السمسميه وشعبيات البحر الأحمر - الصفحة 3

**elazf** · #21 12/05/2007, 10h06

جلسة طرب فى الغردقة فى اواخر السبعينات ... وحضرها مجموعه من ابناء ينبع ... انا طبعا ما كنت من الحاضرين
لكن حكي لي عنها العم أحمد على عبدالحليم و قد كان هو من قام بتسجيل الجلسه
هو للاسف نسي اسم الشاب الصغير اللي بيغني فى الطرب
اسيبكم مع اغنيتين عجبوني جدا من الجلسة ويريت يعجبوكم

حلوين من يومنا والله
على بلد المحبوب

**elazf** · #22 25/05/2007, 13h46

يالخيزرانه

تبحيرة صبحية العيد
+ ليه الحبايب عابوا فينا يا زمان

**elazf** · #23 25/05/2007, 14h21

أعمل لك صاحب للزمان

من اشهر الاغنيات على السمسمية فى منطقة البحر الاحمر أغنيه أعمل لك صاحب للزمان ...
اسمع العم أحمد جمعه وحربي حسين ومعاهم محمد حسين على السمسمية و قعدة حظ فى الغردقة
دي بعض الكوبليهات من الاغنيه :
اول قوللي وما بادي يا مسلم صلي على الهادي
اول قوللي وتفنيني قبل الزمان ما يفنيني
بمسي على محبيني
واعمل لك صاحب للزمان

ياللي سريرك بوصه اتنين .... حيرني اطلعله منين
و الغبي خد مقلبين
اعمل لك صاحب للزمان
يا سرير بنت الشبعان .. نصبوه فى الاوضه قدام
ركبته وضرب لي سلام

يا سرير بنت الفقري ... نصبوه فى الاوضه قبلي
ركبته وكسر رجلي
أصلها فقريه

ياللي بيتك ع القرنه ... لفينا البلد ودرنا
ولا حد يعذرنا

ولد ابويا البكري .. وبدلع على فقري
يبعد يروح من مكري

قاعدين على كوبري اسنا ... خبطنا الهوي ونعسنا
واللي شبكنا يخلصنا

بين الجيزة والزمالك .. طالب بوسه ومش مالك
حب يودي المهالك

عسكري وانا عبادي ... ارمي العصا والعب بأيدي
ميلي عليا واتسندي

**elazf** · #24 25/05/2007, 14h38

وحياة المحنٌه

وحياة المحنٌه بتشديد النون .. ومعناها وحياة الحنيه اللي بيننا
أداء حسن عبدالظاهر بمصاحبة الراوي على السمسمية

وحياة المحنه والريده اللي بينا ... بعد عني نار وقرب ليا جنه
وحياة الحب الاول .. الثابت ما يتحول ... بعدك عني نار وقربك ليا جنه
وحياة الغردقويه ... الناس الحظاويه .. أحلي شباب ميه ميه ... شباب السمسمية
علشان خاطر عيونك .. علشان سحرك ولونك .. علشان بسمة سنونك .. قرب ليا سنه
+
تبحيرة
كل ما جيت اقول الاه تسبقني الدموع واقوم ابكي
على غزال هرب مني وهو ملكي
أعامله بالاسيه لم يدور يشكي
يضحك ويلعب امام الناس ولما يختلي لوحده يقعد يبكي

**حسن كشك** · #25 25/05/2007, 20h31

فهرس باغانى السمسمية التى قام حبيبى وشريكى
استاذنا عمر الراوى برفعها
Elazfوذلك حتى تاريخ اليوم
كف سويسى
طنبوره الحان متفرقة
نوح الحمام
واعذابى
والله صابح ماشى
والله لا لا ولا
ولا غنى ولاصيت
هو صحيح
هجر الحبيب
غنى ياسمسمية متنوع
عزف صلاح عطيه
عينى يالخالى
على بلد المحبوب
عم يا جمال
ع العين موليتين
طنبور عزف
سمسمية عزف
شدو شراع العود
زارنى المحبوب
سمسمية حتاته
سمبوكى واقف ع المينا
ليه يا حمام
حنه سويسى
ياقلبى مين قاللك
ياولد ياحربى
يا سيدى يا سيدى
ياسيدي ياسيدي.
جاروا علينا الحبايب.
ياريس البحرية.
جاري يا حموده.
يادي الملام.
يالعصفور.
يالخيزرانه.
ياليل.
يا فاتن الغزلان.
يا سيدي.
يا رشيد القلب.
يا ليله دانه يا دانه.
يا مجمعه الصحبه.
يا ليل آن.
حلوين من يومنا والله.
بكره تحلو.
تك تك براتك.
تقاسيم2.
تقاسيم.
تقاسيم سمسمية.
تقاسيم 2.
تعال يا.
برهوم حاكيني.
تربله.
تربله.
تربله 4.
تربله .0
تربله 2.0
بتغني لمين يا حمام.
تبحيرة صبحية العيد +ليه الحبايب عابوا فينا.
بالله عليك يالموزع.
ذنبي ايه.
انت عمري.
اه يالالي يالالي يالالي.
اشتقنا.
ايش عالمك يالاسمرانيه.
ابوالعيون العسليه.
ابوممدوح.
الكاس كواني.
العب يا سلك.
الزمان مال بي.
الصلاة على النبي.
الحلو عدي.
البحرية المصريين.
البحر نايم.
الليله حلوه جميله.
موال ياللي نويت السفر.
موال يا صاحبي.
موال + زيارة النبي
آه يالالالي.
أعمل لك صاحب للزمان.
مركب حبيبي.
ليه ما جابروا بي.
ليله.2
ليله.
يالالو يا لالالي.
ماله غرض يكلمني.
آمان آمان.
وحياة المحنَه
تعبير بسيط عن تقديرى البالغ له ولمجهوده

[/size][/center]

**elazf** · #26 26/05/2007, 07h54

عازفين من البحر الاحمر

عماد يوسف

احمد سليم سباق

عمرو الراوي

سمسميه مصنوعه لى الطراز القديم ... طاره صاج و مشدود عليها جلد

**elazf** · #27 29/05/2007, 15h21

حبايبي ليه بتلوموني

حبايب ليه بتلوموني
دا حبيب روحي وعيوني
حبيته في ساعة راقه
دنيا غروره وفراقه
قلبي اللي حبه وانا مالي
والنبي يا اهل الله تسيبوني

+

أنا كل ما اشوفك
+
أنا كل ما أشوفك تجري وتستخبي ليه
طيب ما انا شفتك وجريك لزومه ايه
يا بنت الناس الاكابر
من حبك والله انا صابر
شعرك طويل
رمشك كاحيل
وانا شفتك وجريك لزومه ايه

يا بنت الناس الاماره
يا شاغله جدعان الحاره
ولا تداريش
ولا تنكسفيش
وانا شفتك وجريك لزومه ايه

طول النهار رايحه وجايه
من البلكونه طاله عليا
والله جننتيني
والله عذبتيني

يا بنت الناس الغلابه
يا شاغله شبان سفاجا
والله جننتيني
والله ضيعتيني
وانا شفتك وجريك لزومه ايه

**elazf** · #28 30/05/2007, 10h20

فى جلسات الطرب وقعدات الحظ نجد اربع مجموعات ... تلك المجموعات الاربعة هي العمدان الرئيسية لجلسه الطرب او قعدة الحظ

أولاً - العازفين : هم من يعزفوا على الالات الموسيقيه ( وهي غالباً الالات وتريه ) مثل القانون او العود او السمسمية .

ثانياً – المطربين : وطبعا دول اساس الطرب

ثالثاً – البحرية :
هم يمثلوا الكورس اللي يردد وراء المطرب و يرد عليه فى غناء الادوار و يمشوا بالكف والصفقة مع الايقاعات و الرد على المطرب فى كسرات الدور ... ويطلق عليهم هذا الاسم لان معظمهم من رجال البحر المحترفين لمهن مرتبطه بالبحر مثل الصيد والغوص .. فمنهم ريس المركب و الغواص والصياد و البحارة ......
وكسرات الدور مقصود بها جمل طربيه تنقسم من شطرتين يقوم المطرب بعد غناء الدور بغناء الشطره الاولي من الكسره ويرد عليه البحرية بالشطره الثانيه
والكسرات متنوعه ومختلفة مثل قولهم :
- يا سالمه بالسلامه .. يا سالمه يسلم ولدي
- الفل طرح يا واد ياخليل .. الفل طرح وملا البساتين
- يا حلاوه العيد يا حلاوه .. فستاني جديد يا حلاوه
ومنها ما يتعلق باعمال البحر مثل قولهم :
- سيدي وصبحنا .... قاصدين الله
- امانه يا حوت .... كيف الجلب صادك ( والجلب هو الصنار )
- أمانه يا صغير ... قرب الهوري (الهوري هو نوع من المراكب اكبر من الفلوكه حجماً )
- يا سيدي وعلمني .... علمني العوم

او كسرات العاشقين وكسرات الغزل مثل قولهم :
- يا حبيبي يالعاشق .... ضمني وارتاح
- ياحبيبي ياحبيبي ... تنسي غرامي ليه
- يا حبيبي وعجبني ... شالك الوردي
- الفضه البيضه لها لمعه .... وحبيبي يضوي كما الشمعه
- حبيبي غايب نادوا له .. والفل اتبعتر لموا له

و الكسرات الخاصة بمدح النبي محمد عليه الصلاة والسلام مثل قولهم :
- امانه يا مصلي ..... زيد النبي صلاة
- يا محمد يا نبي ... يا ساكن طيبه ( طيبه هي المدينه المنوره )
- يانبي يانبي ... صلي ع النبي ... ياسيدي وإن عجبك ... صلي ع النبي

رابعاً – العده :
و هي الايقاعات من طبل ودف و مراويس ، وزمان كان العده الاساسيه فى الايقاع هو الجركن الحديد المستخدم فى سيارات الجيب العسكريه وعادة ما يكون معلق فى خلفية السيارة ، وكان يسمي بـ الجالون وله رنه مميزه ويصدر صوت دوم قوي جدا ورنان .
و كذلك الطبله المشدود عليها جلد .
ومع تلك الايقاعات يقوم البحريه بالتصفيق بإيقاع مميز يسمي بالكف او الخمس حيث يقوم مجموعه بالتصفيق مع ايقاع العده و يقوم مجموعه مقابله بالتصفيق عكس الايقاع و هناك من يقوم بالتقسيم مع الايقاعات .*

مرفق :
* تسجيلات للكف او الخمس .
* واغنيه شفت السمك + الغزال دا لمين وفى نهاية كل أغنيه كسرة دور .

**elazf** · #29 21/07/2007, 07h36

موال يا بحر

يا بحر ياللي كلك موج ازرق
فيك الحديد يعوم وريش النعام يغرق
وحياة من سلط الحاوي على العقرب
من عاشر البيض لا ياكل ولا يشرب

* طيري طيري يا حمامه

* تبحيرة يا نجمة الصبح طلي وارجعي وروحي

**هانى حازم** · #30 02/09/2007, 04h22

1 - بورسعيد اسكندرية

2 - بورسعيد ارض الفدا

كمان اخرى للسمسمية