نوتات اغاني كنائسية و ترانيم

[salhi_haithem]

يا سيدى كم كان قاسيا

[salhi_haithem]

كللت السنة بجودك

♪

[عادل صموئيل]

احبائى
اقدم لكم ترنيمة

يامن بحضوره نفسى تطيب

مع اطيب تحياتى وصلوا لمصر

[عادل صموئيل]

احبائى

اقدم بناء على طلب الاخ العزيز مينا رضا ترنيمة

دوبى فينا

بس احب اوجه النصيحة انك لما تختار ترنيمة خلى بالك من الترانيم اللى معمولة بطريقة الموسيقى بتاعة الايام دى وهى الموسيقى اللى مالهاش معنى يعنى فى الترنيمة دى فى المقدمة الجيتار بيعمل حاجة لاهى جملة موسيقية ولا حتى تمهيد يدخل مه الكورال يعنى هم كام مازورة اخدوا منى عشان استوعبهم وقت كتابة اللحن كله ... والترنيمة التانية نفس المشكلة واسوأ لن المرنمة مشكلتها هى هى يعنى بتلعب كتير جدا اكتر من اللزم وثانيا فى التسجيل ده خلت الجمهوريقول جملة وهى جملة يعنى نص اللحن ضايع .. انت لو تشوف الفهرس اللى عامله الاخ العزيز هيثم الصالحى لمدوناتى فيها ترانيم كتير ممكن تنفعك
مع اطيب تحياتى

[عادل صموئيل]

احبائى

اقدم للأخ العزيز مينا رضا ترنيمة

موسى كان طفل صغير

انا دونت الترنيمة دى لكن الترنيمة التانية ماينفعش تتدون لأنها زى طريقة الاغانى الحديثة اللحن هلامى وانا مش فاهم منه حاجة ثابتة ودى بيعزوفوها سماعى حتى اللى عاملها نفسه لأن الكلام ده ما ينفعش يتكتب وارجو اختار الالحان اللى تسهل لى التدوين وتسهل لك العزف
مع اطيب تحياتى

[عادل صموئيل]

احبائى
اقدم لكم ترنيمة لبنانية

تعال بيننا

الترنيمة دى انا اول ما انطلبت اول ماسمعت جزء منها كتبتها فورا ما اخدتش عشر دقائق
وده تنبيه احب اقوله لكل اللى بيطلبوا ترانيم لأنها اولا سهلة ثانيا مافيهاش لا فزلكة فى الغناء يعنى سهلى فى الكتابة وسهلة فى العزف لجميع المستويات

مع اطيب تحياتى

[عادل صموئيل]

احبائى

اقدم الى الاخ العزيز عزت شحاتة ترنيمة

اسمحى لى يا اكليسيا

هو كان طالبها من فترة وانا ماكنتش متجاهلها ... بس كان فيها مشلكة وارجو الجميع ياخد باله منها فى طلب الاغانى او اى الحان ... التميز بين اغانى الزمن الجميل وبين الالحان اللى بتتعمل دلوقتى ... ان زمان كانت الالحان جميلة جدا زى ما انتم عارفين ( اقصد الحان العمالقة ) مكانش فيه توزيع يذكر يعنى لذلك كانت الالحان سهل انى ادونها واى حد يعزفها .. دلوقتى دخلوا التوزيع فى اى لحن وبدرجة فجة بتغطى على اللحن الاساسى ... ودى اسوأ ما فى الزمن بتعاعنا دلوقتى ... واكتر خيبة فى اللى بيعملوا الحان ... لأن اول اساسيات التوزيع انك تعمل تجميل لجملة مش انك تغطى عليها تماما والمستمع لما يسمع يبقى سامع شبورة مش فاهم حاجة من اللى سامعه اصلا .. وده للعلم اللى خلا معظم الجمل الموسيقية دلوقتى تافهة ومتكررة ومتشابهة ومالهاش اى لون ولا طعم احيانا لن اللى بيلحن عامل حساب ان التوزيع حايغطى على عيوبها .. فيه كمان معلمومة خطيرة ... على سبيل المثال اشهر المؤلفين والموزعين دلوقتى مثلا عمر خيرت ... مش ممكن حد غيره يقدم اعماله فى حفلة ... يعنى ان مكانش هو يقدمها بنفسه ومعاه النوت بتاعة التوزيع اللى هو شخصيا عاملة ... حايطلع شىء مشلفط ومالوش علاقة باللى انت سمعته من عمر خيرت من قبل ... ولو تاخدوا بالكم ان عبد الحليم فى الفترة اللى انا اشتغلت معاه فيها عمره ماقدم لحن موزع ( زى حبيبها مثلا ) فى حفلة ... ليه لن الموزع على اسماعيل رحل وكان واخد معاه النوت بتاعة التوزيع ... وهنا اللحن استحالة يتنفذ تانى ... هنا فى الترنيمة دى والكلام موجه للأخ العزيز عزت ... فى الاول كام مازورة مالهمش اى موقع من الموسيقى يعنى انا مش فاهم لهم اى ميزان ولا هم ادليب والموزع ( اللى انا اعتبره دمر اللحن ) عاملها بطريقة التراكات ... انا طبعا عشان ما اخرفش تركتهم وكتبت من اول الموسيقى الواضحة ( شوية ) كتبت الكورال ثم الصولو وتوقفت عند جملة بتفصل بين الكوبليهات تسمعها تحس ناس بتتخانق يعنى مالهاش اى معالم .. انا طبعا لو سمعتها قبل الدتوين ما كنتش حادون الترنيمة اصلا ... ولكن حظك انى مثابر حاولت اسمعها كذا مرة وكتبت اللى حاولت استوعبه واكيد ممكن اكون الفت او فعصت فيها المهم طلعت منها شىء يتسمع ...
مع اطيب تحياتى

[وسام اكرم]

الاخ العزيز مينا المحترم
ارفع اليك نوتة ترنيمة( كلام كثير) مع اهمال الموسيقى بين الكوبليهات كونها نوتة و لكن الارتجال فيها يجعل يتدوينها صعب و قد يكون غير دقيق
ارجوا ان تنال رضاك مع التقدير
اخوك المخلص
وسام اكرم

[عادل صموئيل]

احبائى

اقدم لكم من مدائح السيدة العذراء

مديحة يامريم

هى عبارة عن جملة بتتكرر كتير وحملة تانية انا كاتب عليها صولو بيتغير اللحن شوية وبعدين بترجع للجملة الاولى تانى
مع اطيب تحياتى

[عادل صموئيل]

احبائى
كل عام واخوتى المسيحيين بخير بمناسبة قرب حلول اسبوع الآلام وعيد القيامة المجيد واتمنى تكون الامة العربية كلها بخير وسلام فى تلك الايام المباركة
اقدم لكم ترنيمة

ضنايا الوحيد

مع اطيب تحياتى