فزورة عن الالات الموسيقية

[حسن كشك]

المشاركة الأصلية كتبت بواسطة الباشاقمرزمان

الله أكبر وبسم الله ما شاء الله الاسطوات رجعت للورشة
يعني حارجع تاني أعمل الشاي

ما شاء الله نور عم أبو يحيي الذي شرفت بسماع صوته

أما عم أبو الطل نورني بمقابلته وشرفت بلقائه منذ ساعات

وطبعا معلمي الأستاذ حسن كشك الأصيل شرفت به في قهوة زهرة البستان
مكان لقاء المعلمين بصبيانهم

اهلا بالاسطى قمر
لا خلاص رقيناك ... بقيت اسطى كبير يااسطى مصطفى ياقمر ... لسه ربنا يرزق بصبى جديد يعمل لنا الشاى والقهوة ويرش قدام الورشة
منورنا يا اسطى مصطفى ياقمر

المشاركة الأصلية كتبت بواسطة حسن كشك

اهلا بالاسطى قمر

لا خلاص رقيناك ... بقيت اسطى كبير يااسطى مصطفى ياقمر ... لسه ربنا يرزق بصبى جديد يعمل لنا الشاى والقهوة ويرش قدام الورشة
منورنا يا اسطى مصطفى ياقمر

الله يخليك ويبارك فيك يا عم حسن يا أصيل
والله واترقيت وبقيت أسطى وكبير كمان

طيب اسم الآلة الموسيقية دي أيه؟



خلينا نشوف الاسطوات حيعملوا ايه

[محمود العيادى]

المشاركة الأصلية كتبت بواسطة الباشاقمرزمان

الله يخليك ويبارك فيك يا عم حسن يا أصيل

والله واترقيت وبقيت أسطى وكبير كمان

طيب اسم الآلة الموسيقية دي أيه؟

خلينا نشوف الاسطوات حيعملوا ايه

مساء الخير يااسطوات احنا دلوقتي في زمن الصنايعيه و الحرافيين الشطار و طبعا ده موضوع كويس بس انا لي راي بدل ماهوه فوازير ياريت نجيب اله موسيقيه ونتابع تطورها و نشوف خصائها الموسيقيه هل اله اداء ميلودي يعني اداء جمل لحنيه او اله اداء افكت او يعني تعزف لوازم موسيقيه و نحاول ان احنا نصنف الالات الوتريه و عائلتها زي الكمان و اللتشيلو و الكونترباص و هكذا و بعدين نخش علي الالات النحاسيه ( النفخ ) و غيرها اللي منها الاله بتاعتكم و هي نوع من انواع الكلارنيت علي ما اعتقد لان اخوكم شرقي حتي النخاع و معلهش اهي تنفيسه موسيقيه نختمها بالسلام الجمهوري بلادي لكي حبي و فؤادي مش كده يا عم مصطفي و لا ايه .....

أستاذ/ محمود العيادي
واحشني جدا وان شاء الله نعمل اجتماع كبير يحضر له عم حسن وعم ابو حسام من الآن ونشوف كل الناس الطيبة ويارب يكون العدد أكبر وأكثر............... أنا موافق على الفكرة وهى من دواعي الموسيقى والنغم والطرب بس يكون موضوع منفصل بذاته بس الموضوع ده سوف يتم تجميع المعلومات من مصادر مختلفة يعني سوف يتم بطريقة بحثية كي يليق بسماعي وياريت يأخذ حيز التنفيذ

[حسن كشك]

إنها الة الابوا فى احدى اشكالها

لا يا عم حسن هي شبه الأبوا لكنها مش الأبوا

إلا صحيح الاسطوات فين؟ ظهروا وبدأوا التزويع من أولها

[حسن كشك]

لا خلاص عرفتها
أنها آلة

الباسون

BASSON

وهى اجدى آلات الاوركسترا السيمفونى
وتنضم تحت عائلة تضم
الفلوت - الكلارينيت - الابوا - الباسون
اظنها صح المره دى

صح يا عم حسن
إنها آلة الباصون أو الباسون وهي من الآلات الهامة في الاوركسترا

طورت آلة الباصون حوالي عام 1650 من آلة شبيهة بها ، و آلة الباصون من الآلات النفخية و هي ذات الصوت الأعمق بين أفراد عائلتها من الآلات الشبيهة ، و هي تؤمن صوت الباص ضمن الأوركسترا
تصنع آلة الباصون من الخشب و المعدن و يبلغ طول الآلة حوالي 134 سم و هي مؤلفة من أنبوبين متوازيين موصولين من الأسفل بواسطة أنبوب على شكل حرف يو الإنكليزي
و يبلغ طول المجرى الذي يمر فيه الهواء ضمن الآلة حوالي 2.4 متر
للباصون ثمانية ثقوب للأصابع و يتم التحكم بها عادة عن طريق المفاتيح ، و لها أيضا عشرة ثقوب إضافية يتم التحكم بها عن طريق مفاتيح خاصة
يبلغ المجال الصوتي للباصون حوالي ثلاثة أوكتافات
يوجد أنواع من الباصون مثل الباصون الفرنسي الذي طور في منتصف القرن التاسع عشر و الباصون الألماني الذي طوره في القرن التاسع عشر أيضا الألماني فيلهيلم هيغل .

[محمود العيادى]

الله الله يا عم مصطفي

[حسن كشك]

صوت اله
كونتر باسون ( الباصون )