طلبات نوتة أ / عادل صموئيل الجزء الثانى

[basharbsh]

اشكرك استاذ عادل على تدوين النوتة ادام لنا الله عطاءك
هذه نوتة قصيدة القدس قومي الى الصلاة تلحين السنباطي العظيم اتمنى تدوينها قريبا
وهذا هو رابط الاغنية
https://youtu.be/IQAlbwlof9o

[yasser sna]

السلام عليكم ورحمة الله وبركاته .. تحياتي استاذنا الكبير عادل
اكرر طلبي ل اغنية عيناك للمطرب خالد الشيخ وهي مطلوبة كثيرا وليس لها اي تدوين على النت سوى في موقع واحد يطلب ثمنها 60 دولار فاذا تكرمت علينا بتدوينها تسعد الكثيرين
وهذا رابط به الاغنية وجزء بسيط من النوتة وجزاك الله خيرا على كل حال
https://www.orsoundstyle.com/2021/04/blog-post_46.html

[عاصم المنشاوى]

الاصدقاء الاعزاء..

كل سنة وحضراتكم بخير...

الأستاذ /هيثم الصالحى....كل الشكر على مجهوداتك فى المنتدى....مجهود رائع في فهرست الاغانى

..وحاليا كمان بتعطينا نبذة تاريخيىة وفنية عن كل أغنية....

الأستاذ ياسر طالب اغنية يكتبها لنا عملاق التدوين استاذنا/ عادل بك صمويل .....لان احد المواقع على النت ...طالب

60 دولار...يعنى ألف جنيه مصرى.. يعنى لو الاستاذ عادل بياخد ألف جنيه على كل اغنية ...كان زمانه دلوقتى بقى

مليونير.....لكنه بحر العطاء .....

شكرا اخى العزيز عاصم ..بس خلى بالك احنا فى التدوين مش بنتحاسب ع الاغنية بنتحاسب ع الصفحة يعنى مش حاتعمل اغنية نص صفحة زى اغنية 18 او 14 صفحة بس من اول يوم انا ماحبتش اعمل كده لأن اللى بياخد فلوس ده بيبعت الاغنية لشخص واحد ع الايميل يعنى المجهود بيشوفه شخص واحد والفلوس مهما كانت بتتصرف ولكن لما بنزلها لوجه الله مجانا بيشوفها ملايين وانا اتعلمت فى الزمن الجميل ان الفن اهم من الفلوس يعنى هم كلهم رحلوا وانا دلوقتى باقى مندوب عنهم كلهم النوت الى بقدمها عشان الناس تفضل الى الأبد تعزف الموسيقى بتاعتهم لن دى الموسيقى .. يعنى الموسيقى بتاعة اللى بيغنوا دلوقت مش موسيقى يعنى جرب كده اعزف اغنية لمصطفى قمر مثلا مافيهاش جملة موسيقية تقدر تقولها زى ما بتقول الحان الملحنبن المالقة .. تخيل حسن شاكوش فى السنة ونص جمع فلوس اكتر من اللى كسبه عبد احليم فى كل عمره كذا مرة

ومحيط الكرم..

.ونهر الجدعنة...

ربنا يخليك لينا يااستاذنا ......ويديم علينا نعمة منتدى "سماعى"....

[ابوكارم]

الاستاذ / عادل
تحياتي لحضرتك
اذا امكن تدوين اغنية
امي ياست الكل بموت فيكي للاطفال
لان لحنها جميل


https://www.google.com/search?q=%D8%...4dUDCA4&uact=5








https://www.sm3ha.com/song/%D8%A7%D9...%83%D9%8A.html

[عادل صموئيل]

احبائى
وعودة الى الطرب الاصيل والعيار التقيل

اغنية فايزة احمد

حبيبى يامتغرب

طبعا بليغ مكانش يقدر يلحن لفايزة اثناء لماكان متجوز وردة .. واللحن ده فيه اجزاء صعبة جدا يعنى لأن بليغ اكيد بيثبت لفايزة انه ملحن قدير ادها يعنى وكمان فايزة من تعاملى معاها بتحب اوى الاجزاء الصعبة عشان تثبت جدارتها
جدير بالذكر ان ف الكوبليه الاول صولو كمنجة معمول بالطريقة الغبية لدتمير الموسيقى والى العازفين دول خلوها بقت موضة بعدهم يعنى الجملة مكتوبة صولو كمنجة ومش بتعيدها الفرقة وهنا الكارثة .. بمعنى .. الطبيعى فى اغانينا ان الجملة انت بتسمعها مرتين مرة فرقة ومرة صولو وانا عادة بدونها من المرة بتاعة الفرقة لأنهم ملتزمين بالنوتة لأن الصولو ممكن يتفزلك او عايز يبستعرض او بيقفل الجملة قفلة من عنده وده بيلخبطنى وانا لازم اكتب الاساس اللى الملحن عامله لن ده الى بيبقى للذكرى والتاريخ والللى اتعودنا عليه طول عمرنا واتكسر فى فرقة هانى مهنا . العازف بيشوف ان الجملة صولو فقط ومش بتقولها الفرقة .. ومش بيقدر الأمانة انه يحافظ على اللحن .. وبيقول من عنده حاجة ملخبطة مالهاش اى لون او طعم وانت روح اسمع اتسجيل واسمع صولوا الكمنجة لا حاتفهمه ولا حاتعرف تدندنه بعكس الصولوهات بتاعة الحفناوى زمان عشان ملتزم كان الجمهور حافظها صم على خلاف نعيته .. وثانيا المصيبة انى ماكتبتش الصولو تجاهلته وهنا اللحن خسر جملة ممكن كانت حلوة لأن عازف الكمان طمسها .. المصيبة انا برفض الطريقة دى وكل زملاء جيلى لكن الاجيال الى بعدنا بقت موضة يعنى دى الطريقة اللى بيعزف بيها واحد مثلا زى جهاد عقل بيشوه جميع اغانى الزمن الجميل الل بتقع تحت ايده يعنى انا حاليا موجود بدل كل نجوم الزمن الجميل وعن لسانهم اقول لك لو سمعوا جهاد عقل حايشمئزوا من اللى بيقوله .. يعنى عامل زى ما تجيب الملوخية او الكبسة وتضع عليها كاتشب ومايونيز وهوت صوص .. حتتشوه .. يعنى النوع ده من الموسيقى اسمه زيجان وده موسيقى الغجر بتوع اوروبا .. هو لون .. وله محبيه .. بس لما تعزفه هو بنفسه يعنى لما تجيب مقطوعة من موسيقاهم وعندهم مقطوعاتنا كتير واعمل فيها كل الل فى نفسك .. لكن موسيقانا احنا لها نكهة ونوعية تانية ما ينفعش تخلط ده مع ده .. ولو اتخلط مرة خلاص تبقى مرة ( فاهمين قصدى ؟ ) يعنى فى رسالة من تحت الماء .. عبد الحليم حب يقدم شىء جديد مختلف يعنى يقدم لك موسيقى الغجر ده فىا لصولو الى عمله محمد مصطفى على الكمان الكهربائى .. بس طبعا عشان ما يضيعش الجملة الل عاملها محمد الموجى سمعك الجملة كذا مرة من الفرقة وبعدين سمعها لك من محمد مصطفى بالطريقة دى .. الجمهور العادى مش حاييفهمها لأنها حاجة عفاريتى .. اقصد الجمهور العادى حايدندن لبجملةى الاصلية .. لكن ماحدش حايغهم الجملة الل قالها محمد مصطفى الا الشاطرين اوى اوى فى الكمان وفاهمين قال ايه وفى التدوين انا عزفتها مع عبد احليم مكتوب ثالت مرة صولو كمنجة .. فقط .. الصولو مش مكتوب .. لأن ده بيبقى ارتجال من العازف .. يعنى انا بتعب نفسى ليه اغنية زى دى اخدت عشرين ساعة شغل ؟ عشان احافظ على تراث الزمن اللى مش حايتكرر ..ما يجيش بعد كده حد يشوهه بدعوى التطوير .. يعنى انت فى اى دولة عندكم الاكل التقليدى اللى تتميز بيه الدولة ولازم يكون من قرون كتير والسائح بييجى بلدكم عشان يتذوق ااكل ده ف لازم انه يقعد الوف السننين كما هو مش تحط عليه اختراعات حاتدمر طعمه نفس الموضوع الموسيقى هنا كانت نتيجة التطوير انى تركت صولو اكمنجة .. فى احيانا فرقة بيعكوا لازمة اكلوبليه كلهاطبعا مش بقدر اكتب الكوبليه كله فيه ناس تانية بتلخبط ف كل الاغنية انا بتجاهلها .. يعنى احنا هنا فى المنتدى ليه متجاهلين الاغانى الحديثة .. اولا لانها موزعة واجنا مانعرفش نستخلص اللحن الاساسى ثانيا والاخطر زمان كان لازم الكمنجات تصاحب المطرب .. وحط تحت دى 150 خط ..اتعلموا منى ... عشان من بعدى مش حاتلاقوا حد يعلمكم الكلام ده .. زمان كان المطرب او لفظ مطرب ده بيطلقوه على حد موهوب ماحصلش مش اى حد ماشى ف الشارع .. انا عاصرتهم كلهم .. وطبعا الى قبلهم كانوا لايقلوا عنهم .... يعنى انا رحت بيت صباح مثلا دونت لها عدد من الاغنيات بصوتها ركز اوى اوى معايا .. لا معاها عود ولا اى آلة كانت بتنندن الموسيقى وصوتها صريح مافيهوش الهوا .. انا سامع منها حروف سليمة وبتدندن الغنا لما تقعد تغنى نص ساعة مش ممكن تقول حرف خاسس .. دلوقت الل بيغنوا كلهم بلا استثناء عندهم حروف ضايعة .. يعنى كان عدننا حفلة اول امس تحييها ميريام فارس وطق ف مخها تغنى اغانى لعبد الحليم .. عندها من مى بيمول فا صول لاسى بيمول دول الل بتشتغل بيهم .. تحت المى بيمول مافيش فوق السى بيمول مفيش حروف ضايعة كلها نشاز .. زمان كان المطربة بتمتلك مش اقل من اوكتافين واكتر فهمتم قصدى ؟ دلقوتى اللى بيغنوا بيغنوا بدون كمنجات تحتهم تسندهم بيغنى ف الهوا وزى ماقلت معظم حروفهم ضايعة يعنى مشبوهة انا لما بسمعهانا سامع حرف نص بيمول خايف اكتبه لأنه صوته مش مظبوط بعكس عبد احليم انت بتسمع الحرف لا مجال للشط يعنى سافمع اى حرف تكتب وانت مغمض واكمنجات تحته بتأكد كمان فهمتوا حاجة ؟

[salhi_haithem]

السلام عليكم
ألف تحية أستاذ عادل على الزخم و الكوارث الثقيلة اللي ورا بعض بسم الله ما شاء الله عليك و ربنا يعطيك القوة و الصحة و العافية و ألف شكر على حبيبي يا متغرب.. نوتات الأستاذ عادل صموئيل وصلت الأفق في كل العالم و ياما أفتح اليوتيوب و أشاهد فيديوات لناس تعزف و وجدتهم يستعملوا نوتات الأستاذ عادل و الكم كبير و لولا الأستاذ عادل لضاع قصت كبير من تاريخنا الموسيقي .. و الأهم من هذا كل هو التطور أو بالأحرى تطور الأجيال القادمة... و التطور يأتي قطعا من تراكمات المعرفة وقتها تصير الطفرة و التغير نحو الأفضل و نوتات الأستاذ عادل تمثل الحلقة الأولى في سلسلة التطور و هي تمثل المعرفة و شئ فشئ تصير التراكمات و شئ فشئ يصير التطور.. فنوتات الأستاذ عادل مهمة لأقصى حد من جهة حفاظ و توثيق تاريخنا الموسيقى و من جهة تساهم في تراكمات المعرفة.. و أنا متأكد أشد التأكد أنه الأستاذ عادل فاهم اللي بحكي فيه و اللي يعمل فيه و لذالك عمرك ما تسمع الأستاذ عادل يحكي على ثمن نوتة أو ثمن تعب و الفلوس عنده موش مهمة و هو اللي روى لنا كيف كانوا في زمن الفن الجميل ينفيقونا الأموال على أغنية و الأغنية في حد ذاتها بعد نجاحها لا تغطي مصاريفها.. إلا التمثيل السنمائي كانت العاءدات متاعه كبيرة و تخلي الفنان يواصل الإنتاج و روى لنا العديد من القصص في هذا الشأن... و الفلوس لما تدخل أي مجال تقضي كليا على الإبداع , شوفوا الكورة لما أصبحت رابطة محترفة يعني صفقات فلوس ماتت الكورة, التعليم كذلك لم يعد تعليم بعد ما دخله الفلوس , مجال الطب كذلك, مجال الزراعة كذلك ... أي قطاع أو مجال تدخل فيه الفلوس يفسد...
عندي سؤال خطير بالنسبة للتوزيع الموسيقي هل عمّار الشريعي له يد في تفشي التوزيع الموسيقي اللي موش مفهوم و متداخل و في بعض الأحيان مبهم و بطبيعة الحال مع الإحترام و التقدير الكبيران للملحن عمّار الشريعي.. لأني لاحظت مثال علي إسماعيل له توزيعات خفيفة جدا و مفهومة و ليست كثيرة و معقولة خذ مثلا أغنية حبيبها لست وحدك حبيبها فيها توزيع موسيقي لجملتين و أستعمل آلات النفخ و هي للفت الإنتباه بصوتها الصاخب لكن تكاد لا تسمع في الجملة الموسيقة و تحس إنها بطانة دافئة لللحن و حقيقة شئ مذهل و العديد العديد من الأغاني بنفس الطريقة و لما تاخذ اللحن العظيم لأغنية رأفت الهجان تسمعها جميلة لكن ليست مفهومة و إنت كل فكرك أو اللا وعي ينتظر الجملة متاع الصولو (صول فا مي , ري مي ري دو ري, مي,ري مي ري) لكن المشكل في المقدمة و خاصة المقطع الشرقي اللذان لا تكاد تفهم لكثرة تداخل الجمل يعني البريمو كمان بيعزف جملة و السيكاندو كمان يعزف في جملة أخرى موش يرد على البريمو كمان لكن يعزف في جملة أخرى و التشلوهات بتقول في قرارت و جمل مختلفة... و هذه الطريقة ممكن هي السبب في فتح باب التوزيعات المبهمة.. في إنتظار رأي الأستاذ عادل
آسف على الإطالة

[بكر محمد دحدولي]

مرحبا استاذ عادل صموئيل

اطيب تحياتي لك استاذي الفضل و اشكرك من كل قلبي على الاستجابة بتتدوينك اغنية حبيبي يا متغرب تسلم ايدك

أنا سعيد أشد السعادة بهذه الأغنية و اتفق تماما كما قال لاستاذ صالحي لو لاك استاذ عادل لضاع قصت كبير من تاريخنا الموسيقي بالفعل .

الله يفرحك ويسعدك استاذنا كما تسعدنا دائما و في إنتضار جديدك بكل شوق

مع خالص تحياتي

[عادل صموئيل]

اخى العزيز هيثم
انت فتحت موضوع فى منتهى الخطورة وهى البوابة التى انطلقوا منها الى السقوط فى هاوية تدمير الفن المصرى اللى هو القائد بتاع الفن العربى .. والموضوع انا ححاول ( وبرضه للذكرى والتاريخ وللأمانة الموسسقية ) الموسيقى المصرية طول عمرها كانت بتتكون من حمل جميلة او بالمصرى لازم الحن يكون يتكون من جمل تجنن .. والجملة ال تجنن دى لازم تتسمع بمفردها ما ينفعش احط معاها حاجة تغلوش عليها .. لذلك كان طول عمرنا الاغانى بتاعتنا مش موزعة .. ولما اتوجد فى مصر موزعين زى اندريا رايدر ثم بيبى المانزا وده ال عامل معظم الحان فريد الاطرش .. الفطاحل امثال عبد الوهاب خافوا على الموسيقى المصرية لا نكهتها تضيع .. فكانوا بيحددوا لهم جملة محددة بيكون فيها اللحن بيتكون من علامت كبيرة زى البلانش والروند ويخلى الموزع يملاها بجملة .. ولازم يكون التوزيع برضه خفيف واضح مش ملخبط يعنى انت بتقدم موسيقى ل 98% من عامة الشعب اللى مايفهموش ف التوزيع و2 % من اللى دارسين موسيقى ويفهموا فى التوزيع وعدنكم فى تونس ايضا نفس النسبة وفى كل الدول الربية .. لذلك احنا بنشتغل لمين ؟؟؟؟ لعامة الشعب اما المتخصصين برضه بنقدم لهم حاجة حلوة تعجبهم يعنى جملة موزعة كل عشر اغانى وتكون جميلة ومفهومة .. لأن كان كل هم العمالقة انى احتفظ بالروح والهوية .. يعنى انت سمعت عن الخناق الى حصل بين ام كلثوم وعبد الوهاب لما كان عايز يجيب جيتار ف انت عمرى هى خافت على نكهة الفرقة وقال لها حايعزف الصولو ويسكت .. يعنى انت لما تسمع موسيقى سودانى تلاقى كل الالات بتعزف عندنا كان ممنوع يعنى الاكورديون يقول الصولو ويسكت ليه عشان ما يضيعش نكهة الفرقة ال هى الموسيقى المصرية .. وجه بعدهم على اسماعيل هو زودها شوية ف الالات النحاسية لكن برضه كان بيعمل توزيع خفيف يعنى انت ممكن لو سمعته خمس مرات تدندنه .. وكلمة تدندنه يعنى فهمته .. جت الكارثة فى جيل جديد من طلبة معهد الموسيقى العربية فى منتصف السبعينات .. معرفش ايه الى حصل لهم يعنى خلطوا بين الموسيقى الشرقية والموسيقى الغربية .. وانا كمدون موسيقى الفرق بينى وبين العازف فقط زى الفرق بين الطبيب فقط وبين الجراح اللى بيعمل عمليات .. يعنى هو بيتحط امامة ورقة بيقراها وخلاص انا بدخل جوا امعاء ودهاليز اللحن يعنى لازم كلمتى تكون مسموعة .. لأنى بشوف اشياء العازف بيقراها على الجاهز .. شوف صولو اكلمنجة الل فى مقطوعة صوت العرب الل فى اول صفحة 2 انا كمدون عشان اكتبه صح قعدت ساعات .. العازف الشاطر اوى بيقراه من اول وهلة .. المهم ان الجيل ده خلط بين الموسيقى الشرقية والغربية .. الكمنجة الشرقى تطريب .. تطريب ثم تطريب ثم تطريب خلى بالك بقول كلام خطير .. الكمنجة الغربى تكنيك ثم تكنيك ثم تكنيك .. الكمنجة الشرقى احساسا ثم احساس بمعنى .. ماينفعش تقرا انوتة اللى امامك لازم تضع فيها احساسك تغنيبها يعنى .. الكمنجة الغربى بتلغى احساسك الشخصى ممنوع ..لأنك لازم تلتزم بالاحساس المكتوب فوق وتحت الحروف .. يعنى ما ينفعش مكتوب تحتها بيانو انت تعملها فورتى .. فى الشرقى انا مش بكتب الاحساس لأن بترك ده للعازف .. المهم .. انهم قعدوا يتنافسوا بينهم وبين بعض انهو منهم الاكثر تكنيكا ... يعنى بيقوا يتنافسوا على تمارين بجانينى والتمارين السريعة جدا جدا واقتنعوا ان دى الموسيقى .. وحسوا انهم اشطر من العازفين الكبار الموجودين .. يعنى مرة واحد منهم اخده الغرور قدامى وقال على الصف ااول من الكمنجات فى الفرقة الماسية انهم قاعدين بالاقدمية مش بالكفاءة وانا اتخانقت معاه ..قلت له دول هم هم الصف الاول بتاع ام كلثوم .. وهم هم الى كانوا مع ليلى مراد واسمهان وعبد الوهاب القديم قبل ما انت تتولد بكتير ... وهم اللى صنعوا تاريخ مصر فى الموسيقى .. يعنى الموسيقى الشرقية تعتمد على الطرب ..مش معنى اننا بنقول جمل بطيئة زى حيرت قلبى مثلا اننا عازفين ضعاف .. ما لما بييجى جمل سريعة كنا بنقولها برضه ولا مين اللى كان بيقول يعنى ؟؟؟ وبعدين حاجة .. هل فى اكاديمة فى العالم تفهم فى الموسيقى الشرقية زى عبد الوهاب والسنباطى والقصبجى والعمالقة ؟ هات 100 اغنية وشوف جابوا انور منسى كام مرة وجابوا الحفناوى كام مرة ... ركز اوى ف الى بقوله ده سر خطير .. انور منسى لما يكون ينتمى الى فرقة ... كان بيقعد فى بيته ولما حد يحتاجه فى صولو بيدعيه .. وانت سمعت صولوهاته .. يعنى اغنية حياتى انت مثلا عبد الوهاب عايز فيها الشوية دول او النهر الخالد او اغنية ماليش امل فى الدنيا دى .. طيب ... ال 3 اغانى دول كانوا وسط 100 اغنية مافيهمش الصولو الغربى البحت ده .... ليه ؟؟؟؟ لأن ده لون مش بتاعنا ..يعنى لون جميل بنلون بيه بعض الاغانى كل فترة لكن اساسنا العازف اللى بيقول صولو كمنجة بياتى وراست ... وطبعا انور منسى ما يعرفش يقول صولو بياتى .. لذلك كان احمد الحفناوى مع ام كلثوم طول عمرها لكن فى الفرقة الماسية بيستدعوه لما يكون فيه صولو فقط .. وعمرك ماشفته قاعد وخلاص يعنىكل ماتشوفه يبقى له صولو .. نرجع لموضوعنا .. عمار الشريعى كان متخيل نفسه حايقدم موسيقى جديدة الل هى سريعة اوى وتوزيع متداخل ملخبط ماحدش يفهمه ... والعازفين اللى بقول عليهم اعجبوا بشغله حسوا انه فاصل بين القديم المتخلف البطىء وبين الحديث السريع النارى المتطور .. المهم قعد عمار يعمل اعمال مع العازفين دول كلها خارج التاريخ .. يعنى انا لما بينطلب منى تدوين واحدة برفضها .. لأنى لما بدونها ( اصل حدونها طبعا ) بس بتاخد منى وقت طويل وتعصبنى عشان استوعبها .. ولو دونتها 90% من الل بيتعاملوا مع نوت مش حايقدروا يعزفوها .. وابتدا الموضوع ده يبقى هو الموضة .. وبقا كل واحد بيلحن لازم يحط كام جملة من النوعية دى وبعدين ابتدا عصر جديد هو عمل الاغانى على اورج والاستغناء عن املكنجات ... واابتدت الموسيقى تيع هويتها حتى عمر خيرت حلو جدا لكن برضه مشكلة التوزيع يعنى يتسمع .. يعنىانت لو سمعت تلاقى المسموع بيتكون من خمس اصوات مع بعض لو انت عزفت صوت منهم لأنك مع آلأة واحدة حتعمل شىء مالوش علاقة باللحن اللى الجمهور عارفه .. يعنىواحد لابس بدلة وقميص وكرافتى انت حاتعزف منهم حاجة ينفع تخرج بالقميص فقط ؟وبعدين ابتدت ظاهرة جديدة وهى انالعازف يكون قدامه صولو يقول حاجة منعدنه مالهاش معنى يعنىاحنا اتعلمنا اابتزام لازم نعزف اللحن زى ما المحلن عامل يعنى شوف انا عامل كام معزوفة منهم معزوفات ساعة وهات لى حلاف الملحن مش عامله .. يعنىمكمن حد ياخد معزوفتى ويدونها او يحفظها لكن هات نفس المعوزفة او الاغنية من جهاد عقل وشوف التشويه الى بيعمله .. هل ممكن حد ياخدها يدون منها ؟ ولو دون منها حايحصل ايه ؟

[qusay.qq]

ألف شكر أستاذنا الكريم / عادل صموئيل / على حبيبي يامتغرب
و على الكلام الجميل .

[خليل سليم]

شكرًا استاذ عادل المحترم على رائعة يا حبيبي يا متغرب للفنانة الكبيرة فايزة احمد وايضاء شكرا على المحاضرة القيمة والمعلومات والتي أضاءت لنا خفايا على ما يدور بخصوص مستقبل الموسيقى العربية والموجة التي تحاول طمس الماضي وهو الزمن الجميل والذي يعتبر الركيزة الاساسية للموسيقى العربية الحديثة والفترة التي كانت قبله زي زمن سيد درويش، سلامة حجازي، زكريا احمد وغيرهم من العظماء بالاضافة طبعا لموسيقار الأجيال محمد عبد الوهاب ورياض السنباطي وغيرهم والذين تَرَكُوا لنا كنزا فنين زاخر بالاعمال الرائعه الخالدة والتي حسب اعتقاد من الصعب على الموجة الحاليّه والتي هي بعيدة كل البعد عن الجمال الفني الموسيقي الأساسي والتي تستند عله موسيقانا العربية ... مرة اخرى متشكر من حضرتك استاذنا القدير على ما قمت به وما تقوم به من عمل سوف التاريخ يخلدة وتخدم الأجيال القادمة وحفضكً الرب