طلبات نوتة أ / عادل صموئيل الجزء الثانى

[مهدي01]

استاذنا الفاضل كلما ضاقت بنا انشودة او لحن للاطفال الا و لجانا اليك ياريت متحرمنا من لمساتك الفنية هذي بعض الالحان لاناشيد مدرسية ممكن تنوتها ياغالي وربنا ما يحرمنا منك

[وائل علوي]

استاذي الغالي عادل صموئيل
تحية طيبة
ارجو من جنابك تحويل نوتة اهو ده اللي صار على طبقة الصول بدل الفا بحيث تبدأ من الصول لان اغلب من سمعتهم يغنوها من هذه الطبقة مع مراعاة تحويل العلامات في السطر الرابع
ودمت بكل ود
وتحية للاخوة الاعضاء

اخى العزيز اليك النوتة

[mohamed khalil]

الاستاذ الفاضل عادل صموئيل تحياتي لشخصكم الكريم لي استفسار عن كيف يمكنني تحويل أو تصوير المقام أو اللحن علي برامج التدوين دون الحاجة إلي إعادة كتابتها مرة أخري
ملحوظة أنا أستخدم برنامج سبيليوس 6
وشكرا وتقبل مني التحيات لشخصكم


اخى العزيز
كلامك لو معانى كتير كل معنى لو رد .. لكن لو تقصد انك تفتح ملف ال pdf زى اللى انا بنزله لكم على برنامج موسيقى هل تقصد ذلك ؟
مع اطيب تحياتى ومنتظر ردك عادل صموئيل

[mohamed khalil]

استاذي الفاضل ما اقصدة هو تصوير اللحن من درجة الي درجة دون الحاجة إلي كتابته مرة اخري كما في المثال نوتة سيادتكم اهو ده إلي صار
فهل توجد خاصية (option ) في برامج التدوين لتصوير اللحن من درجة إلي درجة دون الحاجة إلي إعادة تدوينها كما مثلا في مثال سابق كنت قد طلبت من حضرتك تدوين نوتة صافيني مرة من مقام كرد من درجة الدوكاه وهي في الأصل من الراست فهل استطيع ان ادةنها من درجة واقوم بتصويرها علي درجة اخري دون الحاجة الي اعادة كتابة الاحرف مصوره مرة اخري

اخى العزيز انا كده فهمت طبعا ودى سهلة جدا وانا بعملها كده
انا بشتغل على برنامج انكور واكيد كل البرامج فيها نفس الخاصية
فى برنامج انكور فوق فى شريط المهام كلمة notes لو ضغطت عليها تفتح لك نافذة فيها كلمة change pitch يعنى تغيير الدرجة اللى انت فيها .. لو ضغطت عليها بيديك نافذة انك ترفع اللحن كله
اول حاجة تنسخ نسخة من الملف يعنى تعمل copy paeste عشان تعمل ملف تانى تشتغل فيه غيلا الملف الاصلى .. وكان عشان لو غلطت والملف باظ ممكن تكرر العملية والملف الاصلى يبقى موجود
فى الملف الجديد تقف بالماوس على اول مازورة وتعمل control + A بيتظلل اللحن كله وتدخل على كلمة change pitch تطلع لك نافذة تلاحظ اولا فيها اختيار up , down يعنى انت عايز التصوير يبقى فوق ولا تحت .. بعد ماتحدد فوق ولا تحت تنظر الى حساب التصوير عندنا فى انكور هو عامل نصف تون نصف تون لحد مايوصل لأوكتاف .. بس الموضوع عايز تركز اوى ... اقصد هو ماشى كروماتيك ... يعنى انت عايز مثلا ترف اللحن تون يبقى تاخد 2 عايز تفع اوتكاف مثلا يبقى تاخد 12 .. طبعا انت الاول حاتجرب الكلام ده عشان تفهمه ..
اول ماتحدد الملوب وتضغط اوكى تلاقى اللحن كله اتحرك زى ما انت عايز ... تعمل حفظ
هنا اللى بيتحرك النغمات لكن الدليل بيفضل القديم .. تحدد بخبرتك الدليل الجديد ايه وتقف على اول مازورة وتغير الدليل كانك فى لحن جديد .. وبعدين لو انت كاتب نغمات شرقية البرنامج مالوش دعوة بيها لازم تمر وتراجع وتحركهم واحدة واحدة وتحت امرك عادل صموئيل

[mohamed khalil]

كل الشكر لحضرتك استاذ عادل علي المعلومات المفيدة جدا وعلي الشرح السهل وطبعا علي مجهود التدوين الرائع

[عادل صموئيل]

احبائى

اقدم نشيد

الإيثار

مع اطيب تحياتى

[mohamed khalil]

استاذ عادل قمت بتنفيذ ما شرحته لي علي برنامج سبيليوس ووجدت انه يختلف قليلا عن البرامج الأخري في انه يقوم بتعديل دليل المقام تلقائيا وذلك في المقامات التي لا تحتوي علي العلامات الشرقية ولكن وجدت ميزة اخري انه يقوم بتحويل العلامات العارضة الشرقية تلقائيا دون الحاجة الي تعديلها

[يوسف قاسمي جمال]

أستاذنا الكبير تحية طيبة.
أرجو أن تكون بصحة جيدة. تدور ببالي أسئلة فنية كثيرة لن يجيبني عليها إلا شاهد على عصر ذهبي من جيلكم.
من هذه الأسئلة ،المقدمة الموسيقية لقارءة الفنجان. هل فعلا ليست من تلحين الموجي .كنت قرأت انه تأخر في تلحينها فعهد عبد الحليم لملحن شاب آخر أظنه ميشيل المصري فلحن المقدمة .
أرجو أن تجيبوني على هذه التساؤلات و عن ظروف تلحين و تسجيل و حفلات هذه الأغنية الأسطورة. ولكم جزيل الشكر المسبق.
و كنت كذلك منذ سنوات طلبت منكم الحديث عن عازف الإيقاع المرحوم حسن أنور وكنتم قد وعدتموني بذلك و لازلت انتظر.
شكرا.

[وائل علوي]

المشاركة الأصلية كتبت بواسطة وائل علوي

استاذي الغالي عادل صموئيل
تحية طيبة
ارجو من جنابك تحويل نوتة اهو ده اللي صار على طبقة الصول بدل الفا بحيث تبدأ من الصول لان اغلب من سمعتهم يغنوها من هذه الطبقة مع مراعاة تحويل العلامات في السطر الرابع
ودمت بكل ود
وتحية للاخوة الاعضاء

اخى العزيز اليك النوتة

الف شكر لحضرتك وممتن جدا لكرم اخلاقك
اخوك وائل علوي

[عادل صموئيل]

الاخ العزيز يوسف قاسمى جمال
انا اعتذر عن التأخر فى الرد
اولا موضوع ان يلحن اغنية شخص ويضع لها المقدمة شخص آخر ... دى فى التاريخ حصلت مرة واحدة فى اغنية كلمة عتاب لوردة ... يعنى بعد وفاة فريد الورثة وهم بيبحثوا فى اوراقه وجدوا اللحن ده وكان غير مكتمل بدون مقمة ومذهب وكوبليه فقط ... وبليغ حمدى اشترى منهم اللحن وقام بعمل مقدمة وتلحين الكوبليه الثانى ... لكن فيه خطورة هنا .. اى موسيقار كبير بيبقى له نكهة خاصة ... ماينفعش اى حد حتى لو موسيقار كبير تانى ان يكمل له عمل ... ( انا طبعا عزفت فى الاغنية دى .. بليغ تفادى كده فى المقدمة ... يعنى انأ مقدمة من موسيقات فريد الاقدم عشان تبقى متحانسة مع الموجود لكن وقع فى الخطأ .. الكوبليه اللى احنه انا حسيت انه ترقيع للأغنية مش راكب عليها اصلا طبع ده كلام خبير .. ممكن تعدى على عامة الشعب يعنى ... من هنا نخرج بمعلومة ... ان مستحيل ان تضيف جزء حيوى للحن عامله موسيقار كبير .. عاملة زى الجسم اللى مش بيقبل عضو غريب يزرع فيه ... ممكن يحصل فى لحن لملحن صغير .. يعنى حتى هو ممكن يسرق جملة لملحن صغير تانى ويلزقها مش حتبان لكن ملحن كبير ماينفعش حاتبقى رقعة فى اللحن واضح انها مش منه اصلا ... والموجى نفسه عنده انه يسحب اللحن من حليم عن ان حد تانى يكمل المقدمة ... والقصة حصلت ازاى وانا كنت واحد من اللى حضروها ...
اى اغنية لعبد الحليم او ام كلثوم كانت بيتم الاتفاق عليها وتجهيزها لسنة قادمة على الاقل .. وكان فى الوقت ده مطروح اغنية هو اللى اختار لبليغ حمدى ( والتى غناها هانى شاكر بعد ذلك ) وكان الموجى بيشتغل فى قارءة الفنجان للسنة اللى بعدها ... ومن غير ليه اللى بعد بعدها ... فيه شعور جه لعبد الحليم ان السنة دى آخر سنة فى حياته ومش حايغنى بعد كده .. حب يختار الاغنية الاقوى لأنها تكون آخر اغنية فاختار قارءة الفنجان لنها حتى غريبة النوع عليه ... يعنى نوعية ماقالهاش قبل ذلك ... لما تصل بالموجى كان ماخلصش المقدمة حليم قال له نشتغل فيها واعمل المقدمة خلال الشهر لأننا كنا بنعمل خمسين بروفة ..وفعلا ابتدينا نشتغل فيها من غير مقدمة ... فيه معلومة مهمة ... يعنى فيه نوعية اغانى مثلا ( زى حيرت قلبى معاك لم كلثوم ) دى مش عايزة اخراج يعنى لو النوت توضع اما الفرقة تتعزف فى بروفة واحدة .. لأن اللحن كده زى ما انت سامع ... لكن النوعية الحديثة زى قارءة الفنجان محتاجة اخراج يعنى فيه اورجان مين يقول ايه وتوزيع الصولو وهكذا ... الاخراج ده بيعمله اساسا الملحن ثم عبد الحليم وكان النقاش ده بيتم على الطبيعة يعنى امام الفرقة يعنى الفكرة بتتقال وبتتنفذ فورا ممكن حلوة يخلوها ولو مش حلوة يستبدلوها ... الاستاذ ميشيل المصرى كان عازف كمان فى الفرقة الماسية ومجود فى البروفة .. لو كان له اى علاقة بالمقدمة كان اشترك فى الحوار ده .. لكن انا فاكر انه ما اشتركش يعنى اللى كان بيتكلم ويجرب الموجى اولا ثم عبد الحليم .. الشىء الاهم ان حتى لو القريحة بتاعة الموجى توقف تماما كان مكمن يعمل المقدمة حرفين .. يعنى سى دو ونمسك الدو وهو يعنى جلست والخوف ... او يعمل جملة واحدة وساعتها حايقولوا انه حب يعمل تجديد يعنى بدل المقدمة الطويلة عمل مقدمة قصيرة كنوع من التوين يعنى لكن من المستحيل ان يخلى حد تانى يعملها ... اللبس ده جه منين ... من الصحافة الفاشلة ... يعنى على اساس ان الناس دول كلهم ماتوا والصحفى يخترع موضوع هو مايفهمش فيه اصلا .. واخترع القصة كانه بيعمل سبق صحفى او على طريقة انه بيكشف سر ... وانا كخبير بقول ماينفعش اطلاقا .. وازيد .. ماينفعش اطلاقا والملحن متوفى يبقى ازاى ينفع والملحن على قيد الحياة ؟ يعنى انت شخصيا تعالا زود من عندك جملة على لحن لزكريا احمد مثلا اى خبير حيقول دى ملزوقة مش من اللحن لأن معندكش نكهة زكريا المميزة .. انا مرة كنت بدون لحن للسنباطى واثناء ما بدون حبيت اغير حرف ( خلى بالك حرف واحد فقط ) كان حايضربنى بالعود وقال لى ماتاخدها تلحنها انت ...ومن وقتها تعلمت ان اعمال الملحنين العظام دول خط احمر ما ينفعش ان حد تانى مهما بلغ من الخبرة انه يضيف اليهم حرف ... يعنى حاليا من اعظم المصائب انك تشوف مطرب جديد وبيغنى اغنية من اغانى الزمن الجميل ويضيف عليها من عنده هو كده بيتلفها لأن لو كان ممكن يحصل فيها اضافة اكتر كان المطرب الاصلى اضاف مع اطيب تحياتى