اغنية طالعة لسطيف من كلمات و الحان عبد العزيز بودية
طالعة يامة لسطيف ** لابسة جبة و رديف
يامة و العين الكحلة ** يامة و الحاجب سيف
واش يصبر قلبي عليها ** واش الي ينسيني فيها
لو كنت نصيب روحي نفديها ** متحتمة علي بالسيف
عين الغنجة راهي سحارة **جميلة حلوة و مسرارة
لاقيتها في عين الفوارة **كريمة و العرض شريف
الي يشوفها يبقى حاير **و النوم من عينيا طاير
جميلة بنت الجزائر ** زين و قد و دم خفيف
يامة بنت سطيف العالي** مشهورة بالزين الغالي
يامة روحي و اخطبيهالي **باباها راجل لطيف
أغنية بعنوان سلامات و تحية من كلمات و الحان أحمد شكري
سلامات و تحية على أمة عربية
من روحي و عينيا و كل الي حواليا
****
سلم على الحاضرين و قول في الوحدة حبايب
رحم على ثائرين استشهدو ابسم الجزائر
قبل اليوم كانوا حالفين تفلح و تعيش الجزائر
****
بشرى و افراح في كل مراح
نسمة في سماها تسري تبري الجراح
عاد الامل عاد النجاح في كل ارض لها فلاح
اغنية بعنوان يزي كلمني بصراحة من كلمات و الحان رشيد محرزي
يزي كلمني بصراحة يزي من الدمعة السياحة
حطمتي قلبك و افراحه هكة يعمل فيك افراقو
فاقو بحبك والله فاقو
****
كنتي كي الوردة الفواحة فاقو بحبك
تضوي كي النجمة الوضاحة
ولى قلبك يشكي جراحه و انت باقي من عشاقو
فاقو بحبك و الله فاقو
****
خوذي كلامي ليك بنصاحة فاقو بحبك
لو تنسى تبقى مرتاحة فاقو بحبك
تبعد عن الناس الفضاحة الي سمعو بيك و فاقو
فاقو بحبك و الله فاقوا