobenig

تلك هي اول مشاركة في هذا المنتدي العظيم و اتمني ان تنال رضاء حضراتكم و هي موسيقي فيلم عرق البلح للموسيقار المتميز ياسر عبد الرحمن و المخرج الكبير الراحل رضوان الكاشف

شكرا لوضعك موسيبقى رائعة رضوان الكاشف عرق البلح الذي حصد 17 جائزة دولية..فيلم سيدوم في ذاكرة السينما طويلا..بس نرجو منك اكمال الجميل..الفيلم له 12تراك..يعني ناقص 6 تراكات اخرى..نرجوك ان تضعها في المنتدى...