طلبات نوتة أ / عادل صموئيل الجزء الثانى

[salhi_haithem]

المشاركة الأصلية كتبت بواسطة salhi_haithem

عزيزى هيثم
انا اشكرك الف شكر على مجهودك
السلام الجمهورى هو نشيد بلادى بلادى لكى حبى وفؤادى
لو عندك اللى انا دونته ياريت تنزله والف شكر
مع اطيب تحياتى عادل صموئيل

صباح الفل استاذ عادل
غالب ظني انك لم تدون نشيد بلادى بلادى
بعد البحث وجدت الاستاذ وسام اكرم قد دون هذا النشيد من هنا
ومرفق ملف بي دي اف للنشيد واضح ومكتوب على مدرجين صول و فا
هيثم
عزيزى هيثم
اشكرك بس مش ده هو المطلوب
المطلوب هو السلام الجمهورى اللى بيعزفوه التلاميذ فى المدارس
عموما انا حدونه تانى
مع اطيب تحياتى واشكرك عادل صموئيل

[عادل صموئيل]

احبائى
اقدم لكم السلام الجمهورى
لجمهورية مصر العربية

انا مدونه هنا من 3 اصوات
الصوت الاول هو اللحن الاساسى
الصوت الثانى هو اللحن التانى بتاع وزارة التربية والتعليم واللى بيعزفه الألات زى المندولين والاكسليفون
هنا الصوت الثالث انا تقدر تقول مفبركه او مجمعه من الاصوات بتاعة آلات النفخ يعنى لو عندك تلاميذ شاطرين طبعا يبقى زيادة الخير خيرين
وبالطبع انت ممكن تختار اى الاصوات يناسب ظروف الطلبة عندك
المهم ادعو لمصر فى اللحظات العصيبة لأن السلام ده مهدد بأنه يتمنع لو جم اخواننا اللى مش بيحبوا الموسيقى
مع اطيب تحياتى

[عادل صموئيل]

احبائى
اقدم لكم من اعمال ام كلثوم الوطنية

قوم بإيمان وبروح وضمير
دوس على كل الصعب وسير

النشيد ده اتعمل فى وقت من اوقات مصر العصيبة ,, يعنى الفترة اللى بين نكسة 67 وحرب اكتوبر
كان وقتها الفن له دور كبير اوى .. يعنى بيحاول يخرج الجيش والشعب من خيبة الامل والمرارة بتاع الهزيمة ,, وبيجهز الناس للمرحلة القادمة
الفن كان اهم شىء ,, لأن تأثير العمالقة على الجمهور والجيش بيختلف عن المقالات والخطب
يعنى لو عايز الشعب يقلل من الاحساس بمرارة الهزيمة ... تخلى ام كلثوم وعبد الوهاب وعبد الحليم يدوه الاحساس ده
وانا لما النشيد ده انطلب حسيت ان دلوقتى كمان وقته
مع اطيب تحياتى
انا نزلت التسجيل للأخوة الاحباء اللى ماسمعوهوش او لن جايز مش متوفر
مع اطيب تحياتى

[armendo]

اخى العزيز الأستاذ عادل ..تسلم ايديك عل هذا النشيد الرائع وهو دليل على حسك الوطنى شأننا جميعا كمصريين متمنين ان تتخطى مصر وتدوس على كل الصعاب والمحن وتحيا مصر ولى امنيه ارجو ان تحققها لى وهى تدوين اغنية ماحلاك يا مصرى وانت عالدفه بمناسبة الحديث عن تدويل القناه والهجوم على مصر فى بعض وسائل الأعلام الغربيه والأمريكيه والتى لا تريد الخير والأستقرار لمصرنا الحبيبه .
مع ارق تحياتى
ارمندو

[armendo]

اخى الأستاذ عادل.. النوته مكتوبه باحساس وجميله انا عزفت المقدمه والكوبليه الأول والثانى واحساسك بالكلام واللحن واضح فى التدوين تسلم ايديك يا مصرى يا اصيل.
مع ارق تحياتى
ارمندو

[نور الصباح]

[QUOTE=عادل صموئيل;594646]

احبائى

اقدم لكم من اعمال ام كلثوم الوطنية

قوم بإيمان وبروح وضمير
دوس على كل الصعب وسير
النشيد ده اتعمل فى وقت من اوقات مصر العصيبة ,, يعنى الفترة اللى بين نكسة 67 وحرب اكتوبر
كان وقتها الفن له دور كبير اوى .. يعنى بيحاول يخرج الجيش والشعب من خيبة الامل والمرارة بتاع الهزيمة ,, وبيجهز الناس للمرحلة القادمة
الفن كان اهم شىء ,, لأن تأثير العمالقة على الجمهور والجيش بيختلف عن المقالات والخطب
يعنى لو عايز الشعب يقلل من الاحساس بمرارة الهزيمة ... تخلى ام كلثوم وعبد الوهاب وعبد الحليم يدوه الاحساس ده
وانا لما النشيد ده انطلب حسيت ان دلوقتى كمان وقته
مع اطيب تحياتى
انا نزلت التسجيل للأخوة الاحباء اللى ماسمعوهوش او لن جايز مش متوفر
مع اطيب تحياتى
ssssssssssssssssssssssssssssssssssssssss
الأخ العزيزالفنــــــــــــان الكبير أوى الأســــــــــــــتاذ :
عـــــــــــــــــــــــــــــــــــــــــــــادل باشا صموئـــــــــــــــــــــــــــــيل
سلام الله عليكم ورحمته وبركاته
وبعــــــــــــــــــــــــــــــــــــــد :
أولا : تســـــــــــــلم إيديك وعنيـــــــــــــــك على هــــــــذا العمل الرائع
ثانيا : يا سلام ( يــــــــا ريسنا ) لو تكمل جميلك وتدون لنــــــــا الأغنية
الوطنية ( قوى قوى ) والرقيقة ( قوى قوى ) للسيدة ( أم كلثوم ) وهى
أغنية
طــــــــــــــــــــــــــــــــــــوف وشــــــــــــــــــــــــــــوف
طوف فى جنة ربنا فى بلادنا واتفرج وشوف
وهوه ده زمانها وأوانها
وشكررررررررررررررررررررا
أخوكم
نور الصباح

ssssssssssssssssssssssssssssssssssssssss

[عاصم المنشاوى]

[SIZE="4"]الأصدقاء

بالفعل زى مالأستاذ /عادل ماقال ...انه اغنية "حق بلادك "....اتعملت بعد النكسة مباشرة "يونيو-بؤونة-حزيران"1967 ...بعد الفوقان من الصدمة ...وانا أميل للرأى بأن التعليمات "بتيجى من فوق"...للفنانين ..أعملوا ده وماتعملوش ده ...فالملاحظ انه بعد نكسة 67 اختنفت كلمات ناصر وعبد الناصر وابوخالد ...ألخ ...وحل محلها ...مايفيد بأن الشعب هو البطل ...ف عبد الوهاب محمد يخاطب الشعب المصرى ويقول له "ياللى بنيت الهرم قبل الزمان بزمان ...وبنيت لنا فى عصرنا السد فى أسوان كمّل لمجد الوطن وابنى كمان وكمان دانت مفيش يابطل من معدنك انسان"...الملحوظة التانية انه أغانى أكتوبر قبل وبعد الحرب ...كانت التعليمات - زى ماقال عبد القادر حاتم بنفسه- ان الأغانى لازم تكون عاطفية مش حماسية بآلات نحاسية ...وخير دليل على ذلك "قومى اليكى السلام - صباح الخير ياسينا-على الربابة -رايحة فين ياعروسة لشادية ...ألخ "....طبعا الأستثناء كان قليل فى خللى السلاح صاحى- بسم الله- رايحين بأدينا سلاح...
اخى العزيز عاصم
فيه حاجة كمان وكانت بتحصل قدامى طبعا
المطرب لما يغنى للريس .... دى مشكلة خطيرة لأن المطرب بتيجى اوامر من فوق انه يعمل الاغنية ولو ماعملهاش ممكن يتعاقب
المشكلة انه بعد كده بيتهم انه مطرب السلطة
يعنى انت لو جبت مطرب ممكن يعيش من ايام محمد على ولحد 200 سنة قدام حتلاقيه بيغنى لكل حاكم بيبقى مش بمزاجه
مع اطيب تحياتى عادل صموئيل

[أ.عبير]

المشاركة الأصلية كتبت بواسطة عادل صموئيل

احبائى
اقدم لكم السلام الجمهورى
لجمهورية مصر العربية

انا مدونه هنا من 3 اصوات
الصوت الاول هو اللحن الاساسى
الصوت الثانى هو اللحن التانى بتاع وزارة التربية والتعليم واللى بيعزفه الألات زى المندولين والاكسليفون
هنا الصوت الثالث انا تقدر تقول مفبركه او مجمعه من الاصوات بتاعة آلات النفخ يعنى لو عندك تلاميذ شاطرين طبعا يبقى زيادة الخير خيرين
وبالطبع انت ممكن تختار اى الاصوات يناسب ظروف الطلبة عندك
المهم ادعو لمصر فى اللحظات العصيبة لأن السلام ده مهدد بأنه يتمنع لو جم اخواننا اللى مش بيحبوا الموسيقى
مع اطيب تحياتى

تسلم والله وجزاك الله كل خير أ.عادل بجد .. انا بقالي فتره طويله بدور على النوت بتاعت السلام الجمهوري باكتر من صوت
وربنا يكون معانا يارب في النتيجه .. وان شاء الله خير وياريت فعلا الكل يدعو لمصر

[salhi_haithem]

المشاركة الأصلية كتبت بواسطة عادل صموئيل

احبائى
اقدم لكم من اعمال ام كلثوم الوطنية

قوم بإيمان وبروح وضمير
دوس على كل الصعب وسير

مع اطيب تحياتى

السلام عليكم ورحمة الله وبركاته
استاذي الغالي الاستاذ عادل شكرا على التحفة الحلوة للست ام كلثوم و حقيقة معاك نتعلم في كل المجلات ليس في مجال الموسيقى فقط بل في التاريخ و في المعاملات في كل شئ..
المهم اليوم اكتشف حاجة لم اكن اعرفها فحبيت اسأل حضريتك و اتأكد
ذكرت لنا انك اعتزلت الموسيقى سنة 1990 من الفرقة الماسية
و في نفس السنة غنت وردة الجزائرية لاول مرة اغنية بودعك في مسرح الجلاء فهل انت من نفذت صولو الكمان في الدقيقة 1.58
لاني حقيقة اول مرة اراك في حفلة و انت لابس نظارة و لاول مرة اراك تنفذ صولو كمان

Warda " Bawadda3ak 1 ظˆط±ط¯ط© " ط¨ظˆط¯ط¹ظƒ - YouTube

و لي حفلة لنفس الاغنية سنة 1991 بمسرح قرطاج و لم تكن مع الفرقة و اغلب العازفيين كانوا غائبيين عن الفرقة
هيثم
اخى العزيز
انا اعتزلت العمل بالفرقة بعد ما اتفككت يعنى فى الفترة ما بين 1991 و1992 مش تاريخ محدد بالظبط عادل صموئيل

[عمرو الهنداوي]

استاذ عادل ازى حضرتك وعندى سؤالين اذا سمحت
1- هو استاذ ماجد سرور عازف القانون دخل الماسية ازى؟

ماهى الظروف اللى على شانها التحق بالفرقة وليه قائد الفرقة ساب القانون وقرر يقود الفرقة بدل من العزف على القانون؟

2- ازى فرقة قوية زى الماسية فجاة تنهار وتتختفى؟؟؟
علشان خلافات شخصية ومالية هكذا سمعت وقرات

الحقيقة ايه؟؟؟


النوتة الجاية ايه؟؟؟

كل التحية

اخى العزيز
فيه عازف بيبقى رئيس فرقة وبييجى وقت بيحب يبقى مايسترو فقط ويجيب عازف تانى يحل محله .. واحمد فؤاد حسن عمل كده
اما عن انهيار الفرقة انا احمد فؤاد حسن لم يكن عارف فقط ولكن كان العقل الإدارى المدبر للفرقة الماسية
وبعد وفاته حصلت حاجتين يعنى محمود عفت حل مكانه فترة قصيرة ولكنه توفى ايضا وفى وقت غير متوقع .. اما السبب الرئيس لإنهيار الفرقة كان بعد اولا وفاة كبار امحلحنين من العمالقة واصبحت القمة ملكاً لمجوعة من الملحنين مش على المستوى المتعودين نعزف عليه ومن هنا جاءت النهاية
مع اطيب تحياتى عادل صموئيل