* : مكرم المنياوي (الكاتـب : عاطف20006 - آخر مشاركة : جمال المنياوي - - الوقت: 06h57 - التاريخ: 12/11/2019)           »          لقاءات الكاتب والمؤرخ الفني خليل زيدان التليفزيونية (الكاتـب : حماد مزيد - آخر مشاركة : نور عسكر - - الوقت: 00h29 - التاريخ: 12/11/2019)           »          فايزة أحمد (الكاتـب : الباشا - آخر مشاركة : احمد عارف - - الوقت: 22h22 - التاريخ: 11/11/2019)           »          محمود الادريسي (الكاتـب : mokhtar haider - آخر مشاركة : tomanwar - - الوقت: 21h17 - التاريخ: 11/11/2019)           »          أوركسترا الاذاعة والتلفزة المغربية - RTM 1960 (الكاتـب : رضا المحمدي - - الوقت: 20h05 - التاريخ: 11/11/2019)           »          من أجمل التفاريد هو صحيح (الكاتـب : عادل 63 - آخر مشاركة : عبدالرحيم رضوان - - الوقت: 19h55 - التاريخ: 11/11/2019)           »          شريفة فاضل (الكاتـب : سماعي - آخر مشاركة : غريب محمد - - الوقت: 19h29 - التاريخ: 11/11/2019)           »          طلبات نوتة أ / عادل صموئيل الجزء الثانى (الكاتـب : عادل صموئيل - آخر مشاركة : علي ثلاثة - - الوقت: 19h01 - التاريخ: 11/11/2019)           »          صـــبـــاح (الكاتـب : الباشا - آخر مشاركة : نور عسكر - - الوقت: 18h52 - التاريخ: 11/11/2019)           »          موسيقى الافلام -محمد هلال (الكاتـب : smsm78 - آخر مشاركة : رضا المحمدي - - الوقت: 17h53 - التاريخ: 11/11/2019)


العودة   منتدى سماعي للطرب العربي الأصيل > صالون سماعي > ملتقى الشعر و الأدب > نتاج الأعضاء.. شعر العامية والشعر النبطى

رد
 
أدوات الموضوع طرق مشاهدة الموضوع
  #1  
قديم 14/10/2019, 00h35
hany57 hany57 غير متصل  
مواطن من سماعي
رقم العضوية:577594
 
تاريخ التسجيل: mai 2011
الجنسية: مصرية
الإقامة: مصر
المشاركات: 151
افتراضي حكاية عبد الحكيم

حكاية عبد الحكيم
---------------
بعد الصلا ع النبى سيد ولد عدنان
نبينا بعته الإله رحمة لبنى الإنسان
يارب شفعه فينا وارحمنا يا رحمن
واقبل صلاتنا عليه دايما فى كل أوان
-----
عبد الحكيم طول عمره ملوش عمل معروف
والعيشة عيشة الكفاف لأى حد يشوف
فى أواخر ايامه ظهر اللعب ع المكشوف
طلع تاجر كيوف والمستخبى بان
-----
كان الأول نشاطه بره بلدنا بعيد
ولما اتعرف الكلام عليه وبالتأكيد
ظهر بوشه الحقيقى لو حتى راح فى حديد
وبقا يبيع فى العلن ووشه بات عريان
-----
والخلفة خلفة بنات وعليها واد ووحيد
علشان كدا سماه بقا زى حالته وحيد
نشأ بقا مدلع فى الحجر هو وحيد
واخواته بتدلعه ينادوه زين الجدعان
-----
وزين الجدعان بتاعهم وسط العيال خيخة
بيدحرجوه وسطهم تقولشى بطيخة
عملوه بقا لعبتهم ينادوه يا ميخة
كانوا كمان يركبوه مايقدر يقول تعبان
-----
ليام أهى بتعدى عكرة ومسيرها تروق
والعيشة أهى تنقضى بالعافية أو بالذوق
وحيد أخد ثانوية وراح التحق بحقوق
وعشان مالوشى عمل انضم للإخوان
-----
وعمل له مكتب صغير وزباينه كانوا منهم
كانوا يشوفوله أى حاجة علشان واحد منهم
وينفعوا بعضهم شايفيتا مش منهم
ولو فى يوم احتاجوك يقابلوك كما الخلان
-----
كبر وحيد وسطهم وشويه قاموا جوزوه
بنت الأمير فى البلد واللى معاه حسدوه
خلاص ضمن يتصعد يسبق لناس ضموه
وكان الفرح مقتصر على عائلات لخوان
-----
شوية مات عبد الحكيم قول سبحان الدايم
وحيد افتكر الزمن جاى ع التاريخ رادم
مفيش حاجة بتتنسى بس وحيد واهم
كتير تعيش الذكرى أكتر من الإنسان
-----
وحيد فى أول سنة جالو بنت سموها ريم
تانى سنة جالو ولد قالوا دا عبد الحكيم
عمل وحيد حفلة جامدة فى سبوعه ياما معازيم
والأكل معمول صوانى أشكال على ألوان
-----
بيمشى بينا الزمن ووحيد بيتصعد
وكل مايترقى كان يمشى يتبغدد
واذا جاله أمر بيصدع ينفذ مايتردد
وكل مايلغى عقله يتصعد كمان وكمان
-----
وأصل الحكاية سبوبة منها عمل قرشين
وابنه وياه بيكبر قرب على العشرين
شوية قامت ثورة يناير خمسة وعشرين
والثورة حالا اتخطفت وركبوها الإخوان
-----
طاحوا بقا فى البلد وكل شيئ أخدوه
الحكم ومجلس شعب إعلام كمان ركبوه
أداروا البلد زى عزبة وقالوا زمانا ياهوه
وقامت الناس عليهم بثورة تانية كمان
-----
والجيش مسك الخيط ونفذ المطلوب
مفروض يحرر شعب على أمره بات مغلوب
يحرره من عصابة أصدق مافيها كذوب
والشعب ويا الجيش مسكوا البلد بأمان
-----
وربنا حما مصر بفضل منه عظيم
أكرمنا ربى بكرمه مفيشى غيره كريم
كانت البلد هتضيع سبحانه ربى رحيم
يارب احفظ مصر على طول مدى الأزمان
-----
نرجع بقا لوحيد فى الفترة دى عمل ايه
وصل له قرش كبير ما نعرف منين ولا ليه
نقل إقامته لمصر وعاش كأنه بيه
وكان اشترى أيامهم ع الدايرى كام فدان
-----
كمان فتح له مكتب تصدير مع استيراد
والشغل ماشى كويس ويوماتى جاى له إيراد
ومكسبه بيتضاعف يوم بعد يوم يزداد
وبرضه يسلك أموره وكله بالدخان
-----
وجات له جوازة لبنته جنب كدا دمنهور
لإبن واحد صاحبه ماشاه سنين وشهور
كان من جماعته وطبعه مايميلشى قوى لظهور
وإبنه كان زيه برضه يعنى الجميع إخوان
-----
ووحيد فرحان بإبنه وفرحان بقرش معاه
فى يوم أخد عربيته ومراته وابنه معاه
رايحين يزوروا العروسة واخد هدايا معاه
فى السكة يعملوا حادثة ووحيد يموت ياخوان
-----
ومراته وابنه سلام واتغيرت لحوال
وابنه غير لونه بقا فى الكيوف شغال
برشام وبودرة ماخلا وصرف كتير م المال
وورثه كله صرفه فى كام شهر ع الإدمان
-----
لما بقا ع الحديدة قال أنا اتصرف
حب يتاجر فى الصنف قالوا له بقا تعرف ؟
تقدر تشيل قد أيه وقد أيه تصرف ؟
قام قال لهم أنا اشيل لو حتى كان أطنان
-----
شال له شيلة صغيرة وقدر يصرفها
وشيلة فى مرة تانية وبرضه صرفها
ويدوب مشى فى الشغلة لسه بيعرفها
أخده البوليس متلبس وقضية قبل لومان
-----
وان كان ياخوانا لسه فى العمر تانى بواقى
وماوافتنيش المنية سبحان الحى الباقى
هيبقا فيه مرة تانية ونحكى ساعة التلاقى
حكاية ليكم جديدة بمشيئة الديان
-----
هانئ الجمل
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 09h29.


 
Powered by vBulletin - Copyright © 2000 - 2010, Jelsoft Enterprises Ltd