سجلت عزيزة حلمي
طقطوقة البحر اهو زاد
على اسطوانة لدى شركة أوديون ، وغير موجودة في موضوعها
وهذه كلمات الطقطوقة :
طقطوقة البحر اهو زاد
البحر اهو زاد عوف الليه ** غرق البلاد عوف الليـــه
(دور)
البحر زاد ع الاول ** يارب على كده يطــــــــــوّل
خلي الفلاح يشوف له يوم ** واحنا كمان نفرح ونعوم
نقول ياولاد البحر أهو زاد ** عوف الليـــــــــــــه
(دور)
عروسة النيل في الزفة ** ما فيش جمال كده ولاخفه
زي العاده جوزوها له ** أجمل حلوه قدموها لـــــــه
قولوا ياولاد البحر زاد ** عوف الليــــــــــــــــه
(دور)
شوفوا ياولاد رموا الصرّه ** وقطعوا الخليج بالمــــره
صواريخ تطلع في السما ** ويومها ده يوم المــــــــنى
قولوا ياولاد البحر أهو زاد ** عوف الليــــــــــــه
(دور)
النيل ياهو من الجنه ** وطينته أحسن من الحـــــنه
وميته تشفي العليل ** في الدنيا ما لهاش مثيــــــــل
قولوا ياولاد البحر أهو زاد ** عوف الليه غرق البلاد عوف الليه
**
(1) مأخوذ على اسطوانات أوديون من السيدة عزيزة حلمي
(2) المطربة نرجس شوقي ، سجلتها لدى بيضافون أيضاً ( هنـــاااا)