معزوفات وتقاسيم على القانون - الصفحة 3

**steven_81** · #21 10/08/2009, 20h58

أنتم رائعون بحق
هذا المنتدى هو دائرة معارف موسيقية
تحية لكل مشارك بهذه الدرر
لقد تأخرت كثيراً في عدم معرفتي بهذا الموقع أقصد هذا الكنز.

**na3na3a** · #22 17/08/2009, 09h29

أعزائي بالمنتدي،
أحب أخد نصيحتكم بالموضوع ده. أنا تربيتي كان كلها موسيقي غربية و لعبت جيتار بالنوتة لمدة سنتين...لكن فقدت إعجابي...و بلعب لكن بدون نوتة لمدة 10 سنوات دلوتي.(و للأسف نسيت قرائت النوته

المهم إنى التلات سنين اللي فاتو حبييت ألة القانون جداً بشكل غريب و برده إبتديت أمرن صوتي شرقي بدل الغربي...لكن صديق عزيز علي قلي أتعلم عود بدل القانون و أعتقد إنه خاف على لحسن أتعقد!!!

رأيكوا إيه...؟؟ ممكن أتعلمه في سن كبير؟؟ انا مش شطرة قوي بس لما بسمع قانون أو كمان أو بيانو برتاح نفسياً بشكل غريب!

و إيه أحسن طريقة لتدريب صوتي شرقي؟ أنا بسمع أم كلثوم من صغري و كمان بعشق ليلي مراد و فيروز و بحب شهرزاد و بسمع شرقي قديم كتير كتير...

نصيحتكم مهمة! منتظره الرد

**na3na3a** · #23 17/08/2009, 10h05

أنا عارفة العازفة لأني كتبت عنها مقالة من 4 سنين.أسمها أن رسموسن

**عادل صموئيل** · #24 17/08/2009, 12h59

اقتباس:

المشاركة الأصلية كتبت بواسطة na3na3a

أعزائي بالمنتدي،
أحب أخد نصيحتكم بالموضوع ده. أنا تربيتي كان كلها موسيقي غربية و لعبت جيتار بالنوتة لمدة سنتين...لكن فقدت إعجابي...و بلعب لكن بدون نوتة لمدة 10 سنوات دلوتي.(و للأسف نسيت قرائت النوته

المهم إنى التلات سنين اللي فاتو حبييت ألة القانون جداً بشكل غريب و برده إبتديت أمرن صوتي شرقي بدل الغربي...لكن صديق عزيز علي قلي أتعلم عود بدل القانون و أعتقد إنه خاف على لحسن أتعقد!!!

رأيكوا إيه...؟؟ ممكن أتعلمه في سن كبير؟؟ انا مش شطرة قوي بس لما بسمع قانون أو كمان أو بيانو برتاح نفسياً بشكل غريب!

و إيه أحسن طريقة لتدريب صوتي شرقي؟ أنا بسمع أم كلثوم من صغري و كمان بعشق ليلي مراد و فيروز و بحب شهرزاد و بسمع شرقي قديم كتير كتير...

نصيحتكم مهمة! منتظره الرد

الأخت العزيزة
اولا انتى عضوة جديدة بالمنتدى اولا اهلا بكى فى المكان الصحيح لمحبى الموسيقى
اعرفك بنفسى انا الموسيقيار عادل صموئيل ماعرفش سمعتى عنى ولا لأ
واحب ان اقدم لكى رأى ونصيحة الخبراء , وطبعا كلمة الخبراء معناها انا قرأت كلامك بالتفصيل وحللته , انتى قلتى ان حياتك الموسيقية طول عمرك كانت غربية , واجمل شىء انتى حسيته بيه انك عايزة تتعلمى موسيقى شرقية لأنك مصرية ومش معقول نسيب كل الجمال والفن اللى عندنا وندور على الجمال والمتعة والفن عند الأجانب يعنى انتى كده بدأتى الطريق الصحيح وانا اخدت بالى انك بتسمعى ام كلثوم وليلى مراد وبتسمعى شرقى واهم شىء بين الشرقى والغربى وجود نغمة الربع تون وطالما انك سمعتى الشرقى اكيد انتى حسيتى بيها , واحسن طريقة تدربى صوتك شرقى انك وانتى بتسمعى ام كلثوم مثلا ركزى كذا يوم فى اى اغنية اختاريها تكونى بتحبيها لأم كلثوم يعنى اسمعيها كتير لحد ما تحفظيها صم بعدين سشغلى الشريط وغنى معاها كذا مرة هنا صوتك حايبتدى يتدرب على اولاً الاحساس بالربع تون وثانيا روعة الداء الشرقى الصح , وكررى التجربة دى مع كذا اغنية تانية لأى مطرب يعنى بأختصار تذاكرى الأغنية وتحفظيها , وانتى قلتى انك بتعزفى جيتار وانا انصحك انك تتعلمى عود اول حاجة والعود بالذات مش اى آلة تانية لسبب ان عفق الأصابع بتاع العود تقريباً مشابه لنفس مسافات الجيتار يعنى ممكن تعملى نتيجة مذهلة فى اسبوع , يعنى انا المفروض بيعتبرونى خبير كمنجة ( انا راجل غلبان بس هم بيقولوا ) لكن ما انصحكيش تتعلمى كمنجة فى الأول لأن المسافات بين الاصابع مختلفة جداً فى الكمنجة عن الشىء اللى صوابعك متعودة عليه فى الجيتار , تعلم العود بالنسبة لك امثله لك بمثل انك لو بتعرفى تسوقى عربيات اكيد اى عربية حاتسوقيها والعود يشبه الجيتار اوى اكتر حاجة , ومع تعلم العود حاتتعلمى السلالم او المقامات الشرقية بالتدريج , وبعد ماتتعلمى شرقى حايبقى من السهل لو اشتقتى تتعلمى قانون , المهم انتى عندك مميزات مش موجودة فى اى حد عايز يتعلم
اولها ان عندك خلفية موسيقية وثانيا انك بتسمعى اغانى شرقية وثالثاً تعلم الموسيقى عمره ما بيشترط السن طالما الخلفية الموسيقية والأذن الموسيقية موجودين , يعنى انتى دلوقتى سنك كم سنة لو حسبتيه احسبى من اول ما تعلمتى موسيقى يعنى اطرحى من سنك عشر سنين وللعلم قراءة النوتة طالما انتى قريتيها حتى لو من 50 سنة ممن ترجعى تانى لأنك قريتى فعلاً يعنى برضه عندك خلفية والعملية كلها سهلة جداً طالما الإنسان بيحب الشىء اللى هو عايز يعمله , انا آسف للإطالة بس انا احب اشجع الناس اللى بتحب الفن الجميل لأنى واحد باقى من فنانين الزمن الجميل
اتمنى تكون رسالتى وصلت وانا تحت امرك فى اى وقت لو عايزة تبتدى وارجو مراجعة كلامى كلمة كلمة
وخاطبينى تانى وانا تحت امر كل اعضاء المنتدى الأحباء

**na3na3a** · #25 25/08/2009, 09h32

شباب أنا راجعت المعلومات و أعتقد إنها Anne Elise Thomas

**AHMED5000** · #26 17/09/2009, 09h35

ولا أروع من ذلك سبحان الله هذه انامل ذهبية

**أسيرالشوق** · #27 25/10/2009, 05h09

عزف ولا أروع

الله يعطيكم العافية

مشكورين ياغالين

**Abdellatif1949** · #28 03/12/2009, 00h05

السلام على كل الإخوة الموجودين بآلمنتدى،
إسمحوا لي بأن أقدم لكم عازفة قانون ذات حس مرهف ...مصرية الأصل ، عملت مع فرقة أم كلثوم في الثمانينات...إلى أن غادرت مصر إلى الخليج العربي لتدريس آلة القانون هناك !!!!
واختفت عن الساحة الفنية....
قصيدة هجرتك
عزف قانون : د. ميساء عبدالغني
بمصاحبة الإيقاع.

**اسامةالحسين** · #29 16/02/2010, 18h23

اقتباس:

المشاركة الأصلية كتبت بواسطة ابو ندى

اليكم تقاسيم الة الناي في مقام الكرد .
والثانية تقاسيم وموسيقى اغنية قلبك صخر جلمود من التراث.
استماع طيب.....

شكرا على هالمواضيع الشيقة

**فراويلو** · #30 19/02/2010, 13h15

مقام السيكا من افضل المقامات على قلبي
لما فيه من الشجن والنغم الجميل اتمنى المزيد
ودمتم سالمين