الأدباتى - الصفحة 3

**حمدى شبانة** · #21 03/10/2014, 16h58

ياميت مسا ياللى مَعنا

العيد سعيد وليه معنى

عالحب دايماً يجمعنا

يامنورين يومنا وبُكرة

الله الله يابدوى جاب اليسرا
ـــــــــــــــــــــــــــــــــــــــــــــــــ

أصدقائى .. أحبابى ... كل سنة وأنتم طيبين
بمناسبة عيد الأضحى المبارك
وأعتذر للأدباتى الدكتورهانى الجمل
على هذه المشاركة الإستثنائية عن العيد
وسأواصل معك عن المطربين بطريقة الأدباتى
على فكرة دكتور هانى الجمل هو العضو
hany57

**حمدى شبانة** · #22 03/10/2014, 17h11

جارة القمر
فيروز
,,,,,,,,,,
الليلة فيها طعم الجوز
ومكسرات وحلاوة باللوز
علشان ضيفتنا الليلة فيروز
تقضى معانا باقى السهرة
الله الله يا بدوى جاب اليسرا

وقف يا أسمر فيه إلك
عندى كلام وندهت لك
يسعد صباحك قلت لك
سألونى الناس عنك مرة
الله الله يا بدوى جاب اليسرا

يامن حوى ورد الرياض
خايف أقول مافى الفؤاد
سكن الليل ناموا العباد
وفيه شيئ عم بيصير بكره
الله الله يا بدوى جاب اليسرا

يا جارة الوادى تعالى
إنتى وشادى وشوفوا حالى
رجعوا أيامى اللى ف بالى
وزرونى كل سنة مرة
الله الله يا بدوى جاب اليسرا
( هانى الجمل )
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ

فيروز
ـــــــــــــــــ

إشجينى يا ( طير الوروار )
غرد وقول ( أهو دا اللى صار )
( ضاع شادى ) وصبحت محتار
( حرام تنسونى بالمرَّة )
الله الله يابدوى جاب اليسرا

بعَتْ ( مرسال المراسيل )
( سألونى الناس ) عنك ياجميل
( سألتك حبيبى ) صُبح وليل
ماسألت عنى ولا مرَّة
الله الله يابدوى جاب اليسرا
ــــــــــــــــــــــــــــــــــــــ

**hany57** · #23 04/10/2014, 23h13

المطربة
نجاح سلام
-----------------
معانا الليلة أحلى الأنغام
هتهزوا راسكو تقولوا يا سلام
راح تسمعوا لنجاح سلام
ومعاها تحلو السهرة
الله الله يا بدوى جاب اليسرا

أسمعها فى ميل يا غزيل
وتقول تانى يا غزيل ميل
الحب فعله ما هو قليل
وآدى التبولة جاهزه وحاضرة
الله الله يا بدوى جاب اليسرا

ويا واد يا حتة سكرة
يابو جلابية مزهرة
عاوج الطاقية ليه ياترى
ومسيرنا هنعرف وهندرى
الله الله يا بدوى جاب اليسرا

وان كنت عايز جواباتك
خدهم ريحنى وحياتك
بشوف فيهم كدب اهاتك
كان حب .. وللا تسالى مرة
الله الله يا بدوى جاب اليسرا

وتفوت عليكى كل المحن
ويمر بيكى قطر الزمن
وانتى يامصر اغلى وطن
يا حبيبتى يا غالية يا صابرة
الله الله يا بدوى جاب اليسرا

-----------------------

[URL="http://www.sama3y.net/forum/showthread.php?t=3846"]http://www.sama3y.net/forum/showthread.php?t=3846[/UR

L]

**حمدى شبانة** · #24 05/10/2014, 12h12

إسماعيل يس
ـــــــــــــــــــــــــــــ

( خير الكلام ... ماقل ودل )
مراتى رغاية مالهـاش حل
عاوز أروَّح خايف اتشل
لسانها من صنف الكوبرا
الله الله يابدوى جاب اليسرا

أصلى مؤدب .. مفيهاش ظن
متستغربشى .. خلاص حتجن
عينى علينا ... ياأهل الفن
لت وعجن .. بدون فكرة
الله الله يابدوى جاب اليسرا

ايه حيهمك .. ماشى سليم
ياسلام وياما انتا كريم
متستعجبشى .. ولا مليم
معاك وماشى بالقُدرة
الله الله يابدوى جاب اليسرا

ــــــــــــــــــــــــــــــــــــــــــــــــــ ــ
رابط الفنان إسماعيل يس فى سماعى

http://www.sama3y.net/forum/showthread.php?t=829

**hany57** · #25 05/10/2014, 23h53

المطربة
نجاح سلام
-----------------
معانا الليلة أحلى الأنغام
هتهزوا راسكو تقولوا يا سلام
راح تسمعوا لنجاح سلام
ومعاها تحلو السهرة
الله الله يا بدوى جاب اليسرا

أسمعها فى ميل يا غزيل
وتقول تانى يا غزيل ميل
الحب فعله ما هو قليل
وآدى التبولة جاهزه وحاضرة
الله الله يا بدوى جاب اليسرا

ويا واد يا حتة سكرة
يابو جلابية مزهرة
عاوج الطاقية ليه ياترى
ومسيرنا هنعرف وهندرى
الله الله يا بدوى جاب اليسرا

وان كنت عايز جواباتك
خدهم ريحنى وحياتك
بشوف فيهم كدب اهاتك
كان حب .. وللا تسالى مرة
الله الله يا بدوى جاب اليسرا

وتفوت عليكى كل المحن
ويمر بيكى قطر الزمن
وانتى يامصر اغلى وطن
يا حبيبتى يا غالية يا صابرة
الله الله يا بدوى جاب اليسرا

-----------------------

http://www.sama3y.net/forum/showthread.php?t=3846

**hany57** · #26 05/10/2014, 23h54

المطرب
محمد رشدى
-------------------
الليلة دى شعبى يا حمدى
كل الحبايب تيجى عندى
هتسمعوا محمد رشدى
غنى لوهيبة تحت الشجرة
الله الله يا بدوى جاب اليسرا

مواله للشرقاوى ياحباب
والغالى جاله ودق الباب
ومأذون بلدنا كتب له كتاب
على صفحة بيضا كمان عطرة
الله الله يا بدوى جاب اليسرا

وقال يا قمر ياسكندرانى
عمرى نصه فى الموانى
قاصدك يا حمدى بالأغانى
يا دهب حقيقى مهوش قشرة
الله الله يا بدوى جاب اليسرا

وكعب الغزال يا متحنى
خليت لى أيه علشان اغنى
والخطوة مظبوطة بتأنى
ساعتى تشوفها تقف حسرة
الله الله يا بدوى جاب اليسرا

رمشك خطفنى وانا صياد
ياما كتير لفيت فى بلاد
وانتى هنا يا سلام ياولاد
عدوية صادتنى بنظرة
الله الله يا بدوى جاب اليسرا

السهرة صباحى ما شاء الله
وغنى للخرزانة والله
سامح كمان اخوه عبد الله
ونسى اللى فات كدا بالمرة
الله الله يا بدوى جاب اليسرا

-------------------------

http://www.sama3y.net/forum/showthread.php?t=2099

**حمدى شبانة** · #27 07/10/2014, 16h52

رياض السنباطى
ـــــــــــــــــــــــــــــ

سلام كبير للسنباطى
موهوب وربَّك العاطى
اللحن لُه كان بيطاطى
أصيل وفنان بالفِطرة
الله الله يابدوى جاب اليسرا

ياما شجانا ( على عوده )
وريشتُه ترقُص بين إيده
الفن ماشى فى وريدُه
( لونجا رياض ) أجمل فِكرة
الله الله يابدوى جاب اليسرا
ــــــــــــــــــــــــــــــــــــــــــــــــــ ـ
http://www.sama3y.net/forum/forumdisplay.php?f=49

**hany57** · #28 07/10/2014, 23h03

المطربة
فايزة أحمد
--------------------
وفايزة أحمد معشوقتى
وأفتكر وانا فى طفولتى
أحفظ لها واسمع لاختى
يامه القمر ع الباب بره
الله الله يا بدوى جاب اليسرا

غريب يا زمان ..خليكو شاهدين
يا حبيبى واحشنى طريقك فين
دوبنى دوب وراعينى بالعين
بصراحة ..جايالك من بكره
الله الله يا بدوى جاب اليسرا

أنساك ازاى الله يهديك
دا انا حيران تسلم لى عنيك
يا أحلى طريق أنا نفسى امشيك
ويحرسك من عين ضارة
الله الله يا بدوى جاب اليسرا

ست الحبايب انتى يامه
ياخد حبيبى يا بلاش يامه
دا الحلو اللى ماشى يامه
بعيون كواحل مش قادرة
الله الله يا بدوى جاب اليسرا

متحبنيش بالشكل دا
يا لولى يا غالى مش كدا
وقدرت تهجر ليه كدا ؟
رسالة من امرأة لها ضرة
الله الله يا بدوى جاب اليسرا

---------------------------------

http://www.sama3y.net/forum/showthread.php?t=376

**حمدى شبانة** · #29 08/10/2014, 17h42

الشحرورة صباح
ــــــــــــــــــــــــــــــ

أدباتى .. وعليكو أسلِّم
وعن صباح راح أتكلِّم
عالضيعة .. سلِّم يامعلِّم
الغاوى يعشق من نظرة
الله الله يابدوى جاب اليسرا

أنا الأديب .. وبحب صباح
ساعات ساعات وياها ارتاح
أنا هنا .. حسونة .. فين راح ؟
أسمر ... ويشبه للقمرة
الله الله يابدوى جاب اليسرا

شوفوا جمالها ف الصورة
والصوت ياسيدى شحرورة
غنِّت زمان للأمورة :
أمورتى حلوة بقت شاطرة
الله الله يابدوى جاب اليسرا
ــــــــــــــــــــــــــــــــــــــــــــــ

أغانى صباح فى سماعى

http://www.sama3y.net/forum/showthread.php?t=2870

**hany57** · #30 09/10/2014, 22h49

المطرب
فهد بلان
---------------------
الليلة إوعا تكون نعسان
الليلة تسمع صوت مليان
جى لنا فهد بلان
الليلة هيقدم فقرة
الله الله يا بدوى جاب اليسرا

شاف البنات حلوين كدا
سحر العرب .. مفيش كدا
وقااااااااال ماقدرشى على كدا
وحلف يمين غالى بالطاهرة
الله الله يا بدوى جاب اليسرا

شاف البنية حالمة
قام قال لها يا سالمة
خايف تكونى ظالمة
وتشدى الحب كمان مرة
الله الله يا بدوى جاب اليسرا

صوته يشيل احلى الألحان
صوت الجبل حلو ومليان
وكمان يرقص الحصان
على دق قلوب عاليه النبرة
الله الله يا بدوى جاب اليسرا