بتسمــــــع إيــــــــه ؟

[M O H A M E D]

مساء الخير يا أهل سماعي الكرام

أستاذة ناهد .. ست الكل

أسعدتينا بالوصلة التانية

و يا ريت لو في وصلة تالتة و رابعة و .......

و كلام حضرتك مظبوط ، الكل هنا من السميعة التقال قوي

بس فى ملحوظة : أغنية غريب الدار للمطرب عبده السروجي مش محمد أمين

و الا محمد أمين كمان غناها ؟؟

عليكم السلام و رحمة الله و بركاته .. يا أستاذ إيهاب

و الله كلك ذوق يا أخي .. و اختياراتك جميلة زيك

تحياتي لك

أستاذ صالح .. أشكرك و أحييك بشدة

و الأغاني اللي ذكرتها هسمعها

و فعلاً إحنا محتاجين حد يعرفنا على الفنانين من كل الأقطار العربية ، و منها تونس

و لك مني جزيل الشكر

[أبو عزه]

اخي محمد السلاموني اشكرك على الموضوع الطريف وستصلك قائمتي قريبا ان شاء الله
وياريت يا جماعه لو نضيف حاجه جميله للموضوع وهي ان كل واحد من السميعه الكرام يحدثنا عن ذوقه قبل وبعد تسجيله في المنتدي
والى اي حد ساهم المنتدى في تغيير عادته السمعيه لانه ليس من المعقول يا جماعه بعد كل هذه الكنوزالموجوده في المنتدى تبقى عادتنا السماعيه كما هي

[mokhtar haider]

وصلة ثانية على الرصيف


عبد الغني السيد
- بكرة حتندم و تقول يل ريت (روحوا اسمعوها يا جماعة)
- آه من الزمن و الهوى
- أنا وانت في الهوى
- جبال الكحل
- يا شاغل روحك بأيديك
- أنا وحدي مع الحرمان
- قولي لي إيه غير حالي (مش موجودة في المنتدى)



نجاة الصغيرة
- سمارة
- بان علي حبه من أول ما بان
- دوارين في الشوارع
- ما ذا أقول له
- نسي
- رباعيات الخيام


اسماعيل شبانة
قلبي حبك و انشغل بك

محمد الكحلاوي
=موال الصبر
=قيدي يا نار و اشعلي
=خلي السيف يقول
=يا أمة الوةحيد
=يا بسكلتة

وديع الصافي
=يا ليلة الوصل (اسمعوها نصيحة)
=صغار كنا صغار
=دار يا دار


محمد أمين
=إشرب على قدك
=حبيتك و النبي (جميلة و أظن مش موجودة في المنتى)

ليلى مراد
=من يرحم المظلوم و يحاسب الظالم
=جواب حبيبي
=يا أعز من عيني
=حكايتنا إحنا الاثنين
=الحب جميل
=حجبت نورك ليه عني يا بدر
=يا قلبي ما لك كدا حيران

فايزة أحمد
=لقيتك فين
=غلطة واحدة
=الغريب و الحبيب
=أحبه كثيرا
=يا لولي يا غالي
=بريئة
=يا حبيبي يا اخويا
=بتسأل ليه علي

عبد العزيز محمود (كمان و ألف مرة كمان)
- شوف شوف القلب الملهوف
-وحياة محبتك
-سيدي أنا روحي أنا

و لسه!!!

[أحمد شوبكى]

الأخ العزيز صاحب الخلق والذوق الرفيع / الأستاذ محمد السلامونى

هذا الموضوع - مثل كل موضوعاتك السابقة " والتى أتابعها بإهتمام بالغ " - كلها موضوعات قيمة وجميلة

( بتسمع إيه ؟ ) حلو قوى اسم الموضوع ،،، سؤال يشد الواحد ،،، بس صعب الواحد يجاوب عليه بسرعة ،، يعنى من يوم ما حضرتك فتحت الموضوع ده وأنا عايز أشارك معاك وأكتب رد ،،، بس أنا لقيت نفسى محتار ،،، هأكتب إيه ولا إيه ولا إيه ؟ لأن بصراحة حكاية السمع دى عندى بمزاجات وحالات شوية ،، بمعنى إن كل حاجة وكل حالة وكل وقت ليها عندى أغنية ومطرب أو مطربة ،،،، وكل أغنية بحبها أكيد مرتبطة بموقف معين حصلى شخصياً ،،،، ( كلام فى سرك لدرجة إنى ممكن أكون حبيت أغنية هايفة من أغانى إخوانا البعدا بتوع اليومين دول بس لمجرد إنها جت فى وقت معين أو موقف أو حالة معينة ) ،،،، يعنى تقدر تقول إنك لو سألتى السؤال اللى هوة عنوان الموضوع بتاعك يبقى بتسألنى : ( بتسمع إيه وليه وإمتى وفين كمان ؟ )

طولت عليك ،،، معلش ،،، عموما أنا أكتبلك بقى شوية حاجات كدة على ما قسم :

1 - ليلى مراد : يا حبيب الروح
2 - نجاة : القريب منك بعيد
3 - عبد الوهاب : ساعة ما بأشوفك جنبى ( على العود بس )
4 - عبد الحليم : بأمر الحب - فى يوم فى شهر فى سنة
5 - فيروز : أعطنى الناى وغنى
6 - فريد الأطرش : مش كفاية ( من فيلم : رسالة من إمرأة مجهولة ) ( ويارب الأستاذ عادل يشوف المشاركة دى )
7 - نور الهدى : يا ساعة بالوقت إجرى
وطبعا قبل الكل ست الكل ( السيدة ام كلثوم ) وكل أغانيها بلا إستثناء ولكن زى ما قلتلك حسب الحالة والموقف

وأكيد بدون شك هناك حالة خاصة من العشق للفن الشعبى الأصيل بجميع ألوانه

وكفاية كدة بقى أصلى طولت عليك قوى ،،،،

[M O H A M E D]

نرجع تاني للأغاني و الدندنة ،،

و المرة دي معى مين .. الأستاذ الجميل قوي أحمد الشوبكي الفنان ابن الفنان

أهلاً بيك و بكلامك و اختيارتك ،،

و انا كمان بحب ( مش كفاية ) لفريد الأطرش .. و بحب مشاهد كتير من الفيلم

و على فكرة أنا سمعت كل أغاني الوالد و عجبتني ،،
و بشكرك جداً على مجهودك الرائع فى قسم الفن الشعبي

بجد شرفتني بمشاركتك ..
و يا ريتك كنت طوّلت أكتر من كده
ابقى تعالى تاني

سلام

[lolwah]

اقٌول مين وأسيب مين؟؟
حليم-ثومه-نجاة-......إلخ
كتيييييييير
عموماً ياللا نبدأ
الست: الاطلال
نجاة: سكة العاشقين
وردة: بعمري كله حبيتك
شادية: غاب القمر-ياحبيبتي يامصر
فريد الأطرش: الربيع
محرم فؤاد: ياواحشني رد عليه
ماهر العطار: بلغوه
شريفة فاضل: فلاح
عبدالوهاب: كليوباتره-هان الود-كل ده كان ليه
فايزه أحمد: أيوه تعبني هواك
حليم: كُله
واعذروني للإطاله.

[M O H A M E D]

ياااااااه

الأخت العزيزة lolwah

رجعتينا تاني للموضوع ده

شكراً لكِ

و انا مش شايف أي إطالة

تحياتي

[كرم شاكر]

1- فايزة أحمد : غريب يا زمان
2- عبد الحليم حافظ : موعود . عدى النهار
3 - عبده السروجى : غريب الدار
4- سيد مكاوى : حلوين من يومنا ، اوقاتى بتحلو
5- فريد الاطرش : طال غيابك
6- محمد عبد الوهاب : النهر الخالد
7- شاديه : الحب الحقيقى
8- وردة : لولا الملامه ، مستحيل
9- محمد فورزى : ليا عشم ، ع الباب ، ياجميل ياللى هنا
10- صباح : عطشانه ياصبايا ، ع اليادى
11- ام كلثوم : الاطلال و ( اغانيها مع بليغ حمدى وعبد الوهاب وزكريا احمد )
12- محرم فؤاد : لو كان الامر امرى ، يا واحشنى رد عليا
13- سعاد حسنى : معظم اغانيها وعلى راسها ( بانوا )
14- كارم محمود : عنابى

[غواص النغم]

أي اغاني من مقام الماجير او العجم ومقام النهاوند احبها جدا
احب اسمع اغاني
يابنت خالي ياوحشاني ....شادية
احبك احبك ...شادية
بسبوسة ...........شادية
واغنية البحر ياعين واغنية ياليل دق الهوى بابي
((بصراحة انا احب شادية لكن في الاغاني القصيرة واغاني احلف ماكلمته واخر ليلة والتحفة الجميلة اجمل سلام))
احب اسمع نازك في هل الربيع ياجميلة واغنية كان الهوى و كنا كنا زمان كنا دلوقتي انا وانت مش زي ماكنا واغنية تحت التوتة
وانجم المساء ولو يا اسمر ولو لبس الجلابية ((احب نازك ))
احلام ((الدنيا فإيدي و غاب السرور عني و حب الرمان وسمعت وردة ده حبيبي وعاجبني والمهد المنصان واصحى يا محبوبي ايه الى من الدنيا ..فرحانة بحبي سهرت ايام وليالي ودويتو انا احب الدنيا مع فوزي
اسمهان :ياطيور نويت اداري الامي وليالي الانس وحديث عينين امتى حتعرف و ليت للبراق عينا انا اللي استاهل ))
ام كلثوم :مدام تحب بتنكر ليه اغدا القاك ليلي ونهاري ((الحب هو الود والحنية)) قصة الامس((ثم اخلفت وعودا))
ليلة حب ((تحفة رائعة))هذه ليلتي و على باب مصر والأناشيد الوطنة كلها بصوتها
كارم محمود غرام واحب قصيدة سلمى ودستة مناديل وكمان عنده اغنية يتغنى بالألت الموسيقية العود والرق .وايدك فإيدي ياعم واغنية .وعلى شط بحر الهوى ((احب كارم محمود جدا))
احب كل مونولوجات ثريا حلمي احب المونولوجات كلها لكن اعشق صوت ثريا حلمي حتى في احاديثها الاذاعية
بقول لكم ايه
لو ابتديت مش ح اخلص سلام

[هاله]

سعدت جدا لان الموضوع رجع لدائره الضوء من جديد
لانه يستحق
وهبقى ارجعلك قريب ان شاء الله بما استمع اليه
لكن اسمحولى بما انى بمتحن حاليا
ففى اغنيتين بسمعهم دلوقت
الناجح يرفع ايده
والشمس بانت من بعيد
حاجات كده لزوم الامتحانات والتقديرات