فن النميم

[ابو شنب]

السلام عليكم
حفلة جميلة اخرى وبصوت مميز للفنان الزعواط والفنان ابوحسن اتمنى تعجبكم وفيه كلام جميل وكله معانى
قال أبوحسن:
من الى معاها جات ماشى من بينيهن
ومحطات الغرام فوق القلب بانيهن
عيونك منعسات بالله لى بينيهن
السيقان قزازجذبوا الهدوء بينيهن

[عيد سلطان]

الشكركل الشكر موصول الى الاخ / ابوشنب على الاضافات الجميلة لفناني النميم محمد ابوحسن والليثي والامين وطبل الرجوج واليك هذا البيت فى مدح الرسول صلي الله علية وسلم للفنان / الشحات عملاق النميم فى زمانة ( قرية المالكي)0:-
صلاة الله على طة الحبيب المرضي
بملئى العرش واللوح والسماء والارضي
واضعاف واضعاف السنن والفرضي
تغشاك ياابن عبد الله نضيف العرضي

[حمادة العبادى]

والله يااخ اب شنب انت متعتنا كتيـــر بفن النميم .... وشــاااااااكرين لى كل الاخوة الى شاااركو فى الموضوع بمداخلاتهم والخانات الجميلة المكتوبة ..... بس يااخوانا انتو نسيتو فنان كبير بردو من درااو الفنان الريحانى (ابوحسن) والفنان اب لولى .... والله الناس دى قاالت كتير فى فن النميم والهركاك .... بس المشكلة ان التسجيلات بتعتهم نادرة جداا او تقدروا تقولو اندثرت مع تغيرات الزمن ... انا فاكر سمعت لية خانــة بتقول

لية من غير سبب محبوبنا يعــادينا وبعد ما بنا فى قلبى
المحبة متيــنة ... وفاااااارق لية مدد وفاضليــن وحدنا ادينا
حتى الطيـــف رحــل شـاف واادى غير واديـنــا.. (حيـــاك والله ) يابو حسن

خااااايف اقولة اة وقولت اة علية تقيلة انا الهموم الى علية والله الجبال
ما تشيلة اليلة انا شيــخ العــرب والله خاطى الميلة وحاشاك يا ابو حسن ما تبقى انت خميلة .....
____________________
حمــادة عمر العبـــادى

[ابو شنب]

اولا السلام عليكم ورحمة الله وبركاتة
سلامى للجميع وخاصة ابومنى الراجل بتاع المعانى وسلامى التانى للاخ العبادى
انا ان شاء الله هارفع لييكم كتير ان شاء الله من النميم الجميل والنادر اما بالنسبة للاخ العبادى طبعا الفنان ابوحسن غنى عن التعريف وانا شخصيا باعتبرة اجمل فنان هو والزعواط الله يرحمهم جميعا اما الفنان التانى للاسف معنيش لية حاجة ومسمعتش عنة قبل كدة وابوحسن هو الفنان الوحيد الى وقف قصاد الزعواط وقاوم معاه وقال قصادة كتير
ولى تصحيح بسيط على قول ابوحسن :
لية من غير سبب محبوبنا يعادينا
بعد مابنى فى قلبى المحبة مدينة
وسافر لية مدد وفضلنا وحدنا ادينا
حتى الطيف رحل شاف وادى غير وادينا
وان شاء الله هارفح للفنان ابوحسن والسلام عليكم

[ابو شنب]

اول مابديت بامدح نبينا الهادى
ابوقمر شلع نور جميع الوادى
وبصلى عالى عمل للناس اصول ومبادى
بسم الله فوق خالق العباد انا بادى

اول مابديت انا قلت باسم الله
واتوكلت عالى ما لينا غيرة اله
ويوم الصراط يتمد و الامر للة
يضمنا الرسول الى والدة عبدالله

بصلى عاللى امته يحاديها
من بين الامم لما ربنا يناديها
يقول ليه امتك فوق الصراط وديها
يضرب ايدة فوق صدره يقول قديها

[ابو شنب]

السلااااااام عليكم ورحمة الله وبركاتة
عدنا اليكم من جديد والفن الاصلى الفن الروعة بس للى يفهموا
وانهاردة جايب ليكم مقطع جميل جدا للفنان ابوحسن والليثى بس معلش لو الصوت مش واضح او فية دوشة وانتم الزم تعذرونى عشان التسجيلات دى قديمة جدا جدا جدا يعنى مثلا الى انا جايبة انهاردة دة تسجيل تقرييبا من السبعينات يعنى تراث بجد وانا والله بتعب جدا عشان اجيب ليكم التسجيلات دة واخيرا سلامى للاخ ابومنى ولكل الناس الى بتفهم وليها فى المعانى

[خالد اسوانى]

افوت جنب القبور وافكر رقاد القبر
اقول لنفسى توبى ومن المعاصى اعتبرى
قلم الحفظه عيل يكتب مسطر ومبرى
وربك ما بفوت قد ثقب الابرى

خالد حفيد الفنان الليثى

[ابو شنب]

السلااااااااام عليكم ورحمة الله وبركاتة
للاخ خالد اهلا بيك وانا فرحت جدا لما عرفت انك حفيد الليثى واتمنى يكون عندك مشاركات كتيرة لجدك الفنان الكبير الله يرحمة واتمنى تشاركنا بيها وشكرا ليك تانى
من قول اليثى الكبير فنان المعانى : فى ليلة جمعة دهب :
بقول لجمعه للاصحاب عملت نقابه
ولدك ناجى ليه للباب ونمشى رغابه ( بهوانا يعنى وبكيفنا)
عندة تلات بلاد وعالناس ولا بيتغابى
نجع الشيخ مع نجع العرب والغابه
الله الله يليثى والله فنان كبير الله يرحمة ويحسن اليه

[خالد اسوانى]

اكيد اخى الكريم
وبوعدك انى برفع حفلات كتيرة سواء نميم او مربوع
ولك منى كل الشكر والتقدير
واضيف ان اليوم الليثى عندة ولد اسمة عمرو الليثى وهو نسخة مكررة من والدة
ونرحب دائما بكل ضيف كريم محب للمعنى الاصيل
بمنزل الاسرة بدراو الغابة الكبيرة

[ابو شنب]

السلام عليكم كيف حالك يولد الفنان واهل المعانى
والله انا فى سفر حاليا واتمنى انى لما ارجع ازوركم وانا كنت اتمنى من زمان انى التقى بواحد من اهل النميم
فمابالك لما يكون ولد الفنان الكبير الليثى وانت بتقول كمان دة نسخة من والدة الفنان الراحل الليثى دى شى ممتاز وانا ان شااء الله لما ارجع هحاول ازوركم ان شاء الله
انا راقد مريض ووصفولى بذر الخلى (الخل)
وابوى يدور فى البلاد مامخلى
ولما برد اليل محبوبى جاء داخلى
مسك رجل السرير يبكى ويقول ياخلى