طلبات نوتة أ / عادل صموئيل الجزء الثانى

[طارق سرحان]

الاستاذ المايسترو عادل ملك التدوين العربى ارجو تدوين اغنية وحياة محبتك عينية حبتك للفنان عبد العزيز محمود واتمنى تقص لنا ذكرياتك الجميلة هل شاركت فى عزف هذة الاغنية مع عبد العزيز محمود او لاء علشان تقريبا وحضرتك ادرى هو لم يغنيها فى حفلة ربنا يديلك الصحة وطول العمر ويحفظك لنا ولمصر ولكل العرب

[Ibrahim82]

استاذ عادل الغالي
ارجو تدوين اغنيتي ابوكي مين يا صبية و اغنية ادوب في دباديبو لوليد توفيق اذا سمحت و شكرا على مجهودك الرائع و المميز
https://youtu.be/EXVkYduFbb4 ابوكي مين
https://youtu.be/1cZQQhMNr-k دباديبو

[طارق سرحان]

[SIZE="6"][COLOR="Blue"]استاذنا ملك التدوين فى الشرق الاستاذ عادل صمويل برجاء كتابة اغنة اة يا معلم للشحرورة صباح بحثت عنها فى الفهرس ولم اجدها لسيادتكم جزيل الشكر:

اللحن ده مش حول يعنى اولا فيه ادليب طويل اوى فى البداية بتاعةالغنا بعدين بتقف كتيروتمشى تقف وتمشى يعنى ماحدش حايعرف ينفذه عشان كده انا ماكتبتوش

[سامريونس]

المشاركة الأصلية كتبت بواسطة سامريونس

السلام عليكم ورحمة الله وبركاته الأستاذ الكبير عادل
ياريت اذا يسمح وقتك حضرتك بتدوين
اغنيه علي الحجار مبسوطين
https://youtu.be/dlIINtARgkY

السلام عليكم ورحمة الله وبركاته
كيف استاذ عادل المحترم انشالله انك بأتم صحه وعافيه
ياريت لو سمحت تحويل نوتات نجاة# انا بعشق البحر# من درجات الري

مشان اغنية علي الحجار =مبسوطين=
ياريت اذا بتحب وبسمح وقت حضرتك تنوط
وشكرا

اتفضل انا بعشق البحر من رى

[طارق سرحان]

[عادل صموئيل]

احبائى
اغنية عبد العزيز محمود

وحياة محبتك

انا عزفت طبعا مع عبد العزيز محمودبس مش فى الاغنية دى .. بس ماعزفتش معاه كتير لأنه كان ابتدا يقلل من نشاطه ..كان فيه 3 فنانين كبار عبد العزيز محمود وكارم محمود ومحمد قنديل ال 3 دول انا عزفت معاهم كنت اعرفهم شخصيابعد وفاة عبد الحليم كان فيهملسه صحة ممكن يغنوا كمان عشر سنوات .. لكن المشكلةمن ان المظرب يغنى ولكن لازم حد يطلبه يغنى يعنىمتعهدين حفلات يطلبوه او شركات انتاج تطلب منه عمل شريط .. بس وقتها السوق كان ابتدا يتملى بالاغانى الهابطة .. بشكل غبى .. يعنى تلاقى واحد بيبيع شراط اغنية لوردة ونفس الاغنية بصوت واحد سباك مقزز والشريكين بنفس السعر والناس تشترى المقززة .. لذلك شركات الانتاج بتاعة الفن الجميل توقفت .. وبدأ التتار فى غزو السوق .... مع اطيب تحيالتى

[عادل صموئيل]

احبائى
اغنية شريفة فاضل

آه يا المكتوب

مع اطيب تحياتى

[عادل صموئيل]

احبائى
اغنية صباح

من سحر عيونك ياه

عايز انوه ان انا منزل النهاردة 3 اغانى بس ماحدش يفتكر ان عندى ماكينة بدخل فيها الاغنية تطلع نوتةزى اماكينة الى ف المانيا بيدخل العجل يطلع بولوبيف يعنى الاغانى دى انا مدونها من اكتر من 10 ايامبس بعدالتدوين فيه مرحلة المراجعةوالتشطيب وحصل لىمشلة صحية وكان المود بتاعى مش بتاع شغل .. النهاردة حبيت اشطبهم واخلص منهم وانزلهم لأن الاغنية يييستحسن تتشطب وانا حالا مدونها او تانى يوم لأن بيبقى فيها حاجات ممكن انساها زى المقامات الشرقية ولما بتقعد فترة طويلة بخاف اكون ناسى حاجة خطيرة لذلك لازم اشغل التسجيل تانى واراجعها حرف حرف.. والشىء اللى ناس بتقوله كتيران فيه برنامج تدحل اللحن يطلع نوتة مافيش حاجة زى كده مكانش حد غلب يعنى حتى لو كان تمنه غالى اوى يعنى انا طبعا احقاقا للحق جربت برنامج من دول اشوف يحصل ايه طلع لى شخابيط ماتتقراش اصلا .. مع اطيب تحياتى

[عاصم المنشاوى]

أستاذنا ومولانا/
أولا : حمدالله عالسلامة وأشرقت انوارك....
ثانيا : نشكرك على ابداعاتك وروعااتك...وربنا يخليك لنا...وأرجو ان تهتم بصحتك الغالية علينا ...

أختيارات حضرتك جميلة ...ومن الزمن الجميل..
أولهم " وحياة محبتك"....اعبد العزيز محمود من فيلم" علشان عيونك" من أنتاج 1954... والغريب انى قريت قصة حياة المطرب عبد العزيز محمود..وعرفت انه تعرض لحادث مما أضطره لبتر رجله...الحقيقة انا ركزت معاه فى افلامه..على المسرح.. لقيته مش بيتحرك كتير و بيزوك على خفيف كده...ف مش عارف هل دى حقيقة..حضرتك أشتغلت معاه وانت أدري...
بعدها زمنيا أغنية صباح "من سحر عيونك"... اللى فى مسلسل قصة حياتها الشحرورة قالو انها غنتها لعيون عبد الناصر برغم تحذير عبد الحليم لها أن لا تفعل...لكن الناقد الفنى طارق الشناوى...يرفض هذه القصة وأنا اوافقه ..لأانه ليل ونهار قاعد مع عمه مأمون الشناوى المؤلف المعروف ..ولكن تخيل حضرتك ان نجيب محفوظ كاتبنا العالمى رفض كمدير للرقابة أجازة الاغنية لأن صباح بتقول "يأأأأه" بدلع و أغراء شوية ,, مش عايز أقول كلمة تانية..حضرتك فاهمنى وقد كان قام عبد الوهاب ملحن الاغنية بأعادة تسجيلها ليتأخر عرض الفيلم"أغراء" لمدة اسبوع سنة 1957..
وثالث أغنية واضح جدا أنها بتوقيع بليغ حمدى ..من فيلم "أمرأة حائرة" أو "الراعية الحسناء" وواضح جدا انها من افلام السبعينات اللى اتصورت فى لبنان لوجود أزمة فى الانتاج ف فترة بين حربى 1967 و1973...فكان عرض الفيلم س فى اول يناير 1974 بعد انتظار دوره فى دور العرض والانشغال بحرب اكتوبر..وبالتالى الاغنية من شغل بليغ سنة 1973.. وكلمات محمد حمزة بالطبع ...

شكرا لحضرتك لاتكفى والله....

ودعواتنا لأهلنا واخواتنا فى سورية الجريحة....اللهم لا أعتراض على أقدارك...ولكن أنعم يارب على أهلها بالأستقرار والسعادة...فقد تحملو الكثير والكثير,,على مر السنين...

أستاذنا لو ليك مزاج أغنية فوزى " وحياة قلبى"...مش موجوده فى الفهرس...

اشكرك اخى العزيز هو عبد العزيز محمود انا اول مارة اسكه موضوع رجله يعنى انا كنت بشوفه وقت طويل فى الجنينة بتاعة معهد الموسيقى العربية فى الاسعاف بيتحرك عادى وبيتخانق مع فرقته

اصله فى الاواخر كان بيشتغل فى افراح او فقرة فىشارع الهرم وكان معاه فرقة وكان دايما بيختلفوا مع بعض اكيد على الاجر لذلك كان بيسيبوه ويمشوا ويقعد يجيب غيرهم اقصد انه كان بيتحرك قدامى كتيرماحسيتش بموضوع رجله اوممكن يكون مركب طرف صناعى على درجة عالية من الجودة تخليك ماتحسش .. مشعارف ..

[طارق سرحان]

استاذنا الجميل ملك التدوين الموسيىقى فىى ا لشرق استاذ عادل صمويل ربنا يحفظك ويخليك ويديلك الصحة والعافية وطول العمر وتسعدنا وتعلمنا الف الف مليون شكر لسيادتك