اقتباس:
المشاركة الأصلية كتبت بواسطة حسن كشك
خلاص بوظتوا عقلى ... وهاتجيبولى خلل قريب جدا ...
لا شاء الله
( جديده لا شاء الله دى صح )
خليتونى مش عارف حاجه فى حاجه .... واكتشفت ان قاموس الكلام اللى فى مخى من قرون .. مافيهوش كلام ... ولا عارف افهمكم .... ياجماعه بالراحه علينا شويه ....بتجيبوا منين الكلام الملعبك ده ...وانا اللى كنت فاكر نفسى آل ايه شاعر ( بلا خيبه ) وعندى حصيله لغوية ... طلعت لسه فى الكتاب بتاع ابويا الشيخ الكفيف سيدنا ( داوود العتبانى ) ولقيت نفسى قدام كلام (عفاريتى) وشهقت الدهشه بداخلى ( مقتبسه ) كلمونا عربى يا اخونا ....عشان نفهم ونكون على الخط معاكم ....والنبى يا ابو كمال .... لما تتكلم مع سيد ابوزهده ابقوا اتكلموا على الخاص علشان بتحيرونى ... وبأغير من لبلبة لسانكم ... وخايف احسدكم ( مايحسد المال الا صحابه ) وبعدين يا اخونا الرسول الكريم عليه الصلاه والسلام قال .... لا يتناجى اثنان ومعهم ثالث .... وهاتقولوا ما احنا ما بنتناجاش ولا حاجه والكلام على العلن وعلى عينك يا تاجر .... ماشى .... بس انتو بتتكلموا لغه (شياطينى ) يعنى زى مايكون اتنين بيتكلموا برتغالى قدام واحد جاهل .....حتى العربى اكتشف بعد كل الزمن ده انه ضايع منه ...يبقى فى وسطكم ... حصان حصاوى (مشوها حصان )....ومش فاهم ... تبقى مناجاه ولا لأ ....؟؟ بالراحه على والنبى .... مش انا صاحبكم وحبيبكم ... بالراحه يا اخوانا
انا فى عرض النبى
صلوا عليه وربنا يهديكم علينا
عليه افضل الصلاه والسلام
|
أقول لك يا بو على،،
( مع إنك فاهم كل حاجة ،، بس اعمل إيه في براءة الأطفالِ التي في عينينكَ )
تـَلقـِّي الشِعر له كتالوج و نظام ،، و محتاج ناس لها طبيعة معينة ،،
ناس ربنا مديها شوية تأمل و مزاج و قدرة على التذوق ،،
و كل هذه المؤهلات متوفرة فيك و الحمد لله
( حتى اسأل قلبك )
يعني لو واحد داخل ياخد جرعة شِعر مُرَكزة ،،
من غير ما يحطها في كاسات كريستال خيالـُه
( يـُفضل الكاسات البوهيمي الأصلية ) ،،
فربما أخذَ مِن الشِعر عموماُ ، موقفاً عُدوانياً
أما لغة الشِعر ،،
فسميها لغة شياطيني ،، لغة ملائكي ،،
المهم إنها لغة ( غير معتادة أو نمطية أو تقريرية )
و لا تخاطب العقل بشكل مباشر ،،
و تستخدم الأساليب البلاغية في إيصال معانيها و مضامينها ،،
الوردة مثلاً ،، فيه ناس تشمها ، و ناس تانية شايفة أنه
( لا قيمة للورود طالما أنها لا تؤكَل )
طيب الصنف التاني ده ،، ينفع يتعاطى الشِعر !!
طاب و غلاوتك ، و لا ينفع يتعاطى الحيــاة أصلاً !
أهو الصنف التاني ده ،، هو السبب في نكبتنا العربية ،، تخيّل !
و المصيبة السودة ، إن الصنف التاني ده ،، أصبح ينتج فناً في
زمننا المعاصر ،،
بأمارة ( جوجوجو جوجوجو )
تحياتي يا ملك الغابة
__________________
شاء اللي شاء ،، و اللي داء ،، مِـن وَردِة الشـِّفة
نـَـهَـل نـبـيـذ لاِشـْـتِيـاء ،، نهـــرِين ،، و لـَم كـَـفـَّىَ
شـَـهَـقْ شـُعاع خِصرَهَا ،، سَرْسِـب نـَدَى مَصْهـور
وِ فْ كلّ سَـرسوب شُـعاع ،، مَـلايكة مُصْـطـَـفـَّــة
يا تـراب و مخلوط بماء ،، إزاى غـَوِيـت النـُّـــور
يـِفـُــــــــــور علـى سِحــرَها ،، و فِــيها يـِتخـَـفـَّـىَ
كمال