الطلب هو انى عاوز اسمع من حضرتك زهرة المدائن لفيروز
هذا اللحن الحماسى الجميل وخد وقتك تماما انا عارف الطلبات
المتجددة عليك يوميا والله يكون فى عونك
السؤال هو انى ساعات احس انه ام كلثوم كانت بتغير لما تعيد غناء اغنية
اكثر من مرة يعنى مثلاا عودت عينى من مقام كرد الرى لكن ساعات
لما اسمعها احس انها بتغنها المرة دى من مقام كرد وهو مقام الاغنية طبعا بس
المرة دى من درجة الدو مثلاا
فالكلام دى حقيقى ولا انا بيتهيالى وهل كان حليم بيعمل كدة برضو
انه يغير وينوع فى اللحن المعاد ويغنيه من درجة تانية من نفس المقام الاصلى
طبعا انا فاهم حتى لو فى تغير فى الدرجة فانها لازم ما يكون فى اى خلل فى اللحن
شكرا و كل الخير
الاستاذ عادل بعد مساء الخير عليك وعلى جميع اهل ومواطنى سماعى الجميل وعيد ربيع جميل عليكم جميعا ساكن قصادى ما ابدعها وروعتها فى معزوفاتها الجميله طيب حضرتك بتقول هما فين بتوع الزمن الجميل ممكن لو فيه حد باقى من هذه الصحبه ليه متكونوش فرقه تانيه تقدر ترجع بيها الزمن الجميل اكيد هتتعب كتير لحد لما تقدر تقوم بيهم كفرقه وبتمنى لكم ولك كل التقدم والتقدير والاحترام واتمنى لكم قضاء اجمل الاوقات فى سماعى الجميل اختكم عفاف
الطلب هو انى عاوز اسمع من حضرتك زهرة المدائن لفيروز
هذا اللحن الحماسى الجميل وخد وقتك تماما انا عارف الطلبات
المتجددة عليك يوميا والله يكون فى عونك
السؤال هو انى ساعات احس انه ام كلثوم كانت بتغير لما تعيد غناء اغنية
اكثر من مرة يعنى مثلاا عودت عينى من مقام كرد الرى لكن ساعات
لما اسمعها احس انها بتغنها المرة دى من مقام كرد وهو مقام الاغنية طبعا بس
المرة دى من درجة الدو مثلاا
فالكلام دى حقيقى ولا انا بيتهيالى وهل كان حليم بيعمل كدة برضو
انه يغير وينوع فى اللحن المعاد ويغنيه من درجة تانية من نفس المقام الاصلى
طبعا انا فاهم حتى لو فى تغير فى الدرجة فانها لازم ما يكون فى اى خلل فى اللحن
شكرا و كل الخير
اخى العزيز عمرو
اشكرك واوعدك افكر فى عزف زهرة المدائن لفيروز بس المشكلة فى الاغنية دى بالذات هى الإخراج يعنى انت عارف التوزيع الشديد اللى فيها والردود المفتجئة يعنى انا عشان اعزفها بمفردى وتطلع زى ما احب لازم انا اعمل لها اخراج وترتيب بحيث تطلع حلوة بالكمنجة لوحدها وده طبعا مش صعب عليا لكن زى ماقلت بيحتاج شوية وقت عشام ارتبها مع نغسى
اما سؤالك بخصوص الطبقات الصوتية دى مستحيل تحصل مع العمالقة على الطبيعة لكن تحصل مع مطربى الدرجة التانية لما االواحد منهم صوته يتعب بمرور الوقت نضطر ننزل تون او اكتر بس ده طبعا بيعتبر إفلاس فنى من المطرب , ومعناه ان صوته راح يعنى والحالة الوحيدة اللى ممكن تحصل فيها مع حد من العمالقة انه لو اإنية مسجلها من 40 سنة مثلا انا طبعا لون صوته اتغير وممكن ينزلها تون عشان يطرب اكتر لكن اغنية مسجلها من شهرين مثلا وينزلها طبقة دى عمرها ماحصلت , اما لو انتى فعلا متاكد انك سمعت اغنية مثلا عودت عينى مرة من الرى ومرة من الدو دى تعليلها حاجة واحدة بس بيبقى العيب ده ناتج من نقل الشريط من جهاز تسجيل لآخر يعنى فيه ساعات عيب فى اجهزة التسجيل بيخلى سرعتها ابطا شعرة من التنية لو حطيت شريط على الجهازين تلاقى واحد منهم الاغنية تسمعها هنا من رى والجهاز التانى نفس الشريط تسمع الاغنية وكانها من دو لأن السرعة لو ابطأ شعرة التون بينزل ولعلمك دى نادراً ما تحصل فى الاذاعة او اجهزة المحترفين لأنها ظاهرة خطيرة لو تكررت فى نقل الاغانى ممكن الاغنية تنزل كذا تون وكمان نكهة صوت المطرب تحس ان صوته اتخن وراحت لماعية صوته وللعلم السرعة دى اسمها السيكل يعنى كل اجهزة التسجيل فى الاذاعة والاستوديوهات سرعتها واحدة يعنى فيه جهاز مخصوص بيحطوا شريط فى صفارة والصفارة دى نغمة لا مثلا والجهاز فيه مؤشر بيقيس النغمة دى ولازم يبقى على علامة معينة فى القراءة ولو حطوا الشريط ده على جهاز تانى ولقوا المؤشر اقل او ازيد من العلامة فيه فى جهاز التسجيل بوتشميتر او مفتاح ويمسكوا المفك ويزودوا او ينقصوا لحد ما ييجى المؤشر على العلامة انا شخصيا كان عندى الجهاز ده المهم ان فى الاذاعة الاف الاجهزة وقطاع هندسى ضخم للصيانة من اهم وظائفهم معايرة الاجهزة كلها بنفس السرعة اتمنى ان تكون العملية وصلت ولاحظ ان من اهم ما انا استفدته من زمن العمالقة اننا كنا ندخل الاستوديو مش نسجل بس لكن نفهم فى اى جهاز نشوفة ووظيفته ايه لأن ممكن خطأ او عيب فى الاجهزة يعمل لنا مصيبة فى الموسيقى والمهندس الفنى ما ياخدش باله إلا لما نقول له احنا لأنه مش بيفهم فى الموسيقى زينا وعبد الحليم ممكن يغير فى الللحن من ناحية واحدة يعنى يغير فى توزيع الآلات بس يعنى يعمل صولو اورج او جيتار مثلا وده مكانش موجود فى التسجيل القديم للأغنية
احبائى
اقدم لكم اليوم اغنية من اجمل ماغنت فايزة احمد ولحن فريد الاطرش
ياحلاوتك ياجمالك
وهذا اللحن اخرج فريد من فايزة لون عاطفى جديد
واقدمه لعشاق فايزة واتمنى ان تحوز رضاهم
استاذنا عادل بعد مساء الخير على حضرتك وعلى جميع اهل سماعى الجميل يا حلاوتك يا جمالك من اجمل اغنيات فايزه احمد التى غنتها لاسماعيل ياسين فى احدى افلامه مع استيفان روستى وزينات صدقى والاجمل الاختيار الجميل من حضرتك لتعزف لنا هذه الاغنيه الجميله ولمحبى فايزه احمد تهديها ولك وللجميع خالص التحيه والتقدير والينا مزيدا من المعزوفات الموسيقيه الرائعه التى تتحدث عن روعة عبقرى من الزمن الجميل اتمنى للجميع ولحضرتك اجمل واسعد الاوقاتا اختكم عفاف
احبائى
اقدم لكم اليوم اغنية من اجمل ماغنت فايزة احمد ولحن فريد الاطرش
ياحلاوتك ياجمالك
وهذا اللحن اخرج فريد من فايزة لون عاطفى جديد
واقدمه لعشاق فايزة واتمنى ان تحوز رضاهم
الأخ العزيز الأستاذ عادل اولا لي رجاء عندك ,, عندما ترفع عملا جديدا ارجو ان ترفعه الى الصفحة العادية وليس الى قسم التثبيت كي يأخد حقه من السماع والتعليق ومن ثم بعد ان يطلع عليه اكثر الزملاء يعود ليثبت فوق في قسم التثبيت , وأنا اعتقد بأن قسم التثبيت يعزل الفنان عن القاعده فقد كان عندي فكره وأعتقد انها عند الكثيرين ايضا بأن الاعمال الموجوده في هذا القسم اعمال قديمه . اخي لقد استمعت الى العديد من الأغاني المسجله بكمانك الجميل وأعلم الجهد الذي تبذله كي تعزف اغنية كاملة منفردا دون حتى ايقاع يضبط لك الوحده , عزيزي اعتقد بأنك ترسم لوحات كثيره ولكن ينقصها البراويز . ليتك تستعين بعازف قانون او عود يفرش لك ارضية اللحن ويساعدك على السلطنه ويخفف عنك الالتزام بمسؤولية عزف كامل النوتات دون راحه , ولايعرف هذه الصعوبات الاعازف قديم مثلك . وأنا ارى ان وجودك في هذا المنتدى يشكل دعامة من دعامته فانت تشكل الجسر الذي يصل بين الماضي والحاضر فتمد الزملاء بتجاربك الغنية وتقدم تحليلاتك القيمة لتشكل دافعا قويا لصاحب كل عمل جيد شكرا لك .
وحشتنى يااستاذ عادل...وفعلا الاستاذ مروان عنده حق..فى ان فعلا العمل.ينزل الاول كمشاركه..عاديه..حتى الكل يسمع هذا الرائع
ومن ثم يثبت بعد ذلك فى قسم الاستاذ عادل..
....وانت اللى يحلاوتك ياجمالك يااستاذى
احبائى
اقدم لكم لحنا من احلى اغانى ليلى مراد
يالا تعالا قوام
وهنا اتت لى فكرة عزف اللحن من فكرة مضحكة قد لاتخطر على بالكم فالطبيعى ان كلمات اللحن فى انتظار حبيب , ولكن للفنانين كام تعلمون مواقف كوميدية تحدث لهم وقد تعطى اعمالا جميلة ولكن فى خيالهم شىء آخر عن اللذى يتخيله المستمعون و تبدأ القصة انى طلبت بيتسا من الحجم العائلى بالتليفون توقعت ان يأتى بعد نصف ساعة , وتأخر وعندما شعرت بالجوع اتصلت بالتليفون ردوا على انها فى الطريق , ولم اطق الانتظار ولم يكن امامى سوى ان اقتل الوقت امسكت كمنجتى العزيزة وخرج هذا اللحن الجميل الذى اتمنى ان يحوز رضاكم .
طبعا لا اجعل الفرصة تمر واشكر كل من رد على الأخت العزيزة عفاف سليمان والاساتذه مروان شلبى وكمال عواد والفكرة التى طرحوها لابد ان استشير الاخوة مشرفى القسم فيها , ولكن رواد صفحة معزوفاتى اعتادوا على هذا النظام يعنى حتى عندما يغيب احدهم اسبوعاً يفتح الصفحة من عند آخر مشاركة ويرجع الى الخلف ليجد ما قد يكون فاته
اشكركم جزيل الشكر
احبائى
اقدم لكم فى ذكرى الموسيقار الكبير محمد عبد الوهاب
كل ده كان ليه
ولاحظوا ان المرة دى ما اتكلمتش كتير لأنى ببساطة لا اجد كلام اصف به
محمد عبد الوهاب
محمد عبد الوهاب بإختصار
: عبد الوهاب
كلمتين ولكن مئات الكتب لا تكفى لوصفه