امثال من الموال والمربعات فى الفن الشعبى

[بيومى الخولى]

كرامة المرء اغلي شئ في حياته
هي السعاده وهي العذم في حياته
ولو طمع يوم هيبقي له ايه في حياته
خالص تحياتي الي الحاج سمير عاشور الجمال علي الفيديو الجميل ده وهات كل جديد في جرابك احنا في انتظارك علي احر من الجمر
بيومي الخولي

[بيومى الخولى]

اسمع يا عاقل معاني فننا وعبر
يالي مبتسمعشي فن اسمع فننا تسمع
ويالي بتسمع غن غير فننا تتعب
تسلم ايادي الحبايب
نور زايد
سمير عاشور
محمود عادل
حبابي وحبايب حبيبي يوسف شتا

[السعيد عبده]

عرفت عينيه الدموع يا منيتى بعدك

والسر بين الضلوع أشكيه لمين بعدك

صبحت مثل الشموع لما الزمان بعدك

حاولت أنسى همومى والعذاب أخفيه
وغصب عنى بيجى الشوق يغلبنى
بيضيع منى نصيبى والأمل أخفيه
وصبح عزولى بكلام اللوم يغلبنى
سهم المحبه جرحنى والألم أخفيه
وان جيت أنسى ألاقى الحنين يغلبنى

يا عز لاحباب أنا قلبى هوى قلبك
أعيش فى عز وسعاده لو رضى قلبك
قلبى إليك انفتح بقى قلبك
والجنه فى قربك والجحيم بعدك

[بيومى الخولى]

هكلها بالملح واترك يا عويل عسلك
واسند علي الحيط ولا امسكشي في يوم عصا لك
وهديلك درس والفيده تكون عسي لك
دبلت ورد الصفا خالص وعصته وحل
مشتني في طريق كان ديق وسكته وحل
ابعد وسيب سكتي اللي ملتها وحل
لا تقرصني يا نحل ولا عايز ادوق عسلك

بمسي غليكو كتير مسا مني زايد
فيض عطاكم غزير ونهر علي السامعين زايد
سلامي لعمي سمير ومنساش نور زايد
عاشق فن يوسف شتا بيومي الخولي

يا صغيرين ع الهوي نزلين بحوره ليه
ولمتو ع اللي انكوي وذدتو الملامه ليه
جرحكو ملهش دوي ومنها بتبكو ليه
لبستو توب العجب وبتعملو عايقين
وقتلكو حب المظاهر وانتو به عايقين
منتوش قد العياقه وتعملو عايقين
لما انتو عاشقين غرقتو في شبر ميه ليه

بقول نور يا منور سماعي اسمع

بقول نور يا منور سماعي اسمع
لا حسد ولا سوء نيه بيومي يديلك
نصيحه لله انصت للكلام واسمع
لاخلي يوسف بلفظه الحلو يديلك
وابدعو بالجديد والكلام اسمع
لاخلي قلبي بدعوة حب يديلك
خالص تحياتي لامراء قصور يوسف شتا
ومبروك عليك تاج الاماره يا عم نور انا بالنيابه عن كل الاعضاء بهديه لك
وتحياتي لعلو زوق الاستاذ منصور ويارب يديم التواصل
ومنساش حبيبي سمير عاشور كبير القضاه وميمنة الامير
وتحياتي لكم جميعا
بيومي الخولي


الحل والضضف عرفو اسم بعضيهم
وسهرو ليل الهنا بيسامرو بعضيهم
الاتنين من اول مقابله حبو لعضيهم
انت فين يا عم نور


راجل وعياب يجيب العيب في اللي برئ
وعن العطاشا يخبي الميه في الاباريق
ومعدنه صفيح صداه مداري في البرئ
ان قلتله سر دغري تلتقبه نشره
قال انه جاب الحديد مسك الورق نشره
اكمنه مزاع غسيله علي الحبال نشره
من كتر فشره يقول البغل في الابريق
وانا بضم صوتي لصوتك يا استاذ منصور وبطلب من عم نور نفس الشريط اللي اسمه موواويل قليوب وبقول يا نور باشا انت لاذم تستحملنا لانك انت سمييييييييع وتعرف مدي حب سميعت يوسف شتا لفنه
دا كملة الموال اللي كتبه منصور
لابس مزوق تغش الناس شوف حالك
وتقضي ليلك سهر بتلف شوف حالك
سايب مراتك تقاسي الويل شوف حالك
اكل عيالك بلاش اللف علي الفاضي

[سيد رمز]

ياللى انت مغرور اوى وبتعجبك نفسك
والكبر خـــــلاك فى الغفلة نسيت نفسك
بتعيب ع الناس ولية تنسة عيوب نفسك

[يوسف رجب]

للـفن عشـاق غير الفن ما ليـهم
من حبهم فيه صرفوا عليه ما ليهم
وميلهم الى الفن جعل الفن مال ليهم
شـجرة بتطرح معانــى طيبه بدليل
والحج يوسف جميل فى القلب ماليهم
ان شاء الله قريباً ححمل لكم السيرة الهلاليه بأجزائها الثلاثة مع تحياتى للجميع اخوكم يوسف رجب كفر الدوار البحيره

[نور زايد]

المشاركة الأصلية كتبت بواسطة بيومى الخولى

بمسي غليكو كتير مسا مني زايد
فيض عطاكم غزير ونهر علي السامعين زايد
سلامي لعمي سمير ومنساش نور زايد
عاشق فن يوسف شتا بيومي الخولي

يابيومى ياخولى ياساكن امياى قليوبية
ماهو الكرم طبع ومتؤلش الاصل قل بية
ماهو عمنا يوسف برضة من القليوبية
متعنا بفنة وليالى معهودة
الخير والجودة نابع من القليوبية

[منصورسعيد]

الف شكر ليك يا استاذ/ نور
على ردك الجميل وعلى اهتمامك بطلبى
وان شاء الله فى انتظار العمل الجميل ده
ودمت بود


دقيت على الابواب قالو كفايه كفايه ده مفيش حد
ونديت على الاحباب قالوا كفااااايه ومين هايرد
يا ترى عمنا الأستاذ/نور زايد مسافر ولا ده تقل علينا
يا رب وانتا جاى ترجعلنا برائعه يا صحبى ليه بعتنى
اوعى تزعل من ردى ده
انا بس عاوز اندمج معاكم فى الردود ولعل المانع خير
ودمت بود وتقدير


أفتح يدك اليمين !

عن جد إفتحها

بوس طرفها

حطها على خدك

هذي مني لك
بجد مش عارف اقول لحضرتك ايه يا استاذ/ نور لأنك اهتميت بياوبطلبى كده وبقول لحضرتك تسلم ايدك على ما احضرت ونردهالك فى الافراح
وكمان منساش الاستاذ الغالى / بيومى الخولى اللى نور الدنيا بالرد عليا وكلماته الجميله ليا وبقوله تسلم على ذوقك
وببعت سلامى للأستاذ/ سمير عاشور اللى ربنا هايجمعنى بيه بموضوع بأذن الله
وعلى فكره يا استاذ نور البوسه اللى فى الاول دى مش ليك بس
دى لثلاثى اضواء موسوعه سماعى
الاستاذ/نور زايد اللى نوره ذايد
والمايسترو/ بيومى الخولى ( خولى جنينه سماعى)
والباشا سمير عاشور اللى هاتشرف بيه فى اقرب وقت
ودمتم بكل حب واحترام
اخوكم //منص

يا اللى انتا تعبان وقلقك ملوش داعى
تعالى واسمع كلام نور فى سماعى
والباشا عاشور منور بالأوى سماعى
والحاج بيومى دايما عندى فى سماعى
والخولى دايما هنا وللكل اهو داعى

تسلم ايدك على زوقك انتا يا استاذ بيومى
ودمتم جميعا بكل سعاده وحب واحترام

مادمنا بقينا حبايب بقى تسمحلى اطلب منك طلب يا نور باشا
فى شريط فى الكوبليه ده
المعدن اللى اشتراه واهو عجبه تلميعه
صفيح مطلى عجبه يغر تلميعه
ولما ظهر الصدا معجبتش تلميعه
ام راح يبيعه مجبس قرش تعريفه
وكمان
يااللى انتا تعبان وعقلك م الدماغ فاضى
عاملى حبيب وجيبك م الفلوس فاضى
عامل زى الرحايه اللى ديره تلف عالفاضى
سايب مراتك تقاسى الويل شوف حالك
اكل عيالك وبلاش اللف عالفاضى
.......
يا ترى تعرف الشريط ده اسمه ايه يا نور باشا
ويا ترى ممكن تجيبه ولا لاء
واسف انى بتعبك بس اعمل ايه
مانا بحب يوسف وشكلى هابتدى احبك انتا كمان
ودمت بكل ود وتقدير وحب وكل شىء حلو
ودمت لينا صياد من بحر يوسف شتا

[بيومى الخولى]

المخلوقات كلها بالطبع عبيد الله
من عهد ادم لحد الان عبيد الله
صاحب المعالي اللي وحشنا كتير
الاسم سمير لاكن النقب ابو عبدالله
فينك يا ابو عبدالله من ذمان والله وحشنا كتير وفين سهراتك الجميله انا عارف انك مشغول والله كان الله في العون بس برده متنساش حبايبك
علي العموم كل عام وانت بخير ونورت مكانك
اخوك بيومي الخولي


ان كنت راجل متزعل الا من راجل
الندل دايما يعيب ويغير من راجل
والعيب عمره مييجي في يوم من راجل
قطر الحسد لو تقف في سكته يدوسك
ومهما تكرم قليل المعرفه يدوسك
سيبك من الهلس دوسه قبل ما يدوسك
واصرف فلوسك علي راجل تعيش راجل

بهديك يا لاعم نور
وحياة جمالك وورد الخد وعيونك
ونور جبينك وحسن القد وعيونك
داري الجمال اللي من غير وصف في عيونك
ورق وحياة حنان قلبك علي عاشق
صبر وقاسي كتير من الهجر واتحمل
ولسه عندي امل بعد الفراق عايش
يا اعز الاحباب كفايه عذاب واتحمل
اللي يلومني يجرب لوعة العاشق
ويسهر الليل بس ان كان يتحمل
سمع كلامي ضحك سنه وظهر العود
في رقته غصن بان واجمل وظهر العود
لما حبيبي خطر غنيت انا علي العود
وقلت يا حسود حصوة ملح في عيونك

بعد الحبايب علي كان بغير خاطري
والشوق اصله كواني في الفؤاد خاطري
شاورو من البعد لاكن لم رضي خاطري
يا طيور يا نسيم خدو مني سلام ودوه
وروحو لحبايبي اللي يوم غابو مودعونيش
قولو لهم خلكم روحو في المنام ودوه
سافرو بدون علم وانا غايب مودعونيش

لو كان حداكم دوي روحو للعليل وادوه
انا روحي فيهم وباديهم مودعونيش
كان قلبي يرتاح لهم والعين في رحابهم
علشان ايه سابوني وانا محتاج لرحابهم
من يوم غيابهم وانا واخد علي خاطري

يسعد صباحك يا ماليه من سواقينا
يا طالعه ومبدره من جار سواقينا
انا وانتي يا مسعده صدفه سوي جينا
احلف بشرفي وانا صادق في ايماني
بين الصبايا الملاح لم شفت مساليكي
يا اهلي لمحبتي الطاهره وايماني
يا اللي العفاف والكرم الاتنين مساليكي

[نور زايد]

أسمــــــــر حليوة خفيف الدم محبوبى
رمشة جرحنى وساب ألجرح محبوبى
يامــــــين يجب لى دوا درهم محبوبى