امثال من الموال والمربعات فى الفن الشعبى

[نور زايد]

اللى يصون الارض زى اللى صان العرض
واللى يقول الحق فرض احترامة فرض
وكل دة فى قصة جديدة
حكاية شعبية مفيدة
قصة فاضل وتفيدة------- فاضل وتفيدة
الدنيا فيها نفوس الغش ماليها
وناس لاجل الطمع عباد ماليها
وناس تحب الفتن والشر ماليها

[nasser99f]

فى ناس تتداوى جروح النـــــــــــــــــــاس بكلامها
وناس بتكشف عيوب النــــــــــــــــــــــاس بكلامها
وناس تزود همـــــوم النــــــــــــــــــــــاس بكلامها
===================
الموال اللى يكتب يترفع ولة اساس
===================
هذا الموال سجل من على اسطوانة بكر ريال أواخر الستينات
لكم تحياتى نور زايد عاشق يوسف شتا ومتيمة

[نور زايد]

يافن أكتب حكم واملا سطور لوراء
وأءول لطبع الزمان راح يجرى اية لوراء
فين الحاجات بتاعت الحفلات ولاافراح اللى كنت مداريها علينا ياعم بيومى
نقول دى أولهم وننتظر المزيد
لك كل تحياتى
ياريت السهرة دى كاملة ولو فى فيديو

حاهديلك مـــــــوال لك يابيومى ياخولى
ياللى فى جنينة يوسف انت بقيت خولى
احلى مـــوال لك ينئال ياخلى (ياخولى)
أنا أولت مـــــــــــــــواويل وناس كتير سمعولى
بين الصحبة والاحباب فى مجلس أنس سمعولى
وياريت ترفع مـــــــوال تانى ياللا أوام سمعولى
ياللى أسمك بيومى ونائبك فى البلد خــــــــولى

كفاية يازمان بزيادة معادية
خلتى حيران معادة ومعادية
كمثل غرقان ومش طايل معدية
ياصاحب العقل خلى البال ويايا
واسمع معاية حكاية المعدية
دى كانت مقدمة مسلسل اذاعى اسمة المعدية بطولة كريمة مختار وشكرى سرحان
ياريت اللى عندة حلقة واحدة يرفعها أو يقدر يحاول يجيبها من ارشيف الاذاعة أكون شاكر فوق الوصف

الخولى لية غــــــــاب بمواويلة عن جنينتنا
وســـــــايب الورد مفتح فى احضان جنينتنا
ماتيجى تقطف لك وردة مــــــــــــن جنينتنا
وباؤلك يـــــــــــاخولى فين وردك وأزهارك
من فن يوسف شتا فــين مواويلك وأزهارك
موالين بس اللى رفعتهم فين بئيت أزهارك
دا ألدار دارك تعـــــــــــالى وشوف جنينتنا

الشوبـــــــــــــــــــــــــــــــــــــكى حضر معانا واحلى الكلام أولو
فنــــــــــــــــــــــــــــــــــــــــــــــــ ــان كلامة حكم وبنستمع أولو
باالارتجال مشهورومــــــــــــــــــــــــــــــــــــــوال مسحور أولو
قال شعبان وقال نـــــــــــــــــــــــــــــــــــــــــور الدين وزهران
وقال عدالة السماء وعلى الزوجة الصالحة زهران (زهر الكلام)
أبات شبعان لم اسمع فى الليل مـــــــــــــــــــــــــــــــوالة وأولو
تحياتى الى الاستاذ احمد الشوبكى أبن الفنان الشعبى العظيم محمد الشوبكى
اخوك نور الدين زايد

الصاحب اللى نكر ودى القديم باعة ليـة
طولت باعى معاة اصر معى باعة ليــة
حتى الجميل ضيعة من غير تمن باعة ليـة
دت كان يجيلى فى النهار مرة ومرتين
بقى يقابلنى ويعمل انة ماعرفنى
وانا كنت اجبلة العنب مرة ومرة تين
عرفنى ساعة الوسع والضيق معرفنى
دوقنى غدرة بدال المرة مرتين
عرفتة سرى وسرة لية معرفنى
ماكنش واجب امشى معاة بالمرة
لاكن النصيب والقسم اتغلبو والعيش
عمل عمايل وبدل الحلوة بالمرة
منة العناد ذاد وشوف خان الوداد والعيش
توبة نصوحة ماروح نواحية بالمرة
ولاعين تعاملة واخامسة فى الطعام والعيش
سبنـــــــــــى نهار محنتى فى شدتى ولاجاش
متمرش فية ذاد واهو قطع الوداد ولاجاش
اوعوتلوموعليا فى اللى راح ولاجاش
انا بعتة ببلاش وانتو ماتقولوش باعة لية
ياريت يامنتدا نا ويامحبين عمنا يوسف اللى عندة الموال دة لايبخل ويرفعة لاننى بدور علية من عشرين سنة والف مليون شكر

[nasser99f]

أهــــــــــــــــات بـــــــــــــــدندنة
ودنــــــــــــــــــدنة بأهــــــــــات
هذا هو يوسف شتا
شاكرين لك خى بيومى
لى رجاء ادمج وارفع
علشان يبقى الوقت طويل وممتع

[بيومى الخولى]

صحبة احبه تلالي وعليهم نور ذايد
وركاب الهنا ماشي ولصحبة لؤاك رايد
بحب يوسف شتا وهويت نور ذايد
طول عمري عايش للفنون سميع
ولفن يوسف شتا باشتري ولا ابيع



جدار مبني بطين مبتصلحوش بهيه
وصفيح ميبقاش ذهب ولاتلذموش بهيه
وحديد بيكله الصدا متذينوش بهيه
الوحشه ليه عمله حلوه والوحاشه بها
لها نفس وحشه قوي ومفيش عفه بها
جرت وراها الشباب ولا يعلموا اللي بها
وحطه علي وشها يجي انطارين بهيه

عبدالكربم رزقه ذاد واتحسنة عيشته
ومراته وياه بتقدر امور عيشته
بتصبحو بالهنا وتسعد مسا عيشته
اكمنه كان دائما فاتح لها نفسه
مجتش مره في لحظه غيرة نفسه
ابن الاصول في الذمن عامل حساب نفسه
وكل ميلم نفسه تتسع عيشته
عيزين خورشيد وعبدالكريم يا عم نور
بيومي الخولي

صاحب صحبني وكنت في صحبته مغشوش
وغرني منظره جه مظهره مغشوش
اتريه مشاني لعله وله ضمير مغشوش
مشيت علشانه سكك ودخلت لاجله عتب
وزرعت وياه جمايل بس زرعه عطب
انا فلت يا عين مينفعش مع دا عتب
اللي اشتريته ذهب اتريه صفيح مغشوش

اه من العيون اللي مداريها الحجاب الاسمر
اسمع يا عم نور الموال اللي انت كتبته
انا بهديه لك ولعمي سمير عاشور ولكل
عشاق الفنان يوسف شتا القليوبي
نفسي اسمع موواويل الطير يا استاذ نور
بيومي الخولي

دا موال من شريط كان اسمه موواويل المنصوره
كان بيقول فيه
ومهما شبع العويل ياكل البلح بنوي
وان طال يحوش الهوي يسده علي جاره

يا حلو يا اسمر يا ابو الدم الخفيف الاسمر
الكحل في العين يلاعب جفنهم الاسمر
والسن لولي بيضحك في الجبين الاسمر
احلف بعيني مشافت في الجمال وصفك
وسهم لحظك بيجرح في الفؤاد ويصيب
المداحين يعجذو لو يوصفو وصفك
يا ريت يكون لي انا قسمه في هواك ونصيب
انت الدوي للحبيب حتي الطبيب وصفك
يا ريت يا استاذ نور تحاول تكملي الموال ده من عندك
لاني والله مش فاكره
بيومي الخولي

بقيت في افكار زي النار ع الجيزه
والفكر خلي صغار السن عجيزه
وقلت يمكن رماه الوعد ع الجيزه

يا عم نور انت فاكر موواويل قالها يوسف شتا عن الطياره اللي وقعت كان قال فيها
سوداني واحد
وبرده من عمان واحد
ومن ال عشان قدره ركب واحد
ياريت تفيدني
انا كنت جمال وماشي ورا بكري
لكن صحبت اللي مكرو اقوي من مكري
بيعني بكري وسبني في الندا اجري
خولي جنينة يوسف بيومي ابو محمد

البخت كان باخ وصحصح بس باخ تاني
وصح مع ناس ارازل بس باخ تاني
عدل بختهم وميل بس بختي اني
وعاب عيبه ولا في بحر يغسلها
انا لو شكيته لحجر صوان يغوص يغسلها
ان جبت للكلبه ماء الورد يغسلها
تلعب بديلها ولا تنسي السباخ تاني
شكرا علي الافاده يا استاذ نور

[أحمد شوبكى]

المشاركة الأصلية كتبت بواسطة نور زايد

الخولى لية غــــــــاب بمواويلة عن جنينتنا
وســـــــايب الورد مفتح فى احضان جنينتنا
ماتيجى تقطف لك وردة مــــــــــــن جنينتنا
وباؤلك يـــــــــــاخولى فين وردك وأزهارك
من فن يوسف شتا فــين مواويلك وأزهارك
موالين بس اللى رفعتهم فين بئيت أزهارك
دا ألدار دارك تعـــــــــــالى وشوف جنينتنا

الخــولي غايب عننا ونــور فضله علينا زايد
تعـال أوام يا بيومي عشان الفرح يكون زايد
وشـوف زهــور أبـو شـتا عبيرها جميل زايد
يا نـور وبيومي بأهديكم عشر تلاف سلامات
مـــن هـــنا من الإمـــارات بلــد الحبيب زايد

[ايمان نور]

أمتى يانور العيون بعد الغــــــــياب حاتعود
واخش روضـــــك ومن وردك اقول هاتعود
وأغنى ع ناى وان حضر الكمان ها تعود

عملت تـــــــــــــاجر ولافى حد ضاربنى
وكرمت جارى فى ريح دارى ودار ابنى
ومشيى مع الـــــــناس علمنى وضاربنى

اوعا تأمن عزولك لو ضحك على طول
ان جت لة فرصة يخونك ينتقم على طول
خليك بعيد النظر وخد الحظر على طول
اسمع رواية جرت والناس سمعتها
خلت دموعى جرت والعين سمعتها
والناس عليها جرت وكتير سمعتها
سيبك من اللى عقلة من الراس ماليان
ملوش كرامة لوعندة خزن رس مال
فى ناس حداها الادب والشرف راسمال
اهل الادب والكمال تنحب سمعتها

ياصاحبى لك ميلت واتعشمت فيك تانى
وربط حـــــــــــبل الوداد معاك فك تانى
وبحسبك توبت ظهر الغش فــــيك تانى
روح يارضى روح خنت الود معروفى
امل معاك ضــــــــاع وعند الله معروفى
معلش مـــــــــــــــعلش عند الله معروفى
انا يعمى شــــــوفى اذا فكرت فيك تانى

[بيومى الخولى]

خبط كفي علي كفي وعقلي لف
وقلت يارب جرني من التعب واللف
عديت ورحت الصعيد كله واخر لف
ونزلت علي مصر اقول يا خلق دلوني
والجو كان حر لما اصفر دا اللوني
وقلت نظره يا اهل البيت دلوني
بمسي عليك يا عم سمير
بمسي عليك يا عم نور
المنتدي ماله كده ايه هو الكل بيقطع مره واحده كده
طمنونا عليكو
بيومي الخولي القليوبيه

[نور زايد]

تسلم عيونك ياسمير يابو مصطفى ياغالى
ياللى نورت الجيزة ومصر كلها ياغالى
دا دور هاجر وعز العرب ع القلب غالى
بترفع سهرات حـــــــــــــــــــــلوة منقية
ماهو انت غالى عليا وع الدوام غالى

[بيومى الخولى]

الف شكر يا شيخ محمود علي الاهداء وربنا يذيدك
يا حلو يالي شغلت الفلب حبيتك
مدام انت بحبوح فداك الروح حبيتك
لو اهلي ملاين ومش رضيين حبيتك
ومدام اشتريتك راح اديلك متين ورقه