* : سرينا المصرية (الكاتـب : auditt05 - آخر مشاركة : نور عسكر - - الوقت: 01h43 - التاريخ: 13/11/2019)           »          نوح أفندي إبراهيم (الكاتـب : ADEEBZI - آخر مشاركة : نور عسكر - - الوقت: 00h53 - التاريخ: 13/11/2019)           »          عبد الغني السيد (الكاتـب : Talab - آخر مشاركة : حازم فودة - - الوقت: 00h33 - التاريخ: 13/11/2019)           »          فتحيّه أحمد (الكاتـب : Talab - آخر مشاركة : حازم فودة - - الوقت: 00h27 - التاريخ: 13/11/2019)           »          لقطات سينمائية نادرة / لم ترها من قبل .. (الكاتـب : جرامافون - آخر مشاركة : نور عسكر - - الوقت: 00h26 - التاريخ: 13/11/2019)           »          نوادر المسرحيات (الكاتـب : mohamed elsayed - آخر مشاركة : نور عسكر - - الوقت: 00h11 - التاريخ: 13/11/2019)           »          محمد عبد المطلب (الكاتـب : الباشا - آخر مشاركة : حازم فودة - - الوقت: 23h02 - التاريخ: 12/11/2019)           »          المبتهل الشيخ سيد النقشبندى (الكاتـب : سيادة الرئيس - آخر مشاركة : سعيد الزكارى - - الوقت: 20h08 - التاريخ: 12/11/2019)           »          إبراهيم شفيق ـ شيخ الموسيقيين (الكاتـب : د أنس البن - آخر مشاركة : نور عسكر - - الوقت: 17h53 - التاريخ: 12/11/2019)           »          عبد اللطيف حويل (الكاتـب : abuaseem - - الوقت: 17h13 - التاريخ: 12/11/2019)


العودة   منتدى سماعي للطرب العربي الأصيل > مجلس العلوم > الدروس والنوت الموسيقية > النوت الموسيقية

رد
 
أدوات الموضوع طرق مشاهدة الموضوع
  #2001  
قديم 20/11/2013, 10h56
wahidfarid wahidfarid غير متصل  
عضو سماعي
رقم العضوية:465817
 
تاريخ التسجيل: octobre 2009
الجنسية: مغربية
الإقامة: اسبانيا
المشاركات: 1
افتراضي رد: طلبات نوتة أ / عادل صموئيل الجزء الثانى

بعض الأعضاء طلباتهم دائما مستجابة و البعض الآخر- كحالتي- لم يستجب لهم و لا طلب واحد

الاخ العزيز
العملية مش كده
فيه ناس بتطلب نوت بتكون مستعجلة عندها حفلة ودى بحاولل اديها اولوية
اما باقى الطلبات فيه طلبات بتبقى اغاى ما ينفعش تتكب
يعنى مثلا الاغانى الموزعة توزيع بيضيع الميلودى زى الاغانى الحديثة معظنها متوزع توزيع غبى اسمع مش لاقى ميلودى او خط اسمعه واكتبه ... بعكس الحان زمان لما كان بيبقى فيها حاجات موزعة كان بيبقى الميلودى واضح تماما والتوزيع يعنى تجميل له والمشكلة كمان انك بتعزف على آلة واحدة يعنى لو لحن موزع مش حاينفع يتعزف على آلة واحدة لأن حايبقى ناقصه حاجات كتير
وفيه اغانى ما ينفعش تتكتب كمان منها اغانى قديمة جدا زى ختم الصبر علينا مثلا حاولت اكتبها مش حاتطلع مضبوطة لنهم سجلوها فى اوائل الاربعينيات ومن غير ماتكون مدونة يعنى قعدوا مع بعض وعزفوها وتلاقى فيها كذا مرة الايقاع بيتكسر ودى مش ممكن تتكتب والموضوع ده كان قبل ما يبتدوا يعملوا مونتاج يعنى المطرب بيغنى براحتو بعدين فى المنوتاج بيتقص الوحش ونخلى الحلو لكن طريقة تسجيل زمان اوى كان لازم المطرب والفرقة يعزوفا اللحن كلو على بعضو ولو حد غلط لازم يعيدوا من الاول كان زمان بيسجلوا على اقراص شمع يعنى لازم ترمى القرص وتحط واحد جديد لنو كان مش بيتمسح وتسجل عليه تانى زى الشرائط ومن هنا كانت بعض الالحان بيضطروا يخلوها كده وخلاص يعنى شطارة فريد بيطلع اللحن مسموع شوية ولنهم لو قعدوا يعيدوا حايغلطوا اكتر اما اغنية يادلع انا حاططها على القائمة قريب جدا ان شاء الله
مع اطيب تحياتى عادل صموئيل


التعديل الأخير تم بواسطة : عادل صموئيل بتاريخ 20/11/2013 الساعة 11h32
رد مع اقتباس
  #2002  
قديم 20/11/2013, 13h22
الصورة الرمزية سليم العباس
سليم العباس سليم العباس غير متصل  
مواطن من سماعي
رقم العضوية:505639
 
تاريخ التسجيل: mars 2010
الجنسية: سورية
الإقامة: سوريا
المشاركات: 6
Post رد: طلبات نوتة أ / عادل صموئيل الجزء الثانى


عتاب الصديق
wahidfarid و رد الأستاذ عادل ، جعلني أتذكر هذه الواقعة :

في الجيش و أثناء الاجتماع مع قائد الدورة العسكرية ، تجرأ أحدهم و سأله :
سيدي أنتم تمنحون إجازة للبعض كل إسبوع على حساب آخرين لم يشاهدوا أهلهم منذ أشهر ....
أجاب القائد بكل هدوء :
يا بني ، في يوم القيامة ، الأنبياء و الصالحون يشفعون للبعض عند رب العالمين " يعني واسطة " هذا في السماء فما بالك أننا نعيش على الأرض ، إذا أردت الحصول على إجازة فاجلب لي واسطة قوية !
اخى العزيز
حلوة الحكمة لكن انا ماعنديش واسطة يعنى تلاحظ فيه اعضاء بيدخلوا اول مرة بيطلبوا طلب بس لما يكون حاجة سهلة تتعمل بسرعة بعملها فورا وبالذات لو واحد محتاجها فى حفلة محددة بميعاد مثلا او حد عنده مسابقة بحب اعملها لو بسرعة عشان ياخد وقت كافى يتقنها .. وفيه اغانى انا بحبها تنده عليا اكتبها واغانى مش بحبها بركنها لو اكون متضايق من شىء ما بحط غلى فيها
والتدوين بيحتاج اولا مزاج وثانيا وقت واهم شىء بعد التدوين المزاج مرة ثانية واخطر عمليه هى التشطيب والمراجعة ولو المزاج مش موجود ممن تطلع حاجة ناقصة بمعنى انا الحمد لله بدون حلو يعنى النوتة نفسها لكن زمان كنا بنكتب النوتة بالقلم الرصاص كان مثلا الدليل بنكتبو واحنا بندون طول ما احنا ماشيين ولو اتغير حتى لو 100 مرة بنكتبو يعنى انسى الدليل كمان فيه العلامات بتاعة اللزمات اللى فى وسط الغناء كنا بنكتب كل حاجة كل حاجة واحنا ماشيين ف التدوين معناها انى اخلص تدوين وامضى على النوتة تبقى خلصت والحمد لله
لكن بالنسبة للكمبيوتر البرنامج اللى بندون بيه ( انكور ) غربى يعنى لو دليل مافيهوش علامة نصف بيمول انت بتعمل الدليل قبل ما تشرع فى التدوين وخلصنا ولو المقام اتغير فى السمة طالما غربى بغيرو عادى وبيمشى اما لو المقام فيه نغمة شرقية يعنى مى نص بيمول مثلا البرنامج امكانيتو انى بكتبها بيمول بعدين فى مرحلة التشطيب بحط على كل واحدة شرطة ولاحظ واحدة واحدة طبعا وفيه ملحوظة يعنى لو اتغير المقام من سى نصف بيمول الى سى ومى نصف بيمول عملية محتاجة حرص خطير
لأنو ممكن الملحن يعمل جزء بياتى مثلا بعدين يقلب كرد بعدين يرجع بياتى انا بعمل لنفسى طبعا ( كخبير ) علامات ترشدنى عشان ما انساش بعدين بمسحها فى التشطيب النهائى فيه كمان اللزمات وانا بدون بعدمل خط فوق الحروف بعدين الزوايا اللى على جوانب الخط بضيفهابعدين فى مرحلة التشطيب ودى بتحتاج تركيز مهم لأن ممكن وانا بدون بعمل الخط ممكن يكون اطول او اقصر يعنى ييجى على حرف غنا وهو من اللزمة ودى محتاجة ايضا انظر اليها بدقة فى التشطيب يعنى العملية مش سهلة زى ما اى حد مش بيفهم فى المواضيع يتخيل ناهيك عن ان ساعات مطرب من العمالقة يعمل فزلوكة يستعرض عضلاتة بتبقى مش واضحة ليا بسرعة عامل الموضوع زى مثلا
المدون الشاطر اوى لما بيسمع اى جملة موسيقية بيبقى زى ما تعمل املاء لواحد فى اللغة العربية يعنى بيفهم الكلام ويكتبوا تيجى الفزلوكة دى تبقى عاملة زى لغة اجنبية انا معرفهاش اتخيل حاجة واكتبها تطلع مش هى يعنى مازورتين فى اغنية لفايزة قعدت اعمل فيها نص يوم وللعلم كان ممكن اتكبها سهلة وماحدش ياخد بالو بس الامانة الفنية
مع اطيب تحياتى عادل صموئيل


التعديل الأخير تم بواسطة : عادل صموئيل بتاريخ 20/11/2013 الساعة 20h14
رد مع اقتباس
  #2003  
قديم 20/11/2013, 13h25
الصورة الرمزية Anitta
Anitta Anitta غير متصل  
مواطن من سماعي
رقم العضوية:503152
 
تاريخ التسجيل: mars 2010
الجنسية: مصرية
الإقامة: مصر
العمر: 22
المشاركات: 12
Smile رد: طلبات نوتة أ / عادل صموئيل الجزء الثانى

استاذ عادل شكرا على النوتة جميلة جدا و ان شاء الله لما نعملها تطلع حلوة كدا زي ماهي فالنوتة .


الاخت العزيزة
ده انتى وشطارتك بقا
انا حاولت ابسطها على اد ما اقدر انتى عارفة التوزيع بيلخبط
فيه حاجة اغنية امال ماهر سمعتها مش فاهم الموسيقى خالص يعنى التوزيع مضيع اللحن مش عارف اجيبو عاملة زى الكشرى يعنى ماتقدريش تفصلى اى عنصر منو كلو ملخبط
مع اطيب تحياتى عادل صموئيل

التعديل الأخير تم بواسطة : عادل صموئيل بتاريخ 20/11/2013 الساعة 20h18
رد مع اقتباس
  #2004  
قديم 20/11/2013, 17h21
الصورة الرمزية salhi_haithem
salhi_haithem salhi_haithem غير متصل  
مواطن من سماعي
رقم العضوية:497828
 
تاريخ التسجيل: février 2010
الجنسية: تونسية
الإقامة: تونس
العمر: 36
المشاركات: 1
افتراضي رد: طلبات نوتة أ / عادل صموئيل الجزء الثانى

السلام عليكم ورحمة الله
تعليقا على كلام أخي العزيز وحيد فريد هو الأستاذ عادل حسب معاشرته لا ينحاز لطرف معين أو يلبي طلب لأناس معينين لكن فيه أخوة يطلبون العديد من الطلبات يعني بعد كل صفحة تجد طلبات جديدة و فيه أناس يطلبون طلبات في كل تسع سنين طلب و في حالة ما أنه الأستاذ عادل مدونش طلبات الناس اللي ما يطلبوش يبان أنه الأستاذ عادل ما يستجيبش لهم و منحاز لأطراف معينة و هذا غير صحيح
وجهة نظر تحتمل الصواب أو الخطأ
المهم في إنتظار جديد نوتات فايزة أحمد
هيثم

اشكرك اخى العزيز هيثم
حنزل حاجة حلوة صغيرة لفايزة احمد حالا
وبشتغل على اغنية طويلة من العيار التقيل اوى اوى 17 صفحة انا خلصتها لكن براجعها ووجهة نظرك صحيحة لكن اكرر فيه اغانى بكون بحبها اوى اول ماحد يطلبها تلاقينى على طول نزلت المف الصوتى واحسب حكايتها يعنى مقمها وميزانها

وتلاقينى قبل ما اقفل الجهاز واخرج ( اصلى مش بقعد ع الكمبيوتر وقت طويل بقعد نص ساعة وبعد شوية نص ساعة وهكذا ) تلاقينى على طول فتحت ملف انكور وكتبت الدليل واول مازورتين كده بحس انى ابتديت فيه احيانا بتبقى الاغنية ماشية وسكتها سهلة ولو كوبليه واحد وبيتكرر ممكن ومع انى بكون حموت من التعب بكتبها واخلص منها اهو الواحد يخف الطلبات شوية
مع اطيب تحياتى عادل صموئيل

__________________
ღღღღღღღღღღღღ
أستاذ عادل صموئيل لك مني كل عبارات الشكر و العرفان

التعديل الأخير تم بواسطة : عادل صموئيل بتاريخ 20/11/2013 الساعة 19h51
رد مع اقتباس
  #2005  
قديم 20/11/2013, 21h14
wahidfarid wahidfarid غير متصل  
عضو سماعي
رقم العضوية:465817
 
تاريخ التسجيل: octobre 2009
الجنسية: مغربية
الإقامة: اسبانيا
المشاركات: 1
افتراضي رد: طلبات نوتة أ / عادل صموئيل الجزء الثانى

شكرا آستاذ عادل على سرعة الرد و ليس قصدي التجريح و لكن شعور عابر بالإحباط كما آني أرى قبل تدوين الأغاني الحديثة أن نتمم أغاني الزمن الجميل فعلى سبيل المتال هناك أغاني كتيرة للراحل فريد لم تدون بعد و اعتقد ان فلسفة هدا المنتدى هي إعطاء الأولوية لكبار الفنانين
أتمنى مكونش زعلتك فانا تلميدك و أحترم فنك و جهودك الجبارة في سبيل الموسيقى الشرقية
مع تحياتي
رد مع اقتباس
  #2006  
قديم 20/11/2013, 22h14
muhamadibra muhamadibra غير متصل  
مواطن من سماعي
رقم العضوية:660478
 
تاريخ التسجيل: octobre 2012
الجنسية: مصرية
الإقامة: السودان
المشاركات: 9
افتراضي رد: طلبات نوتة أ / عادل صموئيل الجزء الثانى

اعتقد ان هناك عنصر اضافي في موضوع اولويات التدوين لدي المدون المحترف مثل ا عادل وهو المزاج والاستعداد النفسي والقبول للغنوة التي يدونها او للمطرب - فالمدون فنان حساس يعمل بمزاج وانا متخيل ا عادل وهو جالس الي الكمبيوتر ويستمع للحن ويكتب بتركيز - يمضي الساعات الطوال في هذا الامر لميلاد نوتة جديدة نستمتع بها علي الجاهز ربنا يكرمك ويعطيك الصحة
د محمد ابراهيم
رد مع اقتباس
  #2007  
قديم 20/11/2013, 22h21
الصورة الرمزية Anitta
Anitta Anitta غير متصل  
مواطن من سماعي
رقم العضوية:503152
 
تاريخ التسجيل: mars 2010
الجنسية: مصرية
الإقامة: مصر
العمر: 22
المشاركات: 12
Smile رد: طلبات نوتة أ / عادل صموئيل الجزء الثانى

انا متشكره جدا و ان شاء الله تطلع حلوة عشان تدوين حضرتك
بالنسبة لأغنية امال ماهر انا مش عارفة حضرتك تقصد انهي واحدة فيهم بس لو مش سهلين و هيتعبوا حضرتك يبقى مش مشكلة و انا همشي نفسي بالأغنية ال معايا و ادور على نوتة لأغنية تانية منكش عملها قبل كدة

عزيزتى انيتا
انت عارفة انا بعتز بيكى اوى يعنى على صغر سنك مجتهدة وشاطرة وبتعزفى اكتر من مدرسين كتير وانتى لسة طالبة .. وبالطبع نفسى اعلمك كل شىء اقدر اعلمو ليكى ( والكلام للجميع وكل من يحب يستفيد من خبرة راجل عجوز غلبان )
انا عارف انتى بتعزفى اورج يعنى بتعزفى لحن واحد واى واحد بيعزف بيعزف لحن واحد هو الميلودى يعنى قبل ماتختار لحن تعزفه دندنه مع نفسك لو قلته يبقى ممكن يتعزف حلو لكن المصيبة فى الاغانى الحديثة ان عشان الجمل الموسيقية بقت اى كلام الى حد كبير مالهاش قيمة بيغطوا ع العيب ده بالتوزيع .. والتوزيع بيحاولوا يبقى زحمة على قد ما يقدروا بيقلدوا الطاووس يبقى افش ريشه لكن هو فيه لحم اد الفرخة
اغنية تتصوروا انا سمعتها خمسين مرة مش فاهم الموسيقى اللى فيها يعنى زحمة اوى اوى مش عارف اصطاد حتى اللحن الاساسى فلو انا كتبت اى حاجة خط لحنى واحد وانتى عزفتيها اللى حايسمعها حيقول دى اغنية تانى بعكس الاغنية بتاعة لو بتحبوا البلد دى مثلا فيها زحمة ايوه بس الميلودى ممكن يتلقط ولازم تاخدى بالك من الموضوع ده
يعنى تسمعيها تقدرى تدندنى مع اللحن ولعلمك ده مهم جدا جدا جدا ليكى انك تشغلى ودنك .. يعنى المتميزة اللى زيك المفروض بعد وقت قليل تعزفى سماعى تطلعى كل اللى نفسك فيه ... لما تسمعوا اغانى زمان مكانش فيه توزيع لأن موسيقانا الشرقية حلاوتها فى الميلودى لذلك تلاقى كل الجمل الموسيقية تجنن وممكن انت تقدر تعزف الاغنية من اولها آخرها على العود مثلا وتطلع تجنن واللى يسمعك مايحسش حاجة ناقصة ... وزمان لما كان واحد بيحب يوزع اغنية اولا بيوزع فى اغنية من كل خمسين اغنية وثانيا بيوزع جملة واحدة فقط بيكون النغمات فيها عريضة وطيلة عشان يبان التوزيع عليها والاهم والاخطر ان التوزيع بيبقى حاجة كده زى الست الحلوة لما تحط اى حاجة اكسسوار يعنى كمالة شياكة وعمر التوزيع ماكان بيأثر على اللحن الاساسى ... يعنى عبد الوهاب مثلا كان بيعتز اوى اوى بالجملة بتاعتو مش معقول يخلى واحد بيوزع يبوظها لو انو يعمل عليها دوشة تغطى عليها ولما تكونى فاضية فى الاجازة حاولى شوفى كل النوت اللى انا كاتبها حتلاقى حاجات كتير حلوة تنعك عشرين سنة .. وبينى وبينك اقول لك على سر بس ماتقوليش لحد هاتى ودنك
انتى لما بتعملى حفلة فى المدرسة اهم ناس فيها مين بيسمعوكى ؟ الناس الكبار يعنى المدير والناظر والمدرسين الكبار واذا جالكم ضيف وكيل وزارة ولا وزير ولا اى حد خلى بالك دول بيسمعوا مين ؟ ام كلثوم عبد الحليم وردة وفايزة والناس دى مابيسمعوش اللى بيغنوا دلوقتى لذلك ركزى على الاغانى القديمة الحلوة اكتر
مع اطيب تحياتى عادل صموئيل


التعديل الأخير تم بواسطة : عادل صموئيل بتاريخ 21/11/2013 الساعة 03h08
رد مع اقتباس
  #2008  
قديم 20/11/2013, 22h46
الصورة الرمزية نور الصباح
نور الصباح نور الصباح غير متصل  
مواطن من سماعي
رقم العضوية:63001
 
تاريخ التسجيل: août 2007
الجنسية: مصرية
الإقامة: مصر
المشاركات: 0
افتراضي رد: طلبات نوتة أ / عادل صموئيل الجزء الثانى

حبيب قـــــــــــلبى وحبيب كل أعضـــــــــــاء منتدانا الجميل
الفنان الكبير الأســـــــــــــــتاذ :
عـــــــــــــــــــــــــــــــــــــــــــــــــ ــــــــادل باشـــــــــــــــــــا صموئــــــــــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــــــــد :
بما أن المزاج فى هذه الأيـــــــــــــام ( فايــــــــــــــزاوى )
واعترفـــــــــــا منا بصوت كروانة الشرق ( فايزة أحمد )
وجمال صوتها واتساع ومقدرة حنجرتها
نرجوا تدوين هذه الأغنيات : --
1 - دوبــــــــــــنى دوبـــــــــــــــ والملف الصوتى بالصفحة رقم 229 بتاريخ 9 / 11 / 2013
2 -حمال الأســـــــــــــــــــــــــية والملف الصوتى بالصفحة رقم 229 بتاريخ 9 / 11 / 2013
3- صعــــــــــــــــــــبان عليـــــــــــــــــــــــنا منكم صعبان علينا والملف الصوتى بالصفحة رقم 231 بتاريخ 12 / 11 / 2013
4- الأيـــــــــــــــــــــــــــــــام والملف الصوتى بالصفحة رقم 231 بتاريخ 12 / 11 / 2013
5 - حـــــــــــــــــــــــــــــــيران كده ليه يا حبيبى والملف الصوتى بالصفحة رقم 231 بتاريخ 12 / 11 / 2013

وشكرا لكم وحفظكم الله على الدوام لرفعة الفن العربى الاصيل
وشكرررررررررررررررررررررررررررررا
أخوكم
نور الصباح

الاخ العزيز
انا دونت لك طلبات كتير يمكن انت اكتر واحد دونت لو طلبات ممكن تنتظر شوية ييجى 7 سنين كده على مانشوف بقية طلبات الاعضاء عشان فيه ناس بتزعل
وبعدين مفيش داعى لتكرار الطلب انا شفتهم من اول مرة
مع اطيب تحياتى


التعديل الأخير تم بواسطة : عادل صموئيل بتاريخ 20/11/2013 الساعة 23h51
رد مع اقتباس
  #2009  
قديم 21/11/2013, 02h52
الصورة الرمزية عادل صموئيل
عادل صموئيل عادل صموئيل غير متصل  
Moderator
رقم العضوية:249452
 
تاريخ التسجيل: juin 2008
الجنسية: مصرى
الإقامة: مصر
العمر: 69
المشاركات: 70
افتراضي رد: طلبات نوتة أ / عادل صموئيل الجزء الثانى

احبائى
اقدم لكم من اغانى الفنانة صباح الشهيرة

يا دلع يادلع

انا دونتها حالا الساعة 4 صباح فجر الاربعاء علما بإنى صحيت من النوم امس الساعة 9 صباحا وكان يوم مش حلو فى تاريخ مصر يعنى الاخوة الاخوان شعب الله المختار امبارح عملوا لنا حفلات بكام تخريب وكام تدمير وكام عملية ارهابية
طبعا جو يخلى الواحد مايعرفش ينام يعنى صاحى من 40 ساعة دلوقتى حاولت انام ماعرفتش انام لن الاخ اللى طلب يادلع من فترة حسيت انو زعلان وانا ماقدرش انام وحد زعلان وفى امكانى اقدم لو الشىء اللى هو طلبو مهما كلفنى ودى طبيعتى عادة .. زمان من 30 سنة سمير غانم عمل اغنية على لحن غربى جميل فى الموبيت شو اسمو منا منا
الاغنية اسمها انا راجل مش بنام وعايز انام وانا نفسى اغنى الاغنية دى لأنى مش بنام
مع اطيب تحياتى ويارب يجينى النوم
الملفات المرفقة
نوع الملف: pdf يادلع يادلع.pdf‏ (27.6 كيلوبايت, المشاهدات 895)

التعديل الأخير تم بواسطة : عادل صموئيل بتاريخ 21/11/2013 الساعة 19h22
رد مع اقتباس
  #2010  
قديم 21/11/2013, 05h01
الصورة الرمزية nader1976
nader1976 nader1976 غير متصل  
عضو سماعي
رقم العضوية:427576
 
تاريخ التسجيل: mai 2009
الجنسية: أردنية
الإقامة: الأردن
المشاركات: 0
افتراضي رد: طلبات نوتة أ / عادل صموئيل الجزء الثانى

اقتباس:
المشاركة الأصلية كتبت بواسطة عادل صموئيل مشاهدة المشاركة
احبائى
اقدم لكم من اغانى الفنانة صباح الشهيرة

يا دلع يادلع

انا دونتها حالا الساعة 4 صباح فجر الاربعاء علما بإنى صحيت من النوم امس الساعة 9 صباحا وكان يوم مش حلو فى تاريخ مصر يعنى الاخوة الاخوان شعب الله المختار امبارح عملوا لنا حفلات بكام تخريب وكام تدمير وكام عملية ارهابية
طبعا جو يخلى الواحد مايعرفش ينام يعنى صاحى من 40 ساعة دلوقتى حاولت انام ماعرفتش انام لن الاخ اللى طلب يادلع من فترة حسيت انو زعلان وانا ماقدرش انام وحد زعلان وفى امكانى اقدم لو الشىء اللى هو طلبو مهما كلفنى ودى طبيعتى عادة .. زمان من 30 سنة سمير غانم عمل اغنية على لحن غربى جميل فى الموبيت شو اسمو منا منا
الاغنية اسمها انا راجل مش بنام وعايز انام وانا نفسى اغنى الاغنية دى لأنى مش بنام
مع اطيب تحياتى ويارب يجينى النوم

بداية اشكرك يا استاذ الكل على الابداع المتدفق والمتواصل بالنوتات الجميله.

كما انتهت حركة النازيين في المانيا، واختفت حركة الفاشيست في ايطاليا، وتم القضاء على عصابة آل كابوني في الولايات المتحده، ستنتهي عصابة الخوّان قريبا ان شاء الله وترتاح منها ام الدنيا وكل البلاد العربيه وحتى الاجنبيه.

اخيرا امنيتي بنوتة اغنية الاستاذ محمد عبد الوهاب: بلاش تبوسني في عيني، وما شجعني على طلبها هو ما جاء في ردك على احد الاعضاء بهذه الصفحه، وتقبل اجمل تحياتي
رد مع اقتباس
رد

Tags
عادل صموئيل


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى


جميع الأوقات بتوقيت GMT. الساعة الآن 07h35.


 
Powered by vBulletin - Copyright © 2000 - 2010, Jelsoft Enterprises Ltd