كلنا طبعا فاكرين فيلم الكدابين الثلاثة و خصوصا قصة الملحن اللى كان (بيلطش) الالحان الاجنبية و يحولها لموسيقى مصرية لغاية ما اصبح ملحن مشهور جدا و اللى قام بدوره الفنان الكبير الراحل عبد المنعم ابراهيم ..... فاكرين اللحن اللى اخده من موسيقى تصويرية لفيلم اجنبى و نسبها لنفسه حتى اصبحت لحنا يسمعه الشعب بكل طبقاته و فئاته......... اللحن معايا اهو بس للأسف مش عارف مين ملحنه (الاصلى طبعا مش عبد المنعم ابراهيم) .... ياريت اللى يعرف يقولنا يا اخوانا احسن الواحد اتلخبط
من غير ما اسمعها........دى رائعة فرانسيس لاى francis lai:رجل و امرأة......موسيقى الفيلم الفرنسى الشهير الذى اخرجه كلود ليلوش نهاية الستينيات
ربما يكون من الصعب نوعا ما تحديد هذة الموسيقى بالمعطيات التى ذكرتها ... ولكنى أعتقد أنك تقصد الموسيقى التصويرية لفيلم الآثارة والغموض الآجنبى والشهير جدا بعنوان Vertigo للموسيقار البريطانى الكبير Bernard hermann والفيلم قديم جدا ومن أخراج الفريد هيتشكوك - Alfered Hitchcock....
على العموم ها هى الموسيقى المطلوبة أحتماليا وهى موسيقى شهيرة جدا وتم أستخدمها تقريبا فى معظم أفلام الآثارة والبوليسية العربية القديمة
مهندس \ أحمد حسنى عامر - أحد عشاق الموسيقى التصويرية
فيه موسيقى انا بدور عليها كتير اوى بس مش عارف اسمها
هيا فى فيلم ابن حميدو لاسماعيل يس
الموسيقى كانت فى المشهد اللى بيقول فيه (( ماتيجى تفتشنى فتش ))
ياريت بجد الاقيها هنا وبجد بشكركم اوى
وعليكم السلام يا استاذ حماده
الموسيقى المقصوده فى الفيلم هى مقطوعه موسيقيه اسمها The Carousel waltz
واعذرنى لعدم معرفتى بمؤلفها بس هى مقطوعه معروفه و اتعملها اكتر من توزيع موسيقى
Richard Rodgers
التعديل الأخير تم بواسطة : نور عسكر بتاريخ 28/08/2016 الساعة 01h58
السبب: ادخال اسم المؤلف
شكرا لمساهمتك الفاعلة فى منتدى سماعى ... للآسف الشديد ان فيلم " موعد مع السعادة " وفيلم " عين الحياة " غير موجود نسخ منهما على أسطوانات فيديو حتى يتسنى أستخراج الموسيقى التصويرية من نسخ الآفلام والحل الوحيد هنا هو انتظار عرض الآفلام على القنوات التليفزيونية المختلفة لتسجيل نسخة فيديو منهما ومن ثما عمل فصل للصوت عن الصورة واجراء المونتاج والمعالجة الفنية اللآزمة على ملف الصوت .
فى الحقيقة ... أننى لاأتذكر موسيقى فيلم " موعد مع السعادة " أما الموسيقى التصويرية المقتبسة بفيلم " عين الحياة " فهى موسيقى فى غاية الجمال والروعة فى التأليف والتوزيع ولا أعرف أصل هذة الموسيقى تحديدا وان كانت فى الغالب لموسيقار بريطانى تم تأليفها فى فترة الستينيات وكانت هذة الموسيقى تذاع أحيانا فى هيئة الآذاعة البريطانية BBC
مهندس \ أحمد حسنى عامر - أحد عشاق الموسيقى التصويرية
شكر يا استاذ اكمل على الموسيقى الجميلة جدا
موسيقى روعة اوى
بس نفسى اعرف لو حبيت اجيب اى موسيقى زى دى
ازاى بتعروفوها ومنين
انا دورت كتير حسيت انها مش موجوه على النت
______________
فيه اغنية فى فيلم البحث عن فضيحة غناها سمير صبرى
اغنية اجنبية وهو غناها بالعربى
بردو مش لاقيها
_________
كمان فيه موسيقى فى فيلم عروس النيل
دى تحفة جدا
__________
فيه حاجات كتير اوى مش عارف اجيبها ازاى ومنين
مثلا موسيقى كلاسيك فى افلام ماجدة وسعاد حسنى وفاتن حمامة وشادية ونجاة وصباح وعبد الحليم وفريد الاطرش وناس تانية كتيرررر
________
سورى طولت عليكم
العفو يا استاذ حماده
فى الحقيقه انا برضه زيك و زى الاستاذ الشيف مصطفى بدور على المقطوعات الموسيقيه اللى كانت بتيجى فى افلامنا القديمه بس بالفعل من الصعوبه انك تجدها كامله او تعرف مصدرها سواء اغنيه او موسيقى
عموما اغلب المقطوعات دى بتبقى من اعمال كلاسيكيه لتشايكوفسكى او سترافينسكى يأما من افلام اجنبيه زى مقطوعة الاثاره vertigo اللى تفضل استاذنا الكبير احمد عامر برفعها
وبالنسبه لموسيقى فيلم عروس النيل اللى اتكررت فى افلام كتير زى الايدى الناعمه و الحقيقه العاريه فهى من مؤلفات الموسيقار المبدع على اسماعيل وبأمكانك ايجادها فى القسم المخصص له
واغنيه الفنان سمير صبرى هى مش عندى بس تحضرنى اغنيه جميله غناها فى فيلم عودة اخطر رجل فى العالم للفنان فؤاد المهندس اسمها تقريبا ليه حبيبى ليه حاجه زى كده ...
هى طبعا مأخوذه من اغنيه مشهوره اسمها Love Me Tonight وانا احب اضيف الاغنيه دى فى شكل مقطوعه موسيقيه جميله من اعمال الموسيقار الايطالى الكبيير Mantovani
اسف للاطاله و اترككم مع المقطوعه الجميله دى
طلب من رواد المنتدي الكرام
توجد موسيقي في المرفقات قمت بتسجيلها من فيلم الحفيد هي موسيقي مشهورة
اطلب من الجميع سماعها ومحاولة معرفة اصل هذة الموسيقي الجميلة
او معرفة اسمها الحقيقي
وهذا للمساعدة
وشكرا
ارجوا الرد