* : سمير صبرى (الكاتـب : د.حسن - آخر مشاركة : حازم فودة - - الوقت: 21h09 - التاريخ: 28/03/2024)           »          ليلى مراد- 17 فبراير 1918 - 21 نوفمبر 1995 (الكاتـب : سماعي - آخر مشاركة : نور عسكر - - الوقت: 19h08 - التاريخ: 28/03/2024)           »          تترات المسلسلات التلفزيونية (الكاتـب : راضى - آخر مشاركة : حازم فودة - - الوقت: 16h16 - التاريخ: 28/03/2024)           »          غادة سالم (الكاتـب : ماهر العطار - آخر مشاركة : الكرملي - - الوقت: 15h31 - التاريخ: 28/03/2024)           »          عبد الحليم حافظ- 21 يونيه 1929 - 30 مارس 1977 (الكاتـب : سماعي - آخر مشاركة : fahedassouad - - الوقت: 12h28 - التاريخ: 28/03/2024)           »          محمد شريف (الكاتـب : loaie al-sayem - آخر مشاركة : اسامة عبد الحميد - - الوقت: 23h50 - التاريخ: 27/03/2024)           »          سعاد محاسن (الكاتـب : سماعي - آخر مشاركة : نور عسكر - - الوقت: 19h25 - التاريخ: 27/03/2024)           »          الشيخ محمد صلاح الدين كباره (الكاتـب : احمد البنهاوي - آخر مشاركة : kabh01 - - الوقت: 09h52 - التاريخ: 27/03/2024)           »          سلمى (الكاتـب : حماد مزيد - آخر مشاركة : عطية لزهر - - الوقت: 09h18 - التاريخ: 27/03/2024)           »          سمير غانم- 15 يناير 1937 - 20 مايو 2021 (الكاتـب : محمد البتيتى - آخر مشاركة : نور عسكر - - الوقت: 01h14 - التاريخ: 27/03/2024)


العودة   منتدى سماعي للطرب العربي الأصيل > مجلس العلوم > الدروس والنوت الموسيقية > النوت الموسيقية

رد
 
أدوات الموضوع طرق مشاهدة الموضوع
  #1  
قديم 23/10/2009, 15h29
الصورة الرمزية نور الصباح
نور الصباح نور الصباح غير متصل  
مواطن من سماعي
رقم العضوية:63001
 
تاريخ التسجيل: août 2007
الجنسية: مصرية
الإقامة: مصر
المشاركات: 0
افتراضي مشاركات خارج موضوع طلبات النوتة

الأخ العـــزيز والصديـــــــــــق الحبيب الفنان الكبير والعلامة العظيم الأستاذ /
عـــــــــــــــــــــــــــــــــادل بـاشـــــــا صموئيـــــــــــــــــــــــــــــــــــــــل
سلام الله عليكم ورحمته وبركاته
وبعــــــــــــــــــــــــــــــــــــــــد :
خالص أسفى وعظيم اعتذارى لتغيبى عن المنتدى طوال الفترة السابقة وإنت
سيد العارفين وإيديك فى المهنة وعارف إن مدير المدرسة يمثل ( فوطة الزفر )
الداخل يمسح إيديه والخارج يمسح إيديه - مش عاوز أقول تعبير تانى أكثر مرارة
من هذا التعبير - وهذا الكلام عندنا فى مصر فقط ولو تفتكر إن الوزير الأسبق صرح
فى إحدى المرات " أنه سيتم تعيين مديرين إداريين بجانب المديرين الفنيين " لكن ؟؟
علما بأن الجميع يهرب من هذه الوظيفة - والله المستعان - وكلها سنتان والواحد
يلف الشوارع يصلح كراريس -
عموما لن أطيل عليك وإنت مش ناقص - ما هو إنت عارف
شكرا جزيلا على النوتات الموسيقية الرائعة وتسلم لنا إيديك وعنيك وتدوم لنا
ولا نتحرم منك ومن روائعك يا ( أبو الروائع )
باقى النوتات ( البيض الأمارة عبد الغنى السيد -- يا قلبى يا عصفـــور -
لوردة الجزائرية )
عموما كل عام وأنتم بخير وسعادة
وشكررررررررررررررررررررررررررررررررررررررررررا
أخوك / نـــــــــــــــــــــــــــــــــور الصـــــــــــــــــــــــــــــــباح
رد مع اقتباس
  #2  
قديم 02/11/2009, 08h53
armendo armendo غير متصل  
مواطن من سماعي
رقم العضوية:194863
 
تاريخ التسجيل: mars 2008
الجنسية: مصرية
الإقامة: مصر
المشاركات: 0
افتراضي رد: طلبات نوتة

اخى وصديقى علاء صباح الخير والسعادة
اسمح لى يا صديقى ان اشارك فى مداخلتك الجميلة مع استاذنا الأستاذ عادل فيما يخص العلاقة بين طريقة تدوين النوتة الموسيقية ونشر موسيقانا الشرقية وايصالها الى بقية انحاء المعمورة.
صديقى اود ان اتحدث عن نقطتين هما محور مداخلتك المميزة وهما كيفية ايصال موسيقانا الى الثقافات الأخرى خارج نطاق عالمنا العربى وعملية التأريخ الموسيقى لموسيقانا.
وسأبدأ بعملية التأريخ الموسيقى وانا هنا اتفق معك تماما فيما اشرت الية وذلك فيما يخص الناحية الأكاديمية للدارسين والموسيقيين المهتمين بالموسيقى بشكل عام وهنا اتفق معك فى ان النوتة الموسيقية يجب ان تكون مستوفاة لكل ادواتها الشارحة لمضون هذا اللحن.
اما يا صديقى علاء عن كيفية ايصال موسيقانا الى خارج حدود عالمنا العربى فهذة قصة اخرى النوتة الموسيقية لها دور ثانوى من وجهة نظرى المتواضعة الأصل فيها السمع والأحساس والأحتكاك المباشر بين الثقافات المختلفة يجب ان يستمعوا كثيرا لموسيقانا وهنا ياتى دورك انت وكل المغتربين العرب فى كل انحاء الدنيا كلكم لديكم اصدقاء فى البلدان التى تقيمون فيها ولما لا تهادوهم بشرائط تتخيرونها فى المناسبات المختلفة وهناك الكثيرون ممن ياتون الى بلادنا العربية ويحضرونحفلاتنا الوسيقية ويتذوقونها كثيرا وقد شاهدت هذا بام راسى وهى ايضا احدى وسائل الأتصال المباشر بين الشعوب وللحديث بقية ما دام للعمر بقية.
مع ارق تحياتى
ارمندو
رد مع اقتباس
  #3  
قديم 03/11/2009, 23h34
الصورة الرمزية جوليانا
جوليانا جوليانا غير متصل  
مواطن من سماعي
رقم العضوية:425052
 
تاريخ التسجيل: mai 2009
الجنسية: مصرية
الإقامة: مصر
المشاركات: 0
افتراضي رد: طلبات نوتة

السلام عليكم ورحمه الله وبركاته
استاذى العزيز/عادل
الساده الكرام اعضاء منتدانا الجميل
تحيه لكم جميعا
احب اشكرك استاذى الفاضل على كل ما تقدمه لنا من نوت موسيقيه بجانب شرحك الوافى للاستاذ علاء عما كان يستفسر منه والجميل اللى انا لاحظته ان حضرتك عندك سعه صدر غير عاديه كلنا اول ما قرينا انتابتنا غيره ان ازاى حد يقول كده على التدوين العبقرى لحضرتك اللى بيعلم كل المستوياتولكن حضرتك فضلت واحده واحده لحد ما فهمت قصده وشرحت له ما كنا نجهله فشكرا لك ويا ريت كل شويه حد يسال عشان ننهل من علمك الغزير
واستاذ علاء انا لا اقصد اى شىء بس هو حبنا واحترامنا لشخص استاذنا هو اللى بيخلينا يعنى نبقى كده انا مش عارفه اقوله بالكلمات بس هو معلمنا ومدرسنا اللى مش شفانه فله كل تقدير وتحيه
انا اسفه على التطويل بس دائما احب ان اشكر تواجده المضىء فى المنتدى الى بينور منتداناوبيخلى ليه طعم واخيرا شكرا
رد مع اقتباس
  #4  
قديم 04/11/2009, 14h01
الصورة الرمزية عادل صموئيل
عادل صموئيل عادل صموئيل غير متصل  
Moderator
رقم العضوية:249452
 
تاريخ التسجيل: juin 2008
الجنسية: مصرى
الإقامة: مصر
العمر: 73
المشاركات: 552
افتراضي رد: طلبات نوتة

اخوتى الأحباء
طبعا انا المفروض ان اتابع كل كلمة تكتب هنا فى هذه الصفحات على الأقل لأنى مشرف هذه الصفحة وكل كلمة تكتب هنا تقع على مسؤوليتى واكون كذلك مسؤول امام اصحاب المنتدى الذين كلفونى بالإشراف على قسم النوت الموسيقية
هذا من الناحية الأدبية اما من الناحية الفنية لابد ان اقدم لكم خبرتى ومن اهمها تصحيح المفاهيم الخاطئة وشرح المبهم منها وانا اعطلى احيانا رد سرريع لكن طريقتى انا اختلى بفسى وافكر حتى اخرج احسن رد من خلال خبراتى المتعددة والموضوع بإختصار هو ما نسميه عندنا فى مصر عقدة الخواجه يعنى الكثير يحس ان اى شىء اجنبى هو الصح والمحلى شىء متخلف ومن المواضيع المضحة التى مرت على واحد بيبع شرابات ( جوارب رجالى ) من الصنف الردىء وهو متجول يسير ويجلس ببضاعته فى الشارع والجوارب التى يبيعها صناعة مصرية ولكن مكتوب على التيكت الخاص بها بالإنجليزى , وهذا البائع فاشل لا يبيع كثيراً لرداءة بضاعته ومرة قابلته فى بورسعيد ايام كانت منطقة حرة وكان المصريين يتهافتون عليها سعيا وراء المستورد فوجئت بتجمهر الناس عليه ويشترون منه بشراهة ونفس الجورب الرديئة التى كان يعرضها ولا تباع فى القاهرة ولكن عندما ذهب بها ليعرضها فى بورسعيد تهافت عليها الجمهور ظنا انها مستوردة مع انها محلية ورديئة جدا , وهنا اخى العزيز علاء يسأال عن كيفية توصيل موسيقانا اليهم اولا نحن نستطيع ان نجتهد ونتعلم ونتدرب لكى نعزف موسيقاهم الغربية ولكن من المستحيل ان يعزفوا هم موسيقانا الشرقية
لن معظمها يحتوى على الربع تون , وهذا الربع تون لا يحسب مكسافة حسابية او اقول لك ضع اصبعك هنا , ولكنه حرف خطير يحتاج لسلطنة وهو يجرى فى دماء العرب رضعوه من المهد يعنى انا كمدرس موسيقى ممكن اسأل تلميذ مجتهد غنى لى نغمة لا سيغنيها نقية او نغمة مى بيمول او اى نغمة على البيانو سيغنيها ولكن لو طلبت من اى موسيقى ان يغنى نغمة مى نص بيمول لن ينطقها ولكن لابد ان يسلطنها ( يعنى يغنى فا مى رى مى نص بيمول )
يعنى يحضر لها وان نطقها مرة واحدة ستكون اما ناقصة او زائدة , فالأجانب لكى يدركوا موسيقانا يسمعوها فقط وانا شخصيا لى معهم تجارب فلى اصدقاء فى جميع انحاء العالم وانا عندما اعزف امامهم لا اعزف بيتهوفن ولكن اعزف موسيقانا ولو عزفت بيتهوفن اكون مثل : واخاطب عزيزتى جوليانا لو انتى اشطر واحدة بتعمل مكرونة فى مصر وعزمتى على الغداء مجموعة من الإيطالين احذرى ان تطبخى لهم مكرونة لأن هم بيعملوا 275 صنف من المكرونة ولكن لو حبيتى تعقديهم اطبخى لهم ملوخية لأن ده الشىء اللى مش حايعرفوا يطبخوه ويقتنعوا ان عندنا مميزات مش عندهم , وانا لما بعزف قدام واحد المانى اعمل ايه الأول اختار موسيقى او اغنية فى مقام عجم او نهاوند يعنى اجذب اهتما اخينا الأجنبى بسلالم هو يعرفها الماجير والمانير وهنا بيحس ببصمة اصابعى واحساسى ونوعية غريبة عليه فى العزف يعنى الحليات وسحبات اصابعى دى بصمة عادل صموئيل اخاصة وماعندهمش عازف بيعملها وبعد الراجل الخواجة ما يتشبع ويحس انه امام فن فعلا اديلة البياتى بالتدريج هنا حايسمع شىء جميل ومعجز بس هو طبعا مش فاهم هو ايه بس المحصلة انه بيكتشف ان الناس اللى هو فاهمهم متخلفين عندهم فن كبير جدا ومختلف عن فنهم ( طبعا مش مجال نقول مين احلى لأن كل فن له لون ) وطريقة تدويننا ( واللى لسه اخى العزيز علاء مش مقتنع بيها بعد كل الكلام ) الطريقة دى هى سر الطرب والسلطنة , يعنى فرق كبير بين السمع والطرب انت لو سمعت احسن مغنية فى السويد ( ولاحظ ان لقبها : مغنية ) تلاقيها بتغنى الجملة مرتين متكررين نسخة كربونية لأنها ملتزمة بالنوتة وبالمصطلحات المكتوبة فوق النغمات و وتعالى نسمع ام كلثوم ( ولاحظ ان لقبها : مطربة مش مغنية ) لو تلاحظ ان ام كلثوم احيانا بتعيد الجملة الواحدة اكتر من 30 مرة وكل مرة بتجود احلى ولو قالتها 250 مرة حاتجود اكتر ولو النوتة مكتوبة بالطريقة اللى بيطلبها الأخ علاء لغنت ام كلثوم كل مرة بنفس التحديد ولأصبحت مملة لو كررت الجملة 3 مرات , وفيه شىء ملحوظ غلطجدا اننا نحاول نرضى الأجانب على حساب فننا ولكن لازم هم يقبلوا طريقتنا يعنى مثلا الشمس بتشرق عندنا من الشرق وربنا خلقها كده هل عشان نرضيهم نخليها تشرق من عندهم من الغرب ؟ او مثلا فى الأكل هم بيحطوا على طعامهم مايونيز وهوت صوص وكاتشب ولو جوليانا طبخت لهم ملوخية ينفع تحط عليها كاتشب عشان يبقى حاجة ترضيهم طبعا ممكن ؟؟؟؟؟
وكلمة اقولها اكتر انا انسان رحت تقريبا جميع دول العالم ( وبفهمفى 70 حاجة غير الموسيقى ) كل بلد ربنا اداها ميزة مش موجودة فى امريكا ولا اوروبا وده الشىء اللاى بيخلى الجانب يهتموا بالسياحة ويزوروا الدول عشان يشوفوا الشىء الغريب اللى مش عندهم انا رحت العراق فى السبعينات وهناك من اهم الأشياء اللى بهرتنى التمور يعنى البلح تخيلوا انهم بيعملوا من التمور عشرات الأصناف الغريبة والجميلة واللى ابهرتنى وده مش موجود فى اوروبا خلاصة كلامى ان زى ما الأجانب عندهم احنا عندنا وللعلم اللى عندهم اشياء حديثة مكتسبة يعنى اللى ف فرنسا ممكن السويد تكتسبه كله فى شهر لكن اللى عندنا حضارات آلاف السنين وهم بيغيروا مننا للعلم بس مش بيقولوا , انا مرة رحت امريكا واخدنى واحد صاحبى فى جولات هناك يورينى التكنولوجيا وللعلم انا حسيت انه بيحاول يعقدنى يعنى قلت فى سرى طيب استنا عليا ولما جه مصر اخدته اوريه الهرم وتعمدت اخلص منه تارى يعنى اول ما الهرم ابتدا يبان اتعمدت امشى بالسيارة بمنتهى البطء عشان يشوفه حتة حتة بعدين لما وقف تحت الهرم تسمر من عظمته يعنى لو كل التكنولوجيا الأمريكية ما يقدروش يعملوا واحد زيه وجدودى بنوه باظافرهم واكتافهم , احنا ممكن ناخد من الغرب التطور فى حاجات زى الغسالة الفول اتوماتيك لكن مانقلهمش فى كل حاجة يعنى اغلى حاجة عندنا هى الهوية واحنا بنحاول نلغيها مش عارف ليه وللحديث بقية عشان تعبت
رد مع اقتباس
  #5  
قديم 11/11/2009, 07h34
armendo armendo غير متصل  
مواطن من سماعي
رقم العضوية:194863
 
تاريخ التسجيل: mars 2008
الجنسية: مصرية
الإقامة: مصر
المشاركات: 0
افتراضي رد: طلبات نوتة

اقتباس:
المشاركة الأصلية كتبت بواسطة عادل صموئيل مشاهدة المشاركة
احبائى
يسعدنى ان اقدم لكم نوتة من اصعب النوت الموسيقية ولكن قمت بتبسيطها غلى اقصى درجة طبعا مع عدم الإخلال باللن
دور عشقت روحك لمحمد عبد الوهاب والأدوار تعتبر شىء صعب جدا بالذات على الهواة والمبتدئين لأحتواءه على كمية كبيرة جدا من الدسامة الموسيقية , وماقمت به هنا انا اعتبره تجديدا وهو ان نجعل المبتدىء والهاوى يستطيع عزف الدور باكمله بدون مشاكل وملحوظة فى الجزء الاخير من اللحن انا عملت الموازين الصعبة بطريقة مبسطة وقد يعترض على مافعلت احد الكاديميين المتزمتين ولكن انا لو دونت الموازين كما يريدون ستكون العلامات الإيقاعية اصعب كتير , وانا استخدمت ميزة ان النوتة العربية قابلة للتعديل لتسهيل القراءة مع اطيب تحياتى
اخى العزيز الأستاذ عادل صباح الخير
هذة نقلة نوعية جميلة وممتازة وستجعلنا نحن الهواة ننفتح على افاق جديدة بالطبع فيما يخصنى فقد استمعت الى المئات من الأدوار والطقاطيق واستمتعت بها كثيرا من خلال الكاسيت وحضورى المنتظم لحفلات دار الأوبرا وايضا لدى الكثير من النوت
لهذة الأدوار والطقاطيق ولكنها صعبة القراءة ولذلك اتحهت الى العزف السماعى ولذا
فامتنانى عظيم لهذة الخطوة الرائعة تنم عن احساس راقى كأستاذ فى كيفية توجية الهاوى
فى الأطلااع على كل ما تحتوية الموسيقى العربية من كنوز.وبالمناسبة هناك دور غاية فى الحمال للشيخ سيد درويش وهو دور على قد الليل ما يطول ارجوك من هنا للصبح ان تدونة لنا عندما يتأتى لك الوقت واشكرك كثيرا على تواصلك الدائم معنا وانا اقدرة ايما تقدير.مع اطيب تمنياتى بموفور الصحة والعافية.
ارمندو
رد مع اقتباس
  #6  
قديم 25/03/2014, 16h05
علاء السيد علاء السيد غير متصل  
ضيف سماعي
رقم العضوية:656902
 
تاريخ التسجيل: septembre 2012
الجنسية: مصرية
الإقامة: مصر
المشاركات: 3
افتراضي رد: طلبات نوتة

الكلام ده بيبين فعلا ان الاستاذ عادل هو فعلا استاذ ..استاذ....اسلوب التعامل هو الذى يحدد هل نحب أم نكره
رد مع اقتباس
  #7  
قديم 14/11/2009, 13h16
armendo armendo غير متصل  
مواطن من سماعي
رقم العضوية:194863
 
تاريخ التسجيل: mars 2008
الجنسية: مصرية
الإقامة: مصر
المشاركات: 0
افتراضي رد: طلبات نوتة

اقتباس:
المشاركة الأصلية كتبت بواسطة armendo مشاهدة المشاركة
اخى العزيز الأستاذ عادل صباح الخير
بالأمس كنت ابحث عن نوتة العوازل ياما قالوا للمطربة نجاة التى دونتها انت منذ فترة
حتى عثرت عليها ولم اكن قد عزفتها من قبل وهى نوتة رائعة بكل المقاييس ككل النوت التى دونتها فهى السهل الممتنع نوتة سهلة ولكنها لم تغفل الأحاسيس الجميلة التى
يمتلئ بها هذا اللحن الرائع لقد امضيت وقتا جميلا معها اشكرك علية.
وليسمح لى صديقى عمرو الهنداوى ان اختلف معة قليلا فى مسألة السرعات التى تكتب بها اللحن فالهدف الأساسى هو التيسيير فى قراءة النوتة من قبل العازف المبتدئ او الهاوى ويا ليت الأخ عمرو ان يشرح لنا وجهة نظرة فى مسألة تفليل السرعات التى
يكتب بها الأستاذ الألحان التى يدونها.
مع ارق تحياتى
ارمندو
انا ممكن ارد على الاخ العزيز عمرو الهنداوى هنا لأن اخى العزيز ارمندو اتكلم فى نفس الموضوع : انا لو كتبت جملة فى سرعة 80 وكتبتها هى هى فى سرعة 150 الفرق زى ما لاحظ اخى ارمندو فى سرعة 150 مثلا لو فى المازورة 4 واحدات حايكونوا 4 نوار ولو فى سرعة 80 حايبقوا 4 كروش ويكزنوا نصف مازورة يعنى المازورتين فى سرعة 150 حاتبقى مازورة وهنا العلامات الايقاية حاتبقى اصعب يعنى الرروش حاتبقى دوبل كروش وممكن تلاقى تريبل كروش حاتبقى صعبة جدا على المبتدئين وتخيلوا فى اى نوتة بكتبها لو عايزين السرعة تبقى 80 حاتقسم كل العلامات الإيقاعية النص حاتبقى صعبة جدا اكيد يعنى انا من وجهة نظرى حروف سهلة مع سرعة عالية اسهل من علامات صعبة فى سرعة بطيئة مش كده ولا ايه ؟
عادل صموئيل
عزيزى الأستاذ عادل نعم هذا ما قصدتة تماما فاكثر ما يزعج العازف المبتدئ هو
كثرة عدد الكروشات فى المازورة الواحدة وهى تتطلب تكنيك عزف اعلى من قدراتهم ولذا نحن نقدر كثيرا طريقة تدوينك للنوتات.
كما اشكر الأخ عمرو على تفهمة لوجهة النظر التى تنحاز الى الأغلب الأعم من
العازفين وهم الهواة المبتدئين.
مع خالص تحياتى ارمندو
ولاحظوا كمان حاجة مهمة ان ليا زملاء زمان كانوا بيستعرضوا عضلاتهم فى الكتابة وبيكتبوا الحليات ودى شىء من المستحيل على المبتدىء ان يعرف يعزفها وتكون النتيجة انه يبتدى اللحن وعند مكان بيقف وما يقدر يكمل وانا نظريتى انا بكتب اللحن سادة والعازف هو اللى بيحط الحليات وللعلم انا لما كنت بدون لكل العمالقة عبد الوهاب والسنباطى وكلهم كان بيهتم يملينى اللحن بالعود سادة والفرقة بعدين تعزف الحليات اللى هو بيقولها لهم بالعود وهذا للعلم
مع اطيب تحياتى عادل صموئيل


التعديل الأخير تم بواسطة : عادل صموئيل بتاريخ 14/11/2009 الساعة 14h58
رد مع اقتباس
  #8  
قديم 03/12/2009, 00h47
وائل وائل غير متصل  
مواطن من سماعي
رقم العضوية:7292
 
تاريخ التسجيل: novembre 2006
الجنسية: سعودية
الإقامة: السعودية
المشاركات: 15
افتراضي رد: طلبات نوتة

عزيزي واستاذي عادل باشا
ازي حضرتك؟
عندي سؤال محيرني شوية بخصوص اغنية وحشتني -حضرتك دونتها على مقام النهاوند طبعا مع وجود تحويلات على البيات- لكن مايحيرني وربما لاحظت حضرتك ان سعاد محمد غنتها على العجم( السي بيمول) وهذا يجعلني اتسال دائما لماذا يغني الكثير بعض الالحان على مقام مصور غير اللحن الاصلي؟؟
وسؤالي لحضرتك اين الاصلي والمصور الي حضرتك دونته ولا الي سعاد محمد وكثير غيرها غنوها على العجم؟ وحضرتك عزفته معاها كما ذكرت سابقا على اي مقام؟ هل كان نهاوند كما دونته هنا؟؟؟
والف شكر واسف على تعبك معايا بس حابب استفيد والكل يستفيد

اخى العزيز وائل
انت هنا سألت سؤال على جانب كبير من الأهمية وانا احب اسئلتكم لأنها تتيح لى الفرصة للشرح والفائدة تعم على جميع الأخوة الأعزاء اولا فيه غلط كبير فى كلامك ( اسمح لى انا دلوقتى المدرس ) هو انى دونت النوتة نهاوند وانت سمعتها عجم .... مفيش حاجة كده يعنى اللحن لكا يكون مثلاً فى مقام على نغمة ويعزف على نغمة اخرى يحمل نفس اسم المقام الأصلى يعنى مثلا لو لحن فى مقام البياتى على رى ثم عزفناه من نغمة دو يصبح بياتى على الدو ولو عزفناه على نغمة لا يصبح بياتى على لا ( حسينى ) ولو عزفناه على نغمة صول يصبح بياتى على الصول ( النواة ) انا دونت اللحن كما عزفته مع سعاد محمد نهاوند على الدو وانت عندما سمعته على نغمة سى بيمول هنا يصبح نهاوند على سى بيمول ( لأ عجم كما انت قلت ) لأن لو عزفناه عجم لتغيرت ابعاد النغمات مما يغير شكل اللحن ويصبح لحنا آخر غير الذى تحفظه او يصبح لحنا غير محدد المعالم وهنا اقول لكم تجربة مهمة جدا تثبت ما أقول كلكم عندكم برامج موسيقية هات اى نوتة من تدوينى مثلاً بس لاحظ تكون لا تحتوى على ربع تون وافتحها على البرنامج لو دليلها سى بيمول ومى يسمول مثلا قف بالمؤشر على اول مازورة وقم بتغيير او الغاء الدليل يعنى خليه بدون علامات ثم اسمع تجد اللحن اصبح شىء آخر
اما عن كيف عزفناه من نهاوند الدو وانت سمعته من سى بيمول اقول لك على السر النوتة مكتوبة على نغمة دو ثم انزلنا الكمنجات طبقة صغيرة يعنى وتر صول نضبطه فا ووتر رى نظبطه دو هنا الكمنجة تنزل تون وعندما اعزف اللحن والكمنجة مضبوطة بهذه الطريقة تسمع انت اللحن من نغمة سى بيمول وضحت المعلومة ,
وأضيف ان البيانو والأكورديون تسمى آلات ثابتة لكن الكمان والوتريات اسمها آلات غير ثابتة يعنى انا اضبط كمانى على نغمة صول فى الأكورديون وتر صول عندى يصبح مثل نغمة صول على الأكورديون لكن انا من الممكن حسب الإحتياج ان اضبط وتر صول عندى على نغمة فا على الأكورديون هنا تكون الكمنجة كلها نزلت تون وتسمى طبقة صغيرة وهنا تصبح الكمنجة حنون اكثر وهو سر تميز فرقة السيدة ام كلثوم كانت تغنى على هذه الطبقة
والسؤال لمذا ننقل اللحن من نغمته الأصلية ( وتسمى نصوره ) الى نغمة اخرى صعوداً وهبوطاً ؟؟؟؟؟
الإجابة حسب المساحة الصوتية للمطرب يعنى كان زمان المطرب مساحته الصوتية لا تقل عن خمسة عشر نغمة وعلى الأقل نغمتين اعلاهم ونغمتين اسفلهم ( والملحوظة اليوم المطرب مساحنه الصوتية لاتزيد عن خمس نغمات وصدق كلامى عندما المطرب ينسى نفسه ويغنى لعبد الحليم وهنا تشوف الفضايح ) يعنى كان المطربين زمان لهم مميزات خاصة عندك كارم مثلا كان يتميز بالنغمات العالية فلو انا لحنت له لحن نهاوند من دو هو يفضل ان يغنيه نهاوند من صول ليظهر نغماته العالية او تميزه عن سائر المطربين علما بأن اى مطرب آخر لن يستطيع غناء اللحن من نهاوند الصول وهكذا ارجو من الجميع قراءة ماكتبت عدة مرات لكى يتم الإستيعاب الكامل واسألونى لو لسه محتاجين توضيح وهنا لا اغفل معلومة مهمة جدا جدا : اى نوتة انا دونتها ( او غيرى ) لأم كلثوم مثلا دارت الأيام
احنا عزفناها من مكان ما انا كتبتها ولكن لو سمعتها من ام كلثوم تلاقيها انقص تون لأنها كما قلت كانت تغنى على الطبقة الصغيرة مع اطيب تحياتى عادل صموئيل

التعديل الأخير تم بواسطة : عادل صموئيل بتاريخ 03/12/2009 الساعة 06h16
رد مع اقتباس
  #9  
قديم 03/12/2009, 09h41
armendo armendo غير متصل  
مواطن من سماعي
رقم العضوية:194863
 
تاريخ التسجيل: mars 2008
الجنسية: مصرية
الإقامة: مصر
المشاركات: 0
افتراضي رد: طلبات نوتة

عزيزى الأستاذ عادل صباح الخير
الرائعة فايزة احمد والفذ عبد الرحمن الأبنودى يعتبران ركنان اصيلان فى موسيقانا الشرقية الأصيلة وهناك بعض الأغانى القصيرة التى غنتها فايزة من اشعار الأبنودى منها اغنية اخد حبيبى يانا ياما وهى اغنية جميلة ارجو توضع فى الأعتبار وانا متأكد ان كل اصدقائى بالمنتدى يقدرون فن فايزة احمد والأبنودى وخاصة صديقى الأستاذ نور الصباح
خاصة ان كلمات الأغنية تتماشى مع الجو العام الذى يعيش فية الأستاذ نور وهو جو الريف الجميل الذ نحسدة غلية ولا شك ولكنة الحسد الحميد فأرجو ان يؤيدنى فى اختيارى وطبعا هذا بعد اذنك واذا سمح لك الوقت وكان الموود رايق.
مع كامل تقديرى واحترامى
ارمندو
رد مع اقتباس
  #10  
قديم 14/12/2009, 11h36
الصورة الرمزية منذر عبود
منذر عبود منذر عبود غير متصل  
مواطن من سماعي
رقم العضوية:380052
 
تاريخ التسجيل: janvier 2009
الجنسية: سورية
الإقامة: اللاذقية
العمر: 62
المشاركات: 107
افتراضي رد: مشاركات خارج موضوع طلبات النوتة

مفتاح سيبليوس 5
الملفات المرفقة
نوع الملف: rar Keygen sibelius5.rar‏ (50.1 كيلوبايت, المشاهدات 98)
__________________
لايحمل الحقد من تعلو به الرتب .....ولاينال العلا من طبعه الغضب
علينا أن نتعلم العيش معاً كإخوة ....... أو الفناء معاً كأغبياء..

مارتن لوثر كينغ

التعديل الأخير تم بواسطة : منذر عبود بتاريخ 14/12/2009 الساعة 11h51
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 23h01.


 
Powered by vBulletin - Copyright © 2000 - 2010, Jelsoft Enterprises Ltd