احبائى
اولا اقدم تحياتى الحارة للأخ العزيز اشرف صدقى واهو ابن الموسيقار الكبير احد صدقى وهو واحد ممكن صنعوا تاريخ الفن الاصيل فى مصر
وشكر خاص للأخ العزيز غواص النغم اللى تطوع بتنزيل الملفات الصوتية لأن دى بتوفر لى وقت طويل لأن احيانا بيكون المفات صعب الوصول اليها .. يعنى ممكن الوقت اللى اضيعه فى البحث عن ملف اكون كتبت نصف صفحة مثلا
اقدم لكم من روائع الفنان الكبير محمد عبد المطلب
فى قلبى غرام
هى اغنية من العيار التقيل جدا ... صعوبتها فى اداء عبد المطلب لأنو بيغنى اوى .. يعنى قدرته والتمكن العالى بتاعه بيعمل تجويد فى كل مازورة بيبقى التدوين صعب اوى مع ان اللحن اصلا سهل بعد ما يتكتب .. وهنا العازف اللى كان بيعزف معاه كان فى الغنا ما ينفعش يقرأ النوتة اوى ولكن عينه على النوتة لكن اذنه مع المطرب عشان يتابع اللى بيقوله ومايعملش فلاق فى السمع انك تسمع الفرقة بتقول تفعيلة والمطرب بيقول حاجة تانية .. وثانيا وهو الاهم المطرب اللزى عبد المطلب المفروض لو انا بعزف معاه لازم اسيبه براحته يعنى انا اتتبع اللى بيقوله ما اقراش النوتة بحيث انى اعمل لو تحجيم ممكن يضايقه ويعطل ابداعه ( يعنى انا افرض عليه يقول كذا ) وللعلم عبد المطلب كان المطرب الوحيد المسموح له بالحكاية دى لأن الملحن واثق انو كده بيحلى اللحن لكن اى مطرب تانى كان لازم من كل بد الملحن بيحتم عليه يلتزم بالنوتة ... لأن خطورة التجويد الكتير ان لو اللى بيغنى مش 100% انو ممكن يكسر الوحدة كسرات متوصلة تعمل حوادث كتير ويلخبط الفرقة ويفسد اللحن ( زى ما بتعمل اصالة مثلا ) ان شاء الله باقى الاغانى حادونهم تباعا
مع اطيب تحياتى